通盤請 -客語『人體』常用詞彙總複習
ฝัง
- เผยแพร่เมื่อ 10 ก.ย. 2024
- 曲目:通盤請(全部都請)
作詞/作曲/編曲/唱:黃六 (聊以自娛)
腔調:臺灣客家話(客語)海陸腔(客家歌曲)
一曲包通客語常用『人體』詞彙
說明:
集近250個不重複客語人體、形容、食物詞彙。
其中很多疊字形容詞,採客語形容詞比較級口語,疊字前字變調採「上聲」。
《通盤請》
口白:出菜了
頭那毛若係長長,請你食煙腸
頭那若係犁犁,請你食豐沛
頭那殼若係硬硬,請你食柿餅
頭那皮若係緪緪,請你食枝仔冰
腦屎背(狗膣聶),若係疤疤,請你食粢粑
脢盎仔若係平平,請你食燒餅
額頭(天庭)若係燒燒,請你食菜包
酒窟仔若係深深,請你食點心
目眉毛若係企企,請你菜脯絲
目睡毛(目水毛/目眥毛)若係粗粗,請你食肉麩
目珠若係花花,請你食菜瓜
目珠仁若係金金,請你食茶芯
面(仔)若係滑滑,請你紅心朳
面皮若係賁賁,請你食鴨春
面頰卵若係紅冬冬,請你大頭蔥
鬍鬚(鬚菇)若係惹惹,請你食薑嫲
鼻空若係勾勾,請你食蒜頭
鼻空峎若係直直,請你食扁食
耳空若係竳竳,請你食榴槤
耳砣若係毋罅長,請你食粉腸
嘴角若係翹翹,請你食雞爪
嘴項若係空空,請你食蝦公
舌嫲若係打結,請你食塘虱
嘴脣若係紅紅,請你食豬紅
牙齒若係,請你雞屎胐
牙倉肉若係軟軟,請你鹹菜乾
當門牙若係射射,請你食甘蔗
下𪘒(下胲、下頜、下頷)若係尖尖,請你番薯籤
蛤蟆胲若係腫腫,請你食粄粽
頸根若係偏偏,請你食大麵
喉嗹胲若係啞聲,請你食魚生
搶食胲若係弓弓,請你食油蔥
肩胛(肩頭)若係砸砸,請你食番鴨
飯匙骨 若係烏青,請你竹葉青
脅下(手脥下)若係凹凹,請你食零嗒
胸脯若係闊闊,請你食飯
骿籬骨(肋骨) 若係勼勼,請你食豆油
乳菇頭(乳菇)若係幼幼,請你食雞酒
肚屎若係飽飽,請你食小炒
肚臍(肚臍窟)若係淺淺,請你大頭鰱
背囊(背囊骨)若係駝駝,請你食楊桃
龍骨若係正正 ,請你食到撐(饓)
腰骨若係酸軟,請你食胗肝
屎胐(屎胐斗)若係白白,請你湯匙白
手骨(手)若係彎彎,請你食黃鱔
手髀若係肥肥,請你食涼水
手背若係黃黃,請你食甘糖
手腕若係無力,請你福神漬
正手若係著傷,請你食雞湯
左手若係無幾長,請你食豬腸
巴掌嫲(手巴掌、巴掌、手盤)若係當軟,請你食瓠乾
拳頭嫲(拳頭)若係大大,請你食海帶
手指若係開開,請你食蕹菜
手目若係烏烏,請你食香菇
手指頭若係平長,請你食冰糖
手指腡若係環環轉,請你食紅卵
手指甲(手爪)若係利利,請你食紅柿
手指罅若係薄薄,請你食八角
手指目(手節) 若係肉肉,請你米篩目
手指公若係酸酸,請你覆菜乾
蛇頭指若係痺痺,請你食肉氣
棟指若係高天天,請你食軟冰
矮指 若係矮矮,請你食毛蟹
手指尾若係老老,請你食仙草
腳骨若係懶懶,請你食發粄
腳脥下若係痎痎,請你毛蟹醢
腳髀(大腳髀)若係肥卒卒,請你食排骨
膝頭(腳膝頭)若係圓滴滴,請你食川七(錢七)
峨嵋峎若係硬仃仃,請你食米𥺆
腳囊肚若係軟習習,請你食果汁
腳底(腳板)若係臭臭,請你食當晝
腳盤若係燒暖,請你食三餐
腳目珠(腳目)若係圓圓,請你食粄圓
腳㬹若係圓滾滾,請你食禾筍
腳趾頭(腳趾)若係短短,請你食鵝卵
腳趾目 (腳趾關節) 若係痠痛,請你食焿粽
腳趾甲若係貼貼,請你七層塔
腳趾罅若係涼涼,請你食烏糖
腳趾公若係烏疏疏,請你食田螺
腳趾尾若係屙糟,請你食米糕
**
唉呀!
頭前唱到恁長,你還嫌昶短,
當想請你食燒屁卵。
頭前請你恁多,你還嫌無罅,
當想請你食拳頭嫲。
頭前唱到恁久,你還嫌無罅久,
當想請你食竹筱。
頭前唱到恁悿,你還無請涯食茶,
當想賞你食巴掌嫲。
口白:收菜盤了
PS:
客語詞彙衆多,一莊一俗,難免有些詞或用字和你的認知不同,歡迎提供貴客莊不同的詞𢑥或用法。
不少客語字詞本就還有些爭議,就算客語認證教材或教育部字典也是每年修改,去年學到的字詞,今年可能又不同了。
我只是平凡客家人,非教育或研究人員,做這些詞彙整理,只是就自己所知練習客家話,順便分享而已。個人歲月有限,所有字詞無法一一嚴謹考證,請見諒。