ฝัง
- เผยแพร่เมื่อ 23 ธ.ค. 2024
- #MM #試一次 // 試一次踩單車返工！實試由新蒲崗返柴灣 踩單車VS坐巴士！解構香港踩單車嘅可能性與安全須知 醉酒踩單車屬醉駕？香港道路規劃對單車不友善？
騎單車上班，這件雖然不是甚麼新鮮事，但多年來都有人因為這樣做而登上新聞，就知道其實仍然是一件不尋常的事，繼行路上班之後今集《 試一次》騎單車返工，看看單車是不是真可以當成交通工具，香港的道路規劃又為何變得這樣不單車友善，如果想嘗試以騎單車當作交通工具而不只是消閒的活動，又可以如何上手呢？今集《試一次》大家跟著Sam一起新手上路。
50年前已發生的道路衝突
50年代左右美國的汽車文化輸出影響全球，預計到即將進入汽車塞滿馬路的年代。現今以單車文化輸出而聞名的荷蘭，曾經都在五六十年代經濟發展迅速，而越來越多荷蘭人擁有私家車，城市規劃（包括道路設計）開始以汽車而非行人和單車為對象，每年死於交通事故的人數超過3,000人，而當中死亡的兒童佔450名左右，所以到了70年代開始有很多人上街示威。
60年代初英國運輸部發表了名為《Traffic in Towns》的白皮書，研究應該如何改造當地的城市規劃，於是英國就在名為Stevenage的第一個新市鎮嘗試引入了汽車道路以外，加設單車徑網絡的規劃，只看舊相片會覺得似曾相識，連規劃都跟香港很相似。「這種規劃其實無論是現在的大埔、沙田、屯門，在這些新市鎮全部都可以看到。」英國運輸規劃師、街道變革發起人嚴卓衡指出，他補充英國無論是標準還是規則或是概念，其實都是將很多東西都融入到香港或者推進到香港，公路本身的系統和制度都是源自他們，另一件事就是人車分隔的概念。1978年的英國提出了「逆向單車專線」，禁止機動車輛駛入某些道路等等的單車友善設計，而香港只參考了分隔式單車徑，仍然沿用40多年前的設計標準。
嚴卓衡指衡量一個地方是不是單車友善有5大原則，「首先就是連貫性，單車網絡真的是連貫的，不會斷開或是頻密地上下車。第二就是直接，甚至有時候單車的路徑比起汽車的路徑更加直接，令人不會需要繞過更多的路徑才去到目的地。第三個就是安全，但是單車安全不只限於單車徑的網絡，附近甚至是整個道路網絡都應該有充足的單車安全設計。第四就是舒適，就是它真的是一個舒服的網絡。最後就是具吸引力，它真是一個有吸引力的網絡，令可能男女老少覺得舒服之餘，真的會想使用單車作為一個消遣或者日常的交通工具。」
香港馬路可以踩單車？
首先最容易分辨的就是看馬路上的路牌，如果是綠色的路牌就不能騎單車，因為它是代表快速公路，而藍色的路牌就是可以騎單車的普通道路。另外有一些單車禁區，通常是一些行車天橋或行車隧道以及一些高架的道路，就是一般是車速很快的那些地方，所以一般除單車禁區、綠色路牌以外的道路都可以踩單車，如果馬路旁有單車徑，法例上都要用單車徑。
單車是交通工具
嚴卓衡指如將單車踩出馬路，就應該視作自己為私家車的道路使用者一樣，所以要先熟習路面知識，衝紅燈會犯法被扣分、喝酒後同樣不能騎單車否則會有機會觸犯 《道路交通條例》（374章）（第47條）首次被定罪的刑罰是罰款港幣$500，「騎單車的人可能沒有車牌，但儘管你沒有車牌運輸署是說它無論你有沒有駕駛執照，你如果被人抓到而扣分，它就會記錄在案。」
自稱4歲就懂得騎單車的Sam因為沒有車牌，所以Sam都熟讀過運輸署的《道路使用者守則》，然後為了試一次「踩單車返工」，Sam就向Herman求教實際騎單車路面經驗。
住在土瓜灣的Herman用單車代步7年，平日出外他會想怎樣騎單車，多於乘搭甚麼車到目的地，路線要不要上山下山、目的地有沒有位置泊車，都是他考慮可不可以騎單車的重要因素。「約人吃飯、看電影等等，都是會騎單車出去，有時朋友看到我沒帶著單車反而會覺得奇怪。」從事社工的Herman以前需要到葵涌的學校工作，「之前主要是踩土瓜灣至葵涌，由土瓜灣出發大概去到太子左右，然後就會踩貨櫃碼頭路，或者是會踩麗景山路去到葵涌。」回到學校後就找位置泊好單車，有需要就再帶恤衫西褲換上。
