#MM
ฝัง
- เผยแพร่เมื่อ 3 ต.ค. 2024
- #MM #試一次 // 試一次人手整巴士站牌 九巴全港6500個牌人手逐個翻新 數錢機太嘈 錢箱部聘請聽障人士數錢 錢箱中煙頭果皮乜都有 直擊深夜車廠最繁忙時刻 第三代挑字巴士站牌逐漸消失
你有沒有想過,平時經常乘坐的巴士,下班回到車廠後會經歷甚麼程序呢?今集《試一次》由Apple帶大家到巴士公司車廠上班,一起見識巴士背後不為人知的一面!
█ 尾班車後的巴士廠 直擊深夜車廠最繁忙時刻
香港有城巴、九龍巴士、龍運巴士、新大嶼山巴士四間巴士公司,當中以九龍巴士(簡稱九巴/KMB)最大型,車隊約有4,000部巴士,行走438條路線,每天約有260萬人次坐車。凌晨十二時半,是九巴荔枝角車廠最忙碌的時間。過百輛巴士開完尾班車後浩浩蕩蕩地回到車廠,流水式地進行入油、收錢箱、洗車等工序,最後駛到泊車處,熄匙收工。
█ 數錢機太嘈 錢箱部聘請聽障人士數錢
九巴共有14間車廠,錢箱部同事會在其中10間車廠收集巴士錢箱,並於凌晨時分運送到九龍灣車廠的錢箱部,待早上再進行中央點算。
錢箱部的數銀房絕對是全公司最嘈吵的部門。數銀房有三部數銀機,機器運作時,硬幣噹啷噹啷作響,健聽人士一般在房間內待上十分鐘已開始頭痛,所以大家都會穿戴護耳罩工作,九巴亦聘請了多位聽障人士任職點算員。
身體健碩也是在數銀房工作的一大條件,事關錢箱一點也不輕。即使電子貨幣出現後,使用硬幣的乘客至今只剩總乘客量的2-3%,但九巴每天仍需處理約兩噸硬幣。回顧電子貨幣出現前的年代,數銀房每天處理約30噸硬幣,收到硬幣後三天內不存入銀行的話,便會影響到全香港的硬幣流動。
錢箱內除了港幣之外,還經常出現人民幣、日圓、歐羅等外幣,還有煙頭 、果皮、遊戲代幣、飾物等,更不時在錢箱中找到非常罕有的舊香港硬幣。
█ 一間巴士公司的大腦 電訊組24小時監察前線最新狀況
俗稱九巴電台的電訊組是少有對外公開的部門,亦是一間巴士公司最核心的部門,負責接收前線最新消息,24小時監察所有巴士的運作,處理突發事情。超過100位車務督察每天分散在全港九新界不同角落值勤,監察前線運作,每當颱風、暴雨、塌樹、爆水渠時,便是由他們將最新路面消息向電台及公司其他部門通報,繼而由車廠同事討論並作出應對措施。
█ 站牌組13人 人手保養全港6,500個站牌
九巴巴士站牌俗稱「波板糖」,製作過程序牽涉多個部門,同時也牽涉多個人手製作的工序。「波板糖」最上方寫路線號碼的紅色圓形「波板」由站牌組負責製作,中間擺放路線圖的箱俗稱「乳豬盤」(路線圖則俗稱「乳豬紙」),乳豬盤及灰色的站牌底座皆由纖維組同事人手逐個製作。底座裡用作壓著整個站牌的是巴士用舊了的車胎芯。站牌組每天都會到街上把老化的「波板糖」回收到車廠進行人手翻新,平均一天製作十多塊。
「波板」清潔及翻新的程序為:
步驟一:用鐵鏟鏟走站牌上的青苔、污垢、生銹漬。
步驟二:打磨站牌表面。
步驟三:塗上紅色油漆。
將波板翻新後,需要把路線號碼及公司標誌等貼紙貼在波板上:
步驟四:俗稱「挑字」,撕走貼紙的空白處,留下需要貼的文字或圖案。
步驟五:用定位紙將文字貼紙固定在定位紙上。
步驟六:把文字貼紙貼在波板上。
所有工序看似手板眼見工夫,卻費神又費時,經驗老到的師傅,要完成步驟四至六也需花上30至45分鐘。最常見的波板有多款格式,分別有1、4、9、16、20和30格,各有難度。
█ 舊巴士站牌有價有市 最貴底價2,500港元一塊
