اميرة عسل عسل 😘😘😘 كلامك دائما حلو مثلك بيجنن 😘😘😘 هي أكلة تقليدية من التراث الليبي وكان صعب علينا في الغربة انه نعملها لأنهم في ليبيا بعد مايجهزوها يبعثوها علي الطاحونة لإنهم بيعملوا شوال علي الأقل يكون خمسة وعشرين كيلو بس هلا انحلت القضية هههه بوجود مطاحن صغيرة أونلاين للإستعمال البيتي ☺️
يعطيك الصحة والعافية اختي .. انا من الجزائر و تربيت في ليبيا و صارلي مدة و انا ابحث عن وصفة الزميطة الي كنت آكلها في الصغر حتى اعملها وانا في الجزائر و ما لقيتها لحد ما شاهدت فيديو بتاعك❤👏🙏
اهلا بيك وبكل اهلنا في الجزائر .. فعلا الواحد دائمًا يحن لكل تفاصيل الطفولة وهذا اللي حسينا بيه حتي احنا لما تغربنا عن بلادنا وعن مكان طفولتنا لكن الحمد لله بوجود الانترنت اصبح التواصل والتفاصيل اسهل من قبل 💐
وفيك بارك الله اختي الكريمة ويفرحك حتي انتي ويفرح عويلتك وكل أحبابك 💐 صدقتي والله الحمد لله اللي انعم علينا بحلول كلنا قبل نستنوا امتي نسافروا لليبيا باش نحيبوا معانا الحاجة 👍👍👍
@@EasyNTastyRecipes بالله عليك ويخيتي تعرفي كيف يديروا في السحلب الليبي القصب زي السويقة حال الصقع في الغربة والثلج عارفة الوضع وفي ميزان حسناتك ان شاء الله 🤲
ام عبدالرحمن شادة روحي علي هلبه كلام ههه بنقول حتي ان أمي توفت قبل مانتعلمها منها غصيتها مانبيش نبكي وأنا نتكلم ..ياسر ماكركرناها من ليبيا وياسر ماشدوها في المطار لما نجيبوها معانا والا لما يبعثوها لينا .. الحمد لله ربي يونسك في غربتك ويخفف عليك بعد الأحباب
ام عبدالرحمن الله يحفظ اميمتك ان شاء الله وكلها اختبارات من الله سبحانه وتعالي لازم نتعلقوا بيه هو أكثر شئ في الدنيا لانه هو اللي بيسخر لنا أمورنا الأخري .. وضعك أفضل مني إنك قريبة من ليبيا بطائرة وحدة بعد ما تكمل دوشة الكورونا شوية بري زوريها وأشبعي منها مادام مازلت تسمعي في صوتها ربي يحفظها لك ويسهل أمرك ويعطيك كل ماتتمني يارب 💐
بارك الله فيك علي الوصفة البائن انك في كندا من شكل الكيس امتع الشعير بس اذا كنتي في تورنتو او قريب منها في مكان وحيد ايبع في الشعير حبة كاملة ناخذ منه .