Herman指除了路面知識外，有幾個基本技術是需要具備，「識打手號與其他司機溝通，所以必定要單手可以平衛，舉起左手就是轉左的手號。」還要懂得預判其他車輛的反應，例如當Herman看到有車泊在一邊，他就要留意司機是不是隨時會開車轉出來，「靠近左邊道路基本上是泊車位，其實隨時司機或乘客都會開門上下車，所以我們不要太靠左，或是要有兩呎或一米的距離。」單車與駕駛一般車輛一樣，除非有意超車、轉右或超越已停泊的車輛，否則應在最左線行車。
Herman實際騎單車在馬路上行走7年後，發現了一個《道路使用者守則》亦沒有教過的技巧，「騎單車不一定要靠到最左，你可以是佔行車線的中間，目的就是令其他車輛都看到你，我看到後面有車所以我才靠左一點，然後我手勢示意讓他過，我就會發覺其實司機是很開心的，司機就不會『咻』一聲地超過我們，而是慢慢地過了我們。」Herman補充指以往如果我們靠左，反而司機就會一定會超過單車， 可能是距離我們一呎或兩呎，其實都是一個危險距離。「我大概用了半年時間，在比較安靜一點沒那樣多車的土瓜灣內街練習
之後，才正式開始踩單車上班。騎出尖沙咀可以練習，上海街就練小巴埋站小巴載客、彌敦道就練怎樣跟巴士，或者不跟巴士來走就安全了。」
為何要在交通發達的香港騎單車
為甚麼香港會成為一個感覺上單車不友善的地方呢？回看六七十年代，香港也是好像歐美的國家一樣，擁抱汽車作為社會富裕的象徵，「到了七八十年代已經開始擁有一輛車的時候，香港人背後的邏輯也是效率至上的思維，尤其是整個社會都是很急促地發展，需要很多東西都很快捷去目的地， 那麼單車未必是每次都是最快的。」嚴卓衡補充香港也有很多新市鎮是名副其實的「隔重山」，很難由家裡騎單車到市區上班，所以單車未必真的可以成為一個容易、方便的交通工具，「那麼政府自然就不會去做甚麼規劃或者設計，幫助這個事情發生，這件事真的是雞先定蛋，先看看你怎樣想怎樣規劃一個城市。」嚴卓衡感歎道，更有說法指香港本身人多車多，所以香港就不適合騎單車，「其實這個也是一個雞先還是蛋先的問題，尤其是香港的確是交通很發達，真的是世界第一的，在任何地方都可以很快可以開車去到市區，當然是不塞車時，但是本身為甚麼會塞車都是因為越來越多人開車，其實因為香港現在本身都是汽車飽和的狀態。」
根據立法會秘書處資料研究組，香港的私家車數量由2006年的約36萬輛，升至2021年的58萬輛，「其實車子去到市區它一樣是塞的，無論政府怎樣建一條新的道路出來，隨著社會越來越進步越來越不可能做這件事，所以很多城市才會嘗試用單車來引入作為一個中、短途的交通工具，就是因為想人們改變習慣，令他們不必要用車的時候都不用車。」嚴卓衡反指香港思考參考荷蘭的方式，結合單車與鐵路的優勢，在荷蘭有全球最大的水底單車場，可以泊上幾千架單車，令人可以真的騎完單車作為「駁腳」，之後是可以搭到鐵路、甚至搭到巴士去不同的地方。「單車本身是比行路快三倍，單車的路面需要的空間是比起駕駛私家車少很多，泊車後的佔用空間還只是一輛汽車的十分之一，騎單車的人其實基本上是處於一輛車和一個行人之間的那個狹縫的中間，在行人路可以變回行人，在車路變回交通工具。」
策劃：梁中勝
主持：梁中勝（Sam）、陸紹泓（Tony）
攝影：黃栢基、張志孟、陸紹泓
剪接：陸紹泓
車手：Tony、康哥
監製：陳靜雅
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記
大家放心！我有做足道路知識功課同練習，先喺Herman 帶住踩出馬路。一直都覺得單車只係消閒活動，但將佢當成交通工具咁諗，即刻成個思維都唔同咗，第一次踩出馬路的時候，冇車牌嘅我未試過靠自己意志，係行車線上面決定點行，有種決定自己方向的自由感覺，亦都未試過用駕駛者、喺行車線的角度望返去行人路，對我嚟講係全新嘅角度看待城市，如果大家想喺馬路踩單車，記得要熟讀路面規則，同埋練習過先小心駕駛，真係要當自己係駕駛者一樣，希望呢個故仔可以畀到一個機會大家討論，對於道路使用有多d想像。
