林峯仍沉醉康城影展感動氛圍 自爆忙工作與女兒個半月未見

林峯仍沉醉康城影展感動氛圍 自爆忙工作與女兒個半月未見
林峯 呢日現身南京出席活動，吸引大批粉絲支持，由佢同 佘詩曼 主演嘅《家族榮耀之繼承者》正熱播中，阿峯同阿佘喺劇中火花十足，唔單止觀眾睇得投入，阿峯自己都覺好演得好過癮。
阿峯又話同阿佘私下好熟，加上好有默契，所以每次接到新角色，大家都可以拿捏到彼此嘅方向，所以唔需要對太多戲都已經好有火花，對於有機會獻唱劇集主題曲《愛在三千的宇宙》，阿峯都覺得好榮幸，另外又可以將劇中嘅感情投放喺歌曲裡面。
早前佢同新戲拍檔一齊出席康城電影節，電影於當地大受歡迎，阿峯都覺得好鼓舞，佢話嗰份感動至今都一直延續落去，因為相隔11年，終於再次有香港電影喺康城電影節上映，阿峯話好難忘有啲主辦單位嘅高層同佢哋講「你們知道我們等了你們回來多少年嗎? 」令阿峯非常感動。
佢仲話話出席完呢個活動後，都無時間喺南京周圍行下，因為佢要趕住返屋企見下阿女，佢話已經有一個半月無見過個囡囡，所以做完嘢，第一時間就要返屋企呀。
#林峯 #南京 #家族榮耀之繼承者 #佘詩曼 #火花十足 #愛在三千的宇宙 #主題曲 #康城電影節 #感動 #女兒
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@Anirlh]

林峯好靚仔他系家族榮耀繼承者都飾演高俊演得非常好另外他在電影九龍城塞做个角色做得很好❤❤❤