除了巴士站牌「波板糖」之外,巴士站上面的鋁蓋牌也是以人手「挑字」的方式去製作。九巴於2021年曾公開投標出售多塊舊站牌,底價450至2,500港元一塊,這些手作工夫可說是有價有市。
九巴巴士站牌在不同年代出現過不同的製作方法:
第一代 - 手寫字站牌:站牌上的資訊全人手以油漆書寫。
第二代 - 得油站牌:使用印模 / 模具,用海綿沾上油漆,把印模上的資訊人手印在站牌上,俗稱「得油」。
第三代 - 挑字站牌:將文字貼紙逐隻貼在站牌上,貼紙製作過程俗稱「挑字」,製作需時大約30至45分鐘。
第四代 - 全幅印刷貼紙站牌:以UV墨水印刷整幅貼紙,省去「挑字」的過程,製作需時大約五分鐘。
█ 第三代挑字巴士站牌逐漸消失 又有誰會留意到?
現在街上大部份巴士站牌仍是第三代的「挑字站牌」,但最近九巴開始轉用最新的製作方法去翻新所有波板,挑字巴士站牌將會被第四代「全幅印刷貼紙站牌」逐漸取代。
早前,路政署於部份街道更換了新字體路牌,於網絡引起一番討論。比起路牌,巴士站牌的變化更是微不足道。作為乘客,平時抬頭一望站牌,也只不過想找巴士路線而已,誰會留意多麼微細的工藝呢?遠看之下, 第三代與第四代巴士站牌分別的確不大。就功能而言,這門工藝上的改變對大家的生活也沒多大影響。但換個角度看,多麼微細的風景也是組成香港城市風貌的元素之一。城市風景總是無聲無息地改變,平時近在身邊的路牌和招牌也是如此。歷史不斷向前推進,新事物未必不妥,舊事物也未必一定較為美好,不妨在我們失去這些風景之前,好好欣賞此刻我們作為香港人所擁有的一磚一瓦,一事一物。
文章 / 策劃 / 主持:黃曉楓 Apple
攝影:許先煜 伍永健
剪接:梁芷澄
監製:甄俊宇
#MM_Apple #MillMILK #MM #KMB #九巴 #九龍巴士
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 TH-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
採訪後記:
大家去開富豪東方酒店巴士站,記得欣賞吓我整嘅波板😙 歡迎ig tag返我 @apple.hiufung 😆✨
前排路政署轉用新字體路牌引起一番討論,比起路牌,波板嘅變化更微不足道。站牌組一直只做挑字牌,拍攝前一星期突然收到通知,九巴決定全港路牌以後淨係用新做法,深刻地感受到變化係可以嚟得好突然。有啲嘢冇咗可能冇乜所謂呀,反正歷史不斷都係向前推進㗎啦,但冇咗就係冇咗囉。希望條片可以令更多人留意我哋呢一刻身邊擁有嘅事物。
巴士廠入面有超級多部門,分工仔細,同九巴溝通咗好耐去了解當中運作,篇幅有限,最後揀選咗我認為不為人知得來又非常有趣的部門去拜訪。每次去到唔同部門都會有:「哦!原來係咁㗎?!」嘅感覺,內心好興奮,拆解咗好多我作為乘客一直以來儲落嘅疑問,正。
訪問約咗成年先開拍,對我嚟講《試一次》好難拍,又要投入份工去感受,又要諗點樣拍,邊個時機問咩問題最好,再加埋可能期待得太耐,好耐無試過咁大壓力地拍攝了,好彩最後都任務完成✌🏻過到自己嗰關^_^ 多謝前期俾意見同信心我嘅MM伙伴們🤟🏻依家喺條街成日會望吓啲波板係得字、挑字、定係一幅過嘅貼紙呢~
Ps1. 車廠入面有間salon叫「好髮剪」😂 最後拍唔到。員工優惠$25剪頭髮,極度懷疑係遠古流傳下來嘅員工福利!(九巴有90年歷史) 不過當我問後生一輩嘅同事有冇去剪過時,佢哋都冇正面回應我😂
Ps2. 謝謝九巴同事們~ Felix俾我任chur😄 明哥、嘉鴻、郵輪哥鼓勵式教導,文哥係站牌組最資深嘅同事,非常幸運地喺拍攝最後一日撞到佢,仲有問必答應✨
