كيفية المحافظة على UPS
ฝัง
- เผยแพร่เมื่อ 17 เม.ย. 2022
- كل انواع ال upsتحوي بطاريات العادي وال اونلاين
المشكلة مو بسحب الكهرباء وراح شنو تشغل عليه
المشكلة بطريقةالمحافظة عليه
وهنالك اربع ملاحظات مهمة
الاولى هي شحنه مباشرة بعد الاستخدام
الثانية استخدامه للطواري وليس كعاكسة
الثالثة عدم رفع درجة حرارته
الرابعة تركه بدون استخدام او شحن لمدة تزيد عن ١٢ ساعة يوميا
عاشت إيدك على هاي المعلومات
ايدك العايشة
اشكرك
تشكر على الشرح
اكو لحل لصوت المروحة اقصد غير نوعية أقل صوت
تدلل عزيزي
برأيي اهم شي لجميع الاجهزة هو التبريد وخاصة اجهزة ال UPS
اني رابط اضافة لمروحته مروحتين
اشتريتهن من عكد النصارى
سريعات ودفع عالي
هسة دكول الازعاج زاد
صحيح
اشسويت اني
نقل اليو بي اس للطابق الثاني
واخذت منه واير للطابق الاول كله بما فيه حاسبة ديسكتوب وبلي ستيشن٥ وشاشة ٧٥انج
واله فترة حوالي سنة ما مطفيه ابد
برايي هذا الحل الامثل
مخلص من صوته ومستفاد من كهرباته.
واي سؤال اني حاضر وتدلل
سلام عليكم اني اخذت يوبي اس جديد شنو طرق صحيحه حته حافض عله بطاريه
عزيزي اذا تشاهد فديواتي بالقناة تحصل هواي معلومات
عموما لازم تشحن ضعف الاستخدام وتوفرله حرارة من ٢٠ الى ٢٥
السلام عليكم خويه جبت ubs فاربر 1kv بس ميصير ادخل بيه واير الطاقة مال بلي 5 لأنو راسه ثنائي، شلون بهاي الحاله؟
عزيزي البلي يسحب واحد امبير واذا يشد حيله كلش يوصل للامبيرين
هذه الارقام قليلة
ولذلك تكدر تربط وسيط بكل سهولة وامان
تاخذ صورة لمنفذ اليو بي اس
وتاخذ صورة لبلك البلي ستيشن
وتروح لاي كهربائي يمكم
اكو موجود قطعة تجمع بينهم
موجودة عندي اكيد وموجودة عند اغلب الكهربائيين
واتوقع سعرها بين الفين الى عشر الاف دينار حسب الجودة ومنطقتكم
واذا ما يفيدك هذا الحل تكدر تشتري سيار كهرباء لكن نفس الحالة هم لازم تشوف صاحب محل الكهربائيات المنافذ حتى تشتري شي الي يفيدك
واي سؤال اني حاضر وتدلل
بلا زحمه شنو افضل طابعه واريد استخدمه لطبع الصور للبيت يعني احتمال تنترك فتره اله اشغله
عزيزتي الطابعات الي تستخدم حبر سائل ضروري ينطبع بيها يوميا
سعرها ٢٠٠ الى ٤٠٠$
وتطبع صور بكفائة جيدة
الطابعات الليزرية الي تستخدم كاترجات عادي تتركيها شهر بدون طباعة وما تستخدميها
مشكلتها انها غالية وسعرها يزيد عن ٥٠٠$
مشكور اخي
@@user-hw8yx4cz3y تدللين.
وبسعر مناسب
؟
سلام عليكم اخي اذا اريد اشتري نفس هاي النوعية بس عاكسة يعني تجي بطارية وحد وجهاز وحد بهاي الحالة بعد ما اهتم بلحرارة لان اني اريد يبقه عندي فترة طويلة واستخدم الحاسبة
اهلا وسهلا عزيزي
العاكسة برايي مو مال تشغل عليها حاسبة
الحاسبة تحتاج كهرباء منتظمة
نصيحة اشتري
Ups online farber 3kva
يمشيك اكثر من ساعة
واذا حاسبتك عادية احتمال اكثر من ساعتين
بس ينطيك كهرباء منتظمة
السلام عليكم عندي UBS ONLINE 2kv نوع فاربر راسلت الشركة كال عادي يبقة على الكهرباء دوم ماكو مشكلة شنو الافضل اخلي دائما او افصلة حسب الاستخدام
عزيزي بكيفك
اني برايي اذا شحنته وفول تفصل عنه الكهرباء
اذا بقت الكهرباء والايسي مالته ما فصل شحن احتمال يبقى يشحن البطاريات
وراح ترتفع حرارتهن
ويطير التيزاب الي بيهن
واحتمال يصير حريق
هذا احتمال قليل يوصل للواحد بالمليون
بس انت ليش تخاطر
فولت شحنه طفيه
وللعلم عندي يو بي اس 3kva اونلاين من فاربر صاله اكثر من سنتين ما طافي الا لاغراض الصيانة دقائق بس حاط فوكاه سبلت
يعني صدك هو ما عليه شي لكن اكو مخاطرة ولو قليلة وخاصة اجوائنا الحارة
وبشرط لازم حتما توفره اله هو درجة الحرارة بين ٢٠ الى ٢٥ درجة مئوية، اذا شوية صاعد نازل عادي.
واي سؤال اني حاضر وتدلل.
وللعلم اني نصيحتي على كد عقليتي وتجربتي وهدفي تقديم العون للمشاهدين
اما مهندس فاربر فهو حتى لو خبير بالمنتج يبقى جهة مستفيدة
@@fouadalmohandes229 مشكور حبيبي تسلم
اي انا راسلت الشركة والدعم الفني كال عادي ماعلية لان هو اصلا بي حماية وماكو مشكلة اذا بقة دائما ع الكهرباء بس صفحتهم على الانستا كالي فصلة لان هو هم جهاز كهربائي
وحرت بينهم الصراحة
راح اخلي وسط مرة ابقي واذا طلعت او غير موجود افصلة
لان انا حاليا اذا اشحنة على المولد يطفي
سلام عليكم اريدUPS 1500W 24V Online
من فاربروتكون البطاريةداخلية
وشكدسعرة
وهل اكوUPSبنفس المواصفات لكن بسعر65$
الى80$
عزيزي المفروض شركة اسوار عندها قائمة طويلة من منتجات فاربر، لكن من تروحلهم اليوم مو مثل ما تروحلهم بعد اسبوع، السبت الفائت رحتلهم على كيبل كاميرا ١٠ متر ما عندهم، اذا تريد زور احد فروع شركة اسوار بشارع الصناعة او الباب الشرقي، وعدهم عدة فروع موجودة بالفيس بوك، بس اطتب شركة اسوار.
صديقي سؤال اليوبي اس 1500 شكد ينطي من البطارية الى الاجهزة بالامبير
حوالي ستة امبير عزيزي
اكدر استخدمه للثلاجه كجهاز حماية لان الكهرباء عندي مو صافيه متذبذبه بصعود ونزول مستمر
هذا الموديل ، اكيد طبعا ، اني غسالة مشغل عليه، المشكلة من تطفى الكهرباء راح يبقى ينطيها، لازم تنتبهله، اذا ربع ساعة وتجي المولدة ماكو اشكال ، بس اطول يالله تجي لو اطفيه او تتلف بطارياته.
@@fouadalmohandes229 ربي يوفقك استاذ
تدلل عزيزي
حبي عادي الoutput يكون 230فولط وذا مو عادي ممكن تشرح شلون اغير الفولطية ل220
عزيزي اغلب الاجهزة بالمنزل مكتوب عليها 220-240
اذا ملاحظ هذا الشي
٢٣٠ برايي احسن فولتية
ودليل على كلامي الي فترة تتجاوز السنة مشغل على هذا اليو بي اس الطابق الارضي كله
مصابيح وشاشات وبلي ستيشن وحاسبة واجهزة متعددة
ولا واحد بيهن عطل من الكهرباء
واذا تريد تغير لازم تدخل لل Mode
وما انصحك تدخل نهائيا
واي سؤال اني حاضر وتدلل
بلا زحمه عليك عندي ال ubs ماكسما 850 فولت يجكجك بل مولده اكدر اكل لابو المولده ينطي لبيتي فولتيه ثابته؟ لو ماكو حل
الحل الوحيد والاكيد هو ان تشتري يو بي اس اونلاين
@@fouadalmohandes229 وشكد سعره بلا زحمه عليك وكون 850 فولت
ارخص واحد اربعة امبير سعره ١٦٠$
@@fouadalmohandes229 ولله يا ضلعي هذا يطلع بسعر الجهاز الي عندي 😂😂
جمع واشتري بعد فترة، يسوة
سلام عليكم
عندي يوبي اس حاط فوك يوبي اس غطى هل هذا يؤثر عليه + هل وضع يوبي اس بمكان ضيق يؤثر عليه. امتنى ترد
عزيزي العدو الاول لجميع الاجهزة الكهربائية هو الكهرباء غير المنتظمة
العدو الثاني هو الحرارة
انت جاي اتلفه بهيج عمل
راح تتلف عندك البطاريات بسرعة حسب استخدامك اجوز باسبوع
ويتلف بعدها بفترة البورد مال اليو بي اس
ويكون بعدها جاهز للشمر بالزبالة
ميفيد وياه لا تبريد ولا تصليح
نصيحتي وخر الغطا وبالعكس وفرله تهوية زينة
واي سؤال اني حاضر وتدلل
@@fouadalmohandes229 تمام شكرا جزيلا ربي يحفظك ❤️
@user-gr7qg1ok3p
تدلل عزيزي
واشكرك على كلماتك الطيبة
بلا زحمه اذا ماجاي استخدم الpc اطفي عنه الكهرباء بعد ما يشحن لو ابقيها على طول
عزيزي ضروري تفصل الكهرباء عن ups اذا ما تستخدمه وبالتاكيد بعد ان تشحنه شحن كامل
صديقي اخذت واحد حجمة 1KV
عندي صوت المروحة مالتة كلششش عالي ومزعج مالها حل؟
عزيزي حقك
من ناحية اهم شي للمحافظة على عمر اليو بي اس هو التبريد، والي توفره المروحة، وشكد ما كانت المروحة سريعة افضل، فهذا شي ايجابي،
من ناحية الازعاج، انصحك تحطه خارج الغرفة وتسحب واير، اني هسة حاطة بالطابق الثاني وساحب واير مغذي بيه الطابق الارضي كله، ما كدرت اتحمل صوته.
نصيحة انقله.
عندي يو بي اس اوفلاين من اخلي على الشحن بدون ما اشغله لو لازم اشغله بحيث يشتغل الضوه مالته ؟+ شكد لازم يضل على الشحن وره الاستخدام
نوعيته FS ups850va
عزيزي الشغلة تقديرية
يعني اذا شغلت اليو بي اس وبعدها شغلت الحاسوب عليه مثلا وبقيت فد ساعة وما طفت الوطنية، وما استخدمت من البطاريات ، فخلصت شغلك ، طفيت الحاسوب وبعدها هنا راح اطفي اليو بي اس مباشر ، ما تخليه يشحن لان انت ما استخدمته اصلا
اما في حالة استخدامك للحاسوب وبهذه الاثناء طفت الوطنية مثلا، فتنجبر تستخدم قدرة البطاريات باليو بي اس ، نكول مثلا ربع ساعة ، فاذا استمريت انت تستخدم الحاسوب فهو راح يشحن بهذه الاثناء، اما اذا طفيت الحاسوب بهذه الحالة لازم تخلي اليو بي اس يبقى يشحن
واشكد وقت الشحن
هو تقديري
يعني تستخدم دقيقة تشحن خمس دقائق
تستعمل ربع ساعة تشحن ساعة وربع
مع نصيحة توفير درجة حرار بين ٢٠ الى ٢٥ درجة مئوية
واي سؤال اني حاضر وتدلل
استاد فؤاد بدون زحمه عليك سوال اني خلصت من البلي اطفيت البلي اشكد اخلي اليو بي اس يشحن وره ما اطفي الجهاز علماً اني عندي شركه فاربر رابطه على سوني 5 وسكراً
عزيزي انت تلعب بالبلي ستيشن
استمريت باللعب مثلا ساعة وبهذه الاثناء ما استهلكت من طاقة اليو بي اس يعني ما استهلكت من طاقة بطارياته يعني ما طفت الوطنية اصلا خلال هذه الساعة .. بهذه الحالة من تطفي البلي تروح على اليو بي اس تطفيه بنفس اللحظة ، ليش ؟ لان انت ما استهلكت منه فبعد ليش تشحنه.
