والدواسر محزم العز | محمد ال نجم | بطيء

الكلمات:
انـتهى المقياض وهبت نسانيس البراد
يـاعسى أيـــام الصفـاري السعد بقبالها
والتنافس جا وقـرب الفـتيل من الـزناد
كـــل راعـــي زيــنةً جـــــابـها يـبــــرالها
والممارى ماضي الوقت ما فيه انتقاد
والـرجــال تثبت أقــوالها بأفـعــــالـها
اقدموا بمصوته يا هل الراي السداد
ياعيال اللي جزيــل المـراجــل طالها
ياعسى وقيّـان منزاله جـنان وبـراد
وسط جنت ربّه اللي نعيم بظلالها
قدموهـــا والتوافيق من رب العبـــاد
يا عسى الناموس لامن حضرتوا فالها
فارعً والخشم ظافي وأذانيها حـداد
واللحي طافح ومثل العذوق سبالها
ورقبتها عاريه عظم والممشى سناد
السحـــايـب كنّها تستخيل خـيــالها
والظهر مفهوق مع غارب منه استقاد
والعظم وافــي مـع جـوهـــر يزهـالها
بنت هرشن ينحكا به ومن ذودً تـلاد
ماضوت من سـاحـــة واجــد دلالها
ساس ذودً ذكرها عند بدوان البلاد
الشبه في دقها تنظره فــي جــلالها
الفحل ما هوب يمنع ليا من جـاء الهداد
مـن لــفـا يبغيه يلقــاه لامــن جــــالـــها
في كنف قوم نباها على أهل الطيب زاد
تـعــرف الهوامـلـه مـن قـديـــم لـيـالـها
المراجل والشهامه هل العلم الوكاد
سمعة بـالطيب تبقى وهـي تبقى لها
والدواسر محزم العز في يوم الطراد
لابتن فـي الهـوش ماينثني خـيـــالها
سلمهم كايد وسلم العصا للناس كاد
وسـم قـــوم هيبته شــاهـد لافعـالها

[@mohammedfares5728]

الدواسر يا بعد حيي والله ♥️♥️♥️٥٠٢

[@U0kl5]

❤️🔥.

[@0C_OP]

استمرررر وربي ناررر❤️🔥

[@اسامهالمذحجقحطانالكبرى]

ونعم ادوسر # ال مذحج القحطاني مر من هنا 🇾🇪🤍🔥🇸🇦

[@mkjmkj7139]

👏🏻😍

[@سناءسالم-ح3ص]

👍👍👍👍👍👍👍👍👍👍❤❤❤❤❤❤❤ ‏‪0:55‬‏

[@RY-ff1mh]

ووي

[@0C_OP]

ياليت الكلمات لاهنت

[@اليامي-ج6ن]

❤️‍🔥

[@Allawi1427]

عانها في وصف القناة

[@codpeyfaarmy3480]

​@@Allawi1427أين يمكنني أن أجد كلمات هذه الأغنية؟