【香港特色本地遊．戲棚神功戲】

佛誕假期前後，同時亦係長洲太平清醮、筲箕灣譚公誕慶典期間，不少地方都見到搭建嘅戲棚，上演神功戲。以前香港娛樂唔多，神功戲就成為當年民眾期待嘅集體活動，場面熱鬧墟冚。
較早前洪聖誕期間，鴨脷洲舉行盛大慶典「鴨脷洲洪聖傳統文化節」，賀誕神功戲被視為重頭戲，一齊睇吓一班老街坊點樣將呢項逾百年歷史嘅傳統盛事，吸引年輕一輩及外國人，做到薪火相傳。