اما اذا استخدمت البلي عشر دقائق او ساعة او ثلاث ساعات
وخلال هذا الوقت طفت الكهرباء الوطنية او المولدة ونجبرت انت ان تستهلك من طاقة البطاريات في اليو بي اس
بهذه الحالة شكد الوقت الي طفت حاول بكده او شوية اكثر تخلي اليو بي اس يشحن ، وبالتاكيد انت عندك شاشة باليو بي اس توضحلك مقار الشحن للبطاريات.
واي سؤال اني حاضر وتدلل
@@fouadalmohandes229 جداً ممنون يا طيب ربي يحفظك ان شاء الله
@mhmmadsaker3875
تدلل عزيزي
واشكرك على كلماتك الطيبة
اخوية هذا ubs هم يجكجك ع المولدة مثل الاوف لابن لو لا
لاعزيزي ما يطلع هذا الصوت
والكهرباء الي ينطيها مستقرة ٢٣٠
@@fouadalmohandes229حبيبي الجهاز لازم ينشحن وية الاستخدام؟ لو لازم هو وطافي اشحنة؟
السلام عليكم عدي ups مكزيما ٨٥٠ ....اذا عفتة شهر بدون تشغيل .... من اجي اشغلة بعدين لازم شكد اخلي على شحن حتى لا اضر بطارية... شكرا جزيلا .
اذا عفتة شهر احتمال ما يشتغل بعد
عموما اشحنه يوم كامل وبعدها جربه
عندي يو بي اس 1500 w شكد اشحنه بعد الاستخدام مذاكر بالشرح
نفس الشحن عزيزي
اخوي اني عندي يوبي اس ما استعمله حاليا وصارلي شهر ما مستخدمه هم لازم افرغ البطاريه حتى ما يصير خلل هو offline 1500
لا عزيزي
شلون تفرغه
تتلف البطارية
لازم تفول بطارياته
وتحاول اذا تكدر لو كل اسبوع تحطه على الشحن فد ربع ساعة
واذا متكدر بس فوله وعوفه
@@fouadalmohandes229 تمام شكرا
استاذ يصير اخلي جهاز حماية لليو بي اس اونلاين 1kv لو لا ؟
يصير عزيزي
للاطمئنان اكثر
اذا ضايقك وخر جهاز الحماية مثلا كل شوية يفصل
السلام عليكم عندي يوبي اس اون لاين. 1kv صارله يمي سنتين ومحافظ عليه وبطاريات كله فاربر بالفتره الاخيره كامت تطلع منه ريحه شعواط او حرق وقبل شويه اول ماشغلته بدا يجدح
عزيزي الافضل وحماية لعائلتك ان توديه لشركة اسوار في الباب الشرقي
احتمال كهرباء عالية جايته
او قطرة مي بالغلط واكعة بداخله
او البطاريات انتهى عمرهن ويحتاجن تبديل
يابه السلام عليكم اشتريت يوبي اس zeus online 1kv وماجاي اعرف اشحنه
عزيزي بالنسبة لشحنه بسيطة
تطلع اليو بي اس والكيبل من الكارتونة
تربط الكيبل بالكهرباء الي بالحايط ومن الجهة الثانية بال يو بي اس
المفروض يشتغل صوت مروحة او تشتغل شاشته او على الاقل يشتغل مصباح بيه
اذا ما صار اي شي من الي ذكرته يعني ما موصل الطاقة لليو بي اس
واذا بقت عندك مشكلة حاول تذكرلي تفاصيل اكثر حتى اكدر اساعدك
واي سؤال اني حاضر وتدلل
@@fouadalmohandes229 من اربطه كلشي ميصير غير المفروض تطلعلي علامه انه جاي يشحن ؟
مرحبا عزيزي.. عندي سؤالين الأول اخذت يوبي اس جديد 1kv شكد وقت ابقيه يشحن قبل الاستخدام ؟؟ ولسؤال الثاني نفسه اليو بي اس بي نتله بل بدي مالته شلون اتخلص منها ؟؟
عزيزي صيحتي هي شحن اليو بي اس ٢٤ ساعة قبل الاستخدام
مع شرط توفير حرارة للغرفة ما تقارب ٢٠ الى ٢٥ درجة مئوية
عزيزي هاي مو نتلة حقيقية ، تسريب للكهرباء او حث، الحل عوفي بدي اليو بي اس لا تطخه، سؤال نتلة قوية لو خفيفة، اذا قوية وديه للصيانة واذا خفيفة عادي جدا.
واي سؤال اني حاضر وتدلل
@@fouadalmohandes229 النتلة خفيفه وليست صعقه قويه ولكن مؤلمه نوعا ما .. سؤال انته مالتك اليو بي اس هم بي نتله خفيفه مثل ماتي ؟؟ وبل نسبه انته تكول هذا تسريب يعني هذا التسريب مو زين يعني لطاقه دتسرب دتخلص لو شنو ؟
@hddonevd6577
عزيزي اني عندي ثلاثة منه بالبيت وواحد بالشغل
حسيت بس بواحد بيهن بيه هاي الحالة
وسئلت كالوا عادي من ناحية
من ناحية ثانية كان عندي لابتوب سعرها حوالي ٧٠٠$ نفس الحالة، من اشغلها تصير بيها مثل النتلة، السبب انها مو مثل باقي اللابتوبات غطائها بلاستك، لا ، غطائها ستيل، يعني لا يظل بالك على الموضوع بسبب الغطاء المعدني.
@@fouadalmohandes229 شكرا لك على المساعدة 🙏
@hddonevd6577
تدلل عزيزي
صديقي عندي سؤال اني عندي ups 1500 offline و سمعت انو لازم كل اسبوع افرغ ال ups من الشحنات وراه ارجع اشكنه شحن كامل 8 ساعات ممكن دكلي مدى صحه هذا الكلام؟
عزيزي اولا يسموه عادي مو اوفلاين
ثانيا هذه المعلومة بيها شيء من الصحة
انه تفرغ الشحنات وترجع تمليها
لكن ما تنطبق على بطاريات اجهزة اليو بي اس
احتمال تنطبق على بطاريات الموبايل او اجهزة البور بنك
نصيحة حافظ على برودة اليو بي اس ودائما حاول توفرله شحن لا تخليه يفرغ طاقته
@@fouadalmohandes229 مشكور ضلعي ماقصرت
تدلل عزيزي
استاذ ممكن طريقة تغيير فولتية الخرج output voltage بدون زحمة؟
علنما جهازي نوع سوهو واحد كي في، نفس الواجهة اللي بهالفيديو
تدلل عزيزي
اذا تريد شاهد هذا الفديو
واي سؤال اني حاضر وتدلل
th-cam.com/video/OM9nGe-9Ux0/w-d-xo.html
@@fouadalmohandes229 جزاك الله كل خير اخي الكريم
@samygold100
تدلل عزيزي
واي سؤال اني حاضر
صديقي اخذ يبي اس فاربر اوف لاين وخليتة على شحن ومطلعلي اي لون يدل على شحن الومبات ال3 طافيات شنو هو هيج يشحن
عزيزي اني ما اعرف يا موديل تقصد
لكن عادة من تنطي كهرباء لليو بي اس يشتغل بيه مصباح
منين اشتريته حاول تسائلهم
السلام عليكم عندي ups 1500 يصير اخلي لل ups منظم فولطية لو ما يحتاج . واكون ممنون منك
عزيزي اكو حالتين
اذا الارتفاع والانخفاض يدوم اكثر من ٢٠ ثانية فمنظم الكهرباء ضروري
لكن اذا كان الارتفاع والانخفاض خلال مدة تقل عن عشر ثواني يعني ما يفيدك نهائيا وبلعكس راح يكون ضدك
الحالة الاولى الي ذكرتها موجودة باطراف بغداد، تجي الكهرباء ١٨٠ وتستمر ١٨٠ لمدة ساعة او يوم فبهذه الحالة تحتاج
الحالة الثانية الي ذكرتها عادة تصير بمولدة الشارع مو بالوطنية، تجي الكهرباء ثانية ٢٠٠ وبعدها ترتفع لل٢٢٠ خلال ثواني، الارتفاع والانخفاض يقابله رفع وخفض من المنظم وتدهور الامور بدل ان تتصلح.
واي سؤال اني حاضر وتدلل
شكرا جزيلا لك
@barcelonamessi6309
تدلل عزيزي
@@fouadalmohandes229بالحلة المولدة عدنة ١٤٠ واحيانا ١٢٠ (مقاربة للنظام الامريكي) بهاي الحالة شلون؟
@jackealmonistar251
عزيزي ما اعتقد اليو بي اس الاونلاين يكدر ينظم كهرباء ١٢٠ فولت
قبل شوية جنت بالمسيب الكهرباء لوز
وين كاعد انت بالحلة
استاذ فؤاد حبيبي عندي UBS اوفلاين ع الوطني يشتغل طبيعي و ع المولده يفصل تلقائيا ومرات يشتغل ع مولد بس من يجكجك يفصل ممكن المشكله وين + اذا احطله منضم فولتيه يشتغل طبيعي ع مولد
عزيزي هو هذا الفرق بين اليو بي اس العادي والاونلاين
العادي كان عندي عذبني، كلشي ما بيه بالوطنية ، بالمولدة يطلع صوت ومرات تجمد الحاسبة وترمش الشاشة
ما عرفت السبب
كلت خلي ابدل اليو بي اس بواحد اضخم (للاسف هم عادي) ونفس المشكلة
الى ان اشتريت الاونلاين صار ينطيني كهرباء منتظمة ٢٢٩ الى ٢٣٠ فولت دائما
هسة تكول واذا حطيت منظم فولتية لليو بي اس العادي، جوابي هو تزيد الطين بلة ، ما راح يفيد ابدا وبالعكس يضر، شلون .. اني اكلك
الوطنية كلنا الكهرباء ثابتة اي كانت الفولتية ، مثلا ١٩٠ تبقى بعد دقيقة ١٩٠ وبهيج حالة تحط منظم فولتية يسويها ٢٢٠ والامور تمام
الكهرباء من مولدة الشارع تجي كل ثانتين شكل مرة ١٩٠ ومرة ٢٤٠ كل ثانتين صاعدة نازلة .. من تحط منظم فولتية شيصير ..
تجي ١٩٠ تدخل للمنظم
يرفعها لل٢٢٠ بهذه الاثناء تصير ٢٤٠ والمنظم قرر يرفعها ٥٠ فولت ، يسويها ٢٩٠ وتنلاص السالفة
الحجي مو بالضبط بس هذا ملخص ما راح تواجهه
منظم الفولتية يفيد للمناطق باطراف بغداد ميفيد لكهرباء مولدة الشارع.