وفيك بارك الله اختي الكريمة .. صح في كندا في مدينة لندن .. لو تسمحي تكتبي اسم المحل لما نمشي لمدينتكم نأخد منه ان شاء الله وغيرنا يستفيد لو يقرأ التعليق ❤️
فوفو عبد ألله الله يسلمك ان شاء الله حاضر البسيسة والقصب نديرهم باذن الله .. التراب والا الملح بساعدوا في توزيع الحرارة علي حباب الشعير والا القمح لما نحمسوهم بالذات لما الكمية تكون كبيرة لكن لما تبدأ كيلو مع التحريك المستمر حيطيبوا بدون ماينحرقوا صح يبي الواحد لازم يكون منتبه وبسرعة يحرك جربيها وحتتحصلي علي نفس النتيجة وبأقل تعب 💐
وفيك بارك الله حبيبتي هذا من فضل الله واخيرا لقينالها حل هههه فعلاً كانت زي اللغز للمغتربات لسنوات وانا كنت من ضمنهم لذلك حبيت نشارككم الحل اللي رحمنا بيه ربي وله الحمد والفضل كله.. شكرًا علي المتابعة 💐
ماشاءالله الله ايبارك على ايدياتك قابلتني هذه الماكينة في إحدي الصفحات وترددت في شرائها هل ماركتها الأصلية ألمانية صح ولا شئ تاني وإذا كان هكي تنصحيني بيها من خلال تجربتك بيها؟
هي صناعة صينية وليس ذات جودة عالية وسعرها في المتناول للجميع وبعد تجربتي معاها لما نرحي كمية صغيرة عادي لكن لو كمية كبيرة زي ماقالت احدي الأخوات في وحدة من التعليقات قالت انها تدير في صنة شياط ههه مع الوقت …فلو مش حتكثري عليها انصحك بيها لانها ترحي اي شيء بسرعة كبيرة جدًا ..موفقة اختي
الشعير اللي استعملته في الفيديو مقشر جاهز لكن لو عندك الشعير اللي بقشرته بعد ماتحمسيه علي النار "غيزيه " او غلسيه زي ماحضرتك تفضلتي وذلك انك تحطيه في طنجرة غارقة مثلًا وتكوني مستغنية عليها ودقيه بمغرف بازين او عصا لوح تكون غليضة حوالي مدة عشرة دقائق وبعدين حطيه في صفرة مسطحة وحاولي اطيري القشرة بحركات يد او تمروحين.. ان شاء الله وصل المعني
I didn’t try it, however if you put the barley flour in a hot oven ( we need the heat to cook the barley) and then add the other ingredients I think it will work.
هذا وين شفت المسج متأسفة .. القمح عادة نديروا بيه البسيسة والروينة لكن لو درتيها تعطيك نفس النتيجة الطعم يختلف شوية بس .. هي من الاكلات الشعبية اللي زمان يعتمدوا علي القمح والشعير في تحضير الاكلات وقعدت معانا لفوائدهم اكيد لذلك لو مالقيتيش شعير ماتحرميش روحك منها وديري بالقمح وباذن الله رح نزل البسيسة قريبا اللي اساسها القمح مش شعير 💐 تحياتي
الكمون الحلو حبته طويلة واليانسون حبته صغيرة اللي متوفر عندك ديريه .. في الفيديو هذا لقيت الحبة القصيرة اللي هو اليانسون وفي فيديو البسيسة لقيت الكمون الحلو اللي الحبة متاعه طويلة وعطوا نفس النتيجة
لي عودة للفيديو بس توا مشغولة بس حبيت انبه بعد إذنك ان أسمها سويقة وبعد ما تجهز للأكل نسميه زميته ...زي ما نقول سميد وبعد مانبرمه نقول كسكسي وخاصة في من العرب الي حابه تتعرف على ألاكل الليبي لان في بعض العرب يعرفوه بس مش بالشعير وتقبلي مروري وقناتك روعة