Apple 黃曉楓
@apple.hiufung
🚍🚍
聽我老豆講車廠入面嘅salon係後期先有
(利申:我老豆係九巴前員工,已退休)
Apple可以用自己的藝術天份和手藝,親手去做應該係最後一個挑字波板糖,很有意義又難忘!🤗🤗🤗
欣賞九巴善用聽障人仕的才能去服務市民!👍🏻👍🏻👍🏻
謝謝每一位九巴員工在不同崗位為香港市民服務,你們敬業樂業的態度很讚呀!👍🏻👍🏻👍🏻
Good job
好髮剪近呢5年先有,之前仲有間759喺廠入面
多謝Apple化身一日員工記錄九巴唔同部門嘅運作🙌🙌
野生九巴!
咁都見到喺度留言
多謝九巴安排拍攝
幾好睇,唔知有無機會起個展覽室展示一下呢啲收埋嘅文物呢?
👍🏻
最尾一句講得好
"不妨在我們失去這些風景之前,好好欣賞此刻我們作為香港人所擁有的一磚一瓦,一事一物。 " 🇭🇰
很有意思的一集,每日在我們的日常生活中,默默為大眾服務的一群人,真係值得你們去報道和表揚!
見到班師傅好開心,終於有傳媒幫佢地話俾世人聽,佢地一直係到默默耕耘
好睇!一個咁微細嘅位原來都有專人咁落力去做,雖然真係好好微細但其實成個城市就係由好多唔同嘅微細位組成一個整體的氛圍
你明呢!依個都係我訪訪吓感受得最深嘅point,即使幾微細都好重要~所以最後用嚟round up成個採訪
MM近期最佳作品,拍得非常好。
好難得嘅片。首先apple同師傅們互動好好睇,依家好似呢啲咁有故又好傾嘅師傅,退休潮之下已經離開咗手藝行業,能夠訪問到仲試到了解到,唔係咁容易。另外齋睇 都能夠好深領會到apple點解覺得咁有滿足感。👍🏻Good job
多謝你:)
Apple 問師父「紅褲子出身嘅意思」嗰段感覺好可愛😂☺️
我問返身邊嘅人先發現,原來個個都知乜嘢係「紅褲仔」😂 點解得我唔知㗎
@@apple9982 我都係幾年前先知道呢個term
@@rkjohn441 🤝🏻🤝🏻🤝🏻
@@apple9982正常新一代嘅年輕人都唔會太了解呢個詞語,係嗰個時代嘅潮語😅
@@apple9982 一定係著得裙多
九巴真心要俾讚,多謝妳們的配合,令搭左幾十年巴士的幾代人,好多都唔知嘅野,呢條片俾左好多野我地香港人睇,Salute....👍👍
好鍾意Apple拍既主題! 拍得好好, 獨特得黎又好貼近日常, 成日會見到但好少會留意,
多謝妳令大家大開眼界😁
以後出街都會留意更多路牌同身邊既事物
多謝!🫶🏻當我發現原來佢哋係咁樣整站牌嘅時候都覺得好驚訝
我作為新手巴迷,好感謝Apple嚟荔廠參觀,呢集我都學咗好多關於巴士入邊嘅知識
多謝Apple姐能夠深入介紹一個鲜為人知的工作,他們付出的毅力和專業,令人非常敬佩。希望日後妳們團隊能夠介紹一些特色的工作比大家知道,支持妳們。
William 多謝你~
叫Apple ok喇🙇♀ Apple姐聽落好巴閉🤣🤣哈哈
估唔到巴士後勤工作都咁有趣👍👍
Apple係咪已成mm御用巴膠😂😂
我都大開眼界!!(⁎⁍̴̛ᴗ⁍̴̛⁎)
直情係巴士專題首席主持😂
😂做完今集之後Apple可能會多咗個男朋友⋯⋯ (😅錯重點)
❤多謝九巴和M M做咗呢個訪問,獲益良多❤
其实很感动的是,一个这么追求效率的城市,居然翻新站牌会花那么多时间与人力,尤其是贴的那个工序,其实完全可以机械化的,但还是保持着传统。
試一次圓夢系列 - MM 巴士迷篇 🤣🤣
唔係巴膠,但係睇完有一股莫名嘅感動🥲多謝Apple帶我哋睇
多謝MM同Apple開呢個題目,非常好睇!