واي سؤال اني حاضر وتدلل
@@fouadalmohandes229اخي يعني افتهم منك لازم اذا اريد احافظ على جهازي العب بس عالوطنية ارجو الرد❤
اخذت onlin ubs ماركة فاربر بطاريات 9 و12 فولت داخليه عندي تلفزيون 55 وستلايت وكس بوكس انطوني ضمان سنتين بل بطاريات
عزيزتي ما ينطون ضمان بالبطارية
لان بيوم واحد سوء استخدام تتلف البطاريات
منين اشتريتي اليو بي اس من يا فرع للشركة؟
وكم KV اليو بي اس؟
هههه اعتذر طلع الضمان ع جهاز اخذته من شركة فاربر شارع الصناعه بلا زحمه ماكو حل للمروحه ليش هيج صوته
صوت المروحة العالي حالة جيدة، لان تساعد على تبريد البطارية واللوحة الالكترونية، وبالتالي زيادة عمر اليو بي اس، الحل هو وضع اليو بي اس بعيد عن مكان وسحب واير لمكان الاستخدام، اني بالايام السابقة كملت ربطه بالبيت، والجمعة راح احط اليو بي اس بالبيتونة فوك الطابق الثالث وراح اغذي الطابق الاول كامل، وبهاي الطريقة نهائيا ما راح يزعجني صوت المروحة.
اذا فتحته جديد من الكارتون شغلته وخليته على صفحة تتاثر البطارية لو ما عليها شي ؟
عزيزي على كلامك تتلف البطارية باول يوم
لان انت ما كلت خليته على الشحن او لا
البطارية باول استخدام لازم وحتما تفولها
واذا ممكن توضح سؤالك حتى اكدر اجاوبك
وتدلل
@@fouadalmohandes229 ما شغلتها هواي عيني يعني شغلة نص ساعة البلي جان بيه عطل فرجعتها بالكارتون
@@fouadalmohandes229 خليتها يوم كامل بس البلي راجع من التصليح فاضطريت اجربه خلال هذا اليوم قبل لا يخلص الضمان
@@fouadalmohandes229 ممكن تكلي اذا عليه شي هيج بلا زحمة
@@fouadalmohandes229 ؟
اني عندي UPS 1kv لما البطارية مفولة افصله عن الكهرباء ام لا
نعم عزيزي
وضروري توفرله درجة حرار ٢٠ الى ٢٥ درجة مئوية
اخوية العزيز اذا ممكن تجاوبني
يعني من اشغل البلي على ups .. افصل الups عن الشحن ومن اطفي البلي اشحن ups .. لو اثناء استخدام البلي اخلي ال ups على الشحن ؟
عزيزي على الكهرباء المتوفرة عندك
اذا عندك وطنية لازم تشحنه وتلعب بلي
اذا مولدة وساحب هواي تشحنه وتلعب بلي
اذا مولدة وساحب قليل تكدر تلعب وانت مطفي الكهرباء عن اليو بي اس بس لازم تطبق شرطين
الاول لازم ما تصرف اكثر من ربع قدرة اليو بي اس
الثاني لازم تشحن اليو بي اس مباشرة بعد ان تصير بطاريته طابوكة وحدة ، يعني من طفيت البلي حط اليو بي اس مباشرة بنفس اللحظة على الشحن
@@fouadalmohandes229
يعني هسه افتهمت من حظرتك من اريد العب لازم اخلي ع الشحن والعب .. وره ما اطفي البلي شكد اخلي الups ع الشحن
@@user-yu6jq6oe6iعرفت لو بعدك ؟
استاذ سؤال بلا زحمه
يعني لازم الـ UBS الاونلاين اول ما اجيبه اشحنه 8 ساعات بعدين استخدمه ؟ + من استخدمه واضل عليه فتره طويله لازم اطفيه من اكمل من استعمالي من البي سي ومن ارجع استعمله ارجع اشغل الـ UBS ؟
لا عزيزي
اول ما تشتريه وتحطه على الكهرباء تخليه على الشحن ٢٤ ساعة
بعدها
من تستخدم الحاسبة مالتك وانت رابطها على اليو بي اس وفرضا ما طفت الكهرباء الوطنية او المولدة ابد اثناء استخدامك الها .... فبهذه الحالة نصيحتي اطفي الحاسبة وبعدها اطفي اليو بي اس مباشرة، لا تخليه يشحن لان بطارياته مفولة اصلا،
اما الحالة الثانية فهي انك شغلت الحاسبة واثناء استخدامك طفت الوطنية او المولدة فاكيد حاسبتك اخذت الكهرباء من بطاريات اليو بي اس فبعدها من تجي وطنية او مولدة لازم اقل شي تشحن اليو بي اس اربع اضعاف الوقت الي استخدمته
يعني تستخدم البطاريات خمس دقائق لازم تشحن اليو بي اس ثلث ساعة
تقديرا مو بالضبط
واي سؤال اني حاضر وتدلل
السلام عليكم...عندي يو بي اس اون لاين 1 كي في اريد اربطه على باتري خارجي كبير يصير
عزيزي اليو بي اس الاونلاين 1kv من فاربر بين نوعيتين
واحد منهن بطارية داخلية وهذا ميصير تريط عليه اي بطارية خارجية
والثاني ما بيه بطارية داخلية ومصمم ان تنربط بيه بطارية خارجية وحتى بيه اقطاب ، هذا بس يصير تربط عليه بطارية خارجية
وبالنسبة لحجم البطارية الي تربطها عليه محدود ايضا
مو بكيفك تربط بطارية بحجم جبير
@@fouadalmohandes229 اشكرك وربي يحفظك
❤
@@fouadalmohandes229❤
@user-jm9bt6bs2e 😊
بس استاذ شنو نوع يوبي اس مالك
Farber 3KVA ONLINE 1PH
عزيزي من شركة اسوار
يعطي ١٢ امبير ، فد شي ممتاز
السلام عليكم عزيزي بلا زحمة عليك اني مخلي عالراوتر و مخلي مشتغل ع مدار 24 ساعة ياثر عليه مو؟ لازم افصل الواير مالتة و هو يشحن ع راحتة لو شلون؟
عزيزي اني رابط يو بي اس 3kv اونلاين على الطابق الارضي كله
من ضمنها
راوتر عدد ٢
منظومة كاميرات
مصابيح كومة
شمعات اضائة
شاشات عدد ٣
مراوح عدد ٣
وبعد اجهزة
وصاله يشتغل عندي ٢٤ ساعة لمدة حوالي سنتين
اكو سر واحد بالموضوع
لازم توفرله حرارة بين ٢٠ الى ٢٥ درجة مئوية
تمام كلبي.. بس بلا زحمة عليك شلون اخلي الجهاز يرتاح او يشحن افصلة من الراوتر و اخلي مشتغل بس؟ @@fouadalmohandes229
استاذ شنو تقصد بالملاحظة الرابعة ؟ ممكن شوي توضح
عزيزي الي اقصده هو انك استخدمت الجهاز
اذا استهلكت منه شوية اشحنه على كد الاستهلاك
بعدها اتروح اتنام اتروح للبيت المهم من تخلص شغلك لا تخليه الكهرباء تسري بيه، طفي الكهرباء عنه، اشكد مة تخليه بارد يطول عمره اكثر.
اذا ما واضح الكلام كلي وتدلل.
@@fouadalmohandes229 واضح جدا اشكرك
@@Notmon تدلل عزيزي
السلام عليكم فؤاد يصير اخلي جهاز حماية مال فولطية ل ups لو مايحتاج . وشو سبب الصوت الخفيف في ups وهل يؤثر على البلي .. ارجو الرد واكون ممنون منك
عزيزي انت ما محدد نوع اليو بي اس عادي ام اونلاين
برايي اذا كان اليو بي اس مالتك عادي ان تحط جهاز حماية على كل مكان مخرج منه
ليش ؟
لانه مجرد ناقل للكهرباء بدون اي معاملة الها
يعني تطب الكهرباء وتطلع منه كلشي ما يسويلها، فيكون خطر
لكن الطريقة اعلاه مكلفة وتحتاج اكثر من جهاز حماية
لذا تكدر تضع جهاز الحماية بالحايط قبل دخول الكهرباء لليو بي اس لكن يعاب على هذه الطريقة هو في حالة ارتفاع او انخفاض الكهرباء سيتم قطع الكهرباء عن اليو بي اس وفي نفس الوقت يستمر بتجهيز الكهرباء وبالتالي استهلاك البطارية
يعني لازم تنتبهله
يعني اليو بي اس العادي بكل الاحوال لازم تحطله جهاز حماية
ام اليو بي اس الاونلاين فميصير تحطله جهاز حماية
لا قبله ولا بعده
هو ينظم الكهرباء ويسويها الك رهيبة ٢٣٠ فولت .
واي سؤال اني حاضر وتدلل
وبالنسبة للصوت ماله علاقة اذا كان واطيء او عالي
بكل الاحوال
اذا كان اليو بي اس مالتك عادي فهو غير جيد نهائيا على البلي ويدمره على المدى البعيد
لكن اذا كان اليو بي اس مالتك اونلاين فلا تفكر نهائيا باي ضرر على البلي ، اذا ارتفع او انخفض الصوت.
اي بس انة من تطفي الكهرباء ما استخدم ups لفترة طويلة بس مجرد اطفي البلي هم يأثر على البلي و بس من تطفي الكهرباء يطلع الصوت ومن اخلي ups على الشحن يروح الصوت .
@LEOMESSI-py8gm
عزيزي اذا البلي مربوط على اليو بي اس فالحماية اله كاملة وما عليه اي شي
وبالنسبة لليو بي اس فعادي اذا استخدمت بطارياته يطلع صوت واذا شحنته يختفي الصوت
M
استاذ يو بي اس اونلاين 1kv ،، تقصد ميصير اخليه 24 ساعه ع شحن ؟ واذا خليته هيج شيصير ++ يعني اذا استخدمه 7 دقائق مثلاً اشحنة ساعه واطفى هيج تقصد ؟ اني عندي حاسبه و تطفى هيج وره 4 دقايق اطفيه شكد اشحنة وره ما اطفيه وسؤال اخر هل يحتاج درجة حرارة معينه او عادي احطه بالغرفه لان الغرفه بالشتاء تعرف صوبه وهاي تصيره حاره هل عليها اثر وشنو الحلول وشكراً .
اهلا وسهلا عزيزي
بالنسبة لسؤالك الاول
عندي يو بي اس بالغرفة الي عايش بيها اشغله واشحنه حسب الاستخدام ومثل ما ذكرت انت بتعليقك، يعني استخدمه عشر دقائق اشحنه ساعة بعدها واطفيه كمثال.
بنفس الوقت عندي يو بي اس ثاني حاطه بغرفة محد يدخللها وهسة عالك عليه تبريد ١٨ درجة سبلت، هذا اليو بي اس مخليه يشتغل ٧/٢٤ يعني اربعة وعشرين ساعة على مدار الاسبوع وما مطفيه لمدة حوالي سنتين متواصلة وهذا شي خطا حسب وجهة نظري انه استعمله واطفيه
استعمله واطفيه في حالة اريد المحافظة على عمره اطول وصراحة اني ما مهتم لعمره لهذا مخليه يشتغل هالكد
استعمله واطفيه في حالة اني مخليه بغرفة يعيش بيها بشر ودافية او بيها صوبة في حين اني مخليه بغرفة مثل الثلاجة وبالتالي اهم قطعتين بيه راح تبقى مرتاحة ومجرشة هي البطاريات والبورد.
اذا ما توفرله الحرارة المناسبة لا تخليه يشحن هواي .. حسب استخدامك وطفيه
واي سؤال اني حاضر وتدلل.
