គ្រូតា Camry ជំនាន់ទី២ ១៨៨៧-១៩៩២ (កាម៉ារីស្វិត) ស្តេចឡាន Sedan ដ៏ល្បីកាលពីម្តុំ ២០ឆ្នាំមុន!

Topic : Camry ជំនាន់ទី១ (Camry ស្វិត) ល្បីល្បាញកាលពី ២០-៣០ឆ្នាំមុន ជារថយន្ដដែលចាំផ្ដើមធ្វើឱ្យ បងប្អូនប្រជាពលរដ្ឋខ្មែរ មានទំនុកចិត្តទៅលើ Camry!
I Intro
Camry ជំនាន់ទី២ ឬ V20 ដែលបងប្អូនប្អូនប្រជាពលរដ្ឋខ្មែរបានដាក់រហ័សនាមឬ Nickname ឱ្យថា “Camry ស្វិត” អ្វីដែលចាំមិនភ្លេច ចង់ភ្លេចក៏ភ្លេចមិនបាន នោះគឺខ្សែក្រវ៉ាត់អូតូតិច ឡានសេរីថ្មីក្រោយល្មមៗ សូមខ្មាស់។
គួរបញ្ចាក់ផងដែរ Camry ស្វិត គឺជារថយន្ត ដែលមានតួរខ្លួនជាប្រភេទ Sedan មួយ នៃក្រុមហ៊ុន Toyota ដែលទទួលបានការពេញនិយមស្ទើរតែទូទាំងសាកលលោក ជាពិសេសនៅក្នុងព្រះរាជាណាចក្រកម្ពុជា។
ឃើញស្វិតមែនពិត តែស្វិតមានជាតិ! បងប្អូនប្រជាពលរដ្ឋកម្ពុជា ភាគតិចណាស់ ដែលថាមិនស្គាល់នូវ Camry អាចថាមកឈ្មោះរបស់វាងាយស្រួលនៅក្នុងការអានឬបញ្ចេញសម្លេងក៏ថាបាន!
ប៉ុន្ដែនិយាយលេងសើចអី កាលពី ម្ដុំជាង២០ឆ្នាំមុន វាពិត ជាមាននូវភាពពេញនិយមមែន ទៅណាមកណា តែងតែឧស្សាហ៍ប្រទះភ្នែកជាញឹកញ៉ាប់។ រហូតមកទល់ពេលបច្ចុប្បន្ននេះ ក៏មានវត្តមានមួយៗដែរ ប៉ុន្ដែគេបានចាត់ទុកវា ជារថយន្ត បែបបូរាណបាត់ទៅហើយ!
កាលនៅល្បី Camry ស្វិត ត្រូវបានគេឱ្យតម្លៃណាស់! ទៅណាមកណាចូលចំណោមគេចុះ ហើយកាលីបមិនចាញ់មាន Mercedes Benz S Class ជំនាន់នេះប៉ុន្មានទេ!
និយាយលេង ដើម្បីកុំឱ្យបងប្អូនធុញទេ តែវា គឺជារឿងពិត!
ដោយសារតែ ទទួលបាននូវការសំណូមពរច្រើន ពីសំណាក់បងប្អូនអ្នកទស្សនា ថ្ងៃនេះ Square Car សូមធ្វើការលើកយកនូវរថយន្ត Camry ជំនាន់ទី២ មកធ្វើបង្ហាញជូនបងប្អូនទាំងអស់គ្នា។
គោរពអញ្ចើញ លោកអ្នក ទាំងអស់គ្នា តាមដានទស្សនាដូចតទៅ៖
II Body
ជាការពិតណាស់ បើរលឹកគាស់កកាយ អំពីប្រវត្តិសាវត្តារបស់រថយន្ត Camry វិញ គឺវាត្រូវបានផលិតដំបូងកាលពីឆ្នាំ ១៩៨៥ មកម្ល៉េះ ដែលមានន័យថាវាបានឈរជើងនៅលើទីផ្សារអស់រយៈពេលជាង ៣០ឆ្នាំមកហើយ បើគិតមកទល់ពេលបច្ចុប្បន្ន ហើយក៏បានឆ្លងកាត់អស់ ៥ ជំនាន់ទៅហើយ។
ដោយឡែកសម្រាប់ Camry ដែលជាប្រធានបទរបស់យើង នៅក្នុងថ្ងៃនេះ គឺជា Camry ដែលស្ថិតនៅក្នុងជំនាន់ទី២ ផលិតឡើងដំបូងកាលពីឆ្នាំ ១៩៨៧-១៩៩២ ហើយអ្វីដែលកាន់តែពិសេស គឺវាមិនមែនមានឈ្មោះតែមួយនោះទេ ពោលគឺមានឈ្មោះផ្សេងៗទៀតដូចជា៖
- Toyota Vista
