ฝัง
- เผยแพร่เมื่อ 18 พ.ย. 2024
- Nanneddu meu. A Nanni Sulis. Peppino Mereu.
Nanneddu meu,
su mund'est gai,
a sicut erat
non torrat mai.
Semus in tempos
de tirannias
infamidades
e carestias.
Como sos populos
cascant che cane,
gridende forte:
«Cherimus pane».
Famidos, nois
semus pappande
Pan'e castanza,
terra cun lande.
Terra ch'a fangu
torrat su poveru
senz'alimentu,
senza ricoveru.
B'est sa fillossera,
impostas, tinzas,
chi nos distruint
campos e binzas.
Undas chi falant
in Campidanu
trazan tesoros
a s'oceanu.
Cixerr'in Uda,
Su Masu, Assemene,
domos e binzas
torrant a tremene.
E non est semper
ch'in iras malas
intrat in cheja
Dionis'Iscalas.
Terra si pappat,
pro cumpanaticu
bi sunt sas ratas
de su focaticu.
Cuddas banderas
numeru trinta
de binu 'onu
mudad'hant tinta.
Appenas mortas
cussas banderas
non piùs s'osservant
imbreagheras.
Amig'a tottus
fit su Milesu,
como lu timent,
che passant tesu.
Santulussurzu
cun Solarussa
non sunt amigos
piùs de sa bussa.
Semus sididos
in sas funtanas,
pretende s'abba
parimus ranas.
Peus su famene
chi, forte, sonat
sa janna a tottus
e non perdonat.
Avvocadeddos,
laureados,
bussacas buidas,
ispiantados
in sas campagnas
pappana mura,
che crabas lanzas
in sa cresura.
19.
Cand'est famida
s'avvocazia,
cheres chi penset
in Beccaria?
Mancu pro sognu,
su quisitu
est de cumbincher
tant'appetitu.
Poi, abolidu
pabillu e lapis
intrat in ballu
su rapio rapis.
Mudant sas tintas
de su quadru,
s'omin'onestu
diventat ladru.
Sos tristos corvos
a chie los lassas?
Pienos de tirrias
e malas trassas.
Canaglia infame
piena de braga,
cherent s'iscettru,
cherent sa daga!
Ma non bi torrant
a sos antigos
tempos de infamias
e de intrigos.
Pretant a Roma,
mannu est s'ostaculu;
ferru est s'ispada,
linna est su baculu.
S'inturzu apostulu
de su Segnore
si finghet santu,
ite impostore!
Sos corvos suos
tristos, molestos,
sunt sa discordia
de sos onestos.
E gai chi tottus
faghimus gherra,
pro pagas dies
de vida in terra.
Da‑e sinistra
oltad'a destra,
e semper bides
una minestra.
Maccos, famidos,
ladros, baccanu
faghimus, nemos
halzet sa manu.
Adiosu, Nanni,
tenedi contu,
faghe su surdu,
ettad'a tontu.
A tantu, l’ ‘ides,
su mund'est gai:
a sicut erat
non torrat mai.
X chi abita lontano dalla Sardegna le canzoni sarde sono sono sempre un'emozione indescrivibile w la nostra Sardegna.
A mio giudizio, dice bene Giovanni Longu: io sono pugliese, eppure rimango affascinato da un canto così ricco di nostalgica melodia !
Fortza paris 💪🏻💪🏻💪🏻
Armonizzazione fantastica
Fortissimo
Meravigliosa la canzone
Bravi!
Bellissima
Onore, grande onore al Popolo sardo.
Sempre sia combattente e Libero.
Tante versioni ma rimane comunque bella
instablaster
Beh non è che ai tempi si stesse meglio, dai tempi delle caverne ci si scanna: come diceva il buon Totò, le persone si dividono in due categorie, uomini (vessati) e caporali (vessatori) ...da sempre
Grande Peppino Mereu, la tua poesia è una forte e rivoluzionaria denuncia sociale.
Fortissimo