今次呢個故仔辛苦晒攝影師/剪片/車手Tony，真係有佢先成事，因為大家都唔放心畀我踩返公司。呢個重任就交咗畀有車牌又踩開road bike嘅Tony，仲辛苦晒攝影師阿雞同孟，影咗d咁靚嘅shot。最後要多謝街道變革的Justin，畀咗好多專業見解我，同埋低碳騎行者的Herman帶住我上路！
👏👏👏
cam man真係好勁！！拍得好有技巧，辛苦晒！
Teslun無論見到咩手勢都隊埋黎😂
🙌🏼🙌🏼🙌🏼係香港踩單車上馬路總有種危險感覺，天氣也是大問題。。。
辛苦你們❤
Sam Sam 片中你用太重波段，有時要打手勢車速變慢後要加返速時太重波段會令到用力加速時架車會撩。用返低波架車會定啲而且用肌肉力量會少啲。
單車應該係用波段去就隻腳，用輕腳快腳頻燒心肺功能慳肌力。
上馬路就真係講路面經驗多過其他因素。
salute to Tony! 成功take呢個challenge 仲好型棍
多謝你們嘗試向社會再一次帶出單車議題，但遺憾仍然未提及數個現今單車界最切身的問題：
1. 單車徑，尤其非主幹道，設計極度危險，而且很多日久失修
2. 行人違法使用單車徑，執法者只針對單車但沒有針對行人
3. 單車徑上太多人視單車為消遣而非移動工具，隨意停車、突然逆線、U turn導致其他單車人士發生意外，但又不負責任
4. 市區沒有單車徑，單車被迫踩上馬路
5. 駕駛者對單車極不友善，針對保險、牌費、車牌問題蔑視單車，
早前香港三鐵單車代表吳泰龍於沙頭角公路被雙層巴士強行於雙白線安全島前扒頭導致意外，隨時影響奧運會參賽
6. 市區道路維修及設計只考慮駕駛人士，沒有考慮單車，例如行車線太窄、過多斜坡及修路工程等等
7. 單車使用公共交通工具極度困難。
巴士需要入袋但單車袋(非摺車)體積過大，一般人難以隨身攜帶；
地鐵需要拆除前輪(非摺車)，使單車使用者只能用一隻手穩定車身，一隻手攜帶前輪，在車廂內無法握扶手導致意外；
船隻班次過疏，而且只有特定路線容許單車進入
歸根究底，以上情況都出於政府以致廣大市民對單車一知半解，希望有更多傳媒貼地訪問一下踩單車人士的看法(不要只問單車總會，單車總會不代表我們)，使公眾對單車有更深入的了解和公正的討論。謝謝！
其實現在單車的路權都未得到充足的保障，好多駕駛者都會叫踩單車的人是單車X，根本不會尊重你。
另外就是踩單車的人沒有對他們實施審核和培訓的制度，導致良好駕駛者被違法單車使用者影響。
最後就是沒有灌輸正確對待和使用單車的觀念，過時的觀念和制度法律都有深遠影響，導致單車不能普及化。
我任職嘅公司都認為踩單車是危險的行為，根本不容許單車進入公司範圍。
我自己認為應該放寬在行人路，屋苑使用單車的權利，現在電動輪椅，滑板都是滿街跑，為什麼只限制單車的使用？
電動輪椅係豁免，電動滑板唔係合法嘢
@@sfotbnandenmea 你的指正我十分明白，但我表達的重點是速度，用電力行走的工具竟然是豁免，用人力行走的工具卻要限制，這種限制已經不合時宜，規定下來並非一直是對的。
我係支持將來嘅交通網絡係對單車友善，因為當多啲人用單車返工，就即係啲人將運動融入生活，啲人多咗運動，身心健康咗，整個社會嘅氣氛都會正面啲。
依家啲路越整越窄有乜鬼善呀....
想逼啲人坐公共交通工具利益畀財團💩
@@diy3604 我係話支持將來嘅交通網絡對單車友善，冇話而家嘅交通網絡對單車友善，我咁樣講嘢都踩到你呀？
我講正苦not you😪
@@diy3604 香港嘅交通費其實對比其他城市真係好平，而且公共交通網絡覆蓋真係世界第一高
你要屌應該屌班私家車私機
但係現實係, 香港既人口密度同埋短暫幾廿年既城市規劃, 基本上係冇可能容納到大規模既人口以單車代步
單車徑最吾安全既, 就係整埋咁多柱, 非常危險. 鬼咩, 設計個個, 都吾識/吾踩單車既.