هاجس فؤادي شكراً لمداخلتك الطيبة .. كانت أمي الله يرحمها اتدير فيها وتقول في كلمة سويقة وكلمة زميطة/ زميتة بس للاسف مالحقتش نسألها قبل ما ننزل الفيديو وهذا وين عرفت الفرق بينهم منك ههه بس نأكدلك إن الجيل الجديد معظمه زيني يعرف كلمة زميطة وخلاص ☺️ شكرا لمرورك الكريم
@@EasyNTastyRecipes ايه أكيد كلهم يقولوا زميطة الا أهل الدواخل يعرف يفرقوا بينهم وحتى أني كنت زيك بس من كثر ما يصلحولي عرفت نفرق بينهم والغرض من تصيح عنوان الفيديو عشان باقي العرب تتعرف على تراثنا
الله يسلمك💐 الناس الاولة اللي تأكل في الشعير وفي القمح ماكانش السمن مشكلة عندهم لانه السعرات الحرارية اللي فيه لما يكون صافي أكيد مش زي السعرات الحرارية اللي في الدقيق اللي نستعملوا فيه للخبرة اللي تسمن طبعًا هذا رأيي
قلت في الفيديو فيه اللي ينقع فيها ويجففها وبعدين يحمسها ويرحيها وفيه اللي يحمسها بس وطبعًا يغيزها وبعدين يرحيها واحني متعودين علي الطريقة الثانية وناجحة مية في المية يعني الشعير طايب حتي من غير تنقيع او طبخ
ghsk mohamed نعرف القمح يديروا بيه البسيسة والروينة لكن الزميطة بالشعير فقط ممكن فيه مناطق يديروا فيها بالقمح زي ماتفضلتي لكن مش عارفتها الحق المهم زي القمح وزي الشعير فيه اللي يغسل او ينقع فيهم وبعدين يجففهم ويحمسهم وفيه اللي ينقيهم ويحمسهم علي طول حسب نظافتهم لما تشريهم 💐
من فضلك بنسالك علي الماكينة الي رحيتي بيها الزميطة قداش قوة الجهاز يعني الوات متعها watt. لقيتها عندنا اون لاين ولقيت من 1500الي 2500watt . نبي نعرف قوة ماكينة watt1500 كويس زعمة؟ لان ماشاء الله الماكينة الي عندك دارت نتيجة ممتازة.
Eiman اللي عندي 2000watt كان ماتبيش تغامري خودي نفس الرقم هذا لان حتي انا كنت مش متأكدة بأقل من الرقم هذا أو أكثر تنفع والا لا وانا ماجربتش الا الألفين وات 💐
@@EasyNTastyRecipes بارك الله فيك يا رب واسال الله ان يتقبل صيامكم وقيامكم ويعتق رقابكم ورقابنا من النار. ويعفو عنا امين يارب. تمام ان شاء الله مش حا نجازف😅.
تسلم يديك كله تمام لكن تحضيرها للأكل لاتضعي الماء اولا هذا غلط لامؤاخذة ، الطريقة الأصلية الصحيحة نبسسها بزيت الزيتون جيدا اولاً، ثم رش ماء حسب التجانس المطلوب ، وتقدم مع رش خفيف من السكر أو تؤكل مع سمن بلدي وعسل
![SAFEPLANET - ดาวเคราะห์ [ THE PLANET ]](http://i.ytimg.com/vi/4X1XL3I_k3c/mqdefault.jpg)
الطريقة
كيلو شعير
ربع كوب كسبر
ربع كوب كمون حلو
نص كوب كمون عريض
ملعقه كبيره اكليل
ملعقه كبيره زعتر مجفف
جزاك الله كل الخير
بارك الله فيك طريقتك مضمونة وهادي الطريقة الصحيحة للزميته
بارك الله فيك وربي يحفظك زميطه اكله شعبيه ليبيه وصحيه
في ميزان حسناتك وتسلم ايدياتك ❤
