Obxectivo en Galicia - Kiko Arcas - Fotografía de natureza

Capítulo da serie documental "Obxectivo en Galicia" adicado ao fotógrafo de natureza Kiko Arcas.
A fotografía ten unha longa historia en Galicia. Dende as primeiras imaxes dos emigrantes nos portos. Ata as espectaculares imaxes que a tecnoloxía amosa hoxe en día das nosas paisaxes.
A fotografía en Galicia e de Galicia, é todo un fenómeno cultural que salta todas as fronteiras. As xeográficas e as xeneracionáis. As fotografías dos protagonistas desta serie, acompañan aos galegos e galegas nos momentos máis cotiás, e nos grandes momentos.
Unha escolma, unha “fotografía” do momento cultural da captura de imaxes en Galicia, a través de 5 perfís ben diferentes, pero cun denominador común: a paixón por capturar o espírito dunha terra.
A través do camiño do fotógrafo Mateo Hernández, coñeceremos diferentes xeitos de entender e crear a fotografía.
Unha viaxe que percorre Galicia, captura os seus lugares e as súas xentes, ao tempo que se vai amoldando aos estilos e características de cada un dos seus entrevistados. Cada un dos cales, cubre un eido ben diferente deste apaixoante mundo.
Iniciativa realizada ao abeiro do Fondo de Proxectos Culturais Xacobeo 21.