你覺得唔安全就啱喇，設計目的就係整到有咁危險得咁危險, 最好個個10KM慢慢爬🤣
我試過撞柱炒車😂
@@micky27010KM 咁快..最多5KM好啦..人行最快大約都係3-5 KM🤣
@@tt200c 炒過好幾次。一係避柱跌車，一係炒落去
本身係英國住，深深感受到單車嘅好處同埋司機係好有耐性和禮讓。但係香港司機就係最缺乏這兩個重點，所以係香港馬路踩單車係好危險⚠️
可以做路隊長 阻哂成條線啲車😂
英國地方大，點同香港
@@ericlam612英國其實啲路都好窄
香港節奏好快好快先可以消化到路上嘅車同行人，啲交通燈轉得超快，好多時連車都過唔切！ 幾十架巴士舖滿晒3條行車線仲要cut出cut入埋站。 香港啲巴士站密到所有路邊都有巴士停， 呢啲路面點會適合踩單車？
路面上咁多巴士、大貨車重型車同時使用，單車點會安全？
就如出海扒獨木舟， 你扒得幾叻都唔會揀中環上環最繁忙嘅航渡扒啩？ 覺得啲渡輪會見到你？ 定停響度等你過先？
@@someernie6179香港分秒必爭，遲到會比客或上司屌，無咗生意，揾少錢😅😅
Tony可以考慮出多啲鏡🫣又靚仔,把聲又好聽🫣🫣🫣
我唔反對踩單車，
但香港好多單車L真係上晒腦；
試過揸車去廸士尼，班友竟然幾架單車排開行晒條線，呠都無理！結果要硬cut過對面線…………
唔駛考牌、唔駛俾牌費、唔駛買保險、唔駛停牌………掉番轉睇，對其他道路使用者又公唔公平❓❗
睇咗咁多留言，終於有一位說出重點來。
俾單車喺馬路行，其實對其他道路使用者好無保障！！
一半係單車唔守法、一半係司機唔耐煩
單車係馬路唔守法、理應當係行人踏單車被罰400同上庭
如果踏行人路合法又被行人罵、
馬路又俾司機罵、
唔通D單車要識飛咩、咪一定被飛機司罵
upupup
踩單車仲有一個無人諗過既好處：
會增加 人既 心理社區地圖 和 親密感。
因為單車速度較慢，而且與周遭環境沒有隔膜。
與其依賴網上媒介如 新假期/ U magazine 去得知飲食好去處（有時可能係唔近既地方），倒不如靠日常與社區互動 去得知 比較貼地 又 貼近自己生活範圍 的 餐廳店舖？
雖然我唔踩單車，但係都支持香港個單車網絡發展得好啲友善啲，香港咁細踩單車代步係適合，短途嘅踩單車代步好過等車搭車，可能仲快啲
踩單車就當自己揸緊車一樣, 但 d 司機 (由其是職業司機) 從來都唔會專重單車人士, 踩單車本來係健康, 但香港出街踩單車又吸死大量氣之餘又受氣
前排去台北踩過YouBike好正，當然佢哋啲行人路好闊可以劃最側嘅路畀單車行，單車/泊車數量又多又平，真係好鬼正
Tony之前做剪頭髮條片時活潑得意啲，今次無乜講嘢機會限制佢天賦😂
睇嚟Tony都有fans啦
九龍及香港島, 其實好細. 如果規劃得好, 踩單車其實好多時仲快過等+搭巴士.
新市鎮根本已經有單車徑，應該學荷蘭日本咁喺火車站商場起大型單車停車場，只要駁好啲巖巖巉巉嘅路線肯定多好多人踩單車代步唔係淨係禮拜六日俾人消遣
我以前都係住13街同5街嘅唐樓，每次出車都抬住行8層樓梯，其實市區踩單車只要熟路知道行邊安全啲并唔困難。另一方面晌市區踩單車嘅困難在於除左有部分仇單車嘅司機外，實情係合法嘅路未必好安全就好似漆咸道北咁，而安全快捷嘅路好多時又唔合法例如行火車站落尖沙咀
唔困難唔代表安全, 無牌亂咁黎一樣害到人
Chloe最後果段好肯定佢真係住過荷蘭😁好日常
係比利時荷語區讀書，啲大學生真係會踩單車去落club飲酒（醉住踩番屋企）、單手拎喼單手踩/情侶拖手踩真係好多 仲要踩馬路🤣，大籃果啲cargo bike以前做嘢踩過真心難踩，但啲大媽可以踩2個細路飛住去，老一輩就踩電動，仲有無論幾大風大雨呢邊啲人都會照踩（甚少着雨褸）
呢邊仲興無brake單車，唔係fixed gear，係懒得整，平路多唔洗煞 要煞就落腳😅
不過單車配套多，山卡啦都畫單車線，啲人手車又好，司機又禮讓，好少見炒車
Dutch bikes用嗰種brakes叫Coaster brakes.
