FARBER upse-72v-3KVA-1ph ONLINE
ฝัง
- เผยแพร่เมื่อ 27 ส.ค. 2024
- يو بي اس من شركة فاربر ثلاثة كيلو في، اونلاين، بمعنى ان الكهرباء التي يزود بها الاجهزة تكون مستقرة جدا، سعره حوالي ٣٦٠$ ، يحوي على ثلاث ازرار في الامام، بالامكان الغاء الصوت او كتمه عند انطفاء الكهرباء، ثقيل الوزن، مهم جدا عند استعمالك لحاسوب او بلي ستيشن او اجهزة طبية او اجهزة كهربائية حساسة.
والله UPS الوفلاين للكونسل مثل بلايستيشن و اكس بوكس افضل اما للـPS اولاين افضل لن يكون حساس و استهلاك كهرباء عالي
الاونلاين والعادي يفيدن لتشغيل الاجهزة العادية مثل المصابيح والمراوح والثلاجات والتلفاز
لكن لتشغيل اجهزة الكترونية مثل الحاسوب والبلي ستيشن والاكس بوكس لازم تستخدم يو بي اس اونلاين حتما
جزاك ألله خير ألجزاء 🌹
تدلل عزيزي
اني اخذته اولاين من الشركه البطاريه مالته خارجيه صار السعر 463الف بس راحه فول تنسه الكهرباء طفت اشتغلت انصح الياخذه
شكد حجم البطارية الي اشتريتها وشكد طول عندك كتجربة اكثر وقت ؟
@@fouadalmohandes229 حجم البطاريه ١٠٠ انبير وطول ٣ ساعه
كلش زين
ونوعية البطارية شنو؟
@@fouadalmohandes229 حبيبي هيه هم من الشركه فاربر النوعيه هندي
يعني ممتازة
بطارياتهم كلش زينة
سلام عليكم ممكن سؤال اني يطلع بشاشة يو بي اس الجهاز يحتاج 230 فولت ومن تطفه الكهرباء بالشاشه يطلع 500 فولت شلون لان ممكن يأثر على جهاز الي شاده
عليكم السلام اهلا عزيزي
الكهرباء المجهزة بين ٢٢٨ و ٢٣٠ ثابتة على هذا المدى
تدري الشاشة بيها هواي رموز وارقام والي كلت عليه ٥٠٠ اكيد ما مقصود بيه الفولتية الخارجة
من تطفى الكهرباء على اليو بي اس حتى تطلع ارقام بالشاشة عن الوقت المتبقي، بالحقيقة مجرد توقع بناءً على الطاقة الموجودة بالبطارية، يعني هذا الرقم مو ذات اهمية، وحتى تتاكد ان الخارج هو المدى المذكور من الفولتية بين ٢٢٨-٢٣٠ بامكانك فحص الكهرباء بالاوفوميتير او اذا عندك جهاز حماية من اسوار او اوزن بيهن شاشة صغيرة تطلع الفولتية، فولتية اليو بي اس الاونلاين ما تتغير ابد.
@@fouadalmohandes229 شكراً عزيزي
تدلل
السلام عليكم ، اخوية اريد اشتري عاكسة فاربر و بطارية اربط عليهه التلفزيون و البلي 5 ، عندك نصائح تقدمهه الي ، شكرا
عزيزي نصيحتي لا تشتري الا يو بي اس اونلاين
اي ماركة
المهم اونلاين
لان البلي جهاز غالي وحساس
اذا ترمش الكهرباء احتمال يضرب سوفت وير
ارخص واحد بيهن باسوار سعره ١٦٠$
زين بالنسبه للفاربر حسب كلام الشركه اكو نوعين واحد يجي بدون بطاريه و انت تربط عليه بطاريه خارجيه من 65 ah الى 200ah و اكو واحد بي بطاريه داخليه برأيك اي واحد افضل بيهم
من تشتري شي ستندر تكون أمن من ناحية العطلات
تاخذ 1kv هو مصمم على هيج شي و ببطارية على هذا المقدار، 3kv كذلك، المفتوح وبراحتك تحطله البطارية اكيد راح يعطيك خيارات اوسع، لكن من ناحية ثانية من المحتمل ان يكون معرض بعض اجزاءه للتلف اسرع بسبب هذا الاستقبال المتغير من الامبيرية.
اني عن نفسي ما اورط نفسي بسعر يتجاوز ال ١٦٠$ على هيج شي، اخذه ستندر من الشركة افضل.
اخوي العزيز هل عندك معلومه عن نوع بطاريته و شكد سعرهة و هل قابلة للتغيير لو اله تتغير من ضمان يعني صيانة شركة) ول واحد كي في شكد يشغل جهاز يستهلك W50 عذرني على كثرة الاسئلة و يا لية جاوبني اكون شاكر الك
عزيزي بالبداية اريد اكلك القناة هدفها ايصال المعلومة للمشاهد
وكل سؤال يسعدني الاجابة عليه
البطارية المستخدمة بهذا اليو بي اس جيدة جدا وهي ضمن سلسلة الاجهزة المسماة سوهو ودليل ذلك ضمان اليو بي اس سنتين
اما اجهزة اليو بي اس الاونلاين ٣ كيلو فولت سلسلة كونيكت فتكون بطارياتها اقل جودة وضمانها سنة واحدة فقط
ولا اعتقد توفرها بالاسواق لارتفاع سعرها
لكن عموما بطاريات فاربر الموجودة عند شركة اسوار هي الافضل بالمقارنة مع مكسيما وغيرها من الماركات
يعني الي نفس الحجم والقدرة لكن ما اتوقع نفسها بالضبط يطلع سعرها حوالي ٢٠ الف دينار تقريبا
وما اعتقد يكدر اي شخص يبدلها بسبب عدم وضعك للبطارية المطلوبة
الافضل تبديلها من الشركة
مو لصعوبة الفتح والسد وانما لصعوبة وضع البطارية المطلوبة يعني سر مهنة
، اما ٥٠ واط فهذا الجهاز يكدر يشغل ٢٠ جهاز من الي تسائل عليه
وتدلل
@@fouadalmohandes229 مشكور عيوني
تدلل عزيزي
اخوي ممكن اسم اليوبي اس الي سعره ١٦٠ دولار وبطاريه خاريجه او فيديو يشرح عليه
عزيزي اسمه فاربر 1KV بطارية خارجية
موجود في شارع الصناعة
لاشركه تفهمنه ولا انته تصور عدل نريد نشوف شكل منتج وحجمه +بطاريه خارجه هذه لو داخليه ؟
عزيزي اني مالي اي علاقة بالشركة
لكن فيما يخصني فاي سؤال تسئله احاول اجاوبك عليه باسرع وقت وتدلل
عزيزي اليو بي اسات الاونلاين الي عند شركة اسوار من فاربر كلها تجي بطاريات داخلية
عدا يو بي اس 1KVA اونلاين يجي بيه نوعين
الاول بطارية داخلية
والثاني بطارية خارجية
فهذا اليو بي اس الي بالفديو ينطيك حوالي ١٢ امبير بس بطاريته داخلية
واي سؤال اني حاضر وتدلل
سؤال ثاني اخي اني جبت جديد وتوني حطيته ع كهربا گبل انفتحت الشاشة الزرقة مادزت اي دگمه يعني هنا دتشحن البطارية ؟ وشكد اخليه بطارية ع شحن؟
نعم جاي يشحن
برايي تخليه ٢٤ ساعة على الشحن وبدون استخدام
اسلام عليكم عندي مكزمه مو اون لاين ومن تجيني الكهرباء السحب ايگوم يفصل فأريد اخذ مثل هاذه الشرحت عليه ممكن اعرف بيش اخذته او هسة اشگد سعره لان اريد اروح للصناعة اخذلي واحد ممكن اعرف سعره اذا ممكن تحياتي الك
عليكم السلام اهلا عزيزي
الاسعار نفس الي بالفديو
عموما لازم تحط ابالك ان العاكسة تختلف عن عمل الفديو ولو قليل
وسعر الاونلاين هواي اغلى
لكن من ناحية ثانية ينطيك كهرباء جدا جدا مستقرة ولوقت محدود المفروض ما يتجاوز الربع ساعة
او عندك خيار تشتري 1kv اونلاين مع بطارية خارجية ضخمة ، هذا الحل الانسب الك.
السلام عليكم افضل نوع للكونسل وللسوني شنو ولفترة تدوم طويلًا يعني مثلا لاكثر من 5 سنوات واذا الكهرباء مطفيه يتحمل يوم كامل لو كم ساعه يشتغل أقصد اذا هيج الاستعمال على مدار السنه ميتحمل ؟
عزيزي انصحك تشتري اونلاي
اما الماركات فموجودة ال اي بي سي وفاربر
الاثنين زينات
بالنسبة للوقت فعموما اليو بي اس ما مصمم ليطول اكثر من ربع ساعة
الا اذا اشتريت اونلاين بطارية خارجية حجمها كبير
احتمال يوصلك للساعتين او اكثر
وسؤالك الاخير عن الاستمرار
فعندي يو بي اس اونلاين فاربر 3kva صالي حوالي سنة رابط الطابق الاول كله عليه
بدون ان اطفيه ابدا
بلي اثنين واربع شاشات وانارة ومراوح
اهم شي توفرله تهوية
استاذنا الغالي اذا اشتريت ups online farber 1kv شكد ينطيني وقت بعد انطفاء الكهرباء للبلايستيشن ٥ وشاشة حجم ٥٥ انج lg ممكن جوابك
th-cam.com/video/JGVFIQvN11E/w-d-xo.html
اكثر من ربع ساعة ميصير تستخدمه
يوجد عندي نظام ٢٤ فولط بطاريتان داخلي . أريد أن اعرف ال ,ما هي كل خاصيه في كبسه ال sittings .
نفس هذا الجهاز ؟
@@fouadalmohandes229 yes . when you press the sitting for 5 secont you get in to setup mode with 9 setup for vout setup vin setup cutoff over voltage setup low voltage setup offline mode setup interactive mode and too many things i have no idea about them
There are several types of modes, but the best is the default mode, the other types have their own cases, which are often not useful for most users, my advice is to keep on the default mode.
عاشت ايدك على الشرح بس عندي جم سؤال اني رايد اشتري ال 1kv شكد تتوقع تقريبا يكفيني اذا على شاشة و حاسبة متوسطة و يصير اكدر ابدل بطاريته مثلا اذا تلفت
ايدك العايشة، الواحد كي في الوقت مالته يعتمد على البطارية الي تحطها اله، هذا النوع المتغير بالتاكيد، فاذا بطارية مال لوري احتمال تمشيك ٥ ساعات او حتى اكثر، واذا تلفت تكدر تبدلها ، نفس ما كلت بحالة اشتريت الي تتغير بطاريته.