@@fouadalmohandes229يعني اذا اني استخدمه الاستخدام العادي الطبيعي العراقي الي يستخدمه اي انسان عراقي اخر ، والحرارة عالية صيف شتة والكهرباء تفصل بإستمرار شنو التصرف الصحيح بهاي الحالة؟
سلام عليكم شلون أتواصل وي صاحب الصفحه أفيدونا رحمه الله والديكم
اهلا وسهلا بيك عزيزي
قليلة المرات الي اتاخر بالاجابة
اي سؤال تفضل هنا وتدلل
السلام عليكم عندي UBS فاربر 850 ورابطة على بلي فور ممكن تكلي شكد اخليه على الشحن ؟
اهلا عزيزي
وقت تقديري
يعني كل ربع ساعة تصرفها من البطارية تخليه ساعة على الشحن
او ساعتين ماكو اشكال
بشرط توفير درجة حرارة ٢٠ الى ٢٥ درجة مئوية لليو بي اس اثناء الشحن
@@fouadalmohandes229 ابو المحل الاشتريت من عندة البلي كال خليه على الشحن 24 ساعة ماعليه شيء
هسه شنو تنصحني يعني اخليه دائمن على الشحن
لو اني جاي استخدم طريقة هليومين اخليه يشحن من الصبح لحد مانام قبل ماانام اطفي
يعني ماضل احسب شكد لعبت وشكد راح اشحنة
واما اذا عندك نصيحة ف كلي
@@fouadalmohandes229 هسه شنو تنصحني طريقة استعماله اشو شيء تكول 24 ساعة خليه ماعليه شيء
وشيء تكول يفصل تلقائي من يكمل شحن
والطريقة الاستخدمها جاي هليومين من اكعد الصبح اشغل علي الشحن ولحد ماانام قبل لاانام بليل اطفي
واما اذا عندك نصيحة او حل تفضل
@@fouadalmohandes229اخي عندي ups اوفلاين 850 رابط عليه بلي٤ سلم اذا اريد العب بدون ما اربط الups على الكهرباء شكد تطول وياية البطارية مال ups
السلام عليكم شكد سعر بطاريه هذا اليوبي اس
ما اعرف شكد بالضبط عزيزي
بين ١٥ الى ٢٥ الف للبطارية الوحدة
اغلى من بطاريات العادية اكيد
سلام عليكم اني عندي ups اونلاين واحد kv ورابط عليه ps5 وشاشه عاديه بس حبيت اسأل ان اذا جنت العب عليه بل البلايستيشن 5 واشحنه بنفس الوقت هل لح ايأثر على عمر البطاريه وشلون اعرف ان شحنه كامل
عمر البطارية ما راح يتاثر بهيج حالة من ناحية الشحن
بس بقى كون توفرلها حرارة معتدلة معقولة
ومن ناحية تعرفه فول
فمن الطابوكات على اليسار
بعد ان يصير اربع طابوكات تعوفه على الشحن ساعة الى نصف ساعة حسب تقديرك
واي سؤال اني حاضر وتدلل
@@fouadalmohandes229 شكرا جزيلا وناحيه التبريد اموفرله لاكن اول ما جبته صارلي يومين بي مثل الريحه غريبه
@DarkLord-lh6bv مال بلاستك محترك مو؟
@@fouadalmohandes229 اي تقريبا
@@fouadalmohandes229اي صح عندي اشتريته اليوم واكو هيج ريحه بلاستك شنو سبب؟؟
السلام عليكم استاذ عندي يوبي اس اوف لاين اذا شغلت لبلي أشغال اليوبي اس معاه عادي لو افصله عن الكهرباه
عزيزي طبعا اثنينهن يشتغلن
اذا ممكن توضح سؤالك
@@fouadalmohandes229 قصدي اشحن اليوبي اس وفصله عن الكهرباء أثناء تشغيل لبلي5 لو اخليه على الكهرباء أثناء تشغيل لبلي
@abdulrazzaqstar
عزيزي اذا تفصله راح ينطيك كهرباء نسبيا منتظمة لكن راح يستهلك قدرة البطاريات الي اذا بقيت تستخدمها تتلف خلال ايام
لازم تكون مغذيه بالكهرباء اثناء استخدامك اله
واي سؤال اني حاضر وتدلل
@@fouadalmohandes229 والله وين اكو منك 😘🫡
سؤال اخير اليوبي اس 2500 الي عندي اذا اشغل عليه بس بلي يطول عمره لو نفس الشي اذا اشغل شاشه وبلي
@abdulrazzaqstar
تدلل عزيزي
اذا بس بلي اكيد افضل
ولو بقليل
انهيار البطاريات ما يكون قريب
بس تدري هواي العاب صعب تتركها
تخسر ولازم ترجع من البداية او اذا داخل اونلاين صعبة
المهم اذا تكدر بس بلي اكيد يكون افضل لعمر البطارية
أخي إدا فصلت عنو الكهرباء إدا نتهيت هل أفصل حتى adpter لي موصلة على البطارية من وراء APC
اهلا وسهلا بك عزيزي
اعتذر ان لم افهم كلامك
حسب ما فهمت سؤالك انه بعد الانتهاء من استخدام اليو بي اس هل تطفي الكهرباء عنه ام هل تفصل الكيبل نهائيا
عزيزي حسب استخدامك
ان استخدمت البطارية دقيقة اتركه على الشحن ثلاث دقائق
وهكذا طرديا
وفي حالة عدم استخدامك لبطاريات اليو بي اس فعند انتهائك من استخدامه تقوم باطفاء اليو بي اس من الزر الذي في امامه وبعدها تطفيء الكهرباء من النقطة في الحائط
وبهذه الحالة تنطفيء شاشته
واي سؤال تدلل
@@fouadalmohandes229 شكرا صديقي فهمتك لي ما فهمت نقطة إدا استخدمت البطارية لمدة دقيقة أشحنه 3 دقايق هل تعني إستخدام البطارية لما يكون إنقطاع الكهرباء ونا شغال عليه
تدلل عزيزي
صديقي عندي بلي 5 واريد اربطة فقط على ubc اون لاين 1kv وبمجرد انطفاء الكهرباء مباشرا اغلق ابلي
يعني اذا استمر هيج احافظ على عمر البطارية
اكيد تحافظ عليه لكن اكو شروط اهم
الاول وهو اهم شي انه تشحن اليو بي اس مباشرة بعد ان خلصت استخدامه
والثاني والي ما يقل اهمية هو توفير درجة حرارة بين ٢٠ الى ٢٥ درجة مئوية
واي سؤال اني حاضر وتدلل
@@fouadalmohandes229توفير درجة الحرارة هاي بالشتة مستحيل كذلك بالصيف بأغلب الاوقات
السلام عليكم هل اقدر اخلي ups على الشاحن حتى لو ماستخدمته ؟ أو يجب اطفيه😊
عزيزي من الضروري شحن اليو بي اس يوميا على قدر الامكان حتى لو عشر دقائق فقط
مو شرط يوميا حسب قدرتك
بالتاكيد شحن عشر دقائق بدون استخدام لليو بي اس
يعني على سبيل المثال
انت استخدمت اليو بي اس ساعتين مثلا وبهذا الوقت ما طفت الوطنية وما احتاجيت تستخدم بطاريات اليو بي اس
بهذه الحالة تخلص شغلك واطفي اليو بي اس مباشرة لانه اثناء استخدامك كان اليو بي اس يشحن وهذا جدا كافي
@@fouadalmohandes229 اك تمام مشكور استاذ فؤاد بارك الله فيك اخي🤲🏽🤲🏽🤍🫡
خويه عندي يو بي اس مكسيما ١٥٠٠ ناس نصحوني ابقيه مشكل بالكهرباء دائما و كل يوم لان اذا ما ابقيه بالكهرباء كالوا تقل عمر البطارية
شنو رأيك بهذا لازم ابقيه بالكهرباء اليو بي اس دائما ؟
عزيزي العدو الاول لكل الاجهزة الكهربائية هو الحرارة
انت من تربط اليو بي اس على الكهرباء ٢٤ ساعة يعني اذا فصل الجهاز فالبورد مالته يبقى حار واذا ما فصل شحن فمعناها يخلي تيزاب البطاريات مالته يفور
ما انصحك ابدا تخليه على الشحن دائما
@@fouadalmohandes229
تمام خويه شكرا
اشتريت ups online 1Kv farber
بس المشكلة بي كهرباء من برة (ينتل) و من تفحصة بالدرنفيس الفاحص بي كهرباء قوية
شنو الحل لازم اسوي سلك تأريض لو عادي هاي الكهرباء بسيطة ما يحتاجلهة تأريض؟
عزيزي واحد من احتمالين
اما الجهاز بيه خلل وهنا لازم حتما توديه للشركة، تصليحهم مضبوط وسريع
او ان البلك سويج بيه الحار بدل البارد
شلون تعرف
عندك درنفيس فحص
روح للبلك سويج الي بالحايط
ودخل الدرنفيس بالفتحة الي على جهة اليمين مالتك بالبلك سويج
المفروض حار
اذا اليسار هو الحار معناها الربط خطا
لازم تعدله من البلك سويج
@@fouadalmohandes229 زين بالنسبة للشحن ورة ما تطفه الكهرباء شلون اعرف شكد و يطفي الups
اول ما تطفي تطلع علامة ساعة و يمهة ٢٤ ورة ثانية تصير ١٨ بعدين ٤ شنو ذني دقايق الي بقت و يطفي؟ لو اعتمد عالشحن شكد باقي و اعرف
ممكن اعرف شون اشحن الups
عندك انت UPS؟
اليو بي اس مالتي نوعه فاربر 1 كيفي من اخليه عالشحن يبقى صوت المرواح شغال مع انو الجو بارد كلش شنو السبب ارجو الرد للعلم. ليوم اخذته توصيل من الشركه
نعم عزيزي كلامك مضبوط
اذا عندك حاسوب انتبه للمراوح مالته
حسب الاوامر الي تنطيها والضغط على المعالج تفتر المراوح اسرع او ابطىء
ليش لان الحاسوب بيه معالج ونظام ومراوحه مصممة حتى تتغير سرعها
اليو بي اس شكد بيه تقنية لكن للاسف نظام تشغيل مروحته متخلف
يعني اذا حطيته بغرفة درجة حرارتها تحت الصفر راح تبقى شغالة المروحة
وصوتها مزعج
الحل الوحيد هو ان تحط اليو بي اس خارج الغرفة وتمد سيار لجهازك
واي سؤال اني حاضر وتدلل
بلازحمة عندي ups 1500
من شركة falcon وينه هاي الشركه لو لا برئيك؟؟؟؟؟؟
اعتذر عزيزي ما سامع بيها
@@fouadalmohandes229اوك ups اوفلاين هم لازم تخلي بارد لو بس ال اونلاين ups??
