GOD SE KINDERS HET DEEL AAN DIE EWIGE HEMELSE EREDIENS Openbaring 5

In Openbaring 4-5 word Johannes ‘n kykie gegun in die troonkamer van die Almagtige Koning, God. En dit wat daar gebeur is amper onbeskryflik. Om God, Drie-Enig, te aanskou in al Sy heerlikheid, is letterlik asemrowend. Hier in die hemel word daar egter nie net gesit nie - dis n baie besige prentjie wat aan ons geskets word, en as ons dit mooi ontleed, dan sien ons dat dit n erediens is. God word hier aanbid deur die hemelse wesens. Maar daar is nog iets meer wat hier aan God se kinders geopenbaar word - ons het (nou alreeds) deel aan daardie erediens! Ons lof en aanbidding strek baie verder as ons aardse bestaan. Ons gebed word as wierook vir. God aangebied, en dit het ‘n kragtige uitwerking!