en.m.wikipedia.org/wiki/Bicycle_brake#Coaster_brakes
最後尾Chloe個荷蘭單車所見所聞好_有趣
不止單車路線規劃重要，路面平滑也是一個很要注意的因素，香港單車路往往鋪設出來不理想，由其是施工後重鋪時，是否政府有關部門沒有俾出標準指引給工程外判商還是工程施工公司？或工人對重鋪單車路質素標準的重示不足？
我一直都想有這種單車接駁或上下班的想法，十多年前去日本和一年多前在澳洲都試過從住的地方踩單車到鐵路的地方（試過在公路），還挺好的，但香港的路我真的不太敢，路面太多車和人，還沒有對單車太完善的感覺
好簡單，睇下揸車Group對單車嘅言論，基本上係hate speech level
P.S. 我係有車牌嘅休閒假日單車玩家
20+年前我日日單車返學，有一日經過工業區，我靠左行，路上無車，但前面有部差佬車，差佬叫上返杏仁露。又試過大路靠左行，俾兩部熱狗前後咁推住我，要係燈位靠左讓完一步又一步的大車，嚇Q死
咁搞笑? 上返杏仁露然後上庭見?
遇到重型車可以變肉醬意粉
😂不如試下用電動輪椅？
香港人好可憐
單車唔可以行人路踩噃🙃
香港普遍司機 覺得單車係無道路使用權 ， 經常覺得佢哋無牌 😮，相反在歐洲國家 例如英國 道路條例列明 道路使用權嘅先後次序 行人>單車>騎馬人>私家車 >貨車 ， 每一個駕駛者都知道 單車道路使用權係大過汽車 ，見到單車只能禮讓 ，過唔到頭就慢慢，跟住佢哋後邊 慢慢行 ，冇人會有怨言
香港就算立呢個法, 好多司機都吾會跟. 人種/教育水平問題
教育水平好到可以亂槍掃射添！
This mindset is exactly why so many cyclists get into accidents. You can't argue with an incoming 10 ton Lorry about "Right of way"...
其實香港道路真係冇設計俾單車使用者 安全至上 路面繁忙真係太危險！
@@ckwai123 same when you are driving a car, so what’s the point？ This kind of mindset is exactly why large trucks bully smaller cars and bikes on the road.
柴灣斜其實好多單車友踩
佢地會係夜晚
係冇咁多車先踩
以環島為目標
將土瓜灣拍得好靚！❤
住大埔係大埔工業村返工直頭覺得完美生活，公司又可以沖涼，收工有心情可以再去吐公踏個圈先返屋企
真心多啲拍單車嘅車場唔會比人偷車
應該會好多人踩單車返工
例如 啟德嗰個拍單車場
Tony好型呀😂唔好再畀剪片拖累啦
10:00 bgm music 唔錯👍🏻😂❤❤❤❤
我喺英國讀書踩單車返學好開心，跟住就萌生咗想返香港嘅時候都踩單車代步，然之後突然間醒起我住柴灣🙂
我都日日踩單車返工，但係喺德國，一個每人都有單車嘅國家，至於喺香港…… 好危險，無單車線又無parking
上落大踩唔掂,有電輔助又唔比用,咁啱全條平路又少轉右都可以諗下,生命誠可貴呀
用片中例子,最後單車又唔係快左,結論係多舊魚,單車係好,都要睇現況,片中條路完全唔適合,平路幾km左右就OK,代替幾個站果D距離
中間位,電單車本來係非常好既返放工交通工具,唔會點塞住馬路,泊車又唔阻地方,只可惜比抄牌玩死左
+1踩單車開工 , 3,
FD話踩單車返工時間同你開車相差唔係好多
信手可以做運動 ... 就開始左踩單車😂
單車唔洗油錢 唔洗停車場費
個人絕不鼓勵係香港市中心跨區踩單車！最大原因歷來以久都冇為單車使用者作出規範！一般冇車道駕駛經驗絕對係非常危險！二來天熱潮濕下更辛苦！邊個願意帶成身汗水到公司呢？所以極不鼓勵，祗可在郊區有單車徑上還可接受咯！
15:28 行人過路處個問題，單車應該跟一般車輛做法，即係有行人去出路面就停車等。理論上你單車直過唔合法
19:17 可能賞花杏仁露推架車上山無咁辛苦
21:18 用腳踩
其實考慮過電單車，浸過P牌就可以上Highway會方便唔少，雖然泊車無單車咁自由，但都比4鹿易搞
單車無王管先係問題，守規矩還好，橫衝直撞就害人害己
10：00 配樂好正
真係，想知歌名
有D懷疑而家有幾多香港司機知道Herman 所講嘅手勢🤔另外香港人太心急，車流太多，仲有無車牌嘅人踩單車會好蝕底
有埋BGM~Chill!