尤其是整個故事講得清晰流暢舒服又引人入勝,開頭兩分幾鐘小片段至巴士入廠流程至大數字,讀落覺得輕輕鬆鬆,我自己講解一定寫唔出,值得我好好學習點樣簡明地講故事。
多謝 mm 好鐘意mm 拍噤多噤深入嘅片,一個企業養噤多人,d人成日話巴士費貴,比我哋知道背後要做幾多野,有時一件食物一樣產品一樣服務背後花左幾多心機,人力物力,學識欣賞背後嘅野
數銀部要請聽障人仕真係好地獄梗🤣🤣🤣🤣🤣🤣
以前叫錢箱組, 每晚都要為巴士收錢箱, 後來八達通出現, 入銀乘客少好多, 做成巴士隔晚才收錢箱, 並裁減人手
幾好wo
其實只要工作程序唔包括聲音,聽障人随時熟手過健聽
聽障反而變成優點,idea其實真係唔錯
@@litvictor1757 而家九巴係約一星期換一次錢箱
幕後才有真英雄,辛苦晒每個製作人
年紀大了,才知巴士路牌字體嘅重要
舊牌字體,代表一份堅持
好鍾意英文字母縮細嘅版本
因為咁會細心啲留意有咩路線
從會記住呢個位置,有架11B 定11D
新牌未睇慣,仲係覺得唔順眼
好似飲慣人手沖嘅奶茶
一吓子飲唔慣機沖嘅口味
感謝MM,謝謝Apple
為美好的留低做個記錄
好正…真係認識多咗好多🙌🏻而且睇到大家對自己嘅專業同工作有種自豪同責任感,真心respect❤
睇數銀部嘅時候見到特別叫Apple戴耳罩,但又見啲員工都冇戴,本身仲以為係做埋晒啲門面嘢😂點知原來係特別請聽障人士去負責😮如果冇介紹,真係唔會知道👍🏻
我一入到去間房時,本身三部數銀機開着晒運作緊,我停留咗拍攝10分鐘已經開始頭痛😅 真係好嘈~後來我哋熄咗啲機先繼續拍
👍🏻為聽障人士提供就業的機會,讓他們更好的融入社會的生活。有時候身體殘疾的人士,出門找工作都是一波三折,幸得🈶相關的企業招收,讓他們感到溫暖與慰藉
Apple真係好好笑,緊問紅褲嗰下好笑,但全片好好睇,好有感覺估唔到站牌嘅年代感咁強,加上你講嗰段說話好有feel very good
越嚟越鍾意Apple,佢做既巴士片真係好正😍
雖然唔係巴士迷,但係睇到Apple做巴士相關嘅專題都會兩眼發光咁,會令人好有心機咁睇晒佢🎉好有心好好睇
多謝eric super chat支持呀!🙏🏼💛😄
片入面幾位九巴嘅同事都幾風趣幽默,對住apple仲好nice!😂
呢集好好睇下,帶我地認識九巴獨特嘅一面!我以後搭巴士都會留意下波板糖
聽到師父講上水大重組係最滿足。上水人講返句師父們辛苦晒了。
辛苦每一位付出勞力同汗水為他人服務,辛苦哂🙏🙏👍👍感激❤❤
呢集好好睇呀! 辛苦你去報導,辛苦背後既bus員工!一直都好repect 巴士司機,一份好辛苦既工❤
小弟在荔廠留下不少腳毛, 2013年離開後都無入過去, 貼廣告係3樓D區, 站牌組係3樓E區, 幾部熱狗隔離係焗油房, 派更組裝修後好大分別, 講少少歷史, 當時80年代開始, 九巴所有區域的波板糖都係荔廠負責, 只有屯門元朗區由屯門廠自己做, 所以字型上有好大分別
我有次搭車瞓左入九龍灣車廠有部仲舊d既巴士(我都未出世)
感謝 MM, & 巴士業界員工s 帶給大家都巿背後的故事。
