［my.blessing.cake]香港烘焙業打三既三大方向,烘焙秘史

香港烘焙行業的打工三大方向
Hello, 我係Sherri, 依家係香港做緊烘焙業既打工人，努力搵錢中。如果想知道更多烘焙小故事，歡迎大家follow。
其實想係香港烘焙業打工既話，有邊d方向呢?都幾明顯有三個大方向可以選擇，第一個係餅廠，第二個係高級餐廳，第三個係酒店。其實三個既升職制度都十分相似，都係由學徒即係Pastry commis 開始做起，即使有讀過藍帶或其他甜品學校，到左入行做個刻，都同學徒無分別。
首先講左餅廠先，我指的並不是小型Studio，而是有些規模的餅店。通常佢地做到有幾間分店後，為左減低成本和控制出品，佢地會選擇在租金較便宜的工業區開中央餅廠，然後每日將製成品運送至各分店。餅廠通常都是返早收早，只有一個返工時間，對於想時間穩定又不希望節奏太急促的朋友而言，餅廠是不錯的選擇。
其次係高級餐廳，fine dining 餐廳多數都有pastry section ，提供精緻的法式甜品，這是其中一個吸引顧客的地方，所有甜點均有人手製作，有擺盤和設計，客人落order 後才能開始組裝甜品，相對餅廠和酒店而言，人手較少，節奏急速，比較有壓力和辛苦，返工時間亦都由朝早到餐廳關門，每日都好似打怪獸咁，依家我就係做緊尼樣野，但學習既野比較全面，係令人成長既地方。
最後係酒店，內部會有一個中央餅房負責為酒店不同的餐廳和Buffet提供甜品，就以五星級酒店為例，它們不單單是有不同的餐廳，還有些餅店，簡單來說是餐廳和餅廠的結合，所以需要有一個旁大的團隊去支撐每日的工作，當中需要有人企buffet去feel 野，亦都需要有人手去製作，同時因為要提供早餐Sevrice俾住客，所以需要有人手去返早更(我之前做個間係要返6點，好早)，返酒店係需要輪班架，有時要返早，有時要返夜，點都好都係由大佬負責編排更表，做細既就負責努力工作 。相對而言，酒店的福利會更加好，由其是最近酒店開始復甦，每年最尾個份會好正。
以上都係我自己的個人觀點，當然有錢的話亦可以選擇自己開店，可惜我之前生意失敗，存款無曬，重新開始，每個人想要既野都不同，沒有絕對既好和壞，最重要自己喜歡。
#香港烘焙業#烘焙業#香港生活#打工秘史