荃灣西-黃金海岸經常踩放工…快過搭車
但係帶埋個袋返工成身汗😢
@@Whysose6882 翻工少踩，公司近政府體育館可以沖涼…
通常坐巴士翻工，單車摺埋入袋可上巴士，放工踩翻屯門，翻到屋企沖涼
@@Whysose6882要hea住踩，比力好快爆到成身汗
夏天又熱又晒踩死人
11:26 嘩呢個shot好好j
19:00 柴斜（柴灣道）梗係刺激啦 😂😂😂 落斜十分輕鬆 😎👍🏻👍🏻👍🏻
其實都要睇踩單車嘅人係咪自律，試過等紅綠燈過馬路，行人燈係綠色，行左兩步左手邊突然有單車衝出黎😡，好彩我dup 得切，但都比佢撞到隻左手😢
佢淨係停左一下望吓我，sorry 都冇句🤨，反而係旁邊嘅人問我有冇事咋
我有時都係踩單車放工！不過係用locobike 不過全程都有單車徑 佩服踩出馬路嘅人
早排都試過膽粗粗由屯門踩單車去新蒲崗返工，2個鐘，返到公司好精神，不過真係星期六＆冬天限定🤣
啲留言嚇死人，有車有錢就是王道其他人理得佢死，果然繼承咗占占占人嘅自私自利思想主義，唔阻各位司機大佬聽日飆車開工搞好香港喇🤗
係因為太多單車人唔守規、所以普遍都這樣
其實香港道路改建空間好有限 最好的方法係將某啲路直接行人化 唔俾車行 咁先俾到多啲空間車同行人
新市鎮：單車
舊區：電單車
真正最勁係電動單車,係油尖旺深水埗橫衝直撞,高速,甚至衝燈,D人過緊馬路都可以照衝,仲要好高速,南亞電撚呢D真係正仆街,隨時搞出意外又對其他電單車車手/單車/真步兵好唔公平
之前坐的士 親眼望住司機撞低單車友 然後開車走😂
Tony 好勁！我都係差不多每天 踩單車commute人士！平日返工只係3-4K路而且平地！間唔屎先踩出城辦事！我住的城市連過斑馬線都要加倍小心，踩多車的馬路真係仲驚驚！
Great to hear! I consistently cycle for 30 minutes (1 hour return) to commute to work in London 2/3 times a week, and I've noticed a significant improvement in my overall health.
香港好細。如果可以用騎單返工。係不會慢過其他交通工具😅
11:54 google map有得較唔行快速公路，咁就可以跟返馬路路線行，唔洗跟行人路路線
其實在坑黨踩單車的限制都有很多, 如果能在1些地方, 位置或路段放寬1點限制會比較好, 例如大埔道呈祥道那邊就應該要放棄給單車踩在行人路上, 行人不多, 不用製造塞車, 雙方駕駛也沒那麼危險, 而且好多行人都喜歡長時間走/跑在車徑上, 其實有單車徑等於無單車徑, 倒不如乾脆點2合為1將路面全部車路化, 然後再規定行人只能走在2邊路旁還比較好, 外國都已經陸續這樣來做節省土地, 當然是有清楚規劃行人與單車, 越界出事故行人還需要負全責或部份責任而不是坑黨這樣由限定由駕駛者要否負責
我都踩單車返工幾個月 幾正
利申係倫敦zone3 去zone1
9:30 其實呢度講得好好
所以我踩單車出馬路傾向踩中間
當然駕駛者會小我係單車X
但大佬阿你高速衝去我隔離其實我仲驚過你
特別係香港路好多泊車L，我靠左讓車又終需踩番出去，但一讓左又要等一大堆車先cut得番出去，大佬阿我有時都趕時間嫁
最後建議（包括Milk員工）踩出馬路記得幫單車裝倒後鏡，好用的東西，能有效幫你在路上做出正確的安全判斷
你快過部車咪得囉，唔通要人開20就你？？
自己都知道危險啦，香港道路設計根本冇準備比單車行駛
我都支持單車和電動滑板電動單車友善,但問題是香港馬路很危險,汽車太快,加上香港好多司機唔文明嘅行為,我明白單車有路權所以我都覺得如果有必要踩馬路時係支持的，但我支持開放埋行人路踩車,外國都係一樣可以行人路踩車，人多就自行減慢車速，呢啲係好正常嘅常識， 而且香港大部份行人路都是很少人行係好浪費, 人地新界好多喺行人路踩反而得到市民認同亦冇人阻止，而且好多行人路有空間設一條路專比呢類車用,宜家個法例太落後了逼死單車和電動車人士，環保人士，大家要多啲向運輸署，環保處郵寄，佢地先會更加重視，得我一個人能力有限
香港對單車不友善，都係先天問題🥲
大家都急住開工
笑死
你有揸車就會明單車友好黑人憎
行人路絕對唔俾踏的王法，
不管你讓唔讓，俾牙SIR用暗影法現身...
