原住民族語言推動組織獎-卑南族語言推動組織

semangalan benabati dratu kinipasagaran dra asanga kana Pinuyumayan.
kinikarunan semulrud palenak dra piningaiyan na Pinuyumayan kana 112 amiyan i, kipakasagar kana asanga mimi na kuredikes kandri na kiyakarunan i, salaw mi semangal.
sasungal mi kana papulrang temukudr kaniyam na inukasayan na kadrekalran maunan. sasungal mi kana adri maretru paladam kaniyan na maaidrangan. sasungal mi kana kurenang kikarun na takesian na sinsian. kadru mu aw makeser mi kikarun.
muka draniyam tralrebetreban dra mulralremes lra ta piningaiyan aw pakirungetr mi kikarun semulrud dra babilinan palenak drata piningaiyan na Pinuyumayan. tayta na Pinuyumayan i, pukasayaw ta nirangeran pakabulay benilin drata piningaiyan. semangalan!
卑南族語言推動組織榮獲112 年業務評鑑第一名，全體工作人員（計畫主持人林志興、專案林朱珮、行政陳秀如等）深感振奮與榮幸。
得此殊榮，特別要感謝我們的母會（卑南族民族議會及卑促會）鼎力的支持，更要感謝所有參與我們工作與活動的耆老長輩、族語老師、熱心族人及各個相關學校與單位，沒有你們，我們難以完成許多任務。
卑南族被聯合國認定為瀕危語言以來，存續的危機意識引領我們奮鬥努力，很高興我們走在原住民族語言復甦的道路上奮勇向前。