EP2/ 錯不在鄭中基?臨床心理學家解構《年少日記》|《迷思終結者 Myth Terminator》
ฝัง
- เผยแพร่เมื่อ 26 ธ.ค. 2023
- SUCH/Culture 千錯萬錯都係鄭中基嘅錯!
法官大人,鄭中基係無辜嘅,不過佢飾演嘅鄭自雄就未必喇!《年少日記》引起全城對「學童自殺」議題嘅關注,但喺臨床心理學家Annie眼中,電影描述嘅並唔只係一個虛構故事,而係一個個活生生、有血有肉嘅真實個案。
喺現實中,好似鄭自雄咁表面光鮮、但背後就對至親使用暴力嘅人,比比皆是。有光嘅地方就有影,光越強,影就越暗;而有時候,人性可能亦不過如此。一個「成功人士」,究竟點解會有如此大嘅陰暗面?大仔鄭有傑明明長期受虐,點解依然咁努力去討好身為施虐者嘅爸爸?喺複雜嘅家庭關係入面,係咪所有事都非黑即白?今集Annie將會以心理學角度,帶領觀眾解構《年少日記》各個角色嘅心理狀態。
喺呢個動盪嘅年代,唔好話生活,好似就咁生存都已經要拼盡力氣。喺改變唔到外在環境嘅時候,究竟要點做,先可以練就出一個足夠強大嘅心靈,去捱過呢條黑暗嘅隧道?不如上 SUCH/ HK TH-cam Channel 聽一聽Annie點講,睇吓會唔會可以從Annie溫柔嘅話語中,得到一啲行落去嘅勇氣同力量?
#臨床心理學家 #心理學 #年少日記 #鄭中基 #迷思 #迷思終結者 #娜姐 #SUCH #SUCHHK
想知道更多最新消息,記得喺Facebook, Instagram, TH-cam密切留意我哋:
Facebook: / such.hongkong
Instagram: / such.hk
TH-cam: / suchhk
SUCH/STORE: www.such.hk - บันเทิง
「佢內心係充滿恐懼嘅!」呢句好中!😭
我睇呢套戲嘅時候已經覺得爸爸嘅角色好真實,當然要歸功於鄭中基成功演活咗爸爸嘅角色,但亦都睇得出導演喺塑造角色自身嘅心理上有好多層次。套戲嘅結尾,鄭中基攬住個仔嘅時候嘅嗰段speech,我真係哭撚咗,到依家都仲好深刻!
佢絕對係一個令人討厭嘅爸爸,但我覺得佢之所以會變成咁一定有佢嘅原因,所以好多謝有心理學家專業嘅分析,好睇!
偶爾睇到呢段video,好中意你哋呢種輕鬆嘅訪問形式!淺白得嚟又有深度。
好多謝你哋請到Annie言簡意賅咁透過《年少日記》去講有關情緒覺查嘅嘢。可能加埋社會風氣影響,我覺得香港真係好少會講到相關嘅嘢,希望有多啲人會因為呢套戲而係日常生活入面有多啲同理心,用多啲唔同嘅角度去睇同一件事
希望你哋可以繼續加油
好鍾意呢個series 睇完上集之後 已經好期待聽Annie講年少日記 因為呢套係近年小數令小弟落下男兒淚嘅電影🥲 本人亦都好鍾意 佢所講嘅正正係當今社會普遍年輕人會遇到嘅問題 你哋用呢個vibe去講咁沉重嘅社會現象易入口得嚟亦有好多嘢袋落袋 多謝你哋咁用心拍 會繼續支持 加油!🔥
呢集都好好睇,對於爸爸嘅心理分析得好詳細,係戲外大家甚少會察覺到嘅觀點同角度,香港需要呢啲高質嘅節目👍,期待下一集!
尋晚睇完套戲睇呢條片好有感受👍🏻👍🏻 希望繼續有呢個series 支持一下香港人嘅心理健康🥹
竟然會講年少日記!好似未見過有人講過~有趣!!!❤
值得更好嘅views 同share🙏🏻🙏🏻多謝主持人深度分享
另外都想介紹翻一啲心理健康旁身方法,除咗耐性同彈性外,不妨可以帶住一個好奇心去觀察自己嘅行為同想法,諗吓呢d念頭係點樣發生。即使當下未必解決到,但高山低谷,你可以陪伴自己好好感受
父親恐懼,未必係指想成就成功家庭,可能係恐懼個仔第時俾人恰,不過anyway都係投射左自己心理陰影落小朋友到
錯不在父母期望, 錯在父母表達的方法
👏👏👏
This video didn't address the main issue: violence is wrong and no parents should ever hit their kids like this!!! That's the main problem!! (Yes, the dad has a lot of things he's worried or unhappy about, but it doesn't give him the right to harm another human being, especially not his own son!!)
咩你睇吾出個大仔是完全没有恨家人的吗?