وتدلل
@@fouadalmohandes229 يعني نوعية الي متتغير بطاريته هاذ احسن وزين معقولة بعد كم سنه من الاستخدام متتلف البطارية ويحتاجلها تبديل ؟ لو يضل محافظ وشنو الافضل النوعية الي تتبدل البطارية بي لو الي متتبدل بس ماعتقد ماكو يوبي اس متتبدل بطاريته ؟
عزيزي حسب الحاجة من الطاقة وسبب الاستخدام والمكان الي راح تحطه بيه
الحاجة من الطاقة اقصد بيها كم امبير تحتاج
اذا تحتاج اكثر من ٥ امبير راح تنجبر ان تشتري بطارية داخلية
بس اذا اقل من اربعة فانت مخير
وسبب الاستخدام اقصد بيه الى شنو راح تستخدمه
اذا تريد تستخدمه لجهاز الكتروني حساس انصحك تشتري داخلية
لكن اذا رايد تربط عليه مصابيح او مراوح يعني مثل العاكسة ف الافضل تشتري خارجية
وبالنسبة للمكان الي تحط اليو بي اس بيه فاذا كان صالة او غرفة نوم فالافضل داخلية اما اذا كانت غرفة للالعاب او شبابية بالامكان تشتري خارجية
عموما كل البطاريات تتلف
تحتاج تهوية ضروري وشحن منتظم حتى تحافظ على عمرها.
واي سؤال اني حاضر وتدلل
بلا زحمة عليك شنو الفرق بين 1kv و2kv يعني 2kv تجي سعة البطارية أكبر
وتنصح 1KV أو 2KV للحاسبة ؟
عزيزي سعة البطارية نفسها
لكن عدد قطع البطاريات اكثر
اني ما فاتح الجهاز
لكن مثلا باليو بي اس 1kv تلكة بطاريتين
باليوبي اس 2kv تلكة اربع بطاريات
عدد البطاريات يزيد
والقدرة على التجهيز هم تزيد
الواحد كي في ينطي اربعة امبير
الاثنين كي في ينطي ثمانية امبير تقريبا
للحاسبة حسب امكانيتك
انصحك ب 3kv
شي رهيب
ينطيك ١٢ امبير وسعره حوالي 350$
ONLINE
اذا متكدر اشتري 2kv
ولا تتورط ب 1kv
واني اكلك ليش
البلي٥ او الحاسبة الي بيها كارت شاشة زين تصرف اكثر من ٤ امبير فيكون 1kv غير ذو فائدة
واي سؤال اني حاضر وتدلل
@@fouadalmohandes229حياتي شنو الفرق بي ١ k
و ١٥٠٠
واني عندي بلي ٥ و شاشه tcl 55
اش تنصحني ❤
@Aa2003- عزيزي تقصد
الفرق بين 1KVA واليو بي اس العادي ١٥٠٠ ؟
@Aa2003- عموما اخذ يو بي اس اونلاين 3KVA يمشيك من ساعة الى ساعتين كحد اقصى
عزيزي الفرق هو تجهيزك بالكهرباء وفرقين بشكل عام
الاول الاونلاين متحضر دائما ان يوفرلك كهرباء فمن تطفى الوطنية بنفس اللحظة ينطيك كهرباء لدرجة انه لا انت ولا جهازك تحس باي انقطاع بينما اليو بي اس العادي تدخله الكهرباء الوطنية يطلعها نفسها بدون اي معالجة ومن تطفى الوطنية يبقى لحظات حتى يستوعب انه طفت الكهرباء وبعدها ياخذ كهرباء من البطارية وينطيكياها
الثاني هو تنظيم الكهرباء
الاونلاين ينطيك ٢٤ ساعة كهرباء منتظمة ٢٣٠ فولت بينما اليو بي اس العادي ينطيك كهرباء يادوب منتظمة اذا متنطيه كهرباء لان يسحب من البطارية بس من تجهزه بالكهرباء وطنية او مولدة تدخل وتطلع من اليو بي اس العادي بدون اي معالجة ، يعني اذا كانت الوطنية او المولدة ٢٥٠ ينطيك ٢٥٠ او كانت ٢٠٠ ينطيك ٢٠٠ او كانت ١٨٠ ينطيك ١٨٠
يعني اليو بي اس العادي فاشل تماما وخاصة للاجهزة الالكترونية.
ممكن سوال استاذ عندي الكهرباء متذبذبه مو صافيه شتنصحني اخذ للثلاجه يوبي اس اونلاين لو عاكسه وحسب خبرتك الافضل باليوبي اس الفاربر او aps
انصحك بشراء يوبي اس اونلاين 3KV من APS اذا عندك امكانية
السلام عليكم
الفاربر 1kv سعرة 165$ بشارع الصناعة
يجي ويا بطارية داخلية ؟
لو لازم اشتري بطارية
عليكم السلام اهلا عزيزي
1KV هو الوحيد بيه نوعين
نوع تجي بطارته وياه بقدرة ثابتة متكدر تغير قدرته
ونوع ثاني يجي بدون بطارية لكن مصمم ان تربط معه اي بطارية تريدها انت.
بلا زحمة البطارية تأتي معه ضمن السعر
ممكن ربط بطارية إضافية للجهاز أم لا
هل توجد توصيلات نظامية لهذا الغرض
ماهو سعر 1 kva وسعر 3 kva مع التقدير
عزيزي ، بالنسبة لليو بي اس في هذا الفديو البطارية داخل الجهاز تستلمها ولا يصح استبدالها من المستخدم الا ان كان على دراية بالامور الالكترونية ، هذا اليو بي اس سعره حوالي ٣٥٠$ وقدرته 3KV
يوجد ايضا لدى الشركة نوعين اخرين
اثناهما 1KV واثناهما بسعر ١٦٠$
الفرق ان احدهما تاتي البطاريات داخله وجاهز للاستخدام وكما في اليو بي اس في الفديو
والثاني ياتي بدون بطاريات ويستوجب عليك شراء بطاريات لاستخدامه يكون ربطها خارجي وليس داخلي وتستطيع ربط مدى واسع من احجام البطاريات عليه.
حب شكد ال ups نفسه يسحب امبيريه عل مولده حسب غير فديو شفت يكول ٣ امبيرات لمن شحنه خلصان ٢ لمن مفول...
ثانيا حجم المروحه شكد؟ اكدر اخلي مروحه pc لل ups?
بالنسبة للصرف شكد .. راح انشر فديو قريب عن الصرف، وبالنسبة للمروحة ما فاتحه صراحة، لكن عموما تكدر تحوره وضروري تاخذ بعين الاعتبار الهدف الاساسي من المروحة وهو التبريد.
مراوح البيسي 120 و 140 هذا مروحته 90 اكو شركات مثل noctua تسوي هيچ مراوح فا اي تگدر تبدلها
مروحة الحاسبة تصير بطيئة الي تشتغل على كهرباء dc وغالية
مراوح الac رخيصة وسرعتها عالية عيبها بس صوتها
@@fouadalmohandes229 المروحه الحاطيه الله يعلم شكد ال rpm مروحات ال pc تجي بسرعات rpm عده... حب اذا عندك المروحه مال ups تكدر تحسب ال rpm ماله؟ اكو عده طرق تكدر تحسبه
عزيزي عموما مرواح الي تشتغل على DC تكون هادئة
المراوح الي تشتغل على AC تكون سرعتها اكبر ودفعها اقوى
اذا يكدر المستخدم يتحمل صوت المراوح الي تشتغل على AC اني افضلها وبكل انواع الاجهزة الكهربائية والالكترونية.
احجيلي شكد راح يطول وياك ؟1kv هن بطاريتين سنه فقط ويتلف بطاريات لان عالم كله تستعمل عاكسات وبطاريات مال لوري
عزيزي مو شرط
اولا الكهرباء الي ينطيها اليو بي اس الاونلاين مستقرة جدا وهذا ما موجود ابد بالعاكسة
ثانيا اذا تستهلك كهرباء اقل من اربعة امبير وتحافظ على اليو بي اس مثل ما ذاكر اني بالفديو يطول عندك عمره اكثر من اربع سنوات
ثالثا بطارياته رخيصة
استاذنا العزيز بالنسبة لل 6kv
راك مود عندك معلومات عن طريقة التنصيب مالته
اعتذر عزيزي ما مستخدمه
زين شلون اعرفه يشحن البطاريه وشكد بيه البطاريه
للاسف تعرفه من الصوت بس انه يشحن او لا
وشكد بالطارية للاسف مو نسبة مئوية
مجرد اربع طابوكات
وحتى القرص الي دازي وياه من تنصبه ما تحصل شي
استاذ فؤاد الله يبارك بيك كم ساعه يجب شحن اليو بي اس انلاين الجديد
1kv
عزيزي برايي الشحن يكون ٢٤ ساعة كاملة بشرط توفير حرارة لا تزيد عن ٣٠ درجة مئوية ، يعني بدرجة حرارة الغرفة وبهيج وقت من السنة ماكو اي مشكلة
بلا زحمه استاذ عندي واحد مو ابو البطارية مجرد رافع قدره شركة فاربر اشتغل عندي تقريبا شهر وكام يفصل. شنو الحل
عزيزي الافضل ترجعه لوكيل الشركة بالباب الشرقي او بشارع الصناعة
المهم يصلحوه اذا كان الصوج منهم او سوء استخدام
لو سمحت اجهزة الاونلاين يو بي اس ٤٨ فولت ٢ kva هل نستطيع توصيل الواح شمسية لها
ليس بصورة مباشرة، يجب شراء جهاز انفيرتر ومنظومة طاقة شمسية متكاملة، بالاضافة الى ان كل انواع اليو بي اس تنهار تدريجيا بالاستخدام الى ان تصبح بعد مرور ايام او اشهر تتوقف عن تجهيز الطاقة بعد مرور ربع ساعة عن انقطاع الكهرباء التي يتم تجهيزها من خارج المنزل، اي لا يعتمد على الاونلاين في هذه الحالة.
مرحبا حبيبي فؤاد
عندي نفس هذا الي عندك بالضبط من اشغله ينطي دقيقه فقط سواء بيه شحن او لا فقط دقيقه حتلو اشغل عليه بس شاحن موبايل او pc كامل ينطيني دقيقه بهيج حالة وين المشكله مالتي ؟
عزيزي الجهاز بيه ضمان
وضمانهم ممتاز
على الاكثر البطاريات تالفة سوء استخدام
اخوي اني عندي pc للالعاب عليه psu 1600w و شاشه 40انش..... هل هذا الpsu الي بالفديو راح يكفي يشغلهم لان ما اعرف بهل شغلات وثاني شي اذا يكفي...شكد يطول حتى ينطفي من لحظة انقطاع الكهرباء
عزيزي يعطيك بين ربع ونصف ساعة
ان كان الحاسوب الذي تستخدمه خاص بالالعاب
وهو وقت جدا قليل كون السحب عالي
واي سؤال اني حاضر وتدلل
@@fouadalmohandes229 مشكور
@S4F4A-wm1oe
تدلل عزيزي
شكد سعره اخي وكم امبير
سعره بحدود ٥٧٥٠٠٠ دينار ، صاعد نازل شوية حسب السوق
لكن حسب معلوماتي ما متوفر عند الشركة ، يمكن مخلصين.