@@jesusisdabest 唔係單車佬鐘車踩出馬路
都係法例逼架
有得選擇我會踩出馬路冒著比車撞既風險？
支持單車發牌+掛牌+三保, 共同維護道路安全
好欣賞好似片中的單車手的單車人士，因為香港多了好多任我行的騎單車人士，其實無論對行人定駕駛人士都是非常危險！
所以其實除了建立一個單車友善的地方，是要更多人了解單車使用者的規矩。
亦都很需要更多駕駛人士對單車使用者的尊重同規則。
柴灣道其實間中都有人踩單車, 見過有單車車隊練車, 不過可能唔係繁忙時間
覺得Tony講嘢個feel有啲似Chloe😂
單車友唔友善絕對唔止咩五大
司機想唔想隊死你
拍係屋企鎖實晒都會比人偷
呢啲先係重點
香港泊街半個鐘比人剪左，單車徑踩得慢，又比車L凶
冇啦，香港啲urban planning 真係⋯⋯🙈🙈 正苦班planner 又唔係做planning，私人嗰班又只係識吹呃 $ 講理念 ，片中嗰個都⋯⋯😆😆
就算單車幾方便都無用, 我都係有揸電單車, 同時係單車愛好者, 見盡馬路上D西人, 會特登玩你嚇你夾你, 大車恰細車, 所以繁忙時間踩跟本好危險, 馬路上太多癲佬,
要攪到單車城市, 首先要由細教育, 其實好應該參考日本既單車文化, 人地連踩上行人路都合法,
而家好應該更新下過時法例, 單車徑又唔係道道有, 好多時行人都成日行單車徑, 未又係咁踩, 都係互相禮讓, 又可以減少出馬路機會
唯一建議最需要係立法考左電單車牌先可以出馬路, 因為而家D單車越黎越快, 電動車仲可以跟上汽車速度, 而且學識左交通例, 咁樣對所有人先安全D
係, 呢個係人種問題
先唔講考左牌嘅話做咩仲要踩單車返工，考個牌順順利利都要等年幾時間仲要比成萬，而且26牌嘅考嘅內容同單車一啲關係都冇
考左牌入油就唔駛錢? 人地鐘意踩返工係人地自由, 你覺得無需唔代表人地無需要, 人地都可以話你用單車運動做咩要踩馬路? 要排期又如何, 考牌係為左保障駕駛者同路人安全, 而家D電動單車同電單車跟本無分別, 其實以前電單車一樣無牌都揸得, 出太多意外就有需要加入考牌制度, 最大問題就係單車駕駛者無牌, 好多都未學識交通規例, 以為無扣分罰則就會左穿右插, D行人過緊馬路都照車埋去, 網上有好多路權L撞人片, 攪到單車神爭鬼厭, 如果我唔係考左車牌, 攞左路面經驗, 考過交通例, 我真係唔會踩落馬路害人囉@@FenixYuk
@@毅然送廳 入油真係好平，150/300羊返工平過巴士。你都搞唔清一樣嘢就係一個政策執行唔到嘅話係無意義，而家電動單車行馬路又好，普通單車撞人又好逆線大地任我行又好，通通都有既定嘅法例規管通通都係唔合法，請問佢哋有消失嗎？ 立法規定咗單車要考牌請問邊個去執行呢，你覺得啲人會去考牌咩？
小朋友, 可能我揸26果陣你仲歙緊奶, 除左入油, 一年既洗費加埋比起, 一定係搭一年巴士平, 仲有拍街失竊既風險, 唔見左最多都係十萬八萬, 無話負擔唔起, 但又唔係一定必須, 踩單車代步原因可以好多, 唔一定因為錢問題, 可能為瓖保, 可能為健康, 可能唔想同人迫巴士地鐵, 至於政策執唔執行到就係睇時間既姐, 所有法例本身都係開始出問題時就會開始, 有權利就有義務, 當開始俾人玩串晒太過份就會做野, 如果有左法規都唔去考牌, 無事未好地地, 俾人周到就要受靶, 無話有法律就會消失, 唔夠嚴一樣會有人以身試法, 所以先有需要同汽車罰則睇齊, 一樣要有扣分制, 咁先叫做好D@@FenixYuk
斜路係駕駛者最大挑戰及阻力。。。
後追啲留言真係笑爆咀，條片嘅目的就係借香港道路踩單車引申出此舉可行性兼探討香港道路政策嘅盲點，而部分留言者唔係反思政策而係走去檢討提出問題嘅人
面對思緒衝突傾向取易不取難解決而對人不對事，正是華人劣根性，所以華人社會經常墨守成規故步自封，政策同人性都一樣
見到sam,即刻睇❤️
單車出行, 另一個問題係停泊在那！ 放街又有機會被偷😢...