مشكور اختي...انا مشترك جديد .. ياريت تكثري من هذه الأكلات الشعبية القديمة لأنها فيها فائدة كبيرة..طالب ليبيي من ماليزيا.. تحياتي
Salahaldin Mohamed أهلًا. وسهلاً بك في قناتنا المتواضعة وإن شاء الله البسيسة والتنور وغيرها كله حينعرض مع طول عمر القناة باذن الله 💐شكراً للاهتمام
معاك حق نحن بالغربة نحتاجوا طرق زي هادي نستفيدوا منها بارك الله فاها وفيك
بارك الله فيك وكثر من امثالك اختك الليبية من بريطانيا
وفيك بارك الله اختي الكريمة وشكراً علي المتابعة💐💐💐
ماشاء الله يسلموا ايديك🌹🌹🌹ذقتهافب ليبيا زمان وعجبتني كثير كلها فوائد شكرا لمشاركتنا الفيديو ربنا يبارك في صحتك ويعطيك ألف عافية
عنجد مبدعه مبدعه هاي الاكله عرفته واكلته ريحه وطعم بتجنن ابعتلي اياه مممممم واوووو بس سكر خلينا اياه زياده 😘😘😘😘😘😘😘🌹🌹🌹🌹🌹🌹🌹👏👏👏👏👏👏
اميرة عسل عسل 😘😘😘 كلامك دائما حلو مثلك بيجنن 😘😘😘 هي أكلة تقليدية من التراث الليبي وكان صعب علينا في الغربة انه نعملها لأنهم في ليبيا بعد مايجهزوها يبعثوها علي الطاحونة لإنهم بيعملوا شوال علي الأقل يكون خمسة وعشرين كيلو بس هلا انحلت القضية هههه بوجود مطاحن صغيرة أونلاين للإستعمال البيتي ☺️
ابدعتي ماشاء الله عليك 🌸❤️🌸❤️🌸❤️
وصفات هنو شكرا لك وشكرا لمرورك الكريم 💐💐💐
واخيررراااا القيت الطريقه باااااارك الله فيك وتسلم ايدك
وفيك بارك الله 💐💐💐
ماشاءالله تبارك الله ربي يحفظك ويسلمك فالحه وياريت البنات يتعلمو منك ( صقع عليهم) في اللي في ليبيا ومتعرفش
بارك الله فيك وجزاك الله خيرا..عطيك الصحة يارب
Soma Alkhash وفيك بارك الله وإياك ان شاء الله 😘😘😘
شفت القناة بالصدفة بمجرد ماقريت كلمة سويقة اشتركت فى القناة استمري وحلوة خاصة فى الغربة نفرحو نشوفو قناة ليبية بالتوفيق
تسلم ايدك مشاء الله
ماشاء الله الله يبارك شجعتيني أني أنجربها ..تسلم إيدياتك وربي يعطيك الصحه
نستنوا في طريقة البسيسه 🌹
ماشاء الله روعة زميطة امي الله يعطيك الصحة
Eiman الله يسلمك ويحفظك ويحفظ اميمتك يارب ويعطيها الصحة والهناء 💐💐💐
@@EasyNTastyRecipes امين يارب واياكم اختي والمسلمين يارب.
بارك الله فيك
بارك الله فيك روعة
يعطيك الصحة والعافية اختي .. انا من الجزائر و تربيت في ليبيا و صارلي مدة و انا ابحث عن وصفة الزميطة الي كنت آكلها في الصغر حتى اعملها وانا في الجزائر و ما لقيتها لحد ما شاهدت فيديو بتاعك❤👏🙏
اهلا بيك وبكل اهلنا في الجزائر .. فعلا الواحد دائمًا يحن لكل تفاصيل الطفولة وهذا اللي حسينا بيه حتي احنا لما تغربنا عن بلادنا وعن مكان طفولتنا لكن الحمد لله بوجود الانترنت اصبح التواصل والتفاصيل اسهل من قبل 💐
يعطيك الصحة وسلم ايدياتك
Ami Salem الله يسلمك اختي ويحفظك
Amazing video , this is the first time seen how Zumita made in North America . Thank you well done.