apple做得好,辛苦晒……但我在九巴時間係做清潔組同巡邏車組!清潔組係九巴車廂潔淨或車長洗手間清潔,而巡邏車組當然係用一部不載客九巴出巡,都要取一樣好重要工具一齊巡邏啦…工具係九巴巴士數據機,(出車前同回廠都要交出車車紙比入油組同事),自己數據機都要在我同巴士完成巡邏後亦要輸入到數據機通知車長或車廠以便😂日後方便取車開工,所以多謝九巴比機會我,同也支持mm 同 apple😃💯
呢集好正,好鐘意🎉
4眼仔試到🍎無男友喇😅,出招啦🎉🎉🎉🎉
15:42 問人地有冇男朋友咁急切?😂😂😂
apple 做得好好,好多資料,又好笑。師傅們應該當帶個女來參觀咁對apple, 睇得人好開心
發現到 Apple 換嗰塊牌多咗27X,係1月2開的新線,1月3先換到嚟呢度,辛苦了!每次有新線都要換牌!btw 對九巴以後用新做法有啲可惜!😢多謝Apple !令我了解更多!👍
係呀條片係一月頭拍㗎,你好清楚呢😄謝謝你!
了解到九巴既歷史同冷知識,依集真係好精彩呀
見到啲九巴師傅好敬業樂業,佩服。
😮很喜歡此條片特别“红褲仔” 幽默版😀感謝你們
Apple 越來越可愛 ❤
感激每位幕後英雄!👍👍
就咁睇覺得九巴員工都好搞笑同親切❤
同埋知道原來所有站牌都係made in Hong Kong好興奮同感動
估唔到一塊牌後面竟然有咁多心思 好好睇呀!~
多謝Apple採訪,條片好好睇。如果有機會同KMB站牌組同事討論一下字體美學和應用應該幾有趣,因為您和他們都是藝術家。最後鼓勵一下,不管您是什麼狀態,您都是很出色,加油
多謝你🥲🤍
在職員工表示有啲位唔睇呢條片都唔知其他同事平時既工作環境係點😂
有趣嘅角度😆
感謝巴士部門嘅員工為香港奉獻,辛苦了
多謝Apple 做這個巴士背後運作的題目👍
多謝Apple同MM嘅深入介紹👍💪
Will be one of the classic MM clips, good pace, good info, excellent interviewee choice. Learnt a lot and thanks Apple!!!!!
Thank you~~~🎉^_^
21:45 笑死😹😹
今集拍得好好!
好有趣啊,好鍾意睇有歷史嘅嘢
Apple 主持用聲很好👍
上次遊日玩滑梯和遊香港公園遊樂設施,好像小朋友和聲線都好跳皮,估不到原來做不同話題主持,是可以不同調整,好好的。
多謝mimi🤍係去玩同去返工嘅分別呀😆
我會記住去睇你塊手剔字波板糖,多謝團隊各位用心製作短片,喜歡😍👍
D集真心正. 👍
Apple,希望你繼續拍多d咁好睇嘅片出嚟,支持你呀😊
多謝你呀^_^好呀💪🏻
apple啲片好好睇!
多謝九巴師傅,以前細過我都會自制巴士牌XD
嘩,唔睇真係唔知,巴士廠原來咁震撼😂,有見識左😅
好好睇 好新鮮嘅題材 多謝MM
Apple做嘅題材都好有趣
Thank you Apple and Mill Milk 🙏🏼🙏🏼🙏🏼👏🏼👏🏼👏🏼
真係唔知咁多部門,今集好睇!!!
