ฝัง
- เผยแพร่เมื่อ 20 พ.ค. 2022
- MIRROR最新派台作〈Innerspace〉的MV自推出以來反應熱烈，當中「水舞間」一幕更成為熱話。早前眾成員分享了拍攝這一幕的點滴，讓樂迷可以見識到眾人有多貪玩。
Lokman與AK今趟在〈Innerspace〉MV中成為了騷肌擔當，穿上背心展示強壯臂彎，為了顯示優美線條，二人在埋位前都狂做掌上壓，不過AK因為連夜趕拍劇又再拍MV，在水中起舞人也凍得打冷震，完成後更需要即時喝熱水。AK道：「拍親MV同好似同水分唔開，繼〈特登〉和〈REBOUND〉後，今次喺〈Innerspace〉又再濕身，但因為最近拍劇又冇乜食嘢，又俾件背心我著⋯⋯我都知我唔夠大隻，抵抗力差少少，仲要第3日拍到凌晨6點幾，攰都係正常，所以會覺得有少少凍。」而跳舞多年的Frankie對於今次「水舞間」一役則道：「我哋跳咗咁多年舞，但喺水裡面跳，好多人都係第一次，原來係非常困難，同埋好多隊友都好大力踏水！」愛乾淨的Alton被濺得全身濕透，但卻未有介懷，更說：「喺水上跳舞係最晚拍攝嘅最後一Part，但能量係幾何級數咁提升，加埋水花，大嘅腳步聲，令到個效果加成，第一次睇Playback嗰下，我哋自己都『嘩！』一聲。」
今次在水舞間起舞一幕，如要數到最貪玩的，應該非Edan、Stanley及Jer莫屬。Edan笑言出盡力起舞都多得Stanley，Edan解釋道：「嗰個景大家見到都好興奮，因為好靚，而喺水裡跳有水花都好有型。咁喺水裡面都要全力以赴，隻腳嘅力量都要全力以赴，而我係師承Stanley嘅大力踩水。」Stanley聽罷Edan的話，即道：「拍鏡頭水花大先好睇，咁為咗好睇，當然要出盡全力踏水。最後嗰幕Jeremy喺我後面，每次一完擰轉頭望住Jeremy，都係由頭濕到落腳。我有問佢使唔使細力啲，佢話唔使㗎！」Jeremy指為了有型又要靚，也未有阻止Stanley的「惡行」，並說：「冇理由叫Stanley細力啲就我嘛，只不過最尾Ending Pose，我成塊面流晒水，但都要Keep住有型。」其實當災的不只Stanley，AK因為著背心，當Stanley大力踏水時，水便由AK的腋下濺入到胸前，難怪AK會凍得打冷震。另外，Jer鏟草式的舞技也令人很傷腦筋，事關其中一幕他要跣入中間位置，但AK、Ian、Lokman及Edan當時要踎低，結果Jer未有收掣直接鏟入，AK笑指「啲水有浪㗎！每次內心都不其然Wow一聲！」Lokman更將Jer這一鏟為「狂人踩」。Jer聽到大家的形容後，都不禁失笑說：「咁好玩嘛！」本來未有加入討論的Ian都開聲道：「我踎低㗎，你咁樣飛埋嚟，你就好玩囉！」眾人你一言我一語的，人人氣氛高漲，結果Jer打圓場道：「我太投入件事，大家都要濕下身啦！」
未有發言的Tiger，則表示這次拍攝上了人生寶貴一課：千萬別行差踏錯！他說：「個Intro本身好有氣勢好大力咁跳，咁啱嗰下係跪喺度，但音樂一起太細聲聽唔到，大家起晒身又好大力好有氣勢，我一不留神，就好似有個海嘯湧埋嚟一樣，嗰下就即刻醒咗！」但Anson Lo卻道：「我幾Surprise自己冇食到水。」Tiger聽到即突破盲腸說：「我知點解佢跳舞咁大力，可以擋返啲水出去。」
