طريقة عمل الكشنة وفرزنتها وعمل حشوة فوق الرز لذيييذة👌🏼
ฝัง
- เผยแพร่เมื่อ 10 ก.ย. 2024
- اليوم ان شاءالله أعرفكم على طريقة سهلة وبسيطة ورهييييبة لفرزنة الكشنة أو الحمسة سواءً كانت في بداية الطبخ قبل اللحوم والدجاج أو اللي تحطينها فوق الرز أو اللي تسوينها للمكرونة وصواني الدجاج والمسقعة أو للبيتزا واللازانيا لان الكثير يعاني من ضيق الوقت في عملية تحضير الأطباق ويعاني من الروايح وقت الحمسات وتكثر فرزنة الكشنة بشهر رمضان المبارك لذا اقدم لكم طريقتي بفرزنة الكشنة ان شاءالله تلقون فيها الفائدة وتوفر عليكم الوقت والجهد وتقلل من دخولكم للمطبخ وتعرضكم لروايح الحمسات😋..
وبالنسبة لنوع البصل بالطبخ، البصل الأحمر أفضل يعطي نكهه قويه ويشيل الزفر والريحه ويبرز نكهة الطبق أما لطبخ الجريش والشوربة وبعض الطبخات اللي البصل لازم ما يكون بارز يفضل فيها البصل الأبيض علشان اللون والطعم ما يكون لاذع وقوي.
✅الطريقة الأساسية لعمل كشنة البصل:
نجيب البصل الأحمر نقطعة قطع صغيرة ممكن باليد أو بالجهاز وبعدين نضيف له زيت نباتي ونحمسه ولانخلي النار عالية علشان مايحترق ونحرك لين يصير لون البصل شفاف وريحته حلوة نسكر النار ونخليه يبرد وبعدين نعبيه في علب صغيرة والأفضل تكون شفافة علشان يسهل علينا التعرف عليه أو أكياس صغيرة.(ممكن نضيف للحمسة ثوم وزنجبيل طازح حسب الرغبة)
✅طريقة عمل الحشو اللي فوق الرز:
يستخدم فوق كبسات اللحم والدجاج أو مطبق السمك أو المربين أو الرز المشخول
ناخذ حزء من كشنة البصل ونضيف له جزر مبشور وممكن فلفل رومي وفلفل حار مقطع مكعبات صغيرة ونحمسه زين وبعدين نضيف ليمون أسود أو مسمنة أو كركم وممكن زعفران وكمون وقرفة وهيل ورشة ملح وسكر وممكن زبيب ومكسرات وصنوبر وزركش أو حمص مجروش وبازيلا مسلوقة ( ممكن كشنة الرز نقطع البصل جوانح) وممكن مكعبات بطاطس مقلية يميييي خصوصاً مع الرز الأبيض النثري😋👌🏼ونحطها بعلب تجلس ثلاثة شهور بالفريزر ماتتغير👌🏼
(ممكن بس بصل جوانح مقلي وصنوبر مقلي نرش عليهم كركم وليمون أسود وكزبرة مطحونة وحطيهم فوق الرز ياسلاااام على الريحة والطعم شي لذيييذ من الآآآخر أكثر شوي اسويها بعيد الأضحى👌🏼👌🏼😋😋
وقت وضع الحشو👍🏼
الله يسلمكم ياجميلاتي بعد ماينشف الرز حطي الحشو فوقه وغطي القدر عشر دقايق وبعدين وقت الغرف اجمعي الحشو وحطيه بصحن على جنب وبعد ماتغرفين الرز حطيه فوقه واستمتعي بألذ كبسة😋
وممكن تقطعين بصلة نية مع ليمون أسود مطحون واحفري حفرة وسط الرز وحطيها 👌🏼تعااالي شمي ريحة الرز 😩❤️❤️👌🏼
وفيه اضافات مع الحشو اللي هي بيض مسلوق ومكرونة وقرصان نغمسه شوي بالمرق (الطريقة هذي تنفع للذبايح)
✅طريقة عمل التسبيكة للمكرونات وصواني الدجاج والمسقعة والبيتزا واللازانيا والأكلات الهندية وغيرها من الأطباق اللي يكون مسموح فيها باللون الأحمر:
ناخذ جزء من كشنة الرز ونضيف لها ثوم أو فلفل حار🔥(اختياري) ومعجون طماط ونحمس زيييين وبعدين نضيف عصير طماطم وفلفل رومي حار ونحمس زييين وبعدين نضيف ماجي( اختياري) بالنسبة للبهارات نضيفها وقت الطبخ أفضل والسبب (مهم👌🏼) لأن البهارات تختلف من طبخة للثانية مثلاً البيتزا واللازانيا نضيف لها بهار ايطالي وروز ماري وأوريغانو والأكل الهندي نضيف له كاري ومعجون وبهار مسالا وهكذا .
#مفرزنات#مفرزنات_رمضان#فرزنة#مفرزنات_مشاعل_الطريفي#حشو_الرز#كشنة_الرز