#MM
ฝัง
- เผยแพร่เมื่อ 16 ก.ย. 2024
- #MM #700萬種生活 // 80年代滾軸溜冰團重現維園 經典「後溜」、「拉龍」消失30年!1,600名滾軸溜冰迷重組 共享同一年代的回憶
維維光猛的滾軸溜冰場內有近百名人以仿似「MoonWalk」的步姿向後滑行,但每個人的分別只是「MoonWalk」速度不同,都是飛快地滑行,原來這是80年代踩滾軸溜冰常見的招式「後溜」,部份人手牽著手連成一排,然後從對角線高速斜向切人溜冰場的角落,我看到時驚訝地想如以這樣的速度撞上欄杆的話輕則頭破血流重則骨折骨裂,就在快撞上欄杆的一刻眾人的滾軸溜冰鞋發出刺耳的抓地聲然後一排人瀟灑地站定,為首的阿包頭髮飛揚,露出不符她成熟年紀的天真笑容,她旁邊的眾人都發出歡呼聲,以為玩得這樣癲只會是一班「唔識死」的年輕人就錯了,「這裡每個人都是40年前就接觸滾軸溜冰,我11歲踩滾軸溜冰,現在我都52歲了。」包包補充道。「700萬種生活,我們的生活就是找回我們的童年。」
溜冰滾族
「《溜冰滾族》這一個族字不是解一個輪子的意思。」劉以達在36年前的一個泛黃色調的MV開首提到,「這個『族』字其實是解作一族人的意思。」黃耀明補充道,1987年「達明一派」推出的《溜冰滾族》準確地描寫了這一個族群的特性,「隨幻覺隨動作、隨著急促音樂,在盤旋每個角落,流著少年脈膊,隨著一杯可樂,盡忘懷一切失落。」連可口可樂當時的廣告也用滾軸溜冰做題材拍攝廣告。
時間回到80年代,80年代年輕人的娛樂不多,不外乎踢球、打保齡球、踏單車及流連遊戲機店,而對於未夠年齡到的士高,但又想體驗一下類似氣氛的青少年而言,踩滾軸溜冰就是最新潮的娛樂,「現時會有DJ打碟,感覺就像的士高,有些女生一聽到某些傷心情歌就會哭。」因為以前的滾軸溜冰場是約會勝地,可以很自然地牽著對方的手,「但以前的年輕人你想換畫換得有多快,下星期可能又會牽著新的女生來同一個場踩,自然容易勾起傷心事。」阿包笑道。
滾軸溜冰可以說是成長於80年代的人青春的象徵。阿包是見證著整個滾軸溜冰流行時代的人,滾軸溜冰佔據了她青春很重要的部份,第一份工是滾軸溜冰場玩到成為文職,第一個老公是在滾軸溜冰場認識,連產子後都會帶孩子回滾軸溜冰場,「現時還有人說『阿包傻的,挺著肚子懷孕都仍然踩滾軸溜冰」,我兒子未滿月的時候我已經瞞著奶奶抱走他然後去賓仕場玩。」阿包笑道。阿包說的「賓仕」就是當年香港一間大型室內滾軸溜冰場,80年代美國的滾軸溜冰風潮席捲香港,九龍灣德福、太古、沙田賓仕,不同地區都有代表性的滾軸溜冰場,最有趣是因為踩滾軸溜冰的人通常跟自己場的人學踩,一個一個傳下去之後就會造成不同場踩的人腳法會有分別,「賓仕那些是大步粗魯一點的、德福那些是密步一點的,太古是最斯文的。」阿包補充道。而他們對自己出身的地區的滾軸溜冰場都很有歸屬感,到現時都還會說「我德福」、「我太古」還是「我賓仕」。「感覺有點像是『小夥子你竟然敢來我的球場踢波』,有點「踩場」的感覺。「以前不流行電話只有固網電話,但以前小時候父母不讓講電話,但就算不用約定同一群人總會固定時間出現在固定地方,就像老地方一樣就會見到面。」阿包補充道。
滾軸溜冰再復興
滾軸溜冰風潮在80年代席捲香港,但在90年代初就消聲匿跡,多年輕人聚集又多身體碰撞的地方自然容易出現磨擦,慢慢滾軸溜冰場除了新潮之外都給人品流複雜的印象,再加上商場覺得將滾軸溜冰場分拆租出去更加賺錢,於是商場更不願意租給滾軸溜冰場。「有想過丟掉這雙鞋子的,你看我踩到八隻輪子已經熔掉了,真的曾丟掉到垃圾桶,但我不捨得所以再拾起。」阿包拿著她有超過30年歷史的賓仕「阿公鞋」感歎道。「阿公鞋」即是當年租給客人踩的鞋,阿包趁賓仕倒閉的時候拾了一雙留念。「誰知在2019年左右,在Facebook突然發現在維園有幾個人踩當年的滾軸溜冰,隔了30年我又可以再踩。」阿包感歎道。滾軸溜冰有很多種玩法,好似Roller dance 、Rollerblade,但80年代最貼地、最有回憶的玩法。就是在滾軸溜冰場入面拉龍、煞掣、後溜的玩法,因為最易牽到別人的手,而阿包說當年的踩法就是這種。