ينطي بحدود ١٢ امبير، بفولتية ثابتة تجي ستندر ٢٣٠ فولت ، او تغيرها انت بكيفك
واي سؤال اني حاضر وتدلل
اخي الكريم هل استطيع اضافة بطاريه ثالثه لليو بي اس وربطها على التوالي علماً انه رسمياً يحمل بطاريتين وهو من نوع فاربر ؟
عزيزي سويت هذا الشي قبل سنوات بيو بي اس مكسيما
بعد فترة قليلة عطل
اني ما اعرف بالتركيب الالكتروني مالتهن
لكن كل يو بي اس مصمم على امبيرية معينة
وللعلم اكو يو بي اس اونلاين من فاربر ياخذ بطاريات باحجام مختلفة
على الاكثر هو فقط مصمم لاختلاف بالامبيرية.
ما انصحك تزيد بطاريات.
اريد اجيب تجميعه 4070ti وياه بور سبلاي 850w وشاشة سامسونك 27 انش 4k وانا كهرباء مستقرة عدي وقليل تطفى ما يصير اجيب اوفلاين ليش لازم اجيب اوفلاين وانا احتاجه بس علمود كم دقيقه اطفي جهاز
اليو بي اس العادي
اذا نطيته كهرباء
يقدم نفس الفولتية لجهازك
لكن الاونلاين ينطيك فولتية ثابتة
اذا اي ارتفاع او انخفاض قد تسبب بعطل الحاسوب
انت تقيم هذا الشي وحسب قدرتك
واكو شغلة لازم تاخذها بالاعتبار
انه اذا تسحب امبيرين المفروض تشتري يو بي اس ثلاثة امبير
او اكثر
ميصير تجيب يو بي اس قليلة قدرته
@@fouadalmohandes229 اذا ماتضبط من اخلي جهاز حماية اذا زادت او قلت فولتية يطفى واركب عليه يوبي اس وكذالك كلت الك كهرباء يمي مستقرة نادرة تطفى فتضبط هاي حركة؟
لا ما تفيد هاي الحركات عزيزي
سويتها قبل وما فادت
ما خليت سالفة ما سويتها
كلها ما فادت
لكن اذا صعب عليك توفر المبلغ (١٥٠$) اشتري عادي ومشي بيه شغلك
@@fouadalmohandes229 مو مشكله سئلت على يوبي اس اونلاين ابو1KV طلع عساس مايكفي لان استهلاك راح يصير pc وشاشة 800w وانا محتاجه على كد10دقائق او ربع ساعه كحد اقصى وهنا لازم اروح ل2KV وصراحه شوي مسترخص ادفع عليه افضل ازيد بتجميعه بمبلغه فاريد اوفر بل مبلغ
هذا القرار يمك
اكو شي اولى من شي
استاذنا الفاضل اني عندي ps4 slim وشاشة من نوع TCL C645 43 INCH واريد اشتريلة UPS 2kv شكد ينطيني وقت وهل صوت المروحة مزعج في الصيف عند عدم استخدام الups❤❤ 7:11
عزيزي ينطيك وقت تشغيل من نصف ساعة الى ساعة ونصف
يعتمد على حرارة الغرفة وقدرات اللعبة الي تلعبها ومحافظتك على اليو بي اس وعوامل اخرى
المهم لا تعتمد ان يمشيك اكثر من ساعتين شي جدا مستبعد
وبالنسبة لصوت المروحة فهو مزعج بالصيف وبالخريف والربيع والشتاء ، لازم تشوفلك حل للموضوع
ومن ناحية كفاءة اليو بي اس الاونلاين فهو رهيب، كهرباء منتظمة وعمره طويل.
وبيدك القرار
واي سؤال اني حاضر وتدلل.
@@fouadalmohandes229 شكراً جزيلاً❤️ شكد سألت ناس وقنوات بس مثل ردك وجوابك ما لكيت ربي يحفظك وما ضل كل سؤال عندي بفضل أجابتك المرضية اللهم الموفقية❤️❤️🌹
@Ir5q
اشكرك عزيزي على كلماتك الطيبة
واي سؤال اني حاضر وتدلل
رحمه لوالديك مشكلتي ويه هذا الجهاز مزعجه الذبذبات مال الجهاز تأثر على المتوسط والكيبورد شنو الحل صارلي سنه اخذتها وكلش تعبتني
عزيزي ما اعرف شنو تقصد بالذبذبات ولا شنو تقصد بالمتوسط
عموما الشي المزعج الوحيد الي لاحظته بيه هو صوت المروحة
نصيحة للتخلص من اي ازعاج منه
تحط اليو بي اس خارج غرفتك او على صفحة وتسحب منه سيار كهرباء وتربط عليه اجهزتك مثلا حاسبة او بليستيشن
واي سؤال اني حاضر وتدلل
@@fouadalmohandes229 اقصد الهرتزية الخارجة مو ثابتة تتذبذب وتسوي فصلة بالماوس والكيبورد وشكرا لك
@mitaromar5048
عزيزي اذا متاكد نفس هذا الجهاز فماكو غير سبب واحد
انه انت مخلي الكهرباء مال اليو بي اس بدون تنظيم
او على الاكثر جهازك مو نفس هذا اليو لي اس على الاكثر
واي سؤال اني حاضر وتدلل
@@mitaromar5048 اي اني راسلت الشركه ردت اشتري واحد كالولي يسوي فصلة بالماوس والكيبورد اذا عندك حاسبة لازم تاخذ ابو24 الي ينربط بطاريتين وحاليا محتار شنو اخذ لان الي ينربط بطاريتين سعرة من 800وي اقل بطارية اغلى من البي سي حتى
اني بارحه اشتريت فاربر 3كيفي ب530 الاف يجنن استخدمته للبلي 5 والله اخاف على يوبي اس اكثر من ابلي 😂
هههههه حقك
حاول توفرله تهوية
السلام عليكم نوعيه الفاربر اكو ارخص
عزيزي ارخص واحد ب ١٦٠$ الاونلاين
@@fouadalmohandes229 السلام عليكم اشتريت نفس النوع من فاربر لكن اسمه. Connect يكولون نفس ال
soho لكن الفرق بالضمان
المشكلة ان فولتية الخروج تنطي230 ف اني اريدها 220 ف اذا عندك علم شلون اخليها 220 لا تقصر
عزيزي الي عندي هم soho اعتقد هو اسم الشركة الهندية المصنعة
مادام من شركة اسوار فشغلهم مضبوط وضمانهم جيد
اما بالنسبة للفولتية
فهو يجي ستندر ٢٣٠
واذا تريد تسويه ٢٢٠ فعندك ثلاث ازرار واحد يشغل والثالث يطفي والثاني للتحويل بين الاوضاع
عموما ما انصحك تغير بيهن
لان اي خطا احتمال يتلف اليو بي اس او يتلف الجهاز الي رابطه عليه
وللعلم اني رابط الطابق الارضي كله عليه وبضمنه حاسبة ديسكتوب وخمس شاشات وثلاث اجهزة بلي ستيشن ولمدة تزيد على السنة بالاضافة للمصابيح
وما صار عندي اي عطل بيهن
برايي تخليه على ٢٣٠
واذا مصر على ٢٢٠ برايي توديه للشركة حتى هم يتحملون المسؤولية
وتدلل
ما بيه صوت مال الrelays تطكطك على المولد؟ لأن الoffline UPS عندي دمرني الصوت
لا ما بيه صوت تذبذب للكهرباء، استقرار رهيب.
ممكن سؤال المولد عندي ١٦٠ فولت واربط علية جهاز بلي ستيشن عادي ماعليه يخرج ٢٣٠ فولت
عزيزي هذا اليو بي اس عنده قدرة للرفع ولتخفيض الفولتية
حسب ما اذكر ١٦٠ فولت يكدر يرفعها
اذا ١٦٠ فولت وفوك يشغل البلي طبيعي جدا وامان كامل لكن يصرف امبيرية اكثر
@@fouadalmohandes229 مشكور عزيزي
تدلل عزيزي
يعني اذا صرف امبيريه اكثر يضر اليوبي اس @@fouadalmohandes229
السلام عليكم
اني الحاسبه مالتي تاخذ 750w
شنو النوعية الـonline ups
الي اخذه لهيج بور سبلاي؟
عليكم السلام اهلا
اقل خيار عندك هو يو بي اس اونلاين 1KV
يعطيك بحدود ٤ امبير
سعره ١٦٠$
@@fouadalmohandes229 بدون بطارية ولازم اشترية بطارية وياه؟؟؟
اكو 1kv بطاريته وياه واكو 1kv بدون واثنينهن بنفس السعر
يصير اغير المروحة بواحد صامت ؟ لو يضيع. الضمان ؟
الضمان ما اعتقد حقيقي، اذا اكو اصلا، لان جهاز الكتروني اي عطل يصير بيه يكلك حشاك انت الغلطان، عموما ما شايف مروحة صوتها ناصي الا اذا فرتها بطيئة، عموما ما انصحك تبدلها.
@@fouadalmohandes229 استاذ آني جنت اريد اجيب مروحة احترافية من امازون مثل نوكتوا او غيرها الي اصلا هو من النوع الصامت بس متردد ، لان لان ما متاكد من القياس و الفولطية او عدد البننات ، و شغلة ثانية لو تسمح … ربطت الكيبل الخاص بال ups بالكمبيوتر و حملت البرنامج الخاص بيه بس من اريد ادخل بالاعدادات يطلب مني كلمة مرور …و آني اصلا توني مشتري الجهاز !فما اعرف اشلون اكدر اتحكم باعدادتها من الكمبيوتر ؟
@@En_Salam بالنسبة للمروحة ما انصحك بالتغيير، كمقترح انقل مكان اليو بي اس، وسيار مده لاحتياجاتك، وبهيج طريقة تخلص من الصوت واليو بي اس يبقى على حاله، اما للكيبل، اول ما فتحت الكارتونة وهذا موجود بالفديو، فرحت ، كلت واخيرا راح اكدر اتحكم باليو بي اس من جهاز الكمبيوتر، للاسف التطبيق ما يعمل.
اخويه كم سعره
كان سعره ٥٧٠ الف دينار
اعتقد ما موجود عند شركة اسوار حالياً.
صديقي ال عزيز .
