Os segredos do Mercado de Abastos de Santiago de Compostela
ฝัง
- เผยแพร่เมื่อ 7 ก.ย. 2024
- Documental que lle achega ao gran público nacional e internacional as pesquisas científicas inéditas de Ruth Varela sobre o fascinante mercado da capital de Galicia, obra do arquitecto Joaquín Vaquero Palacios (1900-1998).
Pensado en clave identitaria, co obxectivo de integrar a aldea e o campo na cidade, o estilo románico co barroco e a tradición coa contemporaneidade, o Mercado de Abastos de Santiago foi un complexo arquitectónico moi celebrado desde a súa inauguración en 1943. Actualmente é un dos lugares máis visitados de Compostela e, a pesar disto, os seus valores e riqueza cultural seguen a ser descoñecidos. Por outra banda, non existía ata o de agora ningunha produción científica que abordase os detalles deste interesante exemplo de mercado, que resulta ser, na súa concepción innovadora e plasmación arquitectónica, único no mundo.
O proxecto audiovisual contou coa colaboración de investigadores do Consejo Superior de Investigaciones Científicas (CSIC) e da Universidade de Santiago de Compostela, con arquitectos da Escola Técnica Superior de Arquitectura da Coruña e con material inédito do Arquivo Joaquín Vaquero Palacios, así como coa intervención do neto do arquitecto que proxectou a obra, o tamén arquitecto Joaquín Vaquero Ibáñez.
Iniciativa realizada por Pablo Francisco Soto Goluboff ao abeiro do Fondo de proxectos culturais en lingua galega Xacobeo 2021-2022.
Precioso
Grazas!!!
Noraboa polo documental! Moi interesante para coñecer a orixe do mercado
Graciñas!
Precioso documental. Que alegría poder disfrutar de un trabajo bien hecho.
Felicidades
Graciñas!
Un placer ver este vídeo. Nacín en Santiago de Compostela no ano 1946, parece, 5 anos logo da inauguración deste gran mercado de abastos que nunca vin outro igual. Cando era pequeno, ía ca miña nai a facer a compra diaria. Era todo un acontecemento de vida, centos, miles de persoas por todas partes nas tarefas de vender e comprar que, sendo un mercado xa de por si moi grande, os vendedores chegaban á Calderería, á case a porta da universidade, á praza de Cervantes e diante da torre da igrexa que está no mercado e que non acordo seu nome. Vivindo xa na Ponte Pedriña (nacín en Pitelos, moi preto da praza de abastos)vía pasar autobuses e autobuses cos vendedores e as súas cestas de froitos tapados cun pano enriba do bus, apiladas unhas sobre as outras cara o mercado. Impresionaba ver tanta froita e verduras que viñan do val do Ulla e todas as comarcas que rodean Santiago. Cando xogaba ao fútbol, fixéronme unhas botas neste mercado, dixéronme que eran irrompibles é, todo ufano no campo de San Isabel e denantes de empezar un partido, fago presunción aos compañeiros das miñas botas novas é, pra demostrarllo, as dobro unha e outra vez diante deles é..., tronzan á mitad!!! Pois xoguei con elas tronzadas e marquei dous goles, cousa rara porque xogando na media non solía marcar. Así que a anécdota esta miña vai ligada ao Mercado de Abastos de Santiago que este vídeo trouxo ás miñas lembranzas. Un saúdo (ao fútbol chamábanme Ávila)
Un saúdo Ávila, unha testemuña ben interesante sobre o mercado¡ Grazas por compartila¡¡¡
Un placer. Una pena q no lo podamos entender la mayoria
Habrá algunas palabras que no se entiendan, pero el gallego y el castellano tampoco son uno de Venus y otro de Marte... Seguro que menos entendían Aldo Rossi o el propio Vaquero Palacios, pero se acercaron a Galicia con profundo interés y respeto por lo que ya había, como se puede ver aquí, en lugar de imponer estéticas ajenas.
xa saíu o paleto de turno
Pero a ver, duas preguntiñas; quen é a maioría?, que é o que non entendes, porque igual é cuestión do teu intelecto (do que asemella non andas moi sobrad@) e non do idioma no que se fale aquí, que por certo son dous, tampouco entendes cando fala o neto do arquitecto...?
Huy, ¿pero no te has enterado aún de que hay una opción de subtítulos en youtube? Pobre...
@@anaportoruza4769 gracias por lo de "pobre". No lo sabía