ಇಂದಿರೆಯರಸ ಸುಕುಮಾರ | ಶ್ರೀ ವಾದಿರಾಜರ ಕೃತಿ | Indireyarasa Sukumara | Sri Vadirajara Kruti | Dasara pada

ಭಜನೆ, ದಾಸರ ಹಾಡುಗಳು, ದಾಸರ ಪದಗಳು, ದಾಸ ಸಾಹಿತ್ಯ
Bhajane, Dasara Hadugalu, Padagalu, Dasa Sahitya
Singer: Gayathri Sudarshan
ಗಾಯಕರು: ಗಾಯತ್ರೀ ಸುದರ್ಷನ್
ಇಂದಿರೆಯರಸ ಸುಕುಮಾರ ಇಂತು
ನೊಂದವಳ ಬಳಿಗೇಕೆ ಬಾರ
ಇಂದವನ ಬೇಗ ತೋರದಿರೆ
ಕೊಂದಲ್ಲದೆ ಬಿಡ ಸಖಿ ಮಾರ ||ಪ||
ಮಧುರೆಗೆ ಪೋಗಿ ನಮ್ಮ ಮರೆದ ಅಲ್ಲಿ
ಇದಿರಾದ ಖಳರನು ಜರಿದ
ಕದನಕರ್ಕಶನೆಂಬ ಬಿರುದ ತೋರಿ ತನ್ನ
ಪದಕೆರಗಿದವರ ಪೊರೆದ ||೧||
ಕಂದರ್ಪಕೋಟಿಯ ಗೆಲುವ ಇವ
ಸೌಂದರ್ಯದಿಂದತಿಚೆಲುವ
ನಂದನ ಕಂದ ಭಕ್ತರಿಗೊಲಿವ ಇವ
ಎಂದೆಂದು ಮುನಿವೃಂದಕೆ ಸಲುವ ||೨||
ಕೊಡುವನು ಬೇಡಿದ ಫಲವ ಇವ
ಬಿಡ ಸಖಿ ಖಳರೊಳು ಛಲವ
ಒಡಂಬಡಿಸಿ ರಿಪುವ ಗೆಲುವನೆಂದು
ಮೃಡ ಬಲ್ಲನಿವನ ಕೌಶಲವ ||೩||
ಇಂಥ ಭವದ ದುರಂತ ಬಲು
ಸಂತಾಪವನುಂಬ ಭ್ರಾಂತ
ಅಂಥಾ ಹರಿಯೊಳೆನಗೆ ಪಂಥಸಲ್ಲ
ಸಂತತ ನಿನಗೆ ನಿಶ್ಚಿಂತ ||೪||
ಇನ್ನಾದರೆ ಸುಪ್ರಸನ್ನ ನಮ್ಮ
ಚೆನ್ನಿಗ ಹಯವದನನ್ನ
ವರ್ಣಿಸಿ ವರ್ಣಿಸಿ ನಿನ್ನವನ ತಾರೆ
ಹೆಣ್ ತೋರೆ ಬೇಗದಿ ಅವನ ||೫||
iMdireyarasa sukumAra iMtu
noMdavaLa baLigEke bAra
iMdavana bEga tOradire
koMdallade biDa saKi mAra ||pa||
madhurege pOgi namma mareda alli
idirAda KaLaranu jarida
kadanakarkaSaneMba biruda tOri tanna
padakeragidavara poreda ||1||
kaMdarpakOTiya geluva iva
sauMdaryadiMdaticeluva
naMdana kaMda Baktarigoliva iva
eMdeMdu munivRuMdake saluva ||2||
koDuvanu bEDida Palava iva
biDa saKi KaLaroLu Calava
oDaMbaDisi ripuva geluvaneMdu
mRuDa ballanivana kauSalava ||3||
iMtha Bavada duraMta balu
saMtApavanuMba BrAMta
aMthA hariyoLenage paMthasalla
saMtata ninage niSciMta ||4||
innAdare suprasanna namma
cenniga hayavadananna
varNisi varNisi ninnavana tAre
heN tOre bEgadi avana ||5||