ฝัง
- เผยแพร่เมื่อ 5 ก.พ. 2025
- 有次我輕輕攝一攝，突然周身冇力，勁頭暈，唔洗照鏡都知自己一定係面青口唇白。 幾經辛苦，走咗去睇中醫，醫師話女士們經期前後身體都比較弱。呢個時期一個唔覺意就好容易病格喇。所以經後飲番d湯水滋補番係好事，由其生過小朋友嘅媽媽們，更加要愛𡃶身體啊。
眾所週知，月經係幫肋女士們排出體內廢物，同時亦排出較大量嘅血，令養分隨之流失。月經完結後係補充營養嘅最好時機。如果每次調理得好，下一個經期就更順暢，不適嘅症狀都可以減少。就好似月尾洗哂d錢，月頭出糧，荷包漲番，成個人都開心番哂啦😂。
滋補都有好多不同材料選擇，今日同大家分享嘅湯水，用到嘅材料，大人細路都啱飲，而且味道鮮甜😋。依家開始轉季，有d涼，更加啱哂😍。
大家想知道呢煲湯嘅材料有d乜嘢功效，請參考番description內嘅資訊。希望大家喜歡我嘅分享，同時希望大家俾個💜like 我，以示支持。身邊有朋友鐘意煮食，閒時煲吓湯嘅話，記得share喇。 多謝大家收看並祝身體健康，荷包腫漲😉🙏🫡。
湯料功效
螺咀：營養功效比起螺頭功效低，但勝在味道鮮甜。
螺片：螺片有益肺之效。螺咀及螺片最多可作螺頭代替品。
蓮子：養神，益氣
紅棗：美容，抗氧化，提高免疫力，滋補，養血
乾淮山：補肺，固腎，益精。多汗及反覆感冒氣虛者可增加攝取量。 順帶一提，乾淮山表面應呈淡黃免，有清晰紋理。使用前應事前以暖水浸泡10分鐘。
元肉：含豐富鐵質，補益心脾，養血安神，補腦及提高免疫力。
粟米： 含豐富礦物質，維他命A,B 及C,鈣及鉀。而且有葉黃素和玉米黃素等等的植物營養素。多食粟米有效預防眼疾。
#伽家廚房
#postnatalcaregiver
#螺咀螺片粟米湯
#鮮甜又滋補
#大人細路都啱飲
#samsam靚湯
#經後轉季適宜