T S thank you so much for your unique comments and for your nice words💐💐💐
Excellant to find educated strong women represent Libyan proud outside 💪💪💪💪🌹🌹🌹🌹🌺🌺🌺🌺🌺💐💐💐
Thanks for your support and for your kind words💐
تسلم ايديك وبارك الله فيك. كل عام وانتم بخير و رمضان مبارك
henaa amar وفيك بارك لله وكل سنة وانتي بكل خير وفرح💐💐💐
يسلموا يدياتك 👌 ربي يبارك فيك
أم عبيدة الله يبارك فيك وشكراً لمرورك الكريم 💐
ما شاء الله بارك الله فيك والله عندي ولدي يموت عليها وما حصلنا من يجيبها من ليبيا توا انحاول انديرها ونفرحه وربي يفرحك
وفيك بارك الله اختي الكريمة ويفرحك حتي انتي ويفرح عويلتك وكل أحبابك 💐 صدقتي والله الحمد لله اللي انعم علينا بحلول كلنا قبل نستنوا امتي نسافروا لليبيا باش نحيبوا معانا الحاجة 👍👍👍
@@EasyNTastyRecipes بالله عليك ويخيتي تعرفي كيف يديروا في السحلب الليبي القصب زي السويقة حال الصقع في الغربة والثلج عارفة الوضع وفي ميزان حسناتك ان شاء الله 🤲
تسلم دياتك
Amal Mahmoad الله يسلمك💐
ماشاءالله مبدعة عزيزتى👌🏻👌🏻
تسلم ايدك
الله يسلمك يامبدعة 😘😘😘
كانديروها حنا الامازيغ في المغرب بالعسل والسمن او زيت الزيتون كيما درتي ، الله يعطيك الصحة
يسلمو يديك ..بارك الله فيك
نور الايمان وفيك بارك الله 💐💐💐
تسلم ايدياتك ماشاء الله
سلم ايدياتك ❤️❤️
جزاكي الله كل الخير 🌹🌹🌹🌹👍👍👍👍
نفس الماكينه متعي يعطيك الصحه
تحياتنا ليك من تركيا
اهلا بك في القناة 💐
ماشاء الله ممكن اديريلنا البسيسة
mo hy7 as ebrahem قريبا ان شاء الله 💐
ربي يحفظكم اوخيتي
كلمه الغربه بكتني...انا في مصر 😢😢
ام عبدالرحمن شادة روحي علي هلبه كلام ههه بنقول حتي ان أمي توفت قبل مانتعلمها منها غصيتها مانبيش نبكي وأنا نتكلم ..ياسر ماكركرناها من ليبيا وياسر ماشدوها في المطار لما نجيبوها معانا والا لما يبعثوها لينا .. الحمد لله ربي يونسك في غربتك ويخفف عليك بعد الأحباب
ام عبدالرحمن الله يحفظ اميمتك ان شاء الله وكلها اختبارات من الله سبحانه وتعالي لازم نتعلقوا بيه هو أكثر شئ في الدنيا لانه هو اللي بيسخر لنا أمورنا الأخري .. وضعك أفضل مني إنك قريبة من ليبيا بطائرة وحدة بعد ما تكمل دوشة الكورونا شوية بري زوريها وأشبعي منها مادام مازلت تسمعي في صوتها ربي يحفظها لك ويسهل أمرك ويعطيك كل ماتتمني يارب 💐
@@EasyNTastyRecipes ربي يحفظك ويرعاك يا أختي
ام عبدالرحمن أجمعين يارب العالمين💐
@@EasyNTastyRecipes سماحيني مرات ضايقتك ...
ما شاء الله 😍👌🏻
بارك الله فيك علي الوصفة البائن انك في كندا من شكل الكيس امتع الشعير بس اذا كنتي في تورنتو او قريب منها في مكان وحيد ايبع في الشعير حبة كاملة ناخذ منه .
وفيك بارك الله اختي الكريمة .. صح في كندا في مدينة لندن .. لو تسمحي تكتبي اسم المحل لما نمشي لمدينتكم نأخد منه ان شاء الله وغيرنا يستفيد لو يقرأ التعليق ❤️
ممكن لو سمحت اسم المحل ولو في محل ايضا في اوتاوا
نحن في الجزاءر نعملها للعروس يو مها السابع وبعد الولادة مع إضافة اللحم المجفف مدقوق بالمهراز.
