شيلة مهداه الى : محمد بن عبيد الوذيناني | كلمات قايل بن حمدان | اداء جفران بن هضبان
ฝัง
- เผยแพร่เมื่อ 6 พ.ย. 2023
- يالله يامنش الخيال اللي ليا سمّى وسال
يساوي الأرض الرفاع من المطر بشعابها
يوم يتداحم فالسما ويسيل من روس الجبال
مثل الشضايا يحذف الأحجار من مرقابها
سحّن هنئاً فيه رحمه للعباد وللحلال
ويساقي قبورٍ عسى الجنه مقر أصحابها
امجادهم منهج وعنوانه مروّين السلال
يا كم شخصيات فالتاريخ صعب انجابها
درسٍ يبا وقفه تحت شمسٍ مايحجبها ضلال
يبيّن اللي كل ماكبرت يحل أنشابها
يعصب لها راسه ليا ركب الرشا فوق المحال
و اللي تفاخر في حسبها ما يحسب حسابها
يضرب بسيفٍ من حديد ومضربه يصبح مثال
للي تشيل سيوفها و اللي تشيل حرابها
لاثارت الهيّه وجا سل المراهيف الصقال
كم عطفةٍ فالمعركه من وسط أهلها جابها
والخيل جات مقلّعه والموت حامي فالرجال
بطعون شلفٍ تقسم الرجال من مضرابها
شروا الكريم اللي على القمه تربّع فالطوال
مع حفظ الاسماء للرجال الوافيه والقابها
مافيه صعبه جات أبو نادر وخلّاها غفال
يحط وسمه فوقها ويقول أنا عرّابها
ياحي الأسم اللي نعده فالمواقف راس مال
حرزٍ تعود اله الرجال اليا احتمى ملهابها
نجمٍ على كبد السماء ثابت ولا يمكن يزال
مايختفي مثل النجوم اللي نشوف غيابها
يمحمد أبن عبيد دمث الجنب محمود الخصال
اسمك بيوت الشعر يا ساس الفخر يزهابها
الشاعر اللي ماقدر يمدح ولا حصل مجال
أليا سمع عن سيرتك هيضته وغنابها
أسمٍ تردده القبايل فالجنوب وفالشمال
ماله رديف الأ ونعم وفعله اللي جابها
محمد عبيد الوذياني بلا شك وجدال
في ذمتي كل المراجل حازها وأقفابها
ديوانه العامر ضيوفه من ذوي ولا من ال
مجالسن مامرها الطرقي وطق أبوابها
مشرعه للي يجي ويقابله حسن القبال
قبل الدلال اللي تعاقب ماجلس صبابها
ماعنده الا ياهلا يامرحبا دايم تقال
شباب نار ان كان قيل النار من شبابها
كريم سبلا أفنى عيال الابل ضافيت السبال
الديره اللي ساكنن فيها تجر قصابها
يبرك اللي ماورا حاله من التطييش حال
ويكانفه فـأم الحلق باللي تموح أذنابها
من دون وجهه بالكرم يدعس على خشم الريال
اموال مافيها اشتباه و لاش شي شابها
يعدّل الأحوال بعد الله مثل عدل العقال
بيمينه اللي فالعلن والسر كم سوابها
انشهد ان الاصل طيب من عمام ومن خوال
عز النسب يوم القبايل تفتخر ب أنسابها - เพลง
صح لسانك يابن صمدان
صح لسانك يابو حمدان 🔥🔥🔥🔥
صح الله لسانك يابو حمدان وان شاءالله مليونيه🔥🔥.
صح لسانك..
🔥🔥
صح... لسانك