Institutda “tarmoq - korxona - oliygoh” zanjiri asosida amaliy ishlar davom etmoqda

Joriy yilning 11-iyul kuni institut rektori boshchiligidagi soha mutaxassislari Qashqadaryo viloyatida joylashgan “Dehqonobod kaliy zavodi” AJ hamda Uzbekistan GTL korxonasida bo'lishdi.
Uchrashuvda hamkorlik aloqalarini yangi bosqichga olib chiqish, bitiruvchi kurs talabalardan zaxira kadrlar tayyorlash hamda korxonadagi mavjud muammolarni o‘rganish va ularni ilmiy jihatdan bartaraf etish yuzasidan muloqot olib borildi.
Shuningdek, kimyo-texnologiya, elektr energetikasi, avtomatika kabi sohalarga oid bo‘lgan rus va ingliz tilidagi o‘quv adabiyotlarini o‘zbek tiliga tarjima qilish, kadrlar almashinuvini yo‘lga qo‘yish, dual ta’lim tizimi bo‘yicha birgalikda ishlash masalalari muhokama etildi.