ماشاء الله تبارك الرحمن علي اخوتنا الجزائر❤️
احنا البسيسة في بعض المناطق نعملها للعروس في اليوم الثالث وتكون مزينة بالحلوي والمكسرات
ياريت اديرلنا طريقة البسيسة..💚
نور الايمان ان شاء الله بإذن الله 💐
Looks so good 😊🤤
Sam Strong thanks 😊
عفوا لو سمحتي ياريت شرحتي عالشعير من الاول كيف يتغيز ؟
برافو
تسلم ايدك سامية 👍👍👍👍
الله يربحك نزلي رابط الماكينة امتعك من الامازون. انا في أمريكا و خااااطري نديرها
يسلموا يدياتك يارب
الله يسلمك يارب
تلقي رابط الماكينة في صندوق الوصف تحت الفيديو
اوخيتي نبي طريقة الروينه..السمسميه..
تسلم الايادي على الزميطة ياريت مرة تانية طريقة البسيسة و القصب وطريقة قلي الشعير ضروري اندير التراب حتى لمقدار الكيلو ؟
فوفو عبد ألله الله يسلمك ان شاء الله حاضر البسيسة والقصب نديرهم باذن الله .. التراب والا الملح بساعدوا في توزيع الحرارة علي حباب الشعير والا القمح لما نحمسوهم بالذات لما الكمية تكون كبيرة لكن لما تبدأ كيلو مع التحريك المستمر حيطيبوا بدون ماينحرقوا صح يبي الواحد لازم يكون منتبه وبسرعة يحرك جربيها وحتتحصلي علي نفس النتيجة وبأقل تعب 💐
عندنا دقيق شعير مطحون جاهز كيف الطريقه
ممكن تحطي طريقة لبسيسه مع شن نحركها
نلقاها في أمريكا ؟؟
بارك الله فيك والله يرحم ولديك
قداش ليا خاطري فيها حتى انا في كندا وصعب تحصلي زميطه قنينه
وفيك بارك الله حبيبتي هذا من فضل الله واخيرا لقينالها حل هههه فعلاً كانت زي اللغز للمغتربات لسنوات وانا كنت من ضمنهم لذلك حبيت نشارككم الحل اللي رحمنا بيه ربي وله الحمد والفضل كله.. شكرًا علي المتابعة 💐
@@EasyNTastyRecipes بالتوفيق ومزيداً من الابداع
لو سمحتى ممكن طريقة البسيسة
ام احمد ان شاء الله باذن الله 💐
تسلم ايديك والله.حبيبتي ممكن طريقة الكعك الليبي حلو او مالح او ملون دايما يفشل معاي...امنتك بالله تشاركين معانا الطريقة
sus 676 باذن الله ندير جهدي إني أشارك الطريقة في أقرب فرصة 🙏شكراً لمرورك الكريم ولثقتك في وصفاتنا 💐
سلم ايدياتك أختي وإن شاء الله في ميزان حسناتك
سؤال اذا ماتوفرش عندي الشعير صحيح هل ممكن نستبدله بدقيق الشعير ويتحمس ولا لا
وخيتي زميتة القمح نفسه ولا لا ولا نخلط الاثنين
انحبه بقمح
ماشاءالله الله ايبارك على ايدياتك قابلتني هذه الماكينة في إحدي الصفحات وترددت في شرائها هل ماركتها الأصلية ألمانية صح ولا شئ تاني وإذا كان هكي تنصحيني بيها من خلال تجربتك بيها؟
هي صناعة صينية وليس ذات جودة عالية وسعرها في المتناول للجميع وبعد تجربتي معاها لما نرحي كمية صغيرة عادي لكن لو كمية كبيرة زي ماقالت احدي الأخوات في وحدة من التعليقات قالت انها تدير في صنة شياط ههه مع الوقت …فلو مش حتكثري عليها انصحك بيها لانها ترحي اي شيء بسرعة كبيرة جدًا ..موفقة اختي
كيف طريقه التغليس يعني عزل القشره
الشعير اللي استعملته في الفيديو مقشر جاهز لكن لو عندك الشعير اللي بقشرته بعد ماتحمسيه علي النار "غيزيه " او غلسيه زي ماحضرتك تفضلتي وذلك انك تحطيه في طنجرة غارقة مثلًا وتكوني مستغنية عليها ودقيه بمغرف بازين او عصا لوح تكون غليضة حوالي مدة عشرة دقائق وبعدين حطيه في صفرة مسطحة وحاولي اطيري القشرة بحركات يد او تمروحين.. ان شاء الله وصل المعني
Can I use barley flour instead of the grain. I couldn't find it . Thanks
I didn’t try it, however if you put the barley flour in a hot oven ( we need the heat to cook the barley) and then add the other ingredients I think it will work.