阿包口中有「突然有幾個人在維園踩滾軸溜冰」的那幾個人,就是Eric他們,Eric以前80年代在德福及太古場踩滾軸溜冰,而2019年的時候他與幾個朋友聊得興起一時心癢,就想找回當年踩滾軸溜冰的感覺,然後就上網找鞋,買到鞋就再找有何地方可以踩,「那時他們不知道是不是在臉書上看到我們發放的影片,他們就很興奮,就開始下來參觀一下,見到真的有人在玩,之後他們一個一個地帶人來參加,那時我們記得第一年左右有300多人,到第二年已經差不多1,000人,現在好像有1,600人。」為了能夠順利向康文署預約場地,所以Eric他們成立了Hong Kong Roller Club,而這股風潮更吸引到人轉行開始賣滾軸溜冰鞋,迎合市場。
「當時有一雙私家滾軸溜冰是很威風的了,一雙自行組裝的鞋。要上千元,我記得當時在麥當勞工作都只有5元一小時,一個人的平均收入都只有3,000多元。」Roller Six店主Vicky道。Vicky原本賣花女裙,疫情沒生意索性轉行賣滾軸溜冰鞋,所以其中一個很直接令到滾軸溜冰潮流消失的原因,就是根本上沒有滾軸溜冰場就沒有「阿公鞋」借給人踩。最多Vicky試過一個月賣出80對
現在回落一個月平均都賣到30對,大多數的客人都是以前踩過想再踩滾軸溜冰的人。「我們香港的踩法很暴力,風格就是30年前急停急煞,看得外國人都覺得我們很厲害,所以鞋子要堅固一點。」Vicky補充道。其中一名小時候曾到澳洲留學的資深滾友Jason指,外國整個滾軸溜冰場只有他在後溜,「我甚至是20多年前去紐約玩的時候,看到有規則列明不准後溜。外國連煞掣都較少,通常都是Roller dance。」
再在場上相遇
「這個是Bargain,還有頭髮的,這個就是熊貓,後來去了外國讀書,40多年前就失去聯絡了,但有次在維園再踩的時候竟然再相遇到了。」阿包拿著一張泛黃的照片激動地說道,再在維園滾軸溜冰場上遇到熊貓已經頭髮掉光了,而熊貓則是長胖了,「Bargain從瘦仔變了肥仔,他以前為了踩滾軸溜冰不吃飯,現在有肚腩,還有熊貓變得沒有頭髮了。」阿包笑道。
「當年聯絡只有固網電話,搬家後就很容易失聯,好像尋親一樣,你是找不到那個人,但當你有一個滾軸溜冰場,那些人就好像被引力吸引回來,『我認得你,你是阿包』,發現大家是沒有變過的,都是這麼低能,然後會說你這幾十年經歷過甚麼事。到現在的階都只想玩,因為到這樣的年紀不會再只為子女付出,因為子女大了。」阿包說著說著哽咽哭了出來。香港滾軸溜冰文化特別的地方在於,由興起跟消聲匿跡都是十年之間的事,所以回憶好像只有生活過同一年代的人才可共享,亦容易跟人相認,全部都因為滾軸溜冰所以在此再相遇,在場的人都共享著同一個年代的回憶。
策劃:梁中勝
攝影:潘志恆、張志孟、許先煜
剪接:陳港怡
監製:陳慧敏
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 TH-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:
我當初想做呢個故仔的原因,係覺得成班人因為當年同一個愛好所吸引,而再係roller場上相遇返幾十年冇見的老朋友,呢件事好青春又好觸動到,覺得同一個地方的人可以共享同一個年代的回憶係一件好美好的事,唔知有冇觀眾以前都係德福、太古、賓仕或者仁愛堂踩過呢!歡迎相認!
