Պարույր Սևակ-Բարև Paruyr Sevak-Barev (կարդում է Հարություն Արզումանյանը)

Եթե ձեզ դուր է գալիս մեր կատարած աշխատանքը, խնդրում ենք բաժանորդագրվել (Subscribe) ալիքին և հավանել (Like) տեսահոլովակները:
ԲԱՐԵՎ
- Բ ա՛ ր և, -
Մեկ հատիկ այս բառն եմ ասում՝
Կնքված անձնագիր ցույց տալու նման,
Կենսագրություն պատմելու նման,
Կամ հարցաթերթիկ լրացնելու պես:
Եվ կուզենայի՛,
Շա՜տ կուզենայի,
Որ այս բառն իրոք դառնար անձնագիր
Աշխարհո՛ւմ համայն,
Ամենքի՛ համար:
Եվ կուզենայի՛,
Շա՜տ կուզենայի,
Որ նմանապես այս բառը լիներ
Նոր և իրական մի «Բացվի՛ր, Սեզա՜մ»:
- Բ ա՛ ր և, -
Ասեիր գնացքին,
Նավին
Կամ օդանավին,
Ու ներս մտնեիր.
«Բարև»-ըդ իբրև տոմսակ ընդունվեր:
- Բ ա՛ ր և, -
Ասեիր կնոջն անծանոթ,
Ու նա քեզ սիրեր հենց նո՛ւյն վայրկյանին
Կամ ներումնահայց ժպիտով ասեր,
Թե բարևե՜լ են քեզանից առաջ:
- Բ ա՛ ր և, -
Ասեիր, և պարզ երկինքը
Իսկո՛ւյն անձրևեր, եթե պետք է դա:
- Բ ա՛ ր և, -
Ասեիր լռակյաց հողին,
Եվ նա ծլարկեր ու հասկավորվեր:
- Բ ա՛ ր և, -
Ասեիր մահի՛ն էլ անգամ,
Եվ նա հասկանար, որ քեզ մոտ գալով՝
Ինքը շտապե՛լ,
Շա՜տ է շտապել...
Բա՛րև-ը դառնար իրական ու նոր մի... «Բացվի՛ր, Սեզա՜մ»:
Եվ այն ժամանակ եթե արջին էլ ասեիր
- Բ ա՛ ր և, -
Նա էլ միգուցե հենց նույն վայրկյանին
Խաղալիք դառնար մեր մանկան համար
Եվ մի այնպիսի՛ կարգին խաղալիք,
Որ ո՛չ լարվում է, ո՛չ էլ հասարակ բանից փչանում:
Այսպես էլ՝ օձը ծերերի ձեռքին ձեռնափայտ դառնար,
Կոկորդիլոսը դառնար պահարան խաղալիքների,
Կախարան դառնար եղջերուն վայրի,
Եվ փոթորիկը բեմի պարախումբ,
Մարդն էլ՝ Մա՜րդ իրոք...
Անկարելի բան աշխարհում չկա՜,
Եթե աշխարհում իշխում է բարին,
Որ մեր բերանում դարձել է
- Բ ա՛ ր և, -
Ուրեմն՝ անձնագիր ցույց տալու նման,
Կենսագրություն պատմելու նման
Կամ հարցաթերթիկ լրացնելու պես՝
- Բ ա՜ ր և, -
Քե՛զ
Ու
Ձե՛զ,
Ծանո՜թ-անծանո՜թ իմ սիրելիներ:
Թո՛ղ անկարելին դառնա կարելի
Աշխարհո՛ւմ համայն,
Ամենքի՛ս համար,
Դառնա կարելի վաղն ու հենց հիմա,
Դառնա կարելի մե՛կ բառով՝
- Բ ա՜ ր և...
19.II.1964թ.
Երևան

[@emmakhanoyan6090]

ես նույնպես տեղեկացա այս ալիքի մասին խաղից, շատ լավ ու հաճելի ալիք է , շնորհակալություն

[@arzumanyan-92]

Շատ շնորհակալ եմ!)

[@dianapetrosyan3909]

Այսօր նայեցի ինչ որտեղ երբը ու իմացա Ձեր յութուբի ալիքի մասին։Հաջույքով կմիանամ։👍

[@arzumanyan-92]

Շատ շնորհակալ եմ!)

[@karinesargsyan9358]

ՀԱՐՈՒԹՅՈՒՆ ՋԱՆ ԲՌԱՎՈ։ ԲԱԶՄԱԿՈՂՄԱՆԻ ԶԱՐԳԱՑԱԾ ԱՆՁՆԱՎՈՐՈՒԹՅՈՒՆ։ ԻՆՉ ԼԱՎ ԷՐ ԽԱՂԻ ԺԱՄԱՆԱԿ ԱՍԵՑԻՔ ԱՅԴ ՄԱՍԻՆ։❤

[@arzumanyan-92]

Շնորհակալություն ջերմ խոսքերի համար!)

[@lilitarzumanyan6089]

Բարև

[@user-uh1xj4ly8k]

👍👍👍👏👏👏

[@user-my8sj5gg3m]

Ինչ, որտեղ, երբ -ից հետո հաճույքով բաժանորդագրվեցի այս ալիքին, այսուհետ կլինեմ ձեր ունկնդիրը

[@arzumanyan-92]

Շնորհակալ եմ շատ!)

[@mariamhakobyan5181]

👌🏻🥰☺

[@vahagnaregyan9731]

բանաստեղծություններ Վահագն Արեգյանից th-cam.com/play/PLo7XnnUYG0JmRbETWdACHIaZsQp6YNNOz.html