الكهرباء مو زينه يمي ابد واني استخدم pc بشنو تنصحني استخدم ؟
وامكانيتي مو كلش عاليه
اتمنه الرد❤
اذا حاسبتك تعبانة اشتري يو بي اس اونلاين 1KVA سعره حوالي ١٦٠$
هذا هو الارخص
اذا حاسبتك قوية لازم تشتري اقل شي 2KVA سعره حوالي ٢٦٠$
واي سؤال اني حاضر وتدلل
@@fouadalmohandes229 زين ال2k شكد اطول تقريبا اربط عليها بس لحاسبه وشاشه وحده وهاهيه
ولو خاف تعبناك بس مثل خوانك لزغار احنه .
Gtx 1650
Cori7 4790k
16ram
Ssd 256
Hard 1t
هاي ال تجميعه مالي وذا اربط عليها هاذه ال 2k شكد اطول
عزيزي تدلل انت
هذه المواصفات تصرف ٢ الى ٣ امبير
السؤال الاخير شاشتك شكد حجمها؟
@@fouadalmohandes229 حجمها ٣٢ و ٦٠هرتز
ممكن ان يشحن من الطاقة الشمسية
اذا بعد منظم الفولتية حاله كحال اي جهاز اخر فممكن بالتاكيد
لكن مباشر من الالواح لا اعتقد ممكن وربما يتسبب بتلفه
بالامكان التاكد من شركة اسوار في شار الصناعة فهم يمتلكون الالواح واليو بي اس
عزيزي اليوم سئلت موظف بشركة اسوار
كال ميصير نهائيا
استاذنا الفاضل شنو معنى اونلاين بالups وشكراً جزيلاً لك
عزيزي
باختصار
اليو بي اس العادي المتعارف عليه والموجود باغلب المنازل والمحال .. من تطفة الكهرباء يحتاج جزء من الثانية حتى يعطي كهرباء من بطاريته
اذا رابط عليه جهاز غبي مثل مصباح او مروحة او شاشة ما راح يتاثر وما راح تلاحظ حضرتك اي شي
لكن اذا رابط عليه جهاز ذكي وحساس مثل حاسبة سريعة حديثة او جهاز الكتروني يستنفذ كهرباء هواي فراح يطفة وتحس انت بالخلل
السبب هو هذه الفترة الي هي جزء من الثانية
اما الاون لاين ما عنده جزء من الثانية
تطفى منا ينطي كهرباء منا
ماكو جزء من الثانية
مباشرة يحول
وبالتالي يعطي افضل كهرباء للاجهزة.
اتمنى وصلت الفكرة لحضرتك.
اريد اشتري هاذ Online UPS 1KVA بس ماعرف كم واط وشكد يطول واني حسابتي قويه
من ناحية تمشية نصف ساعة فاعظم حاسبة يمشيها مهما كانت ضخمة، ومن ناحية ثانية فحسب الارقام التقديرية فهو يمشي اكثر من اربع ساعات، النقطة الثالثة انه على فرض تطفى الكهرباء وبشكل طبيعي فد عشر دقائق فخلال هذا الوقت من عندك حاسبة مواصفات وشاشة مثلا ٦٥ انج فهذا اليو بي اس ما يتاثر بالسحب ويرمش او يتلكاء بالعمل، تلكاه يجهز الكهرباء بوتيرة ممتازة. والقرار الاول والاخير الك.
حاول تعرف كم امبير تسحب حاسبتك بملحقاتها قبل الشراء، واحد كي في يجهز تقريبا ٤ امبير
@@fouadalmohandes229 هاي مواصفات حاسبتي ممكن تشوفها الي
المعالج: r5 3600x
الكارت:rtx 2060super 8g galax
المذربورد:كيكابايت b450m
تبريد هوائي
الرام:16g بايونير
الهاردات:ssd128g+ hdd500g
البور سبلاي:كيكابايت 650w
مع شاشه ١٤٤ هرتز حجم ٢٤
اني حاسبتي الشخصية قديمة يمكن جهزتها قبل ٧ سنوات
المهم كلها بصفحة والمعالج بصفحة
من انطي اوامر يسحب اكثر من امبير زيادة
الي عندي ci7 يكسر السرعة
المعالج مال حاسبتك اذا core i5 فالموضوع سهل وما راح تصرف كهرباء هواي
لكن بكل الاحوال لازم تقدر السحب مالتك بجهاز او تروح لابو المولدة وتكله شكد سحبي هسة بعد ان تخلي بس حاسبتك تشتغل، باي طريقة بس لازم تتاكد انه حاسبتك تصرف اقل من ٤ امبير، وحسب تقديري ما توصل لل ٣
@@fouadalmohandes229 صعبه هاي شلون راح اعرفها شكد تسحب
بطاريته داخلية لو خارجية و تجي ويا لو تشتريهه وحدهه وشكرا ع الفيديو ♥️❤️
بطاريته داخلية
تجي وياه
ما تشدها انت
عليك بس تشحنه وتستخدمه
وتدلل ياوردة
@@fouadalmohandes229 1kv هم تجي وياه بطاريه داخليه
1KV
بيه موديلين
واحد بطارية داخلية ستندر تجي من الشركة مربوطة
وثاني بطارية خارجية تشتريها على امكانيتك
اثنينهن نفس السعر
حبيبي اخذت يوبيس اونلاين 1KV 4 امبير. للبلي5وشاشه زين لو لا؟
من ناحية الكفاءة والثباتية بالفولتية فهو ممتاز
لكن الوقت الي راح ينطيه الك جدا قليل ، ما اتوقع يتجاوز النص ساعة
@@fouadalmohandes229 حبيبي كل زين نص ساعه انه اريده بس من تطفئ الكهرباء اروح اطفي شتكول عليه؟
@rambo8027
ممتاز اذا على كد فلوسك
اذا عندك فلوس وبيها مجال بعد زيد بقدرته افضل الك للمستقبل
واذا ما تكدر وتريده بس للتحويل بين الوطنية والمولد ف 1Kv ممتاز
@@fouadalmohandes229 مادري بي هيج انه شتريته توه رايده بس ع كد طفيه ♥
كلش زين وممتاز
ألسلام عليكم حبي ممكن اعرف اذا( شاشة حجم٥٠ وبلي٥) شكد يطيني تشغيل1kva وكم امبير حسب معلوماتك اكون ممنون
عليكم السلام اهلا عزيزي
اذا شاشة حجم ٥٠ تدخل بوضع حرج
عموما 1kva يعطي بحدود ٤ امبير من ربع ساعة الى ساعة كاملة تعتمد على عدة عوامل
شاشتك اذا سامسونك يعني ما تصرف هواي لكن بكل الاحوال تصرف وبرايي تشتري 2 او 3 kva وتحسب حساب تشغيل ربع ساعة مو اكثر ، مجرد تحويل مولدة.
عمي شاشه 42 يوبي اس عادي خاله طول ساعه
1kv كلش كافي
عزيزي اكو فرق لكن قليل جدا بين اليو بي اس العادي القديم والاونلاين الحديث من ناحية تحويل طاقة البطارية الى كهرباء AC والاستمرار بتزويد الطاقة
وبالحقيقة الاثنين فاشلين
لان البطاريات محدودة
هذا من ناحية
من ناحية ثانية الشاشات ما تنقاس بالحجم بقدر قياسها بالحداثة
اني شاشتي ٧٥ وتصرف اقل من امبير، لان حديثة، وعندي شاشة ٤٠ تصرف اكثر من امبير لان قديمة
عموما كنصيحة عامة
يستعمل اليو بي اس بكافة انواعه لتوفير الكهرباء لمدة ربع ساعة فقط لا اكثر.
ايها افظل ابو البطارية الخارجية ام الداخلية .لان الصراحه ما اكدر اشتري ابو 3 كيفي غالي
عزيزي اليو بي اس بطارية داخلية يجيك مضبط على اكمل وجه
من الشركة
الخارجي انت تختار البطارية
واذا اختاريتها نوعية وسط او مو زينة راح ما يستقر عمل اليو بي اس وياك
هذا من ناحية
من ناحية ثاني الخارجية ينطيك اربعة امبير كحد اقصى في حين الداخلية اكو اكثر من اثنى عشر امبير
ومن ناحية اخرى وما يعاب على الداخلية هو انه وقت التشغيل محدود
يعني اجوز نص ساعة ويطفى اليو بي اس ، لكن الخارجية اذا بطارية ضخمة ونوعية ممتاز احتمال يطول ساعات
انت صاحب القرار
واي سؤال اني حاضر وتدلل
@@fouadalmohandes229 الف شكر
تدلل عزيزي
يصير ازيد بطاريات وشلون ممكن تشرح
لا عزيزي ميصير تفتح هذا الجهاز ولا اكو مكان خارجي تربط عليه بطارية خارجية
بس اكو يو بي اس اونلاين من فاربر 1KVA هو مخصص انه تربط عليه بطارية خارجية وبسعر حوالي ١٦٠$ عيبه انه ما ينطيك اكثر من ٤ امبير
مرحبا عندي 1kav online
يطلع عندي كود 68 شنو يعني
اعتذر عزيزي ما اعرف
شنو شركة تصنيعه
وبيه ضمان لو لا؟
@@fouadalmohandes229 فاربر صناعته و بيه ضمان
صديقي هذه هم يسحب اكثر من السحب العندك مثلاَ اني ساحب 4 امبير هم ياثر ع السحب مالتي يعني هم الكهرباء اتكوم تعزل ؟
عزيزي شاهد هذا الفديو
th-cam.com/video/KyosS0NqVXE/w-d-xo.html
اذا ما واضح اسئلني وتدلل
من تصير الفولتية 130 الى 170 الجهاز عندي يفصل ميحول ليش !؟
سؤال عزيزي
نزول الفولتية لل ١٧٠ ثابت لو متغير
يعني ١٧٠ هسة و ١٧٠ بعد ثانية و ١٧٠ بعد دقيقة ؟
لو تذبذب وتغير كل لحظة ؟
سلام عليكم استاذ اني اشتريت قبل شويه
و لازم اعوفه اول 24 ساعه ع الشحن؟ لو احمّل عليه اجهزة عادي؟
عليكم السلام اهلا عزيزي
بالعافية عليك
لا ميصير تستخدمه
الافضل تخليه على الشحن ٢٤ ساعة واذا تكدر توفرله مصدر تبريد حتى لو مروحة او مبردة
لان خلال هذا الوقت راح ترتفع درجة حرارته
لا تستخدمه خلال هذا الوقت افضل
فقط للتجربة بالامكان استخدامه دقائق.