- Holden Apollo
- Xinkai Camry ឈ្មោះ នៅទីផ្សារប្រទេសចិន
- ស្រុកខ្មែរ ហៅថា អាស្វិត (ចេះតែច្រលំមាត់ តាមពិតជាឈ្មោះមែនតែឈ្មោះហៅក្រៅ ដាក់ឱ្យដោយប្រជាជនកម្ពុជា)
Toyota Camry ជំនាន់ទី២ ត្រូវបានតម្លើង នៅប្រទេសផ្សេងៗ ដូចជា៖
- ប្រទេសជប៉ុន ដែលជាប្រទេសកំណើត
- ប្រទេសអូស្ត្រាលី
- សហរដ្ឋអាមេរិក
- និងប្រទេសចិន
នៅក្នុងការចនា ទម្រង់ រូបរាង ដែលមើលមិនចាំសាំភ្នែករបស់វា នេះ គឺសូមអរគុណទៅដល់ Designer Seiichi Yamauchi
ក្រៅពីមានតូរខ្លួនជាប្រភេទ Sedan ទ្វារ៤ ហើយ រថយន្ត Camry V20 ក៏មាននូវរូបរាងជាប្រភេទ Wagon ដែរ ដែលបងប្អូនយើងភាគច្រើនកម្រេរឃើញណាស់ ព្រោះវាមិនសូវមានអ្នកនិយមប្រើប្រាស់
បើនិយាយអំពីម៉ាស៊ីនវិញ រថយន្តនេះមាននូវជម្រើសម៉ាស៊ីនជាច្រើន ដោយផ្អែកទៅលើការវិវត្តនៃឆ្នាំផលិត ក៏ដូចជាប្រភេទ Options រួមមាន ៖
- ម៉ាស៊ីនសាំង 4ស៊ីឡាំង ទំហំ
+ 1.8L
+ 2.0L
- ម៉ាស៊ីនម៉ាស៊ូត 4ស៊ីឡាំង ទំហំ
+ 2.0L Turbo
- និងម៉ាស៊ីន
+ V6 ទំហំ 2.0L
+ V6 ទំហំ 2.5L
ការបើកបរគឺមាននូវជម្រើស ៖
- ប៉ុង1
- និងប៉ុង2
ចំពោះប្រអប់លេខវិញ ក៏មានជាជម្រើស៖
- ប្រអប់លេខដៃ 5វគ្គ
- ប្រអប់លេខអូតូ 4វគ្គ
បើនិយាយអំពីទំហំវិញ Camry ជំនាន់ទី 2
- មានបណ្ដោយប្រវែង 4500mm
- ទទឹង 1695mm
- គម្លាតកង់ 2600mm
- កម្ពស់ប្រហែល 1400mm
- ទម្ងន់ តួរ ចន្លោះពី 1080 - 1295 kg
បើនិយាយអំពីផ្នែកខាងក្នុងវិញ វាមាននូវការរចនាតាមបែប ក្លាសិក ត្រូវចិត្ត បងប្អូនដែលចូលចិត្តបែបអភិរក្សនិយម ហើយអ្វីដែល គ្រប់គ្នាចងចាំមិនភ្លេចនោះគឺ មុខងារខ្សែរក្រវ៉ាត់អូតូ ដែលរថយន្តសេរីក្រោយៗ សូមខ្មាស់។
ហើយចំពោះគុណភាពនៃការបើកបរវិញ អ្វីដែល គួរឱ្យកត់សម្គាល់នោះគឹ ៖
- V20 ក៏មានជាជម្រើសបំពាក់មកនូវប្រព័ន្ធហ្រ្វាំង ABS
- ហើយក៏មានជាជម្រើស បំពាក់នូវមុខងារ All Trac AWD ផងដែរ ហើយត្រូវបានបំពាក់នៅលើម៉ូដែល V6
III Conclusion
តើបងប្អូនប្រិយមិត្តជាទីស្រលាញ់ណាខ្លះ គឺជា Fan, ធ្លាប់មានបទពិសោធន៍, ក៏ដូចជាអនុស្សាវរីយ៍, ឬមួយកំពុងតែប្រើប្រាស់នូវរថយន្ត Camry ជំនាន់ទី២ នេះខ្លះ? សូមខមិនចែករំលែកទាំងអស់គ្នា!
កុំភ្លេច Like Follow Page ក៏ដូចជា Subscribe TH-cam Channel របស់ Square Car ម្នាក់មួយផង ដើម្បីទទួលបាននូវការចែករំលែក ចំនេះដឹង បទពិសោធន៍ រួមទាំងការកំសាន្ដពាក់ព័ន្ធនឹងរថយន្ត។