A praza de Asorei de Cambados, peonil dende este xoves

A partir deste xoves a praza de Asorei, en Cambados, será peonil. O concello culmina así a reordenación do tráfico na contorna de Fefiñáns, iniciada hai agora cinco anos cando se pechara aos coches a praza. Din que con esta medida mellorarase a seguridade dos viandantes ao tempo que se recupera esa zona para o uso público. Na parte negativa, a peonalización de Asorei supón a eliminación de seis prazas de aparcadoiro. Con todo, o goberno local di que busca xa alternativas para recuperalas.