كل الاجهزة عزيزي وخاصة ال ups اي كان اونلاين او عادي
ضروري دائما بارد
@@fouadalmohandes229 شكرا😊
تدلل عزيزي
سؤال اذا اطفي الوبي اس لازم ابقي النقطة شغالة لو اطفيها همين اليوبي اس مالي اونلاين فاربر
حسب الاستخدام
اذا استهلكت منه لازم تبقيه ضعف الوقت حوالي خمس مرات
واذا تريد تشاهد هذه الفديوات
th-cam.com/video/dICgetiXGR4/w-d-xo.html
th-cam.com/video/JGVFIQvN11E/w-d-xo.html
@@fouadalmohandes229 سؤال اذا استخدمت اليو بي اس واريد اشحنه با مولده وطلع صوت جكجكه اخليه يشحن وما عليه شي او اطفيه الى ان تجي وطني وارجع اشحنه
عزيزي السبب هو ارتفاع الفولتية وانخفاضها
وعدم استقرارها بالمولدة
عادي تكدر تشحنه طبيعي وميصير تعوفه لحد ما تجي الوطنية ، تتلف البطاريات
الشي المو عادي هو الجهاز الي راح تشغله على اليو بي اس
ما راح تجيه كهرباء منتظمة
وهنا يجي دور اليو بي اس الاونلاين
@@fouadalmohandes229شنو افضل حل بديل للاونلاين اكدر اجيب منظم فولتية لو ميفيد لو لازم ما العب على الجهاز اذا تطلع صوت جكجكة
سلام عليكم عدي شاشة65انش تسحب220Vوبلي5يسحب240V
Farber Ups1500W
يكفي حتةاشغلهن ل30دقيقة
عزيزي هذه الاجهزة صرفها اثنينها بين ١ الى ٥ امبير كحد اقصى
بالنسبة للمدة فماكو حل للمشكلة
اليو بي اس ما مصمم للعمل لساعات
شغلته ربع ساعة
بس وقت تشغيل المولدة
اذا تطفى الوطنية وتريد تبقى تلعب الى ان تجي المولدة ماكو اشكال بتقديري
لكن اذا عبرت الربع ساعة احتمال يتلف اليو بي اس
وسؤال شنو ماركة الشاشة؟
اذا سامسونك او ال جي ممتاز، لكن باقي الماركات تصرف طاقة اكثر.
يعني 1500wتطيني وقت حتةاطفي جهاز
شاشتي جينرال سمارت
و إذا اربط البلي فقط يطيني الUpsنصف ساعة
المهم آني أريد الUPSيطيني وقت كافي حتةاطفي اجهاز
Farber Ups1500w online شكدسعرة
آني اسكن النجف
عزيزي
برأيي تحتاج يو بي اس اونلاين 2Kv اونلاين
يمشيك للنص ساعة لكن على المدى البعيد تتلف بطارياته، هواي نص ساعة ، هو شغلته يمشي الشغل عشر دقائق او ربع ساعة، ومن ناحية ثانية شاشتك اذا تكدر قيسها شكد تصرف، لان جنرال احتمال تصرف اكثر من امبير، حتى تعرف تحسب الحاجة بالمضبوط، وتبقى على امكانيتك تشتري 2kv او 3kv بالتاكيد الزيادة راح تثقل عليك من الناحية المالية لكن راح تعطيك وقت اكثر.
وهمين يكدر يربط البلي فقط علىUpsوقت ماتطفي الكهرباءو يكدريطفي الجهاز عن طريق الموبايل
وهيجي راح يكفي الUpsابو1500w
وماراح يتلف بسرعة
مضبوط عزيزي، لكن مو لكل الي يلعبون ، يعني بنص المعركة والناس ترمي عليه وتريده يطفيه، راح يخسر هواي وقت، بالتاكيد الامكانية تحكم.
استاذي العزيز اكو فيوز بالUPS شون اعرف الفيوز محترك لو شغال طبيعي ؟
عزيزي الفيوز باغلب الاجهزة
يكون بالبلك
ونسبة اقل بمكان قريب عن دخول الكيبل بالجهاز
يعني تلكة يم دخول الواير بالجهاز نتوء صغير من تفره يطلع الفيوز وتكدر تبدله
وبحالات نادرة يكون داخل الجهاز مثل اجهزة التلفاز
اما شلون تعرف عطلان لازم يكون عندك اوفوميتر او غير ادوات
والافضل تشتريلك فيوز وتبدله اذا شاك بيه، لان سعره رخيص وينحفظ اذا ما تحتاجه
اذا عندك درنفيس فحص هم تكدر تفحص
ولا تنسى اذا الجهاز بيه ضمان لا تحاول تفتحه.
@@fouadalmohandes229 الجهاز قديم ما بي ضمان واندل الفيوز صاير بصف الكيبل الاساسي بس عندي شك اذا الفيوز عاطل هل الباتري يموت بسرعه اذا استعملت الUPS لو اصلا ما راح يشتغل ؟
لا يشتغل شوية وبعدها يطفى، لكن انت ليش شكيت بالفيوز ، ترة عطله نادر
@@fouadalmohandes229 والله اشتريت باتري جديد وشديته وما استعملت الحاسبه غير يمكن ٤ مرات وتركتها شهر واجيت اشغلها الحاسبه تشتغل بس ٥ د وتدريجيا وصل لل ٥ ثواني وبالاصل جان يطول بالضبط ٢٥ الى ٣٠ د المهم بسبب سوء الاستعمال الباتري مات لان ٢٤ س رابطه بالكهرباء تنطفي وترجع عليه الكهرباء يمكن زادت دورات الشحن ونتهى الباتري على الرغم ما جنت اشغل الحاسبه 😅
عزيزي اتوقع البطارية نوعها مو زين او اليو بي اس انتهى عمره وما يشتغل بطريقة صحيحة وما يشحن زين، صراحة انصحك تشمره 😅
استاذ حبيبي اكدر انزل صوت المروحه لان جدا مزعجه من اول تشغيل صار دقايق من شغلته والصوت مايحتمل
عزيزي احتمال تحتاج تشحيم
شوية زيت مال مبردة قطرتين مو اكثر حطها بمكان التقاء البوري بالقرص ، لكن لا تكثر
@@fouadalmohandes229 موهوه جديد البارحه وصلني يعني اول مافتحته من الكارتون هيج صوته عالي
عادي عزيزي
ههههه اعتذر عزيزي على تعليقي
عبالي معلق على فديو المروحة السقفية
اعتذر جدا
عزيزي هذه المشكلة الكل يعاني منها
برايي تحط اليو بي اس بمكان بعيد عنك خارج الغرفة وتسحب منه واير لتقسيم تنطي لاجهزتك
خويه اني حاط عليه تلفزون وبلي بعدين لمن تطفي الكهرباء يطفي اليو بس اس ويرجع يشتغل شنو الحل اليو بي اس 1500
عزيزي تقصد ان اليو بي اس الي عندك عادي مو اونلاين ؟
عموما البطاريات تالفة
اعتقد اوف لاين بس شلون البطاريات تالفه وصارلي اسبوعين من جايبه 😢
@COlDR-tk1zs
عزيزي نوعيته اجوز مو زينة
او سوء استخدام منك
خويه شكرا علا الاجابه طلع الخطأ مني لان شحنه قليل وفتحته ما قصرت شكرا
@COlDR-tk1zs
تدلل عزيزي
اخي اني عندي الفولت بلبيت 180 وسمعت انو هاي الفولتيه ضعيفه وتخرب
الups اونلاين. صحيح هاذ الحجي
عزيزي في حالة توفير درجة الحرارة المناسبة بين ٢٠ الى ٢٥ درجة مئوية
وكانت الكهرباء ١٨٠ فولت
فاتوقع ان نسبة الضرر لا تتجاوز ١٠%
يعني بدل ما يشتغل خمس سنوات ويتلف خلي يشتغل اربع سنوات ونص
بالمقابل يوفرلك خدمة رهيبة
اهم شي توفرله حرارة منخفضة
لان ضغطك عليه بفولتية منخفضة او مرتفعة سيؤدي الى ارتفاع حرارته اكيد
@@fouadalmohandes229 شكرن علا المعلومات القيمه❤
اني عندي يو بي اس 1kv اونلاين رابط عليه بس البلايستيشن من تطفى الوطنية اضل انتضر تجي لكهرباء وأكمل لعب هذة شي صحيح او لا
أرجو رد رجاء🤍
عزيزي لان 1KVA فالطريقة الي تسويها هي الامثل، اذا تستعمل قوة البطاريات ينهار اليو بي اس خلال دقائق معدودة
@@fouadalmohandes229 يعني الي داسوي صحيح وميضر لا اليو بي اس ولا البلايستيشن؟
@@fouadalmohandes229 يعني الي داسوي صحيح وميضر لا اليو بي اس ولا البلايستيشن؟
استاذ اشو اليو بي اس اونلاين لمن اشغلة هوة كلشي بي طبيعي بس يطلع صوت غريب مو مال مروحة عبالة خرخشة كهرباء هيج شي هذا الشي طبيعي؟
ومع العلم هاية الحالة فقط لمن ادوس دكمة الاون
وهماتين صوت مو قوي يعني الا جبت راسي حطيتة بفتحة التهوية
لا عزيزي مو طبيعي
اني مرات هم تصير عندي لمدة ثانيتين وتختفي
اكيد يوجد خلل
لكن اذا وديته للشركة اكيد راح يكلولك كلشي ما بيه
سؤالي صوت الخرخشة او جدحة يستمر عندك هواي لو بس ثانيتين
اذا بس ثانيتين فعادي
@user-zo3ut7iu6x
عادي لعد عزيزي
لا تهتمله
@@fouadalmohandes229 الخرخشة صوتهة ضعيف الا احط اذني يم الشاشة يعني كهرباء ولمن مطفي الجهاز ماكو صوت واني نسختي الكونيكت
حبي اني عندي ps5.
من تجي كهرباء قوية يفصل ups تلقائيا
ويسبب لي مشاكل
شنو الحل اذا مو زحمة عليك ؟
عزيزي القناة هدفها فائدتكم ، اي سؤال اني حاضر وتدلل، نصيحة جمعلك مبلغ واشتري UPS ONLINE 2KV واخلص من الموضوع نهائيا.
يصير 1kv
بس الربط فقط على بلي5 بدون شاشة
عزيزي اذا بس بلي فايف يمشيك ربع الى نص ساعة حسب اللعبة
اني للاسف ما كدرت احافظ على بطاريتة بشنو اكدر استبدل بطاريتة
لازم توديه للشركة
اذا غيرتهن انت ما ينضبط تصليحك
خوية ممكن سؤال اني اشتريت ups 1500 اوفلاين مكتوب علي لازم اشحنوا 12 ساعة قبل الاستخدام بس أني شحنتوا 18 ساعة هل راح يصير ضرر عل ups!
عزيزي اني دائما انصح بالشحن ٢٤ ساعة
الي تكتبه الشركة هو الوضع المثالي، والي هو ما متوفر باي مكان
اكو شرط واحد برايي لازم توفره
اذا وفرته حط اليو بي اس سنة كاملة على الشحن ما عليه شي
الشرط هو التبريد
عموما الجو هسة وسط
لكن دائما خلي اليو بي اس بمكان يضربه الهوى
ما عليه شي لا يظل ابالك.
واي سؤال اني حاضر وتدلل
@@fouadalmohandes229 ممنون يعني عادي اخلي مشتغل وقت أكثر بهاذا الجو
لا بهذا الجو خليه ٢٤ ساعة
اذا تريد تخليه اكثر لازم وضروري حتما توفرله تبريد
مروحة مثلا
اني هسة الي عندي رابطله مروحتين
اقصد كشحن اول
السلام عليكم استاذي عندي ups من اشغله يشحن ويفصل وبعدين يطفه هذا سببه كثرة الاستعمال؟
وسؤال ثاني هل اذا استخدمته هواي (مثلا 5 ساعات) ومكان حرارة عالية نسبيا لازم اشحنه اليوم كله؟
عزيزي سؤالك الاول غير واضح
تقصد يطفى من وحده؟
سؤالك الثاني
عندي يو بي اس بالبيت مشغل عليه الطابق الارضي كله
صاله حوالي سنتين ما مطفي غير دقايق للربط الكهربائي
وما بيه اي مشكله وشغله عال العال
السر هو بتوفير درجة حرارة ٢٠ الى ٢٥ درجة مئوية
اذا على كلامك حاطه انت بمكان حار، معناه كار اليو بي اس يتعب ويخلص عمره من وكت ، والبطاريات تتلف خلال ايام.
