شيلة عهود البدو ، كلمات عناد الشيباني ، اداء خالد ال بريك .
أشترك وفعّل التنبيهات في قناة نجم | FM .
n9.cl/h1eb46
__________
​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠​⁠ ​⁠ ​⁠ ​⁠ ​⁠ ​⁠ ​⁠​⁠ ​⁠ ‪@abdullahalghaib ‬ ​⁠ ​⁠​⁠ ​⁠ ​⁠ ​⁠
#abdullahalghaib
الكلمات | Lyrics
نسيم الصباح وحنة البل واذآن العود
ونجرٍ يـدل الطرقي بصوته الـشـــادي
ودارٍ هواها يشرح الخاطر المضهود
على جــال نار وجمعةٍ جوها هـادي
لـو تشوفها فيروز حبّت حنين الــــذود
وعافت نسيم الصبح من مفرق الوادي
سعادة وامآن وكل ذي نعمةٍ محسود
عسى الله يحفظني من عيون حسادي
احس ان دخان الحطب مثل ريح العود
واحس الهوى ماله طعم غير فـبــلادي
واشوف الجبال الشامخه خضر لو هي سود
واشوف النفل والربله اطيب من الـكــــادي
سعودي وافاخر يوم حكامنا ال سعود
وياقف لنا التاريخ هـجـري ومـيــلادي
وطنا هواه يفوح بـالمسك والكمبود
وطنا على العالم سطع نجمه البادي
نعيش بـ رغد والشكر لـ الواحد المعبـود
ونحفظ ماجاء فالمصحف وسنة الهـادي
لنا دولةٍ عظمى وغايه ورا المقصود
وقايــد نشوفه عادل وفذ وقـيــادي
وعــــراب رؤيتنا معه رايـنــا معقـود
نصادق من يصادق نعادي من يعادي
وحنـا البدو ساس الوفا والفخر والجود
وحب الوطن فـ اقلوبنا الخضر متمادي
عطينا العهد والبدو ما ينقضون عهود
ومن دون حد الدار بـ ارواحنا انفــادي
ونفخر بحب البل وتاريخها المشهود
ومن لامنـا في حـب موروثنا غـــادي
هوية وطنا لـ اجلها نبذل المجـهــود
ونشكر حكومتنا على الدعم لـ النادي
هذا المهرجان اللي تجيه الجموع وفود
وهذي مفاخر قومي ومكسب اجـدادي
نحب التنافس والتحدي بـ ادب وحـدود
ولا نقبل اللي عن هل السلم مـتـحــادي
ترانا هل البل يوم كــان البرا مردود
واهل صيتٍ مشرف وتاريخٍ سيـادي
لا هبت هبوب النود نشرب هبوب النـود
واذا سيق فنجال الفخر نشــربـه عــادي
تقادح حمايانا .. ليا صار قدح زنود
نجي كلنا ماعندنا موقف حـيــادي
وكلٍ نعده سيف فالماقف المحمود
ولا فيه سيفٍ ينقلب مـــوس ردادي
مدارس عتيبه خرجت لـ الفعول فهود
ما يبغون لا تعليم عــالي ولا إعــدادي
لا منا دخلنا الشوط قام الحماس يزود
مع انــه قبل ما ندخله يعتبـر هـــادي
يا مشعل يا ابن جدعان ياسيفنا المجرود
يارمز الشموخ ومعلم الطيب الارشــادي
من ابسط حقوقك تارد العيلم القرهـود
وتـرهــى على الاول مـدام انك زيـــادي
تقدم وقل ما احدٍ بفايز وانا موجود
وهذا زماني وارضي وهذي امجـادي
جعلت الشعل شعلة مثل شعلة البارود
ونزحت روسٍ تـرفــع الصـوت وتنــادي
ما تحسب كم المدخول والا كم المردود
تقـــول الــنـــوادر كلها غـايـــة مـــرادي
مجمل عتيبه يالنفيعي وحنـــا شهود
وصيتك يقول الطيب في يوم ميلادي
حضرت بـ سمو الشعل اميرة جيع الذود
حضور الثقه مع دربــه النصر متـقـــادي
شناحٍ سمت مثل اسمها ماعليها زود
وهي في رماح تشوف برقٍ ورا الـوادي
خسارتك فيها مكسبٍ ما عنه منشود
ربحت وكحلت عيون حساد وآعــادي
تجي لـ الصياهد ضامنه فوزها المعهود
وبيصير فوزٍ هالسنه ماهــو بـــعــــادي
سمو الشعل تبغى عتيبي عريب جدود
ما يفتح مجال البيع لو قفل الــنـــادي
#شيلات #خالد_ال_بريك