此外，今次姜濤首度在歌曲中唱Rap，更要用英文演繹，他直言要「用英文說話」，這跟他的Solo作品〈作品的說話〉一樣，姜濤希望能從作品中說出MIRROR的心聲。
#MIRROR #姜濤 #盧瀚霆 #王智德 #江𤒹生 #呂爵安 #陳瑞輝 #陳卓賢 #柳應廷 #邱士縉 #邱傲然 #楊樂文 #李駿傑 #星島娛樂 #Innerspace
![รวมเพลงลูกทุ่ง 6 หนุ่มไทบ้าน ฮิตติดกระแส ชุดที่ 1 l มนต์แคน ไมค์ ไผ่ เสถียร ไหมไทย พี [Longplay]](http://i.ytimg.com/vi/GD2v1OjMw5I/mqdefault.jpg)
AK好辛苦啊，嗰期趕劇唔夠瞓又濕身拍mv，要保重啊！
12子都有好多個要夜以繼日地工作，真係要保重，加油！
見到佢哋12子甘開心，我都開心埋一份
好鍾意睇Mirror訪問，好歡樂呀！教主表情好可愛😁❤️
Ian 好興奮喎！ 駿講野叻咗好多呀💜🦄
辛苦台前幕後製作花絮🙏🏻🥰 亦都辛苦老闆係咁凍既情況下都專業演出🥺🥺 多謝星島既報道🙏🏻
AK要保重身體呀🥹🥹🥹🥹 PS 12子都要加油❤️
12個互窒永遠都係最mean最好笑😂😂柳柳搞到陳仔都忍唔住出聲mean佢😂😂😂
Jerdan 世一，Edan 全程撘住柳柳好sweet, 舞王柳果然名不虛傳一講起舞王柳產起個浪連平時冷靜嘅陳仔都忍唔住激動起上嚟😂
辛苦佢地啦
小心身體
AK: Jer剷草式 Ian: 不能同意更多
😂😂😂😂
「你就好玩囉 大佬我mou喺度架 你咁樣剷埋嚟」🤣🤣🤣🤣🤣激動陳
辛苦老闆🥺🧡🦊🖤 #ansonkong
辛苦晒老闆#ansonkong #江𤒹生 #AK , 就算咁凍都KEEP住專業, MV好好睇呀! 多謝老闆, 多謝12字🧡🦊🖤
水中跳舞好型， 12子一齊工作開心~~~❤️❤️😍😍🥰🥰 #ansonlo #ansonlo盧瀚霆 #盧瀚霆 #教主 #mirror
睇佢哋訪問最爆笑😂
老闆 #ansonkong 辛苦了🧡🦊🖤 #mirror 專業拍攝
Ian好似瘦咗好多 塊臉凹哂🥺
🌈🙏💖👨💼🌟Ak小心身體🤒🙏我祝您身體健康💪✊加油✌😃🙏💖🗽🌈
教主同兄弟一齊工作好開心仔🥰♥️
《Innerspace》BTS好正😍 教主👱🏻♂️和MIRROR一班兄弟辛苦了🙏🏻♥️ 教主跳舞和rap都好吸睛🥰♥️
老闆多啲休息，食多啲野喇！#AnsonKong 🧡🦊🖤
陳仔老闆 一人一句🥰💙🧡 柳仔好99 即刻變左小朋友 比哥哥話🤣
教主辛苦了，12子永遠做訪問都係咁可愛，咁好笑🥰
👶🏻❤️👱🏻♂️
#教主#AnsonLo#盧瀚霆
Ian !!!! Support !!!
🐨哥同那個咀jer jer坐得好開，🤣。
成個訪問都冇姜濤😵💫😵💫😵💫😵💫😵💫😵💫😵💫
Tiger 年紀細，但講嘢把聲又老牛，係吾係痴得多年長輩多，冇啲活力，真的好似隊長
Anson Lo王子😍😍🤤🤤🤤
睇到佢城地好累呀😩
Kpop
點解教主同姜濤完全冇講過嘢😩其實係咪可以平均分配呢？
其實⋯⋯12個隊員中10個有講嘢，真係少有地非常平均⋯⋯
All we need is love ❤️😌
今次算平均多人講嘢，我睇到教主樣已滿足唔講野都OK😃