واي سؤال اني حاضر وتدلل
@@fouadalmohandes229 ال ups اوفلاين من فاربر اذا شايفه بيه 3 اضواء
عند تشغيله وهو متصل بالكهرباء يحول بين الضوء الاصفر والاخضر عند الاستخدام وبعدين يطفي هل هذا بسبب الحرارة واذا خليته بمكان بارد تنحل المشكلة؟ وشكرا
@mousa_hm11
عزيزي ما جاي توضحلي
يطفى من وحده
بدون ما تطفيه انت
عموما هكذا حالات هي عطل وليست اجراء وقائي
يعني لازم تصلحه
@@fouadalmohandes229 سؤال بلا امر عليك اكدر اعرف شنو نوع ال ups الي مشغل الطابق الارضي عندك وجم(VA)
@mousa_hm11
عزيزي بسبب احتلاف اللغة يطلع الكلام يمي مو عدل
لان جاي تكتب عربي وانكليزي
الي افتهمته من سؤالك هذه اجابته
اليو بي اس الي رابط عليه الطابق الارضي هو فاربر ٣٠٠٠ فولت اونلاين من شركة اسوار ، هو يعطي بحدود ١٢ امبير
اني اخذ منه على مدار الساعة بين ٣ الى ٩ امبير
من تطفى الوطنية يبقى يجهز الطابق الاول بالكهرباء فد ربع ساعة بين ما تجي المولدة
والتجهيز مالته رهيب ٢٣٠ فولت الى ٢٢٩ يعني شي مثالي
اكو حيلة اني مسويها
حاط سبلت فوكاه ، يشتغل تبريد شتاء صيف
واي سؤال اني حاضر وتدلل
يعني استاذ بعد ما يكتمل الشحن افصله عن الكهرباء؟ زين هوه غير عمله يخلي الفولطية ثابتة ؟
عزيزي اذا ممكن توضح سؤالك
بالنسبة للشحن الاول من تشتريه لازم تخليه ٢٤ ساعة يشحن
بالايام الي بعدها تستخدمه وتشحنه تقديرا فد اربع اضعاف وقت الاستهلاك وبعدها اذا عندك شغل عادي تبقى حاطه على الكهرباء اما اذا خلصت شغل فافصل الكهرباء عنه حتى يبقى بارد
@@fouadalmohandes229 يعني استاذ ميصير اخليه عالكهرباء ٢٤ ساعة طول الوقت ؟ لان اريده يوفر فولطية مستمرة للجهاز
@@fouadalmohandes229 قصدي على سؤالي انا تقريبا استخدم ال pc طول الوقت ، ف ما يصير اخلي ال ups مشتغل طول الوقت ؟ بحيث كلما يفقد شحن ينشحن وحده ، لان بنفس الوقت الكهرباء ممكن تصير قويه او ضعيفه وهذه تضر الجهاز لذلك ال ups يخليها دائما مستقرة
@@fouadalmohandes229 واستاذ بعد سؤال هل من الضروري ان أأرض الجهاز والحاسبه ؟ او بأمكاني استعماله بسلام بدون ان اجري عملية تأريض ؟
@Goats4Ever0506 عزيزي
اني اقصد تشحنه اذا ما عندك استخدام اله
بس اذا انت تستخدم حاسبة او بلي ستيشن فهو يشحن وينطي كهرباء بنفس الوقت.
صديقي انا استعمل اليوبي اس 9 ساعات بليوم شنو الحل
عزيزي هي وين المشكلة حتى الكالك الحل
اني عندي يو بي اس رابط عليه الطابق الاول كله صاله حوالي سنة ما طافي
ممكن الطريقه الامنه لاستخدام الاونلاين ups. حتى اكدر اطول من عمر الups الي عندي 1kv online
يعني مقصد كلامي
اذا مشغل البيسي نكول كمثل 5 ساعات مستمره والكهرباء مستمره ما طفت عادي اخلي اليوبي اس مشتغل حتى وان كانت الكهرباء موجوده ومستمره؟
عزيزي بالدرجة الاولى لازم توفرله درجة حرارة مناسبة تتراوح بين ٢٠ الى ٢٥ قدر الامكان
اما بالنسبة للاستخدام
فاني استخدم ثلاث يوبي اس ات اونلاين
واحد منهن اله تقريبا سنتين ما مطفيه نهائيا يشتغل ٢٤/٢٤
والثاني اشغله كل يوم حوالي ثمان ساعات
والثالث اشغله اثناء ما تجي المولدة وافصل عليه الكهرباء، يعني اخليه ياخذ الطاقة من البطاريات طول ساعتين متواصلة لكن مباشرة من تخلص البطاريات اشحنه
ملخص هذا الكلام وفرله برودة واشحنه دائما مباشرة بعد الاستخدام
يطول عندك سنين
@@fouadalmohandes229 شكد اشحنه بعد الاستخدام
اعتقد ملازم نطفي كهرباء عن البو بي اس لان هو مصمم لهذا الشي وخصوصا بطارياته يرادله وقت طويل للشحن
عزيزي، برايي الشحن يكون عشر اضعاف وقت الاستخدام
يعني تستخدمه من بطارياته دقيقة تشحنه عشر دقائق
وتكدر تشحنه على تقديرك وليكن ساعة او ساعتين لان كلامي مو دقيق وانما كرائي خاص
مبني على درجة الحرارة الملائمة للاجهزة
اذا تشغل اليو بي اس وفوكاه تبريد سبلت برأيي ما يحتاج تطفيه ابد
لكن لان جونا حار ولجعل البورد يبرد والاهم البطاريات برأيي لازم يطفى اليو بي اس
من ناحية ثانية
سؤال .. يو بي اس جديد ما مستخدم
وخليته على الكهرباء شهر كامل
ما تستخدمه
بس يشحن
هل يا ترى راح يفصل شحن
لا
ما راح يفصل
والدليل خلي ايدك على اليو بي اس وشوفه
تلكاه حار
والبطاريات اكثر حرارة
لذلك لازم نفصل الكهرباء.
@@fouadalmohandes229 كلامك صحيح بس عندي اوفلاين حته مروحه ما بي وابد ما اطفي كهرباء عليه وبعده يشتغل وبطاريات خليت دييب سايكل وره اكثر من سنه ياله تعبن وبدلتهن بدلتهن
وحاليا بعده يشتغل يو بي اس بيطاريات جديده
اوكي بعده يشتغل
لكن من تخليه يرتاح ويبرد راح يطول عمر البطاريات
البطارية اذا شايفها بيها محلول (تيزاب) من ترتفع الحرارة يفور ويتبخر
لذلك اطفاء اليو بي اس ضروري للمحافظة على عمره.
@@fouadalmohandes229
يعني من اشغل عليه البلي اطفي من الشحن .. يعني اثناء الاستخدام اطفيه من الشحن
@@fouadalmohandes229❤
يعني اذا اخلص اطفيه من كهرباء لو اشحنه
عزيزي
فرضا كانت كهرباء موجودة
واستخدمت اليو بي اس فد ساعتين
فرضا بهاي الساعتين ما طفت الكهرباء ابد
في هذه الحالة من تخلص وتطفي جهازك كان بلي ستيشن او حاسوب مباشرة طفي اليو بي اس
لكن في حالة استخدامك لليو بي اس في هذه الساعتين وطفت الكهرباء لازم تخليه على الشحن
وبمعدل حوالي عشر اضعاف
يعني اذا طفت الكهرباء خمس دقايق حاول تخليه على الشحن خمسين دقيقة
وبعدها هم طفيه
من اطفيه تحافظ على عمره اطول
@@fouadalmohandes229 حتا لو كهرباء مولدة
عزيزي عادة المولدة تكون كهرباتها قليل غير منتظمة، حتى يرتاح بالك، تطفى دقيقة او كانت مولدة ، من تطفي الجهاز البلي ستيشن او الحاسوب لا تطفي اليو بي اس مباشرة، خليه يشحن ربع ساعة، او نص ساعة ، او حتى ساعتين، المهم لا تخليه على الشحن اربعة وعشرين ساعة باليوم، لازم تبرد البطاريات والبورد مالته.
@@fouadalmohandes229 شكراً
تدلل عزيزي
سلام عليكم اني هسه اشتريت ال يو بي اس ومااعرف اشون اشحنه ارجوك ساعدني..
عزيزي تدلل
تحط اليو بي اس بمكان درجة الحرارة بيه بين ٢٠و ٢٥ درجة مئوية
وتشحنه ٢٤ ساعة
وبعد مرور يوم كامل من الشحن الك حق تستخدمه
وشرط درجة الحرارة يبقى مستمر
واي سؤال اني حاضر وتدلل
عندك وات اب اتواصل وياك
واتس اب ممكن تطيني اني يو بي اس خليت سلك ب كهرباء اشتغلت المروحه والشاشه ولكن لون اصفر ماكو وبشاشه طلع على اليسار طلعن حبات يصعدن وينزل مثل الجوستك من يشحن او تلفون تمام يعني هذا يشحن ولا لا +اني اشتريته من شركه يو بي اس اسمه كستار اولاين تمام وكالو لي اشحنه 8 ساعات،، اعتذر عل اطاله واتمنه تساعدني يا طيب
اعتذر عزيزي
اسئلني هنا واحاول اجاوبك باسرع وقت ممكن
صديقي امس جبت واحد شنو سالفة المروحة صوتها ما ينحمل ابد
صحيح عزيزي
لا تحاول ابد تقلل صوتها
الافضل تنقله خارج الغرفة وتشغله مناك
هذا الحل الامثل
@@fouadalmohandes229 راسلت المكتب افكر ارجعه واجيب اوفلاين شنو رأيك انته اني بس عله ما اطفي البيسي
العادي ما انصحك ابدا بيه
فاشل لابعد الحدود في حالة استخدامه للاجهزة الالكترونية
اني كلتلك الفكرة الامثل هي نقله بغير غرفة
هسة اني حاطه بالطابق الثاني ويغذي الطابق الاول كله
جهاز راقي
وحتى المروحة هدفها هو المحافظة على الجهاز
يعني مو زايدة
@@fouadalmohandes229 استاذنه هيه الصعبة شلون تجرله واير للغرفة
استاذ بس سؤال اني اشتريت يو بي اس 850 طولت البطارية عندي تقريبا 10 اشهر وضعفت ف بدلتهة البطارية واشتريت بطارية جديدة ام 15 الف ورة كم يوم ماطولت كلش هواي ضعفت ومن تنطفي الكهرباء متشغل يضل اليو بي اس ينكفي وينعلك ومن ينطفي ينكفي وياه الاكس بوكس مالتي يعني الاكس بوكس ينطفي ليش ما طولت مثل ما طولت البطارية الرئيسة مالت اليو بي اس وليش ينكفي وينعلك اليو بي اس؟
ومن بدلت البطارية ما شحنتهة لمدة طويلة كبل استخدمتهة هل تاثر وشنو لازم اسوي علمود ترجع البطارية تشغل الاكس بوكس
عزيزي ينطفي وينعلك لان البطارية بيها قدرة لكن ضعيفة يعني مو معدومة .. ليش لان نوعيتها مو زينة
ولان نوعيتها مو زينة ما طولت عندك هواي
نصيحة حسب امكانيتك
اما تشتري يو بي اس اونلاين 3KVA فاربر حوالي سعره ١٧٠ الف دينار
او تشتري بطاريات فاربر من شركة اسوار وللعلم سعر الوحدة اغلى ب ٥ او ١٠ الاف دينار عن البطارية العادية
واي سؤال اني حاضر وتدلل
@user-wb9tg5ns2n
طبعا ياثر اذا ما تشحنها
اني دائما اوصي بالشحن ٢٤ ساعة قبل الاستخدام
عزيزي كلتلك اقتراحي فوك
هذني العندك لازم تذبهن
تلفن بعد
@@fouadalmohandes229 يعني اذا اشتري نوعية البطارية الزينة كم تطول عندي تقريبا ولو زحتمك استاذ
@user-wb9tg5ns2n
عزيزي ما اعتقد يفيد هواي لسببين
الاول متكدر تجيب بطارية مثل الاصلية
والثاني التلف والانهيار بالاداء ما يصير بالبطارية فقط حتى تستبدلها وينتهي الموضوع ، مرات حتى بورد اليو بي اس يتعب
اذا تريد تجرب وتحط بطارية فانصحك حط فاربر ، واشحنها زين ، لكن ما اضمنلك يشتغل اليو بي اس عدل او مثل قبل.
