Еске алу, Мұханбет Жаңабайұлы туралы деректі фильм

Өмір! Өмір!
Өтесің-ау бір күні.
Тыясың-ау қуанышты, күлкіні.
Расында Мұқағали мақатаев жырлағандай бұл өмір кімнен қалмаған. Талай жайсаңмен жақсыдан, батыр мен бағланнан қалған жарық дүния. Алланың бұйрығымен өмірге келіп, жер басып, еңбектегеннен бастап, сәбидің жаңа ғаламдағы сан-тарау соқпақ жолдары басталады. Біреуге кем, біреуге жарқын даңғыл жол ашылады. Сол қамшының сабындай қысқа ғұмырды, мәнді де мағыналы өткізу екінің бірінің басына жазылмаған бақ, қасиет. Артынша өшпес із қалдыру, ұлағатты ұрпақ тәрбиелеуде саналы жанның қарекеті болмақ. Сондай өнегелі өмірмен, ел есінде қалған жандардың бірі, қарапайым мұнайшы Жайсманов Мұханбет Жаңабайұлы еді. Оның мінезі күннің жайма шуақ нұрындай, салмақтылығы, досқа жанашырлығы бәйтеректің жер астына жіберген тамырындай биік тұғын. Біреуге жөнсіз тиісу, көңілін қалдыру оның қанында жоқ қасиет болды. Әттең өмір қысқа қайырылды, 58 жасына қараған шағында о,дүниеге аттанды. Бұдан өткен зор өкініш болар ма...