有冇人去美孚天橋底踩Roller?😅😅
有每個星期日
除咗仁愛堂(因為遠同聽聞好雜), 全部都留過唔少腳毛😂
我踩德福 但當年得小四 無大姐姐大哥哥同我踩🙈 次次都係5-6小學生自己踩
唔係人人都想相認架!
好羨慕...他們在年青時一起癲狂過,現在人到中年竟然能夠尋回昔日的朋輩/友好再一起癲狂,真是難能可貴,是緣份,是錢買不到的快樂,要好好享受和珍惜。
我係一個近50嘅中佬
一聽到首eternal flame就想標眼淚,回憶中嘅自己總是快樂的
#當年係賓士同太古嘅常客(玩hockey 鞋),賓士啲人真係無敵尤其是個地比較跣;太古淨係放士多啤梨煙呢一幕已經夠晒浪漫
其實邊度都可以「拉龍」
我就喺呢度試吓睇吓有冇人睇倒跟住一齊玩,我呢一刻聽緊以前Roller場hit 歌
1. 紅唇的吻(草蜢)
我都記得有放煙,好似disco 咁,當年我係五六年班,差唔多全場最細,同另一個小學同學成日去溜😂
你一講士多啤梨煙先醒起😅
唔講真係唔醒起🤣又真係好似係士多啤梨味🤣
賓士啲人真係好勁好癲
欣賞整個製作團隊 題材獨特貼地 真正反映百萬人不同生活
去到呢個年紀,做任何事只要自己覺得開心,其他人明白與否,已經不重要❤
冇撚有錯👍🏼
非常開心又好有感觸!睇返班老友記仲咁玩得,可喜可賀,我68歲冇玩成三十幾年啦!唔知仲得唔得,都唔敢玩啦,如果跌一跌就大06啦!
唔玩都可以星期一落嚟吹下水
我都就嚟60歲啦,睇返段片好開心,諗返係以前
這個年代看到都是淚😢
退伍都快30年了,當年國高中時代的休閒活動好懷念
你地MM做啲題材真係好好,可以令好多真正香港人尋找返佢地遺忘已久嘅回憶,繼續努力😊
mill milk真係越做越好~真係條條片都係有靈魂👍🏻👍🏻⋯⋯好有日劇魂
我和中學班friends讀德望,放學去德福踩,weekends有時會入沙田和太古,由其是summer holidays。玩完喺德福食麥當勞,沙田去食KFC。超級開心,可惜而家大家已經移曬民,唔係一定去懷舊吓😆。而家在澳洲有同啲仔同佢哋女友去溜冰,佢哋都好proud of me, 識後溜和急煞😂。
多謝MM, 多謝Sam, 青春無限。
我都係80年代去太古踩早場,學生哥有優惠,有去過德福,沙田賓仕,自己住東區,習慣去太古,有時去碌鈴
早場DJ主打歌:風雲, 劉美君, 陳慧嫻, Radius, Beyond, 關淑儀拖手仔時段, 噴煙,好浪漫㗎,識到男仔會去食麥記/二樓KFC, 之後去太古城公園仔拖手仔談心😂😂
多謝你呀!青春係種心態唔係年紀,e加都可以繼續青春!
