النجع 2024 الحلقة 12 هناوه 2 - حسن مناع
ฝัง
- เผยแพร่เมื่อ 9 ก.ย. 2024
- 🟩 هناوه 2🌴 نجع 2024
إصحاب بوي ياما نصحوني
ونا ما سمعت النصٰـــــــايح
تبي الحق واجد نهــــــوني
نخطى إقـــــلال الربايــــح
عــــارفين لو طيحــــــوني
كان طحت ما نقل طــايح
إصحاب بــــوي نا مانبيهم
ونا ما يبوني أصحــــــــابي
منين بــــوي وصى عليــهم
مادرتها في أحســـــــــــابي
نطـــــــول نقصٰــر إنجـيهم
[ بعيدين ] والله[ أقــرابي ]
ونا دايــــــر العيــــب فيهم
علي ماو كـــابر إعطــــــابي
قالي إن حــٰــاست أطريهم
عمـــامك نهــــــار العطابي
طــــراشيل والعــــــز بيهم
اللي ماو كــــاسر أعقـــــابي
مـــــام نطل ترعش إيديهم
ولاي باريـــه عـ العيــــــابي
بي جرودهـــــم بي أعبيهم
يجوك طــــــارشين النقابي
كيف شيخهم كيف صبيهم
واحد فـ الإخـــــــــــر يزابي
عـ العفن تقسىٰ إعصيهم
وعلى من يودوا أرطــــابي
ماهن شنــــــــاني إدليهم
يهنوا إن وردوا الغـــــــابي
لا أدروشـــــــوا من فقيهم
لام حــــزب كيف الأحزابي
لا القمل ســـــاكن الحيهم
ولا من ضنــــاهم وهــابي
لا الغــــرب بـ يحتـــــويهم
لإين سبب مـ الأسبــــــابي
لاهــم دواب تعتليـــــهم
ولا عقولهم كـ المخــــابي
والحقد ماهـــــــوش ليهم
ولا يعولوا عـ الخـــــــــرابي
من فقيــــــرهم لا غنيــــهم
جميع يعقلوا فـ الركــــــابي
حــــق غيبــــــــوا وإندبيهم
يــا لاويه للعصــــــــــــــابي
مطــــــاريح وين تنظـــريهم
فـ المـــــوت جملة شبــــابي
من قـــــــال بي تفقـــديهم
ويغيبــوا عليك الأحبــــــابي
لا دفــــــــــن بي تدفنيــــهم
تحت الوطــــــا والتــــــرابي
راغبيـــــن جيـــــــــرة نبيهم
نهــــٰـار موتوا وهم مصـــابي
يـــارب نـــــارك أعفيــــــهم
وأغفــــرلهم مـ العــٰـــذابي
حــــق غيبــــــــوا وإندبيهم
يــا لاويه للعصــــــــــــــابي
وأنا أصحٰــــــابي نبيـــهم
بلل ريــق تمــــوا ســـــرابي
فص ذاب بـــــٰالي نسيــــهم
نهــــار صار جق الأحـــرابي
أنـادي ولا مـــن لقيــــــهم
سوا بعـــــاد والله أقـــــرابي
غــــــــاطي الدنيـــٰا عويهم
اللي صقـــــر تمـــه غــرابي
وعــالي اصحـابي وطيـهم
كـــــــارسين خشوا الطوابي
لو تركٰـــــــزي تعــــرفيهم
بدوا أعداي كانوا أحبـــــابي
أعظــام بوي مـا هنش ليهم
نهار يخلصــوا في الرقــــابي
حـــــق غيبــــــوا وأندبيهم
يــا لاويه للعصــــــــــــــابي
أصحاب بوي ماهمش سني
ونا ما حسبتش الفــــــــارق
الهل ما تخلــــــــــوش عني
من قبل يا بـــال شــــــــارق
ولا بـ يطلبــــــــوا شي مني
عربي وتبــــــــاوي وتوارق
ونا بي أصحــــــــابي نغــني
وهم أصحــــــــاب الخوارق
في صحبتي خــــــــاب ظني
ما بين خــــــــاين وســــارق
صليـــــــــاتهم خـــــــوزقني
ما بين حــــــــارق وخـــارق
رايــــــــاتهــــم ودرنــــــي
خــــــــاين وحـــاقد ومارق
ودروبــــــهم تـــــــوهني
ودارو المغارب مشــــــارق
ليــــــــام مــــــا خيــــــرني
تو بس عرفتٰـه الفــــــــارق
والدهــــر قــــــــاسي وزني
من يوم شكــع البــــــــارق