اخوي شنو فرق ups فاربر نسخة السوهو عن النسخة العادية
اعتذر عزيزي ما اعرف
لكن اني مشتري من اسوار يو بي اس فاربر عادي ، كان ممتاز لكن عيبه مو اونلاين
بعد كم سنة اشتريت الاونلاين سوهو .. كان شي خرافي
للعلم حتى الاونلاين السوهو بيه نوعين
اكو ضمان سنة وثاني ضمان سنتين
يعني احتمال فرق بالمواصفات
السلام عليكم 1kv كافي لل ps5 ؟
للعلم ما اربط ويا شاشة فقط الجهاز
يعني من تطفى الكهرباء مباشره اطفيه
اهلا عزيزي
برايي ميفيد 1kva
البلي يصرف بالسكون حوالي نص امبير
ومن تشغله حوالي امبير
لهذه اللحظة الامور تمام
اكو عاملين ياثرن على السحب
هما حرارة الجو والمعالج
الخوف اذا زاد صرفهن اثناء اللعب عن اربعة امبير
شنو الحل
عموما راح اسوي فديو اليوم او باجر احاول اشرح بيه عن الموضوع
واقيس الاستهلاك اثناء لعب عدة العاب
واي سؤال اني حاضر وتدلل
مشكور عيني ولله يا ريت اسوي شرح
تدلل عزيزي
السلام عليكم
اخي العزيز اكو نوعيه اسمه UPS ONLINE MK, شنو رايك بيه اريد اخذ ال6KVاكدر اشغل بيه ثلاجه و مبردتين و واشكيد يدوم يعني مقصدي هو ال6KV يشغل27امبير تقريبا بس اذا اشغل عليه10امبير اشكيد يدوم و هل الفاربر احسن لو الMK اذا اخذه مع تحياتي لحضرتك
عزيزي كماركة ما اعرف الافضل
لكن صراحة لنفسي اذا عندي فلوس زايدة اشتريAPC
واذا اريد حاجة زينة وبسعر معقول اشتري فاربر
غير ماركات ما سامع بيهن
،
من ناحية التشغيل
اني رابط اليو بي اس 3KV يشغل الطابق الاول كله لكن بدون ثلاجات ومبردات وبشرط يحول بين الوطنية والمولدة بس ، مو يشغلهن لساعات ، اليو بي اس مو مثل العاكسة، هيج ضغط ينهي عمر البطاريات وتذبه بعدها ، في حين العاكسة اذا تلفت بطاريها تكدر تبدل البطارية فقط بسهولة.
@@fouadalmohandes229 اخي العزيز تعرف حالنه بالعراق، المولده متدمر، اريد نصيحتك مثلا العاكسه شلون اخذه و اشكيد يكلف يانوعيه تنصحني والاسعار،. مثلا هيج فد15امبير اذا يدوم فد10الى15ساعات لان ماشاء الله انته متمكن بهيج مجالات
@@fouadalmohandes229 لان اريد فد مره الغي المولده
عزيزي
برأيي تروح لشارع الصناعة
اسوار
تسئلهم عن العاكسة الافضل والبطارية ضروري تشتريها منهم
يكلفنك حوالي ٥٠٠$
اسوار صايرة مقابيل باب الجامعة التكنولوجية
يم الفلكة
يعني إذ ربطت الحاسبه اكدر اشغله على مولد الشاع بدون أن يأثر على الكهرباء
عزيزي سؤالك غير واضح الي
اذا ممكن توضحه
@@fouadalmohandes229 استاذ قصدي من اجيب ups online 1kv
من يطفه الوطني ويشغل ابو المولده اكدر اشغل الحاسبه على مولده الشارع من دون أن يسحب كهرباء اهواي من دون أن يفصلنه
عزيزي انصحك بمشاهدة هذا الفديو
th-cam.com/video/KyosS0NqVXE/w-d-xo.html
عموما ما يسحب هواي ، تقريبا نص امبير او حتى اقل، حسب استهلاكك منه.
وتدلل.
شلون يشتغل بلا زحمه جبت واحد بس ماعرف شلون يشغل بسرعه يطفى
بسيطة، بس تبقين ضاغطة على زر التشغيل ثلاث او خمس ثواني، راح يصدر صوت وتميزيه بالمرات اللاحقة.
المهم الاستمرار بالضغط.
استاذ فؤاد اليو بي اس الاونلاين ينطي dc لو ac
عزيزي طبعا Ac
لكن بفولتية شبه ثابتة وبمقدار فولتية ممتاز
اني غرفتي طابق ثاني وبيها مبرده وسبلت درجتها نوعا ما زينه ... قصدي اخاف اجيب واحد كي في ويعطل بالشهر السابع والثامن .... حرارة الغرفه عاديه مثل كل البيوت بهيج وقت بشهر الثامن والسابع بس خوما اكو تأثير برأيك
اذا ما وفرتله درجة حرارة معتدلة اكيد يعطل
يعني كون جوة ال ٣٥ درجة مئوية
وشكد ما توفرله برودة اكثر يطول عمره اكثر
@@fouadalmohandes229
اني غرفتي طابق ثاني وبيها مبرده وسبلت درجتها نوعا ما زينه ... قصدي اخاف اجيب واحد كي في ويعطل بالشهر السابع والثامن .... حرارة الغرفه عاديه مثل كل البيوت بهيج وقت بشهر الثامن والسابع بس خوما اكو تأثير برأيك
عزيزي اني اشتريت يو بي اس فاربر من شركة اسوار 3kv
اشتريته بالشتاء
وحطيته بالبيتونة، حتى يغذي الطابق الاول كله
بما فيه الحاسبة والبلي ستيشن
من اجة الصيف، على كولتك السابع والثامن .. عطل
وديته للشركة صلحوه ببلاش
عرفت الخطا مني
نزلته للثاني وعفته صاله حوالي سنة بدون لا سبلت ولا مبردة ولا حتة بنكة بس ربطتله بنكات صغار اثنين
ما صار بيه اي عطل
اذا تحطه بالغرفة وانت كاعد بيها اكيد درجة حرارتها طبيعية وبالتالي ما عليه شي.
@@fouadalmohandes229 ممنون ... زين اكو مكسما واكو فاربر شنو تنصح كشي ارقى
اهم شي تعامل الشركة
برايي اسوار هي من احسن الشركات العراقية
مكسيما نهائيا ما انصحك بيه
و apc هو الارقى لكن ما متعامل مع وكيلهم بالعراق
انصحك تشتري فاربر من اسوار
بهذه اللحظة عندي يجهز الطابق الارضي وعلى تشغيل مستمر دون انقطاع لمدة تصل الى سنة كاملة
استاذ بلكي كارت snmpمالته اللي ينربط عليه ويتصل بالنت من خلاله، ممكن رقم الكارت او شكله؟ جدا محتاجه
اعتذر عزيزي ما عندي اي معلومات عليه
شنو فائدة سركت بريكر وشلون افعله؟
وين صاير هذا؟
@@fouadalmohandes229 دكمه صغيرة بگفة اليوبي اس مكتوب عليه هيج
انت لا تضغط ولا تحرك ولا تسوي اي شي
معليك بيها
على الاكثر هاي تحمي اليو بي اس من الحمل الزايد
من تشغل عليه اكثر من طاقته تفصل
شكد سعره ١٥٠٠ كف للعراق الان وشقد يطول ع سوني ٥ وشاشه هل يفصل اجزاء من الثانية واتسلم ع المحتوى
توجد ثلاث موديلات
هي (1KV) بسعر حوالي ١٦٠$
و (2KV) بسعر حوالي ٢٦٠$
و (3KV) بسعر حوالي ٣٦٠$
سوني ٥ تقصدين PLAYSTATION 5 ؟
كم حجم الشاشة وما هي ماركتها وهل هي حديثة ام قديمة؟
لا يفصل اجزاء من الثانية ولذلك يسمى اونلاين
واي سؤال اني حاضر وتدللين عزيزتي
@@fouadalmohandes229 1kv يصير ع بلي ستيشن 5 عملت ١٦٠ دولار لو دينار شاشتي الخافض حجمها جبير ماعرف شقد شكرا ع رد السريع
عندي بلي ٥
هذه الايام يستهلك حوالي امبيرين وخاصة في حالة استخدام العاب بسيطة
لكن في حالة ارتفاع درجة الحرارة في الايام القادمة مع تبريد متوسط يؤدي الى زيادة سرعة مروحة البلي
زيادة المعالجة وارتفاع الحرارة قد يجعل الاستهلاك من الطاقة للبلي وحده قد يصى الى ٥ امبير
ولذا لا انصح نهائيا بشراء اليو بي اس 1KVA لجهاز البلي
سعر 2KVA حوالي ٢٦٠$ دولار
واي سؤال اني حاضر وتدللين.
@@fouadalmohandes229اخوية الغالي ولو اضوجك اني اليوم اشتريت اليو بي اس فاربر 2kv بس مو مثل مالتك الدكم صير جوة هم يعبر نفس مالتك بالتصميم من ناحية الدكم ؟؟؟ و اذا اريد اسويي ميوت شون ؟
اهلا عزيزي
هدف القناة هو توصيل المعلومة للمشاهد
اي سؤال اني حاضر وتدلل
اني ما مستعمل 2KVA
لكن 3KVA اذا تطفى الكهرباء وتريد تسويه صامت تبقى ضاغط على زر التشغيل خمس ثواني تقريبا ولحد ما تطلع بالشاشة سماعة عليها خط، يعني صامت.
السلام عليكم كم امبير يسحب من مولده المنطقه ويكفيني تشغيل اربع ساعات شاشه جنرال حجم 43و كمبيوتر 650واط ارجو الرد
عليكم السلام اهلا عزيزي
ما يتحمل تشغيل اربع ساعات مستمرة بدون كهرباء.
@@fouadalmohandes229 زين عاكسه تفيدني 6 امبيرات
اكو تلكة بشارع الصناعة نوع فاربر
مشكلتها بطاريتها غالية وتنطي كهرباء مو كلش منتظمة مثل اليو بي اس الاونلاين
السلام عليكم, طفيت صوت الجهاز باستعمال زر ال ميوت بس ميرجع حتى لو اضل دايس 5 ثواني شسويله
عزيزي احد احتمالين
الاول ان الجهاز بيه خلل سوفت وير من الشركة
الثاني هو وجود ثلاث ازرار بالجهاز ، وانت بدون قصد ضاغط الي بالنص ومغير طريقة عمله
بكلا الحالتين لازم ترجعه لاعداداته الافتراضية والشركة هم الاكثر دقة بمثل هذه الامور.