以前成日諗數銀係點數,今集終於睇到!!!
多謝你~另外仲有好多部門的~但未有機會一一拍哂😝
呢個題目都幾新鮮
今集的主題都超級有趣!
多謝熊貓Kenneth!
好有趣 可以知道巴士既運作 仲可以知道巴士牌係點整👍
我鍾意今次呢個題材,第一次睇你拍片,件九巴衫好襯你Apple 姐
多謝Barry😁~
其實好多野都無奈地淘汰,
以前晚晚收錢箱,之後隔日收一次,e家好似隔兩三日收一次
以前有牌布油,之後變膠牌,再到E家電子牌
以前得字油落波板,到E家一塊過痴落去挑字都唔洗
好似技術技巧都唔再重要
機器會取代之咁
好有溫度嘅一條片❤一個字正
巴士運作的幕後功臣!
好鍾意呢一集 🥹🫶
非常喜歡這提材❤
條片好睇呀!拍多一集就好啦,繼續巴士故仔!
謝謝你們的講述, 服務。
啊妹,好可愛😂😂😂
7:04 業sir 個職位正式係"總車務督察"(三柴),俗稱區長。
佢下面仲有 "高級車務督察"(二柴、高督、副區長 )同 "車務督察"(一柴、老二) 兩個職位。
好好睇嘅一集,well done 👍🏻
好多謝apple!
我唔係巴膠但都睇得好過癮!
btw 問咩係紅褲仔嗰下堅可愛🤣🤣
果然MM有巴士=有Apple😂
MM巴士迷
巴士擔當
已經由藝術擔當變咗做巴士擔當
呢様真😂
巴士迷今集睇得好開心,MM出品嘅專訪唔同交通工具體驗一直都做得好出色,期待有更多類似嘅作品⋯⋯😊
Thanks! 長知識了
多謝你嘅super chat~~✨
最鍾意嘅就係用人手寫出嚟啲字嘅字體 😍😍😍😍
請問有冇巴士朋友有嗰張巴士站嘅路線紙? 我問過kmb, 冇回覆。
我仔係巴士路線迷,佢會睇TH-cam 啲巴士線片然後自己寫返出黎…佢寫咗幾人十張紙架喇…如果有人有,可否借比我影印🙏🏻❤
Btw 我仔睇呢集好開心,感謝用心製作❤
站牌好得意啊!睇片都感受到Apple嘅興奮🥰
因為真係好好好興奮(⁎⁍̴̛ᴗ⁍̴̛⁎)
疫情那時去過荔厰掃巴士🙂
我現在轉左在天水圍洗巴士😊
其實間公司好有良心,其實可以直接電腦打印,甚至用燈箱,電子led牌。 咁樣做最少可以節省一半人工。 但班師傅好難搵其他工做
这集好看! 支持~
睇Apple做節目係特別開心既😂
好多電子世代嘅平面設計師都會欣賞以前嘅手工字,
除左「有溫度」呢d虛無野, 更實在嘅係有好多手工野係冇得無限Copy and paste, 總係有機會咩都重新整過,
職業生涯中會花好多時間重重覆覆做, 先會練得出手工, 最重要係練得出個眼光
而電子野點解咁多劣質作品, 就係因為好多野, 有現成就用現成,
你見到嘅一牌招牌, 可能只係求其一個人揾個免費online editor砌完send俾人印,
如果佢有呢個專業審美, 可以靚
香港算好好, 但都見到越嚟越多, 我懷疑淘寶人地「設計」埋俾你
15:46 我冇男朋友 😂🤣
To Sam
Apple 你太年輕了!紅褲仔都唔識😂
因為而家全部要學歷,少咗紅褲子出身🥹
九巴啲波糖牌真心靚 同classic 希望可以保留到啦
好鍾意Apple做嘅Topic,加油Apple!😂
🍎加油,妳拍嘅片都做得好
咬字清晰聲又耐聽😊
多謝你~~~ ^_^
冇懶音舒服😊
呢集做得好好
原來大家都好鍾意Man
wooo 主持有機,嘉鴻問你有無男友呀💪🏼💪🏼😎