وثريتــه اللي مـــا يــــــوني
من السيل بي يبات غٰـارق
وسيـــــــولهم غــــــــرقني
نا ولابسين المعــــــــــارق
الســـــــانٰـــاتــهم لـــوكني
سم كيف جلـد المطــارق
كـــــــل يوم بـ يجيك جني
ما تعــــــــرفــه منين زارق
ويقولك مــــــــــوش مني
قسم بالسماء وزاد طٰــارق
دران علي علمــــــــــني
ليـــام درس المفــــــــــارق
تخـــــريت عمية أخــرتني
إبــــاري وروس المــــزراق
أفـــــــام أمضغني أبلعني
لا جبين لاجلـــد عـــــارق
أطـــــرطشت ما لمـــدني
حبــــات عقد النمـــــارق
تدمير وخـــــــرى حرقني
محروق كيف سفن طارق
في بحـــورهـــن غــــرقني
غرقة أصحــــــاب الزوارق
أصحاب بوي فيهم خصايل
مابوا يفــــــوتوا الشــــايب
نهار الرصــــــــاص إيتهايل
معــــــاه رقدوا في الترايب
كـــــان جيتهم وأنت سائل
يفيدوك بي راي صــٰـــايب
وعـ النـــــار يردوا ولايـــــل
فــادوه حــــاضر وغــــايب
كــــان جوك والصف مايل
للوطن يعطوا النــــــــايب
قـــــــــاطرين غزي الزوايل
عطوا روسهم فـ القـــــلايب
أصحاب بوي فيهم خصايل
مابوا يفــــــوتوا الشــــايب
شـــربوا حليب الشــــوايل
وجو يمـــــردوا للكتـــــايب
أرجــال و شيــــــوخ القبايل
كبيرهم الصغير العـــــــايب
[صيعـــــان ]والله [النوايل]
داسيــنــهم للنــــــــوايب
كبار يزمطـــــوا فـ العــــلايل
عقول وين يهدر الخــــــايب
واقفين والدم ســـــايــــل
إكبــــــــار العناء والصوايب
اخر بيت ابداع حال الرفاقة جفونى لوعود ياما عطونى وين ماعدائى غسرونى رفاقي بالسر باحو منين كان فيا عصرونى وين كملو العصر راحو
ايييه من يفهمه لكلام
ربي يحفظك شاعر الثورة وشاعر الوطن
علي الكيلاني
كل الاحترام والتقدير يا شاعرنا
وكل التحية لفنان الوطن حسن المناع
صحاب بوى ما بو يخطونى صدق من قال صاحبك سيبه وصاحب بوك ماتسيبه
ابداع بكل المعاني
بصراحه الكلام جميله بكل بس اللحن رسخ بهناوه حسيت انه مش راكب علي الكلام
وديما طيب شاعر الوطن ❤
لنقنا كلمات على الجرح ربي يحفظكم الشاعر علي الكيلاني و الفنان حسن مناع يمدكم الله بالصحه وطول العمر
تحية كبيرة لجميع أسرة النجع وبالأخص للشاعر علي الكيلاني ، أحد أبناء الوطن من قبيلة النوايل ❤❤❤
ابدااااااع👌 ربي يحفظك شاعرنا وفناناالفضل حسن مناع
الشاعر علي الكيلاني الرقم الصعب
فعلان رقم صعب حفظه الله ورعاه
انت الرقم الصعب يا شاعرنا الكبير
ماشاءالله كلمات رائعه وجميله
مشالله تبارك احسن شي هناوه 2سلمت ياعمي علي ومنور ياخوي حسن
صحاب بوي عالناس جاروا
وانجر بويا وراهم
وع الشر كانوا يتماروا
في صبحهم في مساهم
بالوطن والشعب ساروا
لها الوضع وانتا معاهم
وخوتي معاي يتباروا
بي طيشهم بي بلاهم
ولا رفقتي خير داروا
وكل حد فينا امساهم
ربنا يحفظكم جميعا رووعه تحياتنا لاستاد على ولملك الاحساس حسن مناع
راغبين جيرة نبيهم نهارموتواهم مصابي يارب نارك اعفيهم واغفرلهم مالعذابي حق غيبوا إندبيهم يالاويه للعصابي
أبدعت ربي يحفظك ياحر
وسع بالك يا محترم.....ربي يحفظك ويسعدك ويوفقك تحياتى لك يا محترم الامجاد هاذا يومها
اسلمت واعليت عمي علي طول عمرك صحه فطورك .