حبيبي من اخليها ميوت وتجي الكهرباء واذا طفت هم لازم ارجع اخليها ميوت اريد ميوت دائما شلون؟
عزيزي نفس المشكلة مالتي
ميصير للاسف
ماهو الفرق بين ups عن العاكسة؟؟؟؟؟؟؟؟
هواي فوارق
احاول اسويلها فديو لاحقا
سيتم رفع فديو مقارنة بين العاكسة واليو بي اس بعد دقائق
خوية اذا اخذ ups نفسة بس بطارية خارجية 1KVA يطول ساعتين على pc وشاشة 27؟
عزيزي لازم تربط بطارية زينة
اذا يتحمل بطارية بقدرة عالية
البطارية الزينة من فاربر يوصل سعرها للخمسمائة الف
وعموما ما اكدر اعطيك وقت تشغيل لان صرفك ما اعرفه شكد بالضبط
وحتى البرامج الي تشغلها
لكن كوقت يعطيه الك وككهرباء منتظمة فاختيارك هو الامثل بشرط عدم تجاوز سحبك لثلاث امبيرات
واي سؤال اني حاضر وتدلل
@@fouadalmohandes229 اني راسلت الشركه امس يكلي لازم تاخذ ال24V الي ينربط بطاريتين هذا ال12v بطارية وحده واحتمال يصير بيه فصلة مع العلم انو اونلاين ف هل هذا الكلام صحيح؟ يعني اذا اريد اشتري جهاز وبطأريتين يصير بحوالي 900او مليون اغلى من البي سي حتى اتمنى تجاوب الي مثل مالتك بس بطارية خارجية اذا على بيسي هل يصير بيه فصلة؟
@7S_7S
لا عزبزي الاونلاين ما يفصل نهائيا
الي جاوبك جوابه غير دقيق
اذا كنت تقصد تشتري يو بي اس اونلاين من شركة اسوار
اذا من غير شركة فمعناها اجهزتهم تعبانة
اني ما ردت اكلك لان خاف تلومني بعدين، اذا تشتري يو بي اس واحد كي في وبطاربة ٢٠٠ فاربر احتمال يطول عندك تزويد الكهرباء اكثر من ثلاث ساعات.
راسلهم مرة ثانية بلكت يطلعلك غير واحد وكلي على الجديد وتدلل
@@fouadalmohandes229 اي من شركه اساور نفس الي عندك بس بطارية خارجية شفتة بمتجرهم وراسلتهم انسته ويكلي اخذ ابو بطاريتن لان راح تصير عندك فصلة بالماوس والكيبورد كتله المهم الpc ما يفصل كالي يفصل لازم تاخذ ابو بطاريتين وبعدني محتار والله
@7S_7S
عزيزي مثل ما كلتلك راسلهم مرة ثانية وانطيني علم
حتى من اروح للباب الشرقي امر عليهم واشوف شنو تفسيرهم للموضوع
عزيزي اني اشتريت جديد اونلاين اكس خليته ع الشحن ٩٥٪ يعني يصير اربط ع اللود حالياً لو انتظر يصير ١٠٠ لان اني جبته قبل يوم جديد بس لان بعد مصاير ١٠٠
فالسؤال شوكت اكدر استخدم علي حمل لان ماريد اجازف اريد اسمع منك؟؟؟
الافضل يوصل لل ١٠٠%
واذا محتاجه ضروري فمن حقك تستعمله باي وقت بشرط شحنه باقرب فرصة
وبالفترة الجاية اذا استعملته فالافضل شحنه مباشرة بعد الاستخدام لان ترك البطارية بدون فقد ولا شحن يعرضها للتلف
سؤال
هم طلع ريحة كريهة من شحنتة وهو جديد
كلبي اني اذا اشتري يوبي اس اونلاين 24 فولت وليوبي اس 4 امبير ولحمل عليه شاشه حجم 24 ول هرتز مال لشاشة 60 ولباور سبلاي 700 وكرت لشاشة 100050ti من تطفه لكهرباء شكد يطول ارجوك ترد ساعه عشر دقايق واذا يطول عشر دقايق اريد يوبي اس يطول ساعه او نص ساعه بدون ما اشد بطارية خارجيه
عزيزي توجد عدة عوامل
الاول.. الشاشة يختلف استهلاكها للطاقة بحسب نوعها بالدرجة الاولى وحجمها بالدرجة الثانية، عندي شاشة سامسونك بحجم ٧٥ تستهلك حوالي ٠.٧ جزء من الامبير في حين الشاشة التي بحجم ٤٠ ماركة كوسونيك تستهلك حوالي واحد امبير، اي انها اقل حجم لكن تستهلك اكثر.
الثاني .. اكثر الاجزاء التي تستهلك الطاقة بالحاسوب هو المعالج وبعده ياتي كارت الشاشة لانه يحتوي على معالج ايضا ، للعلم هذا الاستهلاك يعتمد على نوع البرامج المشغلة.
الثالث .. استقرار الفولتية، العاكسات تعطيك وقت اطول وفولتية غير مستقر، اجهزة اليو بي اس العادية تعطيك وقت قليل وفولتية غير مستقرة، اجهزة اليو بي اس الاونلاين تعطيك وقت قليل وكهرباء مستقرة
لذا وبما ان الاجهزة التي تستخدمها الكترونية بالتالي تحتاج حتما يو بي اس اونلاين، وسيعطيك اليو بي اس وقت يتجاوز الساعة الكاملة في الاسبوع الاول، لكن تبدا البطاريات تنهار تدريجيا، الى ان تتلف، ال يو بي اس غير مصمم للعمل لساعة بدون شحن ، الوقت الطبيعي ان لا يتجاوز الربع ساعة، عموما انصحك كحل وحيد
UPS ONLINE 3KV FARBER
السلام عليكم شتريت ups اولاين kv1 اول ما شغلته الشحن مكتوب 100%اخليه يشحن لو احمل عليه عادي؟
عليكم السلام اهلا عزيزي
سؤال هو يقيس نسبة مئوية لو طابوكات؟
اربع درجات وكل درجة مكتوب اول وحده 25%والثانية50%وهيج
نعم عزيزي
اربع طابوكات معتاها بين ٧٥ الى ١٠٠%
برايي تشحنه يوم كامل وتوفرله تهوية جيدة
وما تستخدمه باول يوم
السلام عليكم اخي اكو حل للمروحه لان صوته مزعج
هذا تعليق الي قبل حوالي ايام بفديو اخر
اتمنى يفيدك
تدلل عزيزي
برأيي اهم شي لجميع الاجهزة هو التبريد وخاصة اجهزة ال UPS
اني رابط اضافة لمروحته مروحتين
اشتريتهن من عكد النصارى
سريعات ودفع عالي
هسة دكول الازعاج زاد
صحيح
اشسويت اني
نقلت اليو بي اس للطابق الثاني
واخذت منه واير للطابق الاول كله بما فيه حاسبة ديسكتوب وبلي ستيشن٥ وشاشة ٧٥انج
واله فترة حوالي سنة ما مطفيه ابد
برايي هذا الحل الامثل
مخلص من صوته ومستفاد من كهرباته.
واي سؤال اني حاضر وتدلل
استاذنا الفاضل ممكن اعرف ليش الفولتية 230 ال out مو المفروض 220 ع اعتبار الجهاز هو ينظم الفولتية
عزيزي المتعارف عليه بينا
ان ٢٢٠ هي الفولتية الانسب والافضل
لكن لو ادقق بالمكتوب على اغلب الاجهزة يكتبون ٢٢٠-٢٤٠ ومثل ما حضرتك تعرف ٢٣٠ هي الوسط
وراح اعطيك مثال على كفائة هذا اليو بي اس
الي فترة اكثر من سنة مشغل عليه الطابق الارضي كله
طبعا ما احترك اي جهاز كهربائي عندي
لكن تحديدا المصابيح وشمعات الاضائة ولا وحدة منهن احتركت
السبب هو انه يوفر الكهرباء المثالية
وللعلم اكو بيه خيارات تكدر من خلالها تغير ٢٣٠ وتزيدها او تنقصها، بس اني ما اريد ادخل بهذه التفاصيل لاني اشك بجودة التيار اذا غيرته
واي سؤال اني حاضر وتدلل
السلام عليكم
صديقي عندي ups اون لاين ، فحصت تيار الخارج من الجهاز يقره عندي متذبذب بين ١٦٥ - ١٨٠
للعلم الجهاز جديد مشتري صار ايام ؟
اهلا عزيزي
مستحيل شغال ، الا بيه عطل
عموما اذا ماركة فاربر من شركة اسوار ضمانهم ممتاز عن تجربة
لازم توديه الهم باسرع وقت
شغلته سهلة عموما اذا مو سوء استخدام
@@fouadalmohandes229 🌹 مشكور
@arabroq تدلل عزيزي
عزيزي وديته للتصليح لو لا
لان احتمال مغير بيه وضع اليو بي اس
@@fouadalmohandes229 والله حبيبي هوه الـ ups نوع kstar صيني
قدرة ٨٥٠
بس سؤال صديقي اذا استخدمه بس مجرد حمايه للجهاز ، من تطفه الكهرباء اطفي گبل ... ما يأثر على الجهاز هيچ فولتيه تتراوح بين ١٦٠ - ١٨٠
واذا عندك معلومه شلون ارفع الفولتيه لا تقصر
للعلم ! استخدم سيريس s
#اسف_على_الاطاله🌹
رحم الله والديك سؤال شلون اعرف بطارية داخليه او خارجية
عادة تكون داخلية
الا في حالة انت تطلب ان تشتري خارجية
شنو معنى 1Ph بالنهاية ؟؟
عزيزي معناها هذا اليو بي اس يحتاج الى حار وبار فقط حتى يشتغل
كما هو الحال في اغلب اجهزة المنزل
نسميه سينكل فيز single phase
وتوجد بعض الاجهزة تحتاج الى خط واحد بارد وثلاثة حار مثل بعض السبالت الكنتورية وبعض اليو بي اسات الضخمة
Three phase
وبالتالي تحتاج الى تغذية خاصة
لكن مثل هذا اليو بي اس يستطيع المستخدم تركيبه في اي مكان بالمبنى فقط يحتاج الى نقطة كهرباء عادية.
السلام عليكم عمي هذا كم الوقت يبقه لل pc 850w
عليكم السلام
عزيزي ما يبقى هواي
اكثر شي عشر دقائق
وللعلم هذا عادي مو اونلاين
@@fouadalmohandes229بلا زحمه شتنصحني اريد اجيب وعدنا الكهرباء ضعيفه تقريبا كل ساعتين تطفه ربع ساعه
اذا تريد تشغل عليه بلي ستيشن والكهرباء عندكم ضعيفة لازم تشتري يو بي اس اونلاين
عندك 1KVA سعره حوالي ١٦٠$ واذا بس بلي ستيشن احتمال يعبرك الربع ساعة
السلام عليكم حبيبي اني عندي يو بي اس 1kav بطاريه خارجي 150 امبير … مشغل شاشه حجم 55 وبلي 5 … يعني اهم لازم ربع ساعه واطفي مثل ابو البطاريه الداخليه لو لا … وشكرا
نعم عزيزي نفس الشروط
تستخدمه ربع ساعة بدون كهرباء تشحنه بالمقابل ساعة ونص بدون استخدام بس شحن
@@fouadalmohandes229 حبيبي زين اني بعد عليمن مشتري بطاريه خارجيه و 150 امبير غير حتى وقت اكثر وهذا غير بعتبار عاكسه ماحترامي لك من هاي المعلومه الكلتها …. لعد اشتري بطاريه داخليه وافضحه و7 دقايق ويخلص اني من اشتريت خارجيه اريد وقت اطول ساعتين او اقل بشويه اني مشتري عاكسه يو بي اس فاربر وبطاريه خارجيه خاف ما شفت سؤالي زين
العفو عزيزي ما افتهمت سؤالك ، عبالي تقصد على الشحن بعد الانتهاء من الاستخدام
عزيزي اذا بطارية خارجية تستخدمه لحد ما تخلص بس لازم تشحنها مباشرة بعد ان تنهي الاستخدام مو تخليها وقت
وشغلة ثانية حاول ما توصلها دائما للنهاية
خلي شوية بالبطارية حسب الحاجة
لان اذا وصلتها دائما للنهاية ينتهي عمر البطارية بسرعة.
