Htoo Ma Caveမန္တလေးနဲ့နီးပြီး တောတောင်ရှုခင်းတွေ ကြည့်လို့ရတဲ့နေရာလေး 🌄ထူးမဂူ
ฝัง
- เผยแพร่เมื่อ 25 ส.ค. 2024
- ထူးမတောင်၊ထူးမဂူ က မန္တလေးနဲ့နီးပေမယ့် မန္တလေးက လူတိုင်းမရောက်ဖူးကြပါဘူး။
ထူးမဂူဟာ မန္တလေးမြို့ရဲ့အရှေ့ဘက်ပုသိမ်ကြီးမြို့နယ်မှာရှိပါတယ်။ရေတံခွန်တောင်ပေါ်ကနေ ဆက်သွားရတာပါ။
ရေတံခွန်တောင်ဂေါက်ကွင်းလမ်းအတိုင်း တည့်တည့်ကြီးလာရင် ရေတံခွန်တောင်ခြေကို ရောက်တာနဲ့တောင်တက်လမ်းအတိုင်း ကား သို့မဟုတ် ဆိုင်ကယ်နဲ့ နာရီဝက်ခန့်တက်လာပြီးနောက်ထပ်နာရီဝက်က ခြေလျင်တက်ရမှာပါ။
စက်ဘီးလာစီးတဲ့လူတွေလည်း အမြဲလိုလိုရှိပါတယ်။
တောင်တက်လမ်း၊ရေတံခွန်တောင်ကြားလမ်းက ကျောက်တောင်တွေနဲ့ ကဗျာဆန်ဆန်လှလွန်းလို့ ဓါတ်ပုံဆင်းရိုက်ကြည့်ပါ။
တောင်ပေါ်ကိုရောက်ရင် ဘုန်းကြီးကျောင်းမှာကား ဆိုင်ကယ်တွေထားခဲ့ပြီး ထူးမတောင် ဝဋ်ကြွေးပြေဘုရားမုဒ်ဦးစောင်းတန်းအတိုင်း တက်လာပြီးစောင်းတန်းဆုံးရင် ကျောက်လှေကားလေးတွေအတိုင်းတောင်ပေါ်တက်ရမှာပါ။
နာရီဝက်ခန့်ခြေလျင်တက်ရင် ထူးမဂူကို ရောက်ပါပြီ။
ထူးမတောင်ကနေ လှမ်းကြည့်လိုက်ရင် တောင်အဆင့်ဆင့်နဲ့သာယာတဲ့ရှုခင်း တွေအပြင် မြေပြန်ွက မန္တလေးမြို့ကိုပါ အဝေးကမြင်နိုင်ပါတယ်။
ထူးမဂူအပေါ်ကိုဆက်တက်ရင် တောင်ထိပ်မှာ ဝဋ်ကြွေးပြေဘုရားကိုလည်း ဖူးမြော်နိုင်ပါတယ်။ ရှုခင်းတွေလည်းအရမ်းလှတယ်။
မန္တလေးကနေမနက် ၆နာရီထွက်လာတာ မနက်၇နာရီမှာထူးမတောင်ထိပ်ရောက်ပါတယ်။ တောင်ပေါ်မှာနား ဘုရားဖူး ရှုခင်းကြည့် ဓါတ်ပုံရိုက်ပြီးပြန်ဆင်းလာတာ အိမ်ပြန်ရောက်တော့ မနက်၉နာရီပါ။
အသွားအပြန်မှအချိန် ၃နာရီပဲကြာခဲ့ပါတယ်။
မန္တလေးက လူတိုင်းတောင်မရောက်ဖူးသေးတဲ့ နေရာလေးမို့ ခံစားချက်အသစ်အဆန်းနဲ့ ရှုခင်းလေးတွေကြည့်ချင်ရင် သွားလို့ရပါတယ်နော်