Te Pikikōtuku o Ngāti Rongomai - Mōteatea 2020 Credit: Māori Television | AKHL

[@dougypetley4355]

Mōku e tōreherehe ana i te kōrero
ā ngā pakeke e kīa atu ana
"Ko te noho whakaiti te mahi"
Ko hirikapo ka mahue te kī mai
Ko te mana o te iwi kai te kōrerohia
Ko te mana o ngā tūpuna kai te kōrerohia
Ka mutu, ko te ihi, ko te wehi, ko te whakamatakutanga o Te Arawa kai te kōrerohia e i
Ka tahi, ka tika!
Ka rua, ka tika rawa atu
"Ko te noho whakaiti te mahi"
Me ko Ranginui, me ko Papatūānuku
e noho puku ana i te ata, i te pō!
Tau atu, tau mai rā
Ka hopukina atu e au te kōrero rā
E kōrerotia nuitia ana i te ngutu o te motu
E kīa ake nei
"Kāore te kūmara e whakarekareka,
e pahupahu noa mō tōna mangaro" e i
"Me he tē" te whakarongo
"me he tē" te whakarongo atu
Ko koe rā te kai a Te Tahi O Te Rangi
"e koe", "Kaitoa", "E nge, e nge"
Mā te whakamā koe e patu
Ka tahi ka tika, ka rua ka tika rawa atu
"ko te noho whakaiti te mahi"
Me ko Uru Te Ngangana ka noho ki ngā mata whare pūwhenua
O tōna matua, whaea tau atu tau mai rā
Ka mokowhiti atu e au ki te paepae taumata
a ngā kaumātua e taki nohonoho mai ana
Ki te āhurutanga o te noho me te pīkarikari mai o te taringa e i
Aue e koro mā e
Mei kore ake rā koutou e ora ai ngā kōrero tuku iho
Manohi anō ka puta au hei whakaputa mōhio, hei whakaputa mōhio hio! e i
Aue e koro mā e
Mei kore ake rā koutou e ora ai ngā kōrero nō tāukiuki
Manohi anō ka puta au hei kaiwhakamanamana
Ara, he tangata whai mana e i
Aue e koro mā e
Mei kore ake rā koutou e ora ai taku mana motuhake
Ki wīwī, ki wāwā, ki te A E I O U o te motu e i
Ka tahi ka tika!
Ka rua ka tika rawa atu
"Ko te noho whakaiti te mahi"
"Ko te noho pāpaku te mahi"
"Ko te noho puku te mahi"
Tau atu tau mai rā
HEI!!

[@jaydenthompson7919]

😔Uncle Dre

[@stevenkaukau9404]

That was sharp best roopu out there atm🤙🤙🤙

[@rachelnuku3170]

that was very flirty