@@EasyNTastyRecipes sure, I will do it this way. Thanks for your reply. I appreciate that 👍
@@lilyigna5327 no problem, hope it will work for you. Make sure all the ingredients is cooked to have the taste of the recipe💐
جربي اول حاجه بي الزيت وبعدين اميه احلى هكي
ام عبدالرحمن إن شاء الله نحب نجرب ونغير 💐شكرا لمرورك الكريم
@@EasyNTastyRecipes هدا من ذوقك الراقي، ،انا مشتركه جديدة علي قناتك أختي
ام عبدالرحمن أهلا وسهلاً بيك أختي وإن شاء الله نكونوا عند حسن الظن 💐💐💐
بالله عليك ردى 💚ماحصلتش الشعير نقدر نديرها باالقمح ...
هذا وين شفت المسج متأسفة .. القمح عادة نديروا بيه البسيسة والروينة لكن لو درتيها تعطيك نفس النتيجة الطعم يختلف شوية بس .. هي من الاكلات الشعبية اللي زمان يعتمدوا علي القمح والشعير في تحضير الاكلات وقعدت معانا لفوائدهم اكيد لذلك لو مالقيتيش شعير ماتحرميش روحك منها وديري بالقمح وباذن الله رح نزل البسيسة قريبا اللي اساسها القمح مش شعير 💐 تحياتي
ماشالله بارك الله فيك بنسألك الكمون الحلو هو نفسه اليانسون او متع الحوت
الكمون الحلو حبته طويلة واليانسون حبته صغيرة اللي متوفر عندك ديريه .. في الفيديو هذا لقيت الحبة القصيرة اللي هو اليانسون وفي فيديو البسيسة لقيت الكمون الحلو اللي الحبة متاعه طويلة وعطوا نفس النتيجة
الزعتر يكون مجفف ناخده؟
ايه مجفف🥰
بالله من وين الشعير انا قاعده في السويد وماعندناش الشعير هذا
gida Gweli حاولي تأخذيه اونلاين من الامازون مثلا فيه هلبه ماركات .. ان شاء الله تحصليه يارب
🤩😋💐💯💐😋🤩
لي عودة للفيديو بس توا مشغولة بس حبيت انبه بعد إذنك ان أسمها سويقة وبعد ما تجهز للأكل نسميه زميته ...زي ما نقول سميد وبعد مانبرمه نقول كسكسي وخاصة في من العرب الي حابه تتعرف على ألاكل الليبي لان في بعض العرب يعرفوه بس مش بالشعير وتقبلي مروري وقناتك روعة
هاجس فؤادي شكراً لمداخلتك الطيبة .. كانت أمي الله يرحمها اتدير فيها وتقول في كلمة سويقة وكلمة زميطة/ زميتة بس للاسف مالحقتش نسألها قبل ما ننزل الفيديو وهذا وين عرفت الفرق بينهم منك ههه بس نأكدلك إن الجيل الجديد معظمه زيني يعرف كلمة زميطة وخلاص ☺️ شكرا لمرورك الكريم
@@EasyNTastyRecipes ايه أكيد كلهم يقولوا زميطة الا أهل الدواخل يعرف يفرقوا بينهم وحتى أني كنت زيك بس من كثر ما يصلحولي عرفت نفرق بينهم والغرض من تصيح عنوان الفيديو عشان باقي العرب تتعرف على تراثنا