好開心,亞包的心聲讓我重拾童年不少回憶。 早在78、79年當年雖然不是在roller場起步而是在屯門啟文徑公園,後流、拉龍、急停、仲會高處跳落地面(若有60-70cm),精油當年覺得好英,後期轉入仁愛堂後就慢慢淡出了。滿滿的回憶,十分懷念❤❤❤🎉
眨眼三十幾年,德福,賓士,太古 當年好多回憶一湧而至,感動
睇到好開心🎉好多回憶返哂嚟🎉
記得皇都戲院商場內都有Roller鞋賣
我D同學響太古踩,都有響皇都買鞋,對鞋⛸️⛸️換哂金啤鈴好跨張架😂
包包選擇與Roller🛼🛼為伍,真誠對待朋友,為大家留下美好回憶,多謝您🥰🥰
希望可以拍電影 呢種精神值得keep❤ 雖然當年未有機會玩但成日聽到朋友講嘅故事好吸引❤
我也有踩 roller, 現在放在車尾箱,等有機會再去公園的平路踩,我己經七十二歲,不知可不可以做到。
72歲可能真係要小心d,但就算踩唔到,去現場感受下氣氛都好,可能仲會撞到老朋友!
每次在收音機聽到陳百強的盼望的緣份,腦海總會浮現起在賓士慢歌時間的片段😊
80年代還沒有人人一套電腦和手機,可以玩的比現在豐富得多,樂壇有幾繽紛娛樂就有幾繽紛,經過那個時代就會明白。
這條片看得好溫暖,儘管我並不會齊roller。
最尾嗰段好正啊🤭🤭~包包臨尾講到眼濕濕🥲、睇到好感動呀🥹⋯⋯
雖然無經歷過呢個年代,不過睇到都登佢地開心,人生幾十歲仲可以再撞到小朋友時識嘅朋友,真係好幸運。
確實好懷念,多謝製作這個特輯,回憶以前在觀塘雞寮公園玩roller 的青春歲月,多可愛啊😘
上星期和中學同學食飯時,一同懷念及講番當年他係賓士,而我係太古做塲務的點滴趣事。
除了溜冰場,還有保齡球場都被淘汰,實在可惜。
太古城有個靚女DJ
如果唔睇這片段,真的完全忘記曾踩Roller,我玩太古那邊。想起真開心,好玩,拉龍真的好玩。
雖然我唔係呢個年紀,但就係為左呢個年紀既爸爸學玩🛼🛼兩年。兩父女一齊消閒既時光都好值得回憶架😌😌
好乖女
我係太古 o既, 只係一兩個星期去一次, 去親同自己朋友去, 又唔係靚女, 所以唔會有熟人 😅 片中有一女客人話只係識向前, 衣家想學後溜, 我都係呢d, 所以都好想好似呢位女客人咁去上堂學後溜. 好想去維園玩下, 重拾當年後生仔女感覺 😍😍😍
正!即刻要去睇返達明一派嘅溜冰滾族MV❤
好正喎
雖然我冇roller的經驗但有佢地聽的歌曲的經驗,完全明白懷念當年的感覺
依家用嘅碌,唔可以急剎!以前室內場唔比急剎。我喜歡 roller嘅程度,去到考教練牌及裁決牌. 結婚亦在太古城辨 roller婚禮。
超好看, 找回生活中熱愛的事, 好感動❤
我哋佛山呢邊,叫踩雪屐,多謝Samsam做呢個視頻!好正!