واي سؤال اني حاضر وتدلل
السلام عليكم عندي صارله سنتين اليوم كام يطلع صوت الطفيه وهو بي كهرباء واكو مكتوب عالشاشة CH شنو مشكلته😢
عزيزي بيه مشكلة احتمال بالشحن وعلى الاغلب البطاريات تالفة
الشركة اسوار ضمانها ممتاز
اذا تريد تراجعهم وتاخذه وياك
@@fouadalmohandes229 والله رحت لفرع كلي روح لفاربر احسن بحي الجامعة
سؤال اخير الله يبارك بيك انا جبت يو بي اس انلاين جديد احط ع الشحن
24
ساعه
وهو شغاله مرواحتا عادي؟
نعم عزيزي
اربط اليو بي اس على الكهرباء
شغل الكهرباء
لا تشغل اليو بي اس
المروحة ستعمل مباشرة اوتماتيك بهدف تبريد الجهاز
سلام عليكم اخي انا لم افهم لهجتك لانني من ليبيا ، انا عندي جهاز UPS line interactive ،، كيف احافظ عليه وعلى بطاريته ؟ مع العلم انا اول مااشتريته على طول شبكته بالبي سي وبالكهرباء وشغلت عليه بي سي واموره طيبة الي الان
اهلا وسهلا بك عزيزي وبكل الشعب الليبي
اعتذر لاني لم اتحدث باللغة العربية الفصحى
عزيزي للمحافظة على جهاز اليو بي اس عليك القيام بعدة ملاحظات وكما يلي:-
الاولى هي شحنه مباشرة بعد الاستخدام
الثانية استخدامه للطواري وليس كعاكسة (عدم استنفاد كل طاقته)
الثالثة عدم رفع درجة حرارته
الرابعة تركه بدون استخدام او شحن لمدة تزيد عن ١٢ ساعة يوميا.
واي سؤال انا حاضر للاجابة وتدلل.
@@fouadalmohandes229 شكرا لك مهندس فؤاد الان فهمت عليك بارك الله فيك وزادك الله علم ❤️
@MageLy
تدلل عزيزي
شكرا لك على كلماتك الطيبة
@@fouadalmohandes229 بس نقطة رابعة تركه لو عدم تركه ارجو الرد
عزيزي تركه بدون استخدام او شحن
يعني اطفيه ما تشغله وما تنطيه كهرباء من الحائط حتى ما يشحن
حتى يبقى بارد
او اذا تريد تشغله ٢٤/٢٤ تكدر لكن بشرط توفرله درجة حرارة ٢٠ الى ٢٥ درجة مئوية
واي سؤال اني حاضر وتدلل
من تجي المولد اليوبيس يكوم يجكج هم يتأثر؟
نعم اليو بي اس تتعب بطاريته واحتمال الكارت يتلف واكيد راح يعطي كهرباء غير منتظمة للجهاز وتسبب بعطله.
شباب اكو طريقة تلغي بيهة عمل المروحة (انتبه تلغي المروحة يعني ربة يشتعل بالحماوة) اما عن طريق فك اليو بي اس براغي و تطلع المروحة بسلاسة مو صعب اما عن طريق سوفت وير برنامج تنزلة و تربطة ع الحاسبة بواير طابعة و تتحكم باعداداتة و تلغي الطركاعة السودة
اذا ما تشتغل المروحة يعطل اليو بي اس خلال اسابيع
@@fouadalmohandes229 مو خطية ضلت بنفسهم يعرفون مثل ما ضلت بنفسي و حاليا كاعد اطول الواير مال السيار لان شمرتة بعيييييد
اخذت ups online شلون اسوي 🔕
يا ماركة؟
@@fouadalmohandes229 falcon بس يشبه فاربر بالسوفتوير
@@fouadalmohandes229 ؟
ما اعرفله
لكن الفاربر تبقى ضاغط على زر التشغيل باستمر لمدة خمس ثواني
بعدها يصير صامت
@@fouadalmohandes229 شكرا نجحت
شلونك استاذ عندي pc يسحب تقريبا 2.5 امبير هو والشاشة واريده يشتغل 3 ساعات تقريبا لان الوطنية عدنا تعبانة ف ممكن تنصحني شنو اجب عاكسة لو ups لان تعبت حيل
اذا تريد ثلاث ساعات متواصلة فلازم تشتري عاكسة وبطاريات ضخمة اثنين او ثلاثة
يعني صراحة تكلفك هواي فوك المليون
سيتم رفع فديو مقارنة بين العاكسة واليو بي اس بعد دقائق
@@fouadalmohandes229 ننتظرك ❤️
@@fouadalmohandes229 وينه الفديو
كم ساعة لازم اشحنة؟
برايي ٢٤ ساعة بشرط توفير درجة حرارة ٣٠ - ٢٠ درجة مئوية
@@fouadalmohandes229 شكرا
كام يطلعلي ch شنو سبب
باي مكان بالشاشة بالضبط؟
@@fouadalmohandes229 يكلي charge وهو ديشحن ليفوك بالوسط
اخلي ع شحن مايشحن بعد سبب الباتري مو
@@sosososo4289 اني ما واصل لهذه المرحلة، ما طالعتلي هيج كتابة، انتي اعرف ، احتمال المقصود بيها Change للبطاريات، اعتذر.
استاذ العزيز عندي نفس الجهاز بس ابالي فكره اريد اخلي الجهاز بمكان بعيد عن الغرفة وبنفس الوقت اريد احافظ عليه يعني اريد اشغله على كد الأستخدام بس المشكلة بالبرمجة أريد اخلي بلك سويج واي فاي اربطه على الموبايل بحيث التشغيل يكون عن بعد والأطفاء عن بعد بس متوقف على شغلة وحده وهي من اشغله عن بعد لازم إلا اضغط على زر ON ف دابحث على حل لهذا الموضوع اريد من اشغله من البلك يشتغل مباشرةً ينطي كهرباء سؤالي هو هذا الإعداد موجود بالبرنامج مالته اللي يتنصب على الحاسبة ؟
عزيزي الفكرة حلوة
لكن للاسف ما اعتقد تصير
اني ربطته على الحاسبة كلشي ما حصلت للاسف
ومال تخليه يشتغل ويطفى بضغطة وحدة قصيرة هم ميصير
يعني ماكو حل
لازم تشغله وتطفيه بنفسك
ونصيحة حط اليو بي اس بمكان درجة حرارته معتدلة مو حارة
@@fouadalmohandes229 والله راح أحاول اجد طريقة راح ابحث عن واحد واحد حتى لو يعني يشتغل على الكارت وبحيث ينطي تحويل مثلاً بعد التشغيل ب5 ثواني بدون ما اضغط زر on
عندي Ups من فاربر 1kv بعده جديد .. سؤالي هو طبيعي من تطفه الكهرباء تنقص منه طابوكه وحده من كميه الشحن ويبقن ثلاثه هاي من تطفه بسرعه يعني ميظل مفول عداد الشحن لا ينزل درجه هاي عادي لو بي شي ؟ واني اصلا اطفي الاجهزه واليوبي اس بسرعه من تطفه ما ابقيه حتا احافض عليه
نعم عزيزي
معناها البطاريات تالف منها بحدود ٢٥% من قوتها
واكيد هو سوء استخدام
اكو شرطين اساسية للمحافظة على اليو بي اس
الاول هو شحن اليو بي اس مباشرة بعد الانتهاء من استنزاف طاقة بطارياته وبالوقت المناسب والي يمثل حوالي اربع اضعاف وقت استخدام اليو بي اس بالاعتماد على البطاريات.
الثاني هو توفير درجة حرار مناسبة تتراوح بين ٢٠ الى ٢٥ درجة مئوية
نصيحة اترك الجهاز على الشحن مدة ١٠ ساعات مع توفير جو بارد
واي سؤال اني حاضر وتدلل
@@fouadalmohandes229 شلون سوء استخدام واني دا احافض عليه ومن تطفه بسرعه اطفي حتا احافض عليه واكو شغله اليوبي اس جديد مصارله خمس ايام و شحنته قبل الاستخدام تقريبا ٢٢ ساعه ونص تقريبا .. يعني حتا بعدني ممستخدمه وقت طويل .. هسه شسوي اخابر الضمان مالته لو اشحنه ١٠ ساعات ؟؟
@@fouadalmohandes229 شلون سوء استخدام واني دا احافض عليه ومن تطفه بسرعه اطفي حتا احافض عليه واكو شغله اليوبي اس جديد مصارله خمس ايام و شحنته قبل الاستخدام تقريبا ٢٢ ساعه .. حتا بعدني ممستخدمه وقت طويل . هسه يعني البطارية تالفه من الشركه ؟ يعني اخابر الضمان لو اشحنه ١٠ ساعات ؟
@@fouadalmohandes229 َ
@@fouadalmohandes229 شلون سوء استخدام واني دا احافض عليه ومن تطفه بسرعه اطفي حتا احافض عليه واكو شغله اليوبي اس جديد مصارله خمس ايام و شحنته قبل الاستخدام تقريبا 22 ساعه ..يعني حتا بعدني ممستخدمه وقت طويل هسه اخابر الضمان عليه لو اشحنه 10 ساعات ؟
يرحم امك وابوك اكو احد راكض وراك فيديو مخصص لشرح ليش هل سرعه
ههههه اعتذر عزيزي
مرات لازم اجرب حتى اعرف الانسب للمشاهدين
اخي الكريم عندي ups 850 للكمبيوتر تمام وكيسة البوكس الكمبيوتر له فيشة لحال وكذالك الشاشة أول ماشريتو شحنته كامل وشوفت معلومة اني لازم افرغ ups كل 15 يوم أقل شيء عملت كده شغلت كمبيوتر وتركتو بدون ماشتغل عليه الوقت كان ممتاز جدا 40 دقيقة وبعدها صار يزمر صوت طفيت ups وشحنته أخذ 7 ساعات شحن المهم مشيت على هذا الحال كل 15 يوم افرغ واعيد شحنه وحافظ على درجة حرارة ودائما بارد مايسخن كثير المهم بعد شهرين جيت اشغل جهاز على ups تفاجات اعطاني 20 دقيقة وصار يزمر طيب تمام طنشت شحنته أخذ 3 ساعات استغربت ماهو العادة يطيل شحنه فكرت وقرأت تعليمات كان مكتوب انو جهاز يصدر صوت طنين إذا تجاوز الحمل الأقصى فلازم اخفف طفيت هم البوكس الكيسة يعني خليتو على كهرباء عادية يعني أما شاشة على ups فاهم علي مو على كهرباء انا نازع ups من مصدر كهرباء شغال بيه شاشة فقط لاحظت وقف الطنين تذمير وطلع مانو فاضي ups يعني فيه كهرباء رجعت شبكت البوكس عليه صار يذمر طنين عسريع لحتى الان استغرب ليه أول ماشريتو كان على بوكس وشاشة يطول 40 دقيقة والان 20 دقيقة وإذا خليت شاشة لحالها بups عادي طول أكثر ياخد 40 دقيقة أو أكثر كمان
عزيزي التعليمات المكتوبة مع اليو بي اس تكون صحيحة كلما كان الجهاز ماركة اصلية
اما الانواع التجارية فالتعليمات لا تنطبق عليها
هذا من ناحية
من ناحية ثانية لا يمكنك الحكم ايهما يستهلك اكثر الشاشة او الكيس
تعتمد على المواصفات للكيس وسنة الصنع والماركة للشاشة
مثلا شاشة سامسونك لا تصرف الا القليل
الي اتوقع حدث عندك هو تلف للبطارية
عموما استهلاك كل طاقة البطاريات يقلل عمر اليو بي اس.
