ពេលណាចិត្តស្ងប់ ទើបឃើញពិត ព្រោះបញ្ញា មានបរមត្ថជាអារម្មណ៍

ព្រះធម្មវិបស្សនា កេតុធម្មោ សំ ប៊ុនធឿន សម្ដែងអំពី វិជ្ជមានប្បញ្ញត្តិ និង អវិជ្ជមានប្បញ្ញត្តិ សម្រាប់ថ្នាក់បឋមវិបស្សនា។ ព្រះអង្គពន្យល់ថា ពេលណាចិត្តស្ងប់ ទើបឃើញពិត ពេលណាចិត្តមិនស្ងប់ ឃើញមិនពិតទេ ព្រោះបញ្ញាមានបរមត្ថជាអារម្មណ៍។​ ព្រះអង្គហាមមិនឱ្យយោគាវចរ រៀនរំលង ព្រោះសីល និង សមាធិ ប្រៀបដូចជាជើងទាំង២ សម្រាប់ទ្រដងខ្លួនរបស់យើង - យើងឈរបានដោយសារជើងទាំង២។ ព្រះអង្គ រម្លឹកយោគាវចរឱ្យហាត់ចម្រើន រហូតបានឧបេក្ខាចាស់ក្លា ដើម្បីឱ្យបានសីលស្អាត និង ចិត្តស្អាត ព្រោះសីលបរិសុទ្ធ និង ចិត្តបរិសុទ្ធ ជាឫសគល់របស់បញ្ញា។
៚៚៚៚៚៚៚
ព្រះធម្មវិបស្សនា កេតុធម្មោ គ្រូសមាធិ និងវិបស្សនាកម្មដ្ឋាន ដ៏ល្បីល្បាញនៅព្រះរាជាណាចក្រកម្ពុជា និងបរទេស, ជារាជាគណៈថ្នាក់ចត្វា, អធិបតីពុទ្ធមណ្ឌល និងអគ្គនាយកវិបស្សនាធុរៈនៃព្រះរាជាណាចក្រកម្ពុជា។ ព្រះនាមកំណើតគឺ សំ ប៊ុនធឿន។
The late and renowned Samādhi and Vipassanā Buddhist Master Venerable Ketodhammo. He was born in Kampuchea (in English, Cambodia). His birth name is Som Bunthoeun. The venerable is a former Chair of the Buddhist Center and Director General of Vipassanādhura of Cambodia.