وبالتاكيد على كبر البطارية حتى لو اطول ثلاث ساعات
شكرا حبي هذا الكلام الصح 🌹❤️ تحياتي الك
السلام عليكم اريد يوبي اس ولاين زين لبلي ٥ بس كون زين وسعر ميجاوز ال٢٠٠ الف واني ما اعرف بين والانواع هم شنو تنصحني اخذ
او حته لو يجاوز ٢٠٠ الف مو مشكله بس نوعيه زينه😊
عزيزي برايي تاخذ فاربر من شركة اسوار بشارع الصناعة
اونلاين
1KVA
سعره حوالي ١٦٠$
بطارية داخلية
شي ممتاز وضمان
السلام عليكم
اريد اخذ 1 Kva
للبلي ستيشن يرهم وشكد يشغله
علما عندي فولتية المولد تنخفض تحت ال ٢٠٠ او ١٩٠ فولت
عليكم السلام اهلا
بالنسبة للانخفاض او الارتفاع فتحتاج جهاز اخر هو رافع الفولتية
اما 1kva فاتوقع يمشي البلي عدة ساعات قد تصل لل ٥ ساعات بحالة عدم ربط شاشة عليه
اما في حالة ربط شاشة بحجم ٣٢ مثلا فاتوقع يعبرك ال نصف ساعة
بشرط اعطائه كفايته من الشحن وبدون زيادة والمحافظة على برودته.
@@fouadalmohandes229 اني ردت اشتري رافع فولتية نفس الشركة
لكن حسب ما سالت بفروع الشركة كالوا مراح يفيدني
المفروض انه ال اونلاين يو بي اس هوه منظم فولتية وهوه شحن ارجو الافادة وجدا ممنون على الاجابة
اكيد شركة اسوار يعرفون اكثر مني لان شغلتهم
لكن برايي تشتري رافع فولتية و يو بي اس 1kva النتيجة بالنهاية راح تكون كهرباء جدا مستقرة.
@@fouadalmohandes229 ممنون استاذ عاشت ايدك
ايدك العايشة، وتدلل
اني عندي مثل الموديل بس ما ايخرج عندي كهرباء ممكن السبب بدون زحمه
عزيزي الضمان مالته سنتين، وتعامل شركة اسوار وموظفيها ممتاز ، لكن للعلم اذا فتحت برغي واحد يسقط الضمان، الافضل تاخذ اليو بي اس وتروح لشارع الصناعة اذا كان بعده بمدة الضمان.
ممكن رقم او صفحه اسوار اريد اوصيهم على جهاز نفس الي مستخدمه انت
عزيزي موجودة صفحتهم بالفيس بوك
لكن الافضل تزور شركتهم
اكو عندهم عدة فروع
الباب الشرقي وشارع الصناعة وبعد
هذا صوت المروحه للk1 هم لو لان حجمه كبير
ما مجرب ال 1Kv اعتذر، لكن اتوقع نفسه، من اكثر الاشياء ازعاج بهذا اليو بي اس.
@@fouadalmohandes229 زين عادي هيج المروحه شغاله للصبح حته ديشحن لو اطفي بليل
السلام عليكم اولا عادي تكول شنو سعره ،ثانيا اني رحت كلولي اخذ ابو 1.5kva من فاربر سعره 65 دولار بس مو اونلاين ، اكو الثاني wb supplies 3kva سعره 90 دولار يا هو الاخذ ، ارجو الرد، اني اد افتح عليه بلي 5 و شاشه 55 بوصه بس راح اجيب اكبر منه
عليكم السلام اهلا عزيزي
سعره حسب اخير مرة اشتريته ٣٥٠$ ال 3kva
عزيزي اني مو صاحب محل او مكتب او شركة واريد امشي بضاعة
شاهد الفديو وتعرف الاحسن
عموما اذا حالتك المادية زينة اشترية 3kva اونلاين
اذا ماشية امورك اشتري 1kva اونلاين
لازم اونلاين نصيحة.
@@fouadalmohandes229 بس الاونلاين حيل غالي يعني ب الميايه و همات ب الدولار اني بس عندي 100 دولار على اليو بي اس زين wb supplies 3kva اشكد دقيقه يشغل اذا بلي و شاشه
ما اعرف صراحة وما انصحك ابد تشتريه
@@fouadalmohandes229 جا ياهو اشتري الي جوه ١٠٠ دولار
@@mimoyt07 جمع ٦٠$ بعد واشتري 1kva اونلاين
جبتة جديد بس يطلع ريحة كريهة جدا
شنو السبب
بقت فترة طويلة لو اسبوع وراحت؟
اول يوم جديد وبعد ما أدري الريحة تروح ب مرور الأيام لو تبقى مدى الحياة
أنتم شكد وراحة من جبتة جديد
ماكو ريحة بيه
اني اخاف فايت بالجهاز ابو بريص او فارة وميتة 😅
السلام عليكم اخي ممكن اعرف شكد يصرف كهرباء ..حاليا جار امبيرين من اشغلة المولدة تفصل؟ ممكن اعرف مذاكرين بالدليل مالتة شد يصرف.عندي 1kv
عزيزي احاول بالفترة القادمة اسوي فديو على الموضوع الي طرحته
حسب ما جاي استخدم حاليا
اليو بي اس ما يصرف هواي
افترض انه نصف امبير ويمكن اقل
لازم التطبيق عملي حتى انطيك رقم مضبوط
هذا الكلام نصف امبير على فرض انت ما محمل عليه
من تحمل عليه اربعة امبير اكيد راح يصرف اربعة
اتمنى وصلت الفكرة
@@fouadalmohandes229 مشكور اخي
تدلل عزيزي
منين حصلتي على رقم 550w
وشكاتبين الشركة بعد؟ دائما يستهلك نصف امبير؟
اخي شكد سعره وين ينباع
عزيزي سعره اليوم ٥٧٠ الف دينار
موجود عند شركة اسوار
فرعهم بالباب الشرقي
وفرعهم في شارع الصناعة
واي سؤال اني حاضر وتدلل
مرحبا يالطيب،
المروحة عند الشحن فقط بدون تشغيل تبقى دائماً شغالة؟
اهلا عزيزي
يتكون اليو بي اس من عدة قطع
اللوحة الالكترونية والشاحنة والبطاريات
من تسخدمه (تشغله) راح تسري الكهرباء بيهن كلهن وترتفع حرارتهن كلهن، لكن من انت واضعه على الشحن وبدون ما تشغله بالحقيقة الكهرباء والحرارة موجودات بالشاحنة والبطارية ، وبما انه الحرارة من الاسباب الرئيسية لتلف البطاريات وبما انه المروحة صرفها للطاقة قليل فانها مصممة على ان تبقى تعمل.
يعني شي طبيعي وممتاز .
@@fouadalmohandes229 شكراً جزيلاً، بوركت.
تدلل عزيزي
@@fouadalmohandes229 سؤال ثاني بدون زحمة ،
اكدر اخليه دائماً بوضع mute ؟
يعني من تطفى الكهرباء ميسوي إنذار يكون هو صامت ويبقى هيچ ؟
لأن داريد اغير مكانه بغرفة ثانية علمود صوت الفان بس رح يصير بعيد علية بحيث كل ما تطفى اروح اسوي mute
للاسف ما يصير دائما صامت
لازم كل مرة تطفى الكهرباء تضغط زر التشغيل
اذا يضايقك هواي لازم تفتحه وتخرب السماعة
هل استطيع ان اربط عليه سبلت بنظام اقتصادي تقريا ٤ امبير وكم kv اخذ اذا يصير
عزيزي سبلت اقتصادي ٤ امبير يحجي على جو بالربيع
من يجي تموز ما يبقى على ٤ امبير وبالتالي تحتاج 3kva من ناحية تكافىء القدرات
من ناحية ثانية
اذا عندك نية بس تحويل بين وطنية ومولدة فد ربع ساعة ماكو اشكال، لكن في حالة عندك نية تخليه مشتغل على اليو بي اس اكثر من نصف ساعة فميصير.
@@fouadalmohandes229 اي نعم بس مابين الانقطاع يعني اكثر شي ربع ساعة يعني ال 3 KAV كافية وما عليه تاثير على السبلت
نعم عزيزي
اذا انفيرتر وحده الاقصى ٨ امبير يشغله اليو بي اس ال 3kva عشر دقائق او ربع ساعة
اني حاليا مشغل عليه الطابق الارضي كله
ومشغل عليه دريل ١٨٠٠ واط اكثر من نص ساعة، قدراته رهيبة
وهاي من ناحية
من ناحية ثانية ينطيك كهرباء مستقرة ١٠٠%.
@@fouadalmohandes229 شكرا استاذ بارك الله بيك ونفعنا بعلمك
عزيزي تدلل
السلام عليكم عندي نفسو بس ما يشحن
عليكم السلام
احتمال البطاريات تلفت وتحتاج استبدال
تكلفه تبديل البطاريه شكد يكلف؟
عزيزي مثل هذا بيه ضمان
احتمال يصلحوها ابلاش
او ياخذون مبلغ ٢٥٠٠٠ دينار على الوحدة
ما اعرف
لكن البطاريات الموجودة بالسوك والنفس الحجم يتراوح سعر الوحدة بين ١٠ الى ٢٥ الف دينار حسب الجودة
الافضل هي فاربر
وموجودة عند شركة اسوار بالباب الشرقي وشارع الصناعة.
واي سؤال اني حاضر وتدلل
@@fouadalmohandes229 صوت المروحه عالي لو طبيعي؟
عالي ومزعج
سلام عليكم اليوم اخذت ٢ كي في باتري داخلي
اونلاين.. بيه نتله خفيفة من الجهة اليمنه.. هاي عادي؟!