هاجس فؤادي رح نعدلها ان شاء الله شكرا لك💐
هاجس فؤادي بالفعل اسمها سويقة قبل الرحي وعلى فكرة كلمة السويق بالفصحى
adam playzs تم التعديل شكراً للإهتمام💐
تسلمي هل الزميلة تسمن ؟؟ لانه الحق في اللي يقول تسمن وفي اللي يقول لا
الله يسلمك💐 الناس الاولة اللي تأكل في الشعير وفي القمح ماكانش السمن مشكلة عندهم لانه السعرات الحرارية اللي فيه لما يكون صافي أكيد مش زي السعرات الحرارية اللي في الدقيق اللي نستعملوا فيه للخبرة اللي تسمن طبعًا هذا رأيي
كيف من غير تنقيع
قلت في الفيديو فيه اللي ينقع فيها ويجففها وبعدين يحمسها ويرحيها وفيه اللي يحمسها بس وطبعًا يغيزها وبعدين يرحيها واحني متعودين علي الطريقة الثانية وناجحة مية في المية يعني الشعير طايب حتي من غير تنقيع او طبخ
زميطه القمع.... هل هي نفس شعير يتنقع او طوول يتحمس...
ghsk mohamed نعرف القمح يديروا بيه البسيسة والروينة لكن الزميطة بالشعير فقط ممكن فيه مناطق يديروا فيها بالقمح زي ماتفضلتي لكن مش عارفتها الحق المهم زي القمح وزي الشعير فيه اللي يغسل او ينقع فيهم وبعدين يجففهم ويحمسهم وفيه اللي ينقيهم ويحمسهم علي طول حسب نظافتهم لما تشريهم 💐
من زمان قعدنا ناكلوا فاها
بالملعقة تقعد على حالها
مفترشة موش كتلة
من فضلك بنسالك علي الماكينة الي رحيتي بيها الزميطة قداش قوة الجهاز يعني الوات متعها watt. لقيتها عندنا اون لاين ولقيت من 1500الي 2500watt . نبي نعرف قوة ماكينة watt1500 كويس زعمة؟ لان ماشاء الله الماكينة الي عندك دارت نتيجة ممتازة.
Eiman اللي عندي 2000watt
كان ماتبيش تغامري خودي نفس الرقم هذا لان حتي انا كنت مش متأكدة بأقل من الرقم هذا أو أكثر تنفع والا لا وانا ماجربتش الا الألفين وات 💐
@@EasyNTastyRecipes بارك الله فيك يا رب واسال الله ان يتقبل صيامكم وقيامكم ويعتق رقابكم ورقابنا من النار. ويعفو عنا امين يارب.
تمام ان شاء الله مش حا نجازف😅.
Eiman وفيك بارك الله ولك بالمثل وأفضل يارب 😘💐
يغريت اكلاتنا القديمه الزمنية الاجيال توا مايعرفوش وقعدت وصفاتنا تسرق وتنسب لبلادان قزمه ياريت تعرفوا بأكلنا وتوثقوه
تسلم يديك كله تمام لكن تحضيرها للأكل لاتضعي الماء اولا هذا غلط لامؤاخذة ، الطريقة الأصلية الصحيحة نبسسها بزيت الزيتون جيدا اولاً، ثم رش ماء حسب التجانس المطلوب ، وتقدم مع رش خفيف من السكر أو تؤكل مع سمن بلدي وعسل
شنو السويقة
خلطة الزميتة قبل الرحي
بارك الله فيك
وفيك بارك الله