FFPM 356 - Ry mpanota! Mihevera

"Ry mpanota! Mihevera" - Hira FFPM 356
Mazotoa mamerimberina sy mianatra ireto hira FFPM ireto any an-trano. Dia mba samy mahay be toa azy ireo daholo isika manerana ny isam-piangonana any rehefa mihira amin'ny fotoam-pivavahana 🙂
FFPM 356 - Ry mpanota! Mihevera
1. Ry mpanota! Mihevera;
Fa miantso Kristy izao;
Izy ta-handray mpanota,
Manatona hianao;
:,: Mihainoa, mihainoa,
Ka ario ny ditranao.:,:
2. Ry mpanota! Miverena
Ao am-balan’i Jeso;
Aza dia mirenireny,
Sao iharan-doza izao:
:,: O! modia, O! modia,
Ialao ny ditranao.:,:
3. Ry mpanota! Manatona
Dieny misy antso ‘zao,
Fa ho avy ny fotoana
Mbola hanenenanao:
:,: O! avia, O! avia,
‘Zao ankehitriny ‘zao.:,:
4. Ry mpanota! Matokia,
Tompo mora fo Jeso;
Izy dia tena tia
Izay mibebaka tokoa;
:,: Matokia, matokia,
Mibebaha re izao.:,:
5. Ry Sakaizan’ny mpanota,
Ento aho ho Anao;
He! Ny tenako rehetra
No atolotro izao;
:,: Raisonao re, raisonao re
Ho fanati-tsitrakao.:,:
Source: video Fandaharana Teny Soa Mahafaly viva madagascar