如果係香港的話,雪屐係roller前身!
Sam Sam 呢條片好正,連受訪者都讚你👍🏻
多謝你!
🙋🏻我要更正呀,當年沙田賓仕踩,真係試過差佬查牌,男左女右,全部睇身份證😂😂😂
可能包包已經冇🛼🛼
我記得賓仕入埸鬥口曾貼出一張禁止入埸黑名單
我係其中一個😅
賓仕好似死過人,太多年前,唔太記得,有冇人知?
呢個我可以證實係嘅!😂
拍得好好 雖然無受訪者既經驗但好共感到嗰種情緒❤
聽到你咁講我都好開心!
好懷念啊😮以前有去屯門仁愛堂玩⋯之後在維園玩了一排,依家D小朋友聽到我這個肥佬伯伯識玩roller都好驚訝😱
好有意思,謝謝MM的採訪!
雖然唔係果個時代he人,但成件事令人都好touch my
我都是當年在賓仕,只學識向前,而家有團火,想重頭學,加想學識踩後溜,後溜實在太型。🤗其實而家边到有得學
正呀, 揾到一班差唔多年紀又有共同愛好既朋友, 點會咁幸福架..
做龍尾畀人fing到黐埋牆哈哈😂
以前北角同維園有得租借滾軸鞋租借嚟玩~依家都無曬~都係多謝政府唔續租俾果啲租鞋玩~令到依家啲細路無曬運動樂趣~一味只係讀書讀書再讀書~
呢回憶返晒黎⋯⋯👍👍👍
Mill milk又出一條好片❤
有冇人還記得,維園以前有三隊溜冰團,大約43年前,好懷念,好希望雄雁仔可以見到個 message
哈哈,睇完片回憶返晒來,我是九龍仔的,我不是踩得好勁,因細個讀小二時媽媽睇實,維園踩過一次,最後搬屋,在美孚踩
那時候德福的光影歲月,
太多同學仔的感情聯繫。
每次Sam做嘅故仔都好好睇🤓 好有感染力~
多謝你呀tiffany!
同意呀!samsam每次的故仔感覺都好真誠
This episode is very touching. I am 80s after and I always watch 80s Hk movie like Best Partner and old school disco/roller skate movies. My era we use rollerblades and skateboards 😊 but I love the 80s
令你懷念起𠴱種感覺我都好開心
都幾好!又健康!有益身心!
估唔到😅真係要去睇下咩環境..自己係89年至92年沙田賓士.. 當年係 競技鞋 競技底板 金啤呤牛奶轆 喺深水埗黃金商場 對面唐樓砌嘅 一路都好想踩返 真係 要去維園 見識下
好感動,好開心!
所有回憶番曬來,以前個個禮拜六都去德福❤
BGM 係咪應該搵返達明一派首溜冰滾族呢?😂
青春返曬黎呀!
拍得非常好🎉
好感動
好感動😊感動的回憶❤
廣州都係啊~~嘩,我都好耐冇見到人玩啦~~我剛啱學到交叉腳~~我重未學識後溜啊,就冇點玩,之後就唔見晒啦~~
真係好專業❤❤❤❤❤
回憶返晒黎❤
‘’滴著熱血,插碎玻璃,心中都是妒忌”,一播吳國敬嘅玩火就是拉龍時間。’
呢集 真械 搵返 磋鏈 嘅 簡覺 🥰
初鏈呀!!
這個雪屐場這個晚上…❤
睇到眼濕濕…
想帶三歲囡囡都維園欣賞大家的風彩❤
逢星期一晚8-11,通常6:30就有人到
Samsam呢個故仔都做得好好睇!
that roller skating ramp in victoria park is my childhood playground too. what a sweet memory. nothing but goose bumps and tears. thx for sharing
好睇! 不過14:17後果段好似怪怪地有d格格不入?
