Mensahe Sùr Marianela Makaya /Sùr Margriet (Hulanda) - Despedida Sùrnan di Roosendaal - 23 yüni 2024

Video Mensahe ku Sùr Marianela Makaya tin pa e sùrnan, Palabranan di gratitut Sùr Margriet di Hulanda, palabranan di sùr SIRA LOURENS - Bendishon in Kantika final - “E kamindanan di mundu”.
Djadumingu dia 23 di yüni, pa 5 ‘or di atardi Obispado di Willemstad a organisá un Atardi di Homenahe i Gradisimentu na e Kongregashon di Sùrnan Franciscanessen di Roosendaal (Sùrnan di Klooster Alverna), ku despues di a sirbi komunidat di Kòrsou i Bonaire pa 182 aña largu, ta terminá nan mishon den nos Diosesis Willemstad, i ta regresá Hulanda, dia 4 di yüli. A kuminsá ku un momentu festivo riba Brion Plein na Otrobanda, siguí pa Santa Eukaristía presidí pa Obispu di Willemstad, Mgr. Luis Antonio Secco, kompañá pa varios saserdote di nos Diósesis, Diákono, Sirbidónan di Misa i hopi invitado spesial. Kor Santa Famia i Kor Guadalupana a kompañá e anochi ku nan bunita kantikanan di antaño i kantikanan religioso. Brion Plein tabata kompletamente yen di hende ku a bin tuma despedida di e sùrnan.