@@fouadalmohandes229 شكرا اخي فؤاد شيء آخر لو بحثت على جوجل Next wave UPS 850 سيظهر فورا هوه هذا الذي معي ماريك به حتى أنني بحثت عليه ولم اجد صناعة ايه كلو انجليزي ببعض وورقة تعليمات ارجوك ابحث وحيظهر لك ميزاته وقلي هل اصلي وتحيه من أهل فلسطين ليك
@@Abdullah-wo2lv عزيزي الاجهزة الموجودة في الانترنت ليس شرطا ان تكون ماركة وعالية المتانة
عموما من الاسم ٨٥٠ يعني ان اليو بي اس قدراته محدودة
هو شلون واحد يعرف شكد شحن البطارية اذا هو من يصير شحنة فوگ ال75 يصير اربع شخطات
واذا انترس شحن ما يفصل ويضل مستمر يشحن
المهم اني احطة يشحن شوي واطفي
عزيزي قصدك الشحن الاول من تشتريه
لو الشحن بباقي الايام؟
@@fouadalmohandes229
الشحن الاول تكدر تحطة ليلة كاملة وتضمن شحنة 100 بالـ100
بس الشحن بباقي الايام شلون؟
تقديرا عزيزي
ثلاث حالات
الاولى تستعمل اليو بي اس عشر ساعات وخلال هذا الوقت ما تطفى الكهرباء وبالتالي ما يستهلك من بطاريته
بهذه الحالة اطفي جهازك (حاسبة مثلا) واطفي اليو بي اس مباشرة بنفس الوقت
الثانية تستعمل اليو بي اس عشر ساعات مثلا
وخلال الساعة الاولى طفت الكهرباء فمن تريد تطفي الحاسبة مثلا تطفي وياها اليو بي اس مباشرة لان شحن بالساعات الي تلت الانطفاء
الثالثة انه تستخدم اليو بي اس فد ساعة وخلال هاي الساعة تنطفي الكهرباء فد ربع ساعة او ثلاث وانت متحير تخليه يشحن او لا
نصيحة بالدرجة الاولى وفرله تبريد
اما الوقت فهو تقديرا
يعني من يصرف خمس دقائق من البطارية حاول تخليه فد نص ساعة على الشحن او ثلاث ارباع الساعة
يصرف نص ساعة من البطارية خليه فد ثلاث ساعات على الشحن في حالة انت طفيت الجهاز الحاسبة مثلا
ضاعف الوقت تقديرا
واي سؤال اني حاضر وتدلل
@@fouadalmohandes229
مشكور
مدلل البيت هذا مو ups
هههه صراحة UPS جبار، اعتمد عليه بتوفير الكهرباء وتنظيمها.
استاذ فؤاد بلا زحمة عندي ups عادي من افتح البلي أربطة بالكهرباء ومن أكمل لعب افصلة من الكهرباء يعني هو يشحن من العب بل بلي ومن اخلص لعب افصلة من الكهرباء وما اشحنة بعد هل هذا صحيح لو اشحنة بدون البلي -والسؤال الثاني كم مدة شحن ups واكون ممنون منك --و أسف على الاطالة
عزيزي تدلل واسئل شكد متريد .. احاول ان اوضحلك الاجابة المناسبة
عزيزي برايي الخاص اسلوبك هو الافضل ان تشحن اليو بي اس اثناء الاستخدام وتفصل عنه الكهرباء بعد تخلص لعب
هذا على فرض انه ما طفت الكهرباء اثناء استعمالك لليو بي اس هذه كانت الحالة الاولى
الحالة الثانية انك تستخدم اليو بي اس وتطفى الكهرباء فد عشر دقائق ومن اجتي بقيت تلعب بلي وتشحن وبهذه الحالة ايضا تطفي البلي و اليو بي اس سوة لان فقد قليل من الشحن وعوضه
الحالة الثالثة
تشغل اليو بي اس والبلي
وتطفى الكهرباء اكثر من نص ساعة وبعدها تريد تطفي البلي ، الافضل بهذه الحالة تخلي الكهرباء تشحن اليو بي اس
اما بخصوص سؤالك الثاني
فوقت الشحن تقديري
يعني استعمال خمس دقائق من طاقة بطاريات اليو بي اس المفروض يقابلها ربع ساعة شحن
ونص ساعة من البطاريات يقابلها ساعتين مثلا
الموضوع تقديري
لكن يحتاج امر واحد فقط
هو توفير درجة حرارة لليو بي اس بين ٢٠ الى ٢٥ درجة مئوية
واي سؤال اني حاضر وتدلل
شكرا جزيلا اخي على الإجابة --بس انة من تطفى الكهرباء اغلق البلي وما أكمل لعب يعني بس اطفي البلي بشكل نظامي يعني ما استخدم ups لفترة طويلة بس مجرد اطفي البلي بطريقة نظامية
@barcelonamessi6309
عاشت ايدك عزيزي
يعني استمرّ على هاي الطريقة -ومشكور جدا اخي العزيز
@barcelonamessi6309 نعم افضل
بشرط عدم استهلاك طاقة البطاريات
خرب يومك صوتك سريع وبطيء شالقضيه
اشكرك عزيزي على الملاحظة
السلام عليكم .... عندي جهاز اوفلاين ... لما اجي أشحنه هل يجب الضغط على زر ال power ?
اهلا عزيزي
لا ما يحتاج
انت اذا ربطته على الكهرباء وشغلت الدكمة الي بالحايط واجتي كهرباء باليو بي اس معناها بدء يشحن.
بدون ما تشغل دكمة البور عادي يشحن
@@fouadalmohandes229 اتركه عالشحن 24 ساعة لانو جديد ؟؟ شكرا على الرد
نعم عزيزي
من الضروري اذا كان جديد تشحنه ٢٤ ساعة
وتاخذ بنظر الاعتبار تهوية ودرجة حرار الغرفة
عموما الجو حاليا جيد لكن انت وفرله درجة حرارة بين ٢٥ الى ٣٠ مو اكثر
@user-dk7bx2jd2o واي سؤال اني حاضر وتدلل
@@fouadalmohandes229 طيب ..كم أشحنه من مرة في اليوم ؟ هل اشحنو بعد كل استخدام ؟
سوأل صديقي
اذا استخدمتة ٦-١٠ دقايق و الكهرباء طافية
كم ساعة اشحن البطارية مالتة حتة استخدمة اثناء الاطفاء
وهل يشحن اثناء الاستخدام لو الة هو طافي يشحن
وكم وقت الشحن الانسب الة
لا زايد و لا ناقص
بالاستخدام العادي و اول ما اشتريه
عرفت
ماعرفت الجواب؟
اشتريت ups جديد نوعية كاربون شلونه زين لولا ؟؟ وكم ساعة اشحنه قبل الاستخدام ؟؟
عزيزي انت اشتريته بعد
ميفيد اذا تعرف هسة عليه معلومة
عموما اني ما اعرف عنه اي معلومة
واذا مو اونلاين فاني نهائيا ما انصح بيه
الشحن برايي ٢٤ ساعة بشرط توفير درجة حرارة ٢٠ الى ٢٥
@@fouadalmohandes229 غالي الاونلاين هوهذا وماخذه بالاقساط 😂
سوأل صديقي
اذا استخدمتة ٦-١٠ دقايق و الكهرباء طافية
كم ساعة اشحن البطارية مالتة حتة استخدمة اثناء الاطفاء
وهل يشحن اثناء الاستخدام لو الة هو طافي يشحن
وكم وقت الشحن الانسب الة
لا زايد و لا ناقص
بالاستخدام العادي و اول ما اشتريه
اسئلتك واضحة ومهمة
عزيزي بالنسبة لسؤالك الاول
اذا تاخذ منه ٤ امبير بالدقيقة فهو يحتاج الى ثمان دقائق حتى يعوض
يعني اذا طفت الكهرباء الوطنية وبقيت تاخذ منه اربع امبيرات لمدة عشر دقائق فيحتاج حوالي (مو بالضغط) الى ساعة ونص حتى يرجع يفول، هذا الحجي تقريبي اذا نقصت مو زين على الجهاز واذا زيدت ساعة ماكو اشكال بس اذا زيدت ثلاث ساعة لا راح يكون شي غير صحيح ومو زين على الجهاز.
السؤال الثاني نعم يشحن اذا طافي واذا يشتغل نفس الشي.
السؤال الثالث يوم كامل ٢٤ ساعة.
واي سؤال اني حاضر وتدلل.
@@fouadalmohandes229 اشكرك للرد
بخصوص الجواب الاول
(شنو قصدك يعوض) و شلون
و اذا اني شاحنة كامل
و طفت الكهرباء و استخدمت بطاريات الخزن مالتة لمدة 10 دقايق
و رجعت الكهرباء اشتغلت و اني بقيت مشتغل عليه مطفيتة و خليتة يشحن
هل من تطفة الكهرباء علية مرة ثانية خلال ساعة مثلاً، راح هم ينطيني 10 دقايق شحن من بطاريتة
بإعتبارة يشحن اثناء استخدام
لو راح يطفة باعتبارة انطاني ياهة اول مرة
و لازم اطفيه و اخليه يشحن و ارجع استخدمة
اقصد بيعوض هو تعويض الفقد الي صار بالكهرباء اثناء انطفائها والاعتماد على بطارية ups بالشحن لل ups
بالنسبة لسؤالك الثاني لا طبعا يبقى ينطيك كهرباء مو الا يفول ، لكن اذا بقيت تضغط عليه احتمال يعطل، شلون .. مثلا كنت رابط الحاسبة على اليو بي اس وطفت الكهرباء ربع ساعة وبعدها تركته يشحن فد ساعة ونص فهنا الامور تمام، لكن على فرض كنت رابط الحاسبة على اليو بي اس وطفت الكهرباء ربع ساعة وبعدها تركته يشحن فد ربع ساعة ورجعت طفت الكهرباء ربع ساعة وخليته بعد يشحن هذا الضغط عليه يدخلك بمرحلة الخطر، لازم تعوض الفقد من خلال الشحن، وللعلم حتى اذا خلص كل طاقته وشحنته مباشرة راح يتاثر بس قليل، التاثر الاكبر والي اكيد يتلف البطاريات هو استهلاك طاقتها وتركها بدون شحن ساعة او ساعتين او يوم وبعدها تشحنها .. هذه الطريقة ادمر اليو بي اس.
للعلم الوقت الي ينطيه الك يعتمد على حجم اليو بي اس كم KVA وعلى الجهاز الي رابطه عليه شكد يسحب.
@@fouadalmohandes229
هذا كلامك (مثلاً كنت رابط الحاسبة على ups و طفت الكهرباء، و استخدمت البطارية ربع ساعة، لازم اتركة فد ساعة و نص حتة يعوض الفقد…)
اهنا السؤال: لازم اطفي الحاسبة و اخلي ال ups شغال بوحدة حتة يشحن ساعة و نص و يعوض
لو ابقة مستخدم ال ups و الحاسبة مشتغلة و مربوطة عليه، و هو يشحن هاي الساعة و نص اثناء الاستخدام حتة يعوض ؟
بكيفك وحسب حاجتك عزيزي
تريد اطفي الحمل (الحاسبة) او تريد تبقيها مشتغلة
بكل الاحوال يشحن ال ups