ฝัง
- เผยแพร่เมื่อ 18 ธ.ค. 2024
- Оңтүстік Қазақстан индустриялды-инновациялық колледжінде 2 жылға Студенттерді басқару Парламентінің кезекті сайлауы өтті. Сайлауға 7 кандидат іріктеліп түсті, олар студенттер арасында өз жобаларын насихаттап, екі апта үгіт жұмыстарын жүргізді.
Сайлау күні білім ордасы ғимаратының 4- қабатында орналасқан конференция залында бюллетень тастайтын жәшік орнатылып, сайлаушыларға бюллетень тарататын 5 ұйымдастыру алқасы тағайындалды. Дауыс беру таңертеңгі 09:00-ден кешкі 17:00-ге дейін жалғасты. Дауыс беруге колледж студенттері белсенді қатысты.
Сайлау нәтижесі бойынша басым дауыс жинаған 1401000 - «Ғимараттар мен құрылымдарды салу және пайдалану» мамандығының 3 курс студенті Тортай Әділет Асилханұлы жеңіске жетті.
«Студенттік парламент» білім алушылардың өзін-өзі басқару органдарын дамыту тұжырымдамасы негізінде құрылып, біршама міндеттемелерді орындау жүктеледі. Олардың қатарына жастар саясатын жүзеге асыру, студенттік ортаның ұстаздар мен университет басшылығымен тығыз байланыста болуын қамтамасыз ету, университет студенттері арасында ұжымдық мәдениетті қалыптастыру, студенттердің әлеуметтік өмірге белсене араласуына, саламатты өмір салтының жастар арасында маңызға ие болуына, студенттердің жастар ұйымына мүше болуына, қоғамдық жұмыстарға белсене қатысуына ықпал ету секілді көптеген мәселелер кіреді.