ياريت تشقو بالالحان بصراحة ملينا من تكرار القديم اصبح مزعج للآذان...تقبلو مرورنا الكريم
اهم شي افهم المقصود والكلام مدور الألحان
وخيرا لحن هناوة خليه هدا احسن
انت ركز علي الكلام يامحترم
هات دربوكتك و لحن معاهم
مايوجعكم غالي يا غوالي الكلام مايستحق تلحين بيش نفهموه ...وفات فيه ولحن يجيبولنا لحن جديد وهذا مش رايي شوفو التعليقات واحكموا وكل واحد حر في رايه ...وياريت تراعي الادب في الرد يابودربوكة ...ومافيش داعي للكلام الزايد من ورا الكيبورد يارامبو
من صعيد مصر تحيه لكم
هناوه محمد بوسدرة ❤
البدع❤❤
❤ربي يبارك فيك وطول عمرك ياشاعرنا
صحة فطورك احرار وحراير الوطن الواحد ✊🏻
ابداع والله
الحلقه ابداااااااااااااااع والكلمات جميله ربي يباركلك
بالتوفيق لكم ❤
أصحاب بوي فيهم خصايل
مابوا يفــــــوتوا الشــــايب
نهار الرصــــــــاص إيتهايل
معــــــاه رقدوا في الترايب
كـــــان جيتهم وأنت سائل
يفيدوك بي راي صــٰـــايب
وعـ النـــــار يردوا ولايـــــل
فــادوه حــــاضر وغــــايب
كــــان جوك والصف مايل
للوطن يعطوا النــــــــايب
قـــــــــاطرين غزي الزوايل
عطوا روسهم فـ القـــــلايب
أصحاب بوي فيهم خصايل🔥🔥🔥
مابوا يفــــــوتوا الشــــايب
يعطيكم الصحة
شعر جميل ولا غبار عليه ولكن هناك مشكلة لا اعرف مصدرها هل هي في المونتاج او في الصوت . خسارة 😢
تحية لحسن مناع
تحية لكم
سيدها والله
ابداع
صحه فطوركم و تقبل الله صيامكم
.. الترف والشرف لا يلتقيان !!!
هل تقصد أن القائد لم يكن شريفا !
لقد كان الرجل يعيش قمة الترف
صحة فطوركم تقبل الله منا ومنكم 💚اول واحد
إيه والله
عاود التسجيل
كلام عدوك ما يربيك ......ايجيب سواية ماهن فيك....ولا يهمك يا شاعرنا المحترام طز فيهم الخواتة والعملاء
وصلنا للحكمة خلاص البلاد روحت
نشهد بالله انه يخلف عليك يا أستاذ علي الكيلاني
❤❤❤❤❤❤❤
💚💚💚💚💚💚💚💚💚💚💚💚
🇲🇴
يعقلو نهار صار الحك هربت كله
قارن تسجيل هذه مع هناوة 1 وشوف الفرق
لاتعرفها مشكلة في صوت ولا في توزيع
😂الاغاني ف تركينه والايقاع ف تركينه
😂😂
الصوت فيه مشكلة
صحاب بوي ما همش سني 😢
كلمات مشاءالله
لكن الصوت غلط
راكم العيبن في صوت نفس فني صوت وين
صاحب بوك ماتسيبه
غير كآن ما يتقافز هل ايغني
اللحن في مشكله
الصوت مش معدل بككككل اللطف خيره هكي التوزيع
علي الكيلاني وناصف محمود اكبر نصابه حسبي الله ونعم الوكيل فيهم
كلمات سمحه وفنان سمح الحان يقاع زفت
كلمات جميله بس اداء سيء جداً و صوت مزعج مش زي قبل، ياريت لو كان فيه مغنين افضل
الصوت فيه مشكله السنه. غير صحيح الصوت