沙田賓士之友🥳🥳🥳👍
Eternal flame,初戀嘅感覺返晒來
睇嚟你都有d經歷
@@samleung6959
謝謝你,帶给我們回憶
我都是當年太古城!👍
太古木地板超正, Disco 咁有 feel😊
當年都有在維園玩拉龍,俾人飛咗我出鐵欄都有😂
😂做龍尾多數係高手, 當年太古見到有啲靚女唔知, 一擺尾由場中間飛到去場尾, 不過太古係木地板完全無事, 起身又再玩過😊
賓士😂😂😂❤❤❤好懐念
師姐,好型~😎 羨慕~ 不過我踩雙排唔叻,細個有踩開~ 大左都好鐘意但唔好意思再踩咁,之後扮晒叫小朋友去學(其實係我自己鐘意)
變左同佢一齊學,不過係學單排inline skate, 而家個個星期踩街3日~ 我覺得單排及雙排可以共存~ 兩種運動看似一樣但用既技術唔同,兩樣都好玩~ 就好似揸電單車同跑車咁~
🛼🛼🛼

睇到眼濕濕
我43, 令我諗返當年海濱花園,荃灣廣場,黃埔踩冰既日子😊😊
好熱血,好感動
聽住之前D前輩講以
前D活動都幾有趣
原來沙田新城市以前有 roller 場,有個咁嘅風潮
依家知點解MM剛剛出片講嘅馬鞍山恒安邨,同隔離邨呢啲80年代尾起嘅公屋屋苑會戶外遊樂設施都有個 roller 場(或者其他80年代尾起好嘅公屋屋苑都會有)
可惜當年都已經唔係特別多人係果度玩,或者當年無乜人教啲細路仔,又無乜保護設施,最多只有頭盔,或者真係水尾熱潮已經就過,始終唔及球類活動多人玩。
不過近年我都見有啲 for 細路仔嘅 roller 班係啲政府/房署硬地足球或者排球場籃球場教,希望有能力傳承落去啦
以前成日響往外國可以roller 返工返學, 小學時去溜冰, 搵唔到roller場....而家去過牛頭角個好細~ 成日只係轉圈圈好悶, 有無得唔止轉圈圈~ 多d野玩就好~ 最想係學後溜
🥰18歲的回憶……常去德福🛼🛼🛼👍💗💗💗
當年約93 94年 在沙田賓士識倒個小妹叫溜冰淨 花名叫波蘿冰 不知她會否去維園玩呢~有緣在此看到的回覆一下~
roller blade 係 in-line skating其中一個牌子,正確係單排輪。
😍😍😍 有聽我講 冇商場鎖住嘅空間,才是自由🥰
我四十幾年前都踩過德福沙田而家睇返好開心,希望可以踩返
80年代真係正。-定係有許冠杰梨渦淺笑
正👍🏻以前元朗有個波浪場刺激好多😂
好希望能見返以前既朋友moon陳月珍
我都係80年代落賓士踩roller,諗返起真係好開心嗰時,點樣可以join 佢哋玩呀
都是香港美麗的風景線
點解無講埋荔園個roller場嘅?
中學時一放學就落去踩!
1985年暑假我在旺角始創中心對面麥當奴工作時薪是5.5元
賓士4個角都唔同瓣數,場邊通道摷嘢位😂😂😂
THANK YOU MILL MILK!!! GOOD JOB!!!!
好感動🥲
全部場我都有去踩過🤭🤭🤭
我喺德福玩,真係懷緬當日歲月,一星期玩至少四,五日,同學戰友花仔成還可好?
以前成日去賓士,但係踩得好係需要努力加天份,因為係一樣難學難精的運動。
我賓士既, 毛毛鞋套一隻粉紅色, 一隻粉藍色, 八隻奶look, 至like 單剎, 拉龍頭一般. 唔會忘記最勁係班著欖球衫, 佢地拉龍, 我未試係龍尾殺得停佢地.
呢隻故仔影成電影都唔錯