عليكم السلام اهلا عزيزي
اذا ممكن توضحلي شنو قصدك من الجهة اليمنى
الهيكل الحديدي الاسود يغطي اليمين والاعلى واليسار مو لو لا؟
شلون النتلة من جهة وحدة؟
اذا مم
اي هو نفس بالضبط العندكبس ٢ كي في.. بس نتله خفيفة خاصة من حافي من الجهة اليمنه تنحس.. من الجهة اليسرة ماكو.. واذا لابس تكرم نعال شبه تختفي.. عندك نفس الشي..
اكو اجهزة يصير بيها هيج موجات معدنها مثل الستيل
تختلف عن اليو بي اس هذا
على الاكثر هذا خلل بالجهاز
والخوف ان تصير مشكلة بيه بالمستقبل
برايي راسل شركة اسوار واحجيلهم الموضوع بالتفصيل
وارسللهم فديو اذا في حالة يشتغل ضوء درنفيس الفحص من تفحص الغطاء مال الجهاز
شوف شيكللولك حتى توثق كلامهم للضمان
اذا صلحوه زين
واذا ما صلحوه معناها ما بيه شي وشغلته بسيطة وبكل الاحوال احتفظ بالدردشة بينك وبينهم
للعلم ان ناوي اسوي فديو على ضمانهم
عموما جيد جدا
شركة مرتبة
خابرت ابو فاربر كال عادي هاي حثية وكل الاجهزة هيج..ني جربت من حافي الزمه تبين نتله خفيفة مثل نتلة الثلاجة.. بس من تكرم البس نعال ماكو..
اني ردت اتأكد من شخص عنده.. جرب تلزم العندك من الجهة اليمنه وانت حافي وتشوف؟! واكون منمنونك
@@ahmedabdulrazzaq6567 عزيزي اني نتلني الكيبل الرئيسي حسيت بنتلة خفيفة 😅
بعد شوية اتاكد من العندي
عموما أكد على تعليقي السابق
اني توقعت حث
لكن بعد ايام ويصير بيه اشكال شنو فائدة توقعي
لذلك كلتلك وثق المحادثة بينك وبينهم
وسؤال ...
هم جربت تفحصه بدرنفيس الفحص
لان اذا ما يشتغل درنفيس الفحص يعني الوضع تمام وما بيه اي خلل.
شكد سعره
بحدود ٥٥٠ الف دينار ضمان سنتين
الضمان سنة يكون ارخص بحوالي ٥٠ الف دينار
طبعا كلش تدوخ وفرتني فر هاي سالفة اليوبي اس الاونلاين اخذت واحد منهم بطلعان الروح جيب التوصيل ورد التوصيل يبووووو كوة خلصت وحتى نقطيت 20 الف فوك سعره
المهم بعد الاستخدام شنو رأيك بيه؟
يسوة لو لا؟
@@fouadalmohandes229 راح انام هسه طافية الكهرباء من تجي عود اشحنه واشوفه ، ماقصرت بشرحك عاشت ايدك
ايدك العايشة، تدلل عزيزي
برأيي تشحنه ٢٤ ساعة ، يوم كامل قبل ان تستخدمه.
@@fouadalmohandes229 بس مكتوب بالكتاب خمس ساعات والموزع كالي ثمانية ساعات
اني كلامي مو دقيق
لكن نصيحة اشحنه يوم كامل افضل الك
وخاصة بهيج جو بارد ماكو اي مضار جانبية
لكن من ناحية ثانية اذا يحتاج كذا ساعة وانت تشحنه اقل تتعرض البطاريات احتمال للتلف.
وانت بكيفك.
اكو برنامج يخلصك من الصوت نهائيا سويتها
مستحيل عزيزي
لان المشكلة ميكانيكية مو الكترونية
@@fouadalmohandes229 اخي اني سويتها بالحاسبة اكو عراقي باليوتيوب يفهمك شلون طب وسويها
عزيزي ما راح يفيد شي
انت من تبطيء سرعة المروحة جاي تسرع بتلف البطاريات والجهاز بشكل عام
ما حاطين المروحة وسرعتها اعتباطا
خوب اكدر اشيلها نهائيا
ومثل اليو بي اسات القديمة
بس ميصير
ولهذا كلتلك المشكلة ميكانيكية
وما الها حل
الا ان تخلي الجهاز خارج الغرفة.
كم ساعه اشحنه اول ما اشتريه وشكرا
٢٤ ساعة
تحط اليو بي اس على كهرباء مستمرة
اذا تطفى وتشتغل ماكو اشكال
قصدي تحويل من مولدة لوطنية
لكن اثناء الشحن لازم ما تستخدمه بهذه الفترة ال ٢٤ ساعة.
@@fouadalmohandes229 وعادي تشتغل المروحه اثناء الشحن يعني تظل شغاله للصبح والشاشة
نعم عزيزي ، تستمر المروحة والشاشة الصغيرة بالعمل اثناء الشحن، وفي حالة تذبذب الكهرباء مولدة مثلا يظهر التذبذب على الشاشة وكذلك تتغير سرعة المروحة.
@@fouadalmohandes229 يعني عفوا افهم من كلامك المروحه مراح ترتاح لان خلال الشحن وخلال التوليد هي شغاله من اكمل عملي اطفي يتحول شحن حتبقه شغاله هلشي عادي يعني لو راح تتلف
عزيزي من عوامل عطل اليو بي اس هي الترك بدون شحن وارتفاع درجة الحرارة
اذا تستخدم الجهاز مثلا ١٢ ساعة المفروض تقطع الكهرباء نهائيا عن اليو بي اس بال ١٢ المتبقية من اليوم
هسة تكول وشلون يشحن
اذا كان استخدامك اله طبيعي ويستهلك البطارية فقط من تطفى الوطنية فمبدايا ما يحتاج شحن
وبالتالي وبعد هذا الكلام الهواي المفروض راح ترتاح المروحة
عموما تستبدل المروحة في حالة عطلها، امر طبيعي وعادي.
ممكن صفحتك اتواصل وياك
تعذرني عزيزي ما عندي وقت، اسف.
اريد اوكف الصوت دامي يصير بهاذ العكس
بس بهذا اليو بي اس
غيره ما اعرف
هوه يصير بيه اوكفه حتى لو تطفى الكهرباء يعني ماريد صوت
هاذ عدي
تبقى ضاغط على دكمة الاون خمس ثواني وبعدها مباشرة يختفي الصوت يصير صامت
مميزاته حلوه بس صارله تقريبا عندي 5 اشهر محافظ عليه كلش ورابط عليه بس الحاسبه والنت وكل هذا بس تطفى الكهرباء لمدة 5 دقايق اقل ويطفى وحتى لو جان مفول شحن
قليلة خمس اشهر
احتمال تاركه ولو مرة وحدة بدون شحن
لو من اشتريته بيه خلل
@@fouadalmohandes229 اهاا زين ستاذ شنو الحل اغير البطاريه مالته؟
اي افضل تبديل البطاريات
اذا فاتح اجهزة قبل والك واهس صور فديو وابدي الجهاز قطعة قطعة وبدل البطاريات باخرى نوع فاربر او النوع الي ينصحوك بيه شركة اسوار بشارع الصناعة، بطارياتهم شوية اغلى بس هواي افضل.
شو يكولون فاربر مو مثل قبل وبي عطلات ومقلدي او مقللين كفأتة صدك هلحجي لو لا ؟
اولا فاربر الموجودة بألسوك العراقي مو درجة اولى
ثانيا سعرها متوسط مو قليل
من ناحية ثانية فهي
اولا افضل من هواي ماركات تعبانة مثل مكسيما والي حرامات الشراء منها
ثانيا سعرها اقل من الماركات الدرجة اولى بفرق واضح مع انها تتقارب ولو شوية عليها
عموما كلشي على كد فلوسه والي يحافظ على الحاجة ما تعطل
ونصيحة الك لكل الاجهزة الكهربائية لا تخليها تحمى وخليلها مروحة اضافية ، لان الحرارة تتلفها.
@@fouadalmohandes229 صح ماكزما اشتريتة شهر وحركلي جهاز سعرة مليون ..شنو تنصحني اشتري ياشركة ...وبخصوص الحماوية اني مريض مال هيج سوالف 😁 كل جهاز عندي مقياس مال حرارة مخليلة واراقب بي ..شكرا للنصيحة
حسب سحبك اخذ حجم اليو بي اس
لكن بالدرجة الاولى انصحك بالاون لاين لازم
عندك خيار فاربر جيد
وخاصة 1Kv
عموما مروحته ممتازة
وتكدر تشتري مروحة AC من عكد النصارى بسعر ٦ الاف دينار تدفع الهواء بشكل مو طبيعي
حبي عندي مثل حجم 1kv
شكد حجم المروحه؟؟؟
اعتذر عزيزي ما اعرف
ما فاتحه
لكن كلهن مزعجة مروحتهن
@@fouadalmohandes229 كلش مزعجه . اريد أبدلها بوحده مال حاسبه احترافيه
يكون صوتها اقل
متفيد عزيزي
نهائيا ما انصحك
مال الحاسبة تعبانة
اني اكلك صوتها صفر
بس ما تبرد
يعطل الجهاز اذا ركبتها
هذا تعليق الي قبل حوالي ثلاث ساعات بفديو اخر
اتمنى يفيدك
تدلل عزيزي
برأيي اهم شي لجميع الاجهزة هو التبريد وخاصة اجهزة ال UPS
اني رابط اضافة لمروحته مروحتين
اشتريتهن من عكد النصارى
سريعات ودفع عالي
هسة دكول الازعاج زاد
صحيح
اشسويت اني
نقلت اليو بي اس للطابق الثاني
واخذت منه واير للطابق الاول كله بما فيه حاسبة ديسكتوب وبلي ستيشن٥ وشاشة ٧٥انج
واله فترة حوالي سنة ما مطفيه ابد
برايي هذا الحل الامثل
مخلص من صوته ومستفاد من كهرباته.
واي سؤال اني حاضر وتدلل
@@fouadalmohandes229 ممنون حبي
سلام عليكم. يو بي إس من فاربر 2kva-1ph كم يبقى يشغل PS5 مع شاشه متوسط
اذا ممكن ماركة شاشتك وحجمها قديمة لو جديدة
عموما ميصير تشغلهن اكثر من ربع ساعة
@@fouadalmohandes229 واذا اكس بوكس سيريس s مع شاشة TCL p725 43 مع يو بي اس 1kva-1ph
عزيزي هذه الاجهزة صرفها اثنينها بين ١ الى ٤ امبير كحد اقصى
يعني 1kv يكون كافي لتشغيلها، لكن بالنسبة للمدة فماكو حل للمشكلة
اليو بي اس ما مصمم للعمل لساعات
شغلته ربع ساعة
بس وقت تشغيل المولدة
اذا تطفى الوطنية وتريد تبقى تلعب الى ان تجي المولدة ماكو اشكال بتقديري
لكن اذا عبرت الربع ساعة احتمال يتلف اليو بي اس
@@fouadalmohandes229 تمام شكرا لك على معلومه 🤍💙