«Студенттік өмір - игі өмірдің бастауы!» атты XI студенттерді қабылдау салтанаты

Қазақстан Республикасы Тәуелсіздігінің 30 жылдығы, Оңтүстік Қазақстан индустриялды-инновациялық колледжінің 10 жылдық және ЮКМЗ АҚ 90 жылдық торқалы мерейтойларына орай, оқу ордамыздың төрінде 04.10.2021 жылы «Студенттік өмір - игі өмірдің бастауы!» атты XI студенттерді қабылдау салтанаты өткізілді.
Шара шымылдығын колледж директоры Нұрекенова Нұргүл Жақсылықққызы ашып берді және мектеп қабырғасын түлеп ұшып, саналы өмірдің ең бір шаттыққа толы кезеңі - Студенттік жылдарға аяқ басқан білім алушыларды ыстық лебізімен құттықтады.
Мерекелік кеште бітіруші-белсенді озат студенттер 1-курс студенттеріне салтанатты түрде дәстүрлі сынақ кітапшасын және Білім кілтін табыстады, өз кезегінде 1-курс студенттері арасынан озат студенттер шығып, колледж абыройын асқақтатуға, зор жетістіктерге жетуге ант берді. Сонымен қатар, колледждің талантты жастары сахна төрінде жиналған көрермендерге көтеріңкі көңіл күй сыйлау үшін бар өнерлерін ортаға салды.
Студенттік шақ - әр адамның өмірінде өшпес із қалдыратын, ұмытылмас естеліктерге толы ғажап кезең. Бұл кезеңнің қызығы мен қиындығын студент деген атты иемденген адам ғана біледі.
Құрметті І курс студенттері, білікті маман жолына басқан қадамдарыңыз құтты болсын! Өмірлеріңізде ойып тұрып орын алатын ең керемет кезеңдеріңіз тек естен кетпес оқиғалар мен жетістіктерге толы болсын!