贊成成為單車friendly嘅城市，同時要好好教導單車使用者勿撞燈🚦同逆線行駛，經常見到送外賣係咁，非常危險⚠️亦感無奈。
大驚小怪~
我經常都踩單車返工嘎啦 ~
我全廣州都踩單車 又慳錢又可以鍛煉身體
英國60年代已經有😅
其實多啲單車徑可以減少廢氣排放同身心健康
認同身心健康，但減少廢氣有D成疑，買私家車者，如為家庭需要要例如接送老幼，單車無法取代，如為虛榮更加唔會買單車代替私家車。至於單車代替公交，一部巴士載一百人，即是一百架單車先減到一部巴士的廢氣，咁要建幾多單車徑先減到10％廢氣? 減廢氣反而是加快電車代替油車先係首要，而非靠單車
Sam 單車個seat post 可以較番高d..
14:45唔公道wo
新蒲崗點都坐，106會公平啲囉
你哋要知道港鐵最大股東是邊個？如果比你班友人人都踩單車，邊個坐港鐵？？？你哋唔好咁天真
Mega box呢個燈位我踩摺車都係停過😂真係好老尬。其實前面條街轉右一樣去到出海濱橋底，冇咁多車又舒服。😅
踩單車返工/駁腳..最大問題係好易俾人偷你單車配件..甚至成架單車冇左..
依樣野我親身試過唔少..當時報警都冇用..警察永遠話未必追查到邊個做..
就算政府改善對單車道路規劃...單車始終唔需要考牌同單車唔需要掛車牌..發生意外又冇第三者保險之類.. 人同單車不時有碰撞
另外..由我有車牌經常揸車起..亦周不時見踩單車人士..做D不文明行為.. 衝人像燈/交通燈..主要道路上連群結隊封整條行車線慢行等
最後..講真我唔反對其他人踩單車.. 但要踩單車係任何道路上我覺得最低限度必須上堂..好似考平安咭咁樣隔一段時間要RENEW
我住沙田區，係同區返工，15-25分鐘單車路程，冬天日日都踩返工咁濟，但夏天真係唔得，自己辛苦唔緊要，最大問題係搞到成身濕哂咁入office
我同意需要多些人騎自行車，最低限度在九龍做到。 至於我嘗試騎檔車或者“綿羊”，被迫而為（後來因為練習時摔車骨折而被迫中止，目前集中火力搞好VAN仔後再睇）
香港車單有善配套係非常之差,我都成日好想係市區踩但真係唔敢
14:37 搭 116，紅隧口轉 118（往小西灣）
成日都踩10分鐘單車去天水圍站駁腳，早繁有巴士直達但迫到hihi,下繁d巴士要兜大圈
tony勁呀
最好都係買返個單車尾有左右指示燈的搖控，淘寶有得買，
舉一隻手有時未必係安全同穩定的做法
尼集好啊，又学到嘢
其實大家睇單車VS行路, 漏左一樣嘢: 如果摺車咪可以上巴士Law..
因為不是推銷單車牌子, 所以我唔講咩款上到巴士..😀
Brompton XD
B字頭都係好大架繁忙時間好阻到人，上巴士carry me 我覺得係極限
@@FenixYuk 咁我估到你講邊款啦，嗰啲個碌太細啦😂
@@richardtam3960 但係老實講駁腳一流
@@FenixYuk 如果佢平一啲, 又唔會生锈, 我已經入左一架了..但鋁果架我唔信佢..
As a person living in the Netherlands, cycling is like breathing, we do it naturally. The best example I can give is when students go for a beer run, we have crates of 24 bottles of beer, stacked on the front and back luggage carriers, and still ride like its nothing.
Unlike Netherland, we here in Hong Kong don't have roads design to be cycling-friendly. It's chilling in Netherland while in Hong Kong it's more of a thrilling experience roaming the road.
@@Col3Jaeger I know, I have been to hong kong loads of times and I have lived there for a few years. The road situation there is a lot more hectic I give you that, and also in the kowloon area there not a lot of bike infrastructure
香港果密度本來就唔適合單車，片中講鐵路同單車結合，你試下繁忙時間，一大堆人推單車入地鐵試下😅
完左依條片一定多左好多人踩出馬路👏👏
Good topic thank you MM
冬天就話算ok, 夏天又晒又熱, 三十幾度返到公司要沖涼
我係支持踩單車架！不過請單車嘅朋友上馬路之前考返個車牌，買保險同埋掛住個車牌方便檢控先！
如果去石澳，踩柴灣道係必經之路，不過平日無乜人會踩個到，太多車
我都試過踩單車返放工，屋企住九龍東，返工返港島西，連續踩咗兩個月，唔再踩落下係因為……落雨！
有踩開都好 最難係計條少車又安全既路黎踩 香港人咁鐘意番工朝早呢啲時間特別燥
非常好內容🎉🎉🎉
去咗英國住，日日都要踩單車番工，來回差唔多10miles，踩咗差唔多成年，最誇張見過有架貨車小路出大路，睇都冇睇就衝出嚟，幻想唔到香港咁多車點踩到單車番工