Melthodhaye Musical/ Ḥašo/ 09 Šabṯo d-Nuhro (Holy Saturday)
0:00 Violin
1:10 Suġiṯo (1)
2:04 Suġiṯo (2)
2:58 Suġiṯo (3)
3:53 Suġiṯo (4)
5:01 Suġiṯo (5)
6:02 Suġiṯo (2)
CREDIT
Producers: H.E. Severios Roger-Youssef Akhrass; Rev. Fr. Samuel Issa; Maestro Aboud Zino
Leadsingers: Rev. Fr. Samuel Issa; Carla Ramia
Choir Leader: Aboud Zino
Choir Boys: The Syriac Orthodox Choir of Zahle (Aboud Zino; Fadi Zino; Joseph Zino; Tony Zino; Fr. Jack Hanna)
Choir Girls: Carla Ramia’s Choir
English Translation: Francis Acharya; H.E Severios Roger Akhrass; Murad Saliba Barsom; Sebastian Brock (9); Bede Griffiths; Baby Varghese; J. Edward Walters (4); Thomas Joseph; Mike Wingert; Benjamin Yanik
Arabic Translation: H.E Severios Roger Akhrass
Studio Media Sound: Mario Nakouzy
INSTRUMENT
Oud: Aboud Zino
Nay: Raed Boukamel
Qanoun: Jihad Assaad
Daf: David Stephan
Contrebasse: Bassam Saleh
Viola: Raymond Nassif
Violin: Antoine Khalifé; Naji Azar; Mohamad Breft
Sponsor: Melthodhaye
ܣܽܘܓܺܝܬܳܐ ܥܰܠ ܟܪܽܘܒܳܐ ܘܓܰܝܳܣܳܐ
1 ܒܰܙܩܺܝܦܽܘܬܐ ܬܶܗܪܳܐ ܚܙܺܝܬ ܟܰܕ ܓܰܝܳܣܳܐ ܠܡܳܪܰܢ ܩܥܳܐ܇ ܕܶܐܬܕܰܟܪܰܝܢܝ ܡܳܪܝ̱ ܡܳܐ ܕܳܐܬܶܝܬ܇ ܒܗܳܝ ܡܰܠܟܽܘܬܳܐ ܕܠܳܐ ܥܳܒܪܳܐ܀
2 ܐܳܡܰܪ ܡܳܪܰܢ ܕܰܐܘܕܺܝܬ ܒܺܝ ܝܰܘܡܳܢ ܬܶܗܘܶܐ ܒܓܰܢܰܬ ܥܕܶܢ܆ ܐܰܡܺܝܢ ܓܰܒܪܳܐ ܕܠܐ ܡܶܬܟܠܶܝܬ܆ ܡܶܢ ܡܰܠܟܽܘܬܐ ܕܠܳܗ̇ ܚܳܝܪܰܬ܀
3 ܐܳܬܳܐ ܙܩܺܝܦܳܐ ܣܰܒ ܠܳܟ ܘܙܶܠ܇ ܩܠܺܝܕܳܐ ܪܰܒܳܐ ܕܒܶܗ ܡܶܬܦܬܰܚ܇ ܬܰܪܥܳܐ ܪܰܒܳܐ ܕܗܳܝ ܓܰܢܬܳܐ܇ ܘܥܳܐܶܠ ܐܳܕܳܡ ܕܰܛܪܺܝܕ ܗ̱ܘܳܐ܀
4 ܡܶܠܬܶܗ ܕܡܳܪܰܢ ܐܰܝܟ ܣܰܩܪܳܐ܆ ܡܶܢ ܒܶܝܬ ܡܰܠܟܐ ܐܶܬܚܰܬܡܰܬ܆ ܘܰܠܓܰܝܳܣܐ ܐܶܫܬܘܰܫܛܰܬ܆ ܘܫܰܩܠܳܗ̇ ܘܰܪܕܳܐ ܠܓܰܢܰܬ ܥܕܶܢ܀
5 ܫܡܰܥ ܗ̱ܘܳܐ ܟܪܽܘܒܳܐ ܘܰܪܗܶܛ ܡܛܳܐ܇ ܘܰܠܓܰܝܳܣܳܐ ܒܬܰܪܥܳܐ ܠܒܰܟ܇ ܟܠܳܝܗ̱ܝ ܒܰܫܢܳܢܳܐ ܕܰܐܚܺܝܕ ܗ̱ܘܳܐ܇ ܘܟܰܕ ܡܶܬܒܰܠܗܶܐ ܐܳܡܰܪ ܗ̱ܘܳܐ܀
6 ܐ̱ܡܰܪ ܠܺܝ ܓܰܒܪܳܐ ܡܰܢ ܫܰܕܪܳܟ܆ ܘܡܳܢܳܐ ܒܳܥܶܝܬ ܘܰܐܝܟܰܢ ܐ̱ܶܬܰܝܬ܆ ܘܰܐܝܕܳܐ ܥܶܠܬܳܐ ܩܪܳܬܳܟ ܠܟܳܐ܆ ܓܠܺܝ ܘܦܰܫܶܩ ܠܺܝ ܡܰܢ ܫܰܕܪܳܟ܀
7 ܐܳܡܰܪ ܐ̱ܢܳܐ ܠܳܟ ܡܰܢ ܫܰܕܪܰܢܝ܇ ܟܠܺܝ ܠܰܫܢܳܢܳܟ ܘܡܶܠ̈ܰܝ ܫܡܰܥ܇ ܓܰܝܳܣܳܐ ܐ̱ܢܳܐ ܘܪ̈ܰܚܡܶܐ ܒܥܺܝܬ܇ ܘܡܳܪܳܟ ܫܰܠܚܰܢܝ ܕܺܐܬܶܐ ܠܟܳܐ܀
8 ܓܰܝܳܣܳܐ ܗ̱ܘܺܝܬ ܘܶܐܬܚܰܠܦܶܬ ܘܠܐ ܗ̱ܘܳܐ ܕܶܐܓܢܽܘܒ ܐܶܬܺܝܬ ܠܟܳܐ܇ ܩܠܺܝܕܳܐ ܕܰܥܕܶܝܢ ܗܐ ܐܺܝܬ ܥܰܡܝ܇ ܐܶܦܬܰܚ ܘܶܐܥܽܘܠ ܘܠܐ ܐܶܬܟܠܶܐ܀
9 ܕܚܺܝܠ ܗ̱ܘ ܐܰܬܪܳܐ ܕܶܐܡܰܪܬ ܠܺܝ܇ ܥܕܰܡܳܐ ܕܡܳܪܳܟ ܩܰܝܣܳܐ ܪܟܶܒ. ܘܪܽܘܡܚܳܐ ܕܚܰܫ̈ܶܐ ܗܽܘ ܩܰܒܠܳܗ̇܇ ܘܰܫܢܳܢܳܟ ܬܽܘܒ ܠܐ ܩܳܛܠܳܐ܀
10 ܘܳܠܶܐ ܕܬܶܪܓܰܫ ܕܗܳܟܰܢ ܨܒܳܐ܇ ܡܕܰܟܶܐ ܛܰܡ̈ܶܐܐ ܕܥܰܡܝ ܢܶܙܕܩܶܦ܇ ܕܒܰܕܡܳܐ ܕܺܝܠܶܗ ܗܽܘ ܚܰܠܠܰܢܢܝ܇ ܘܰܠܦܰܪܕܰܝܣܳܐ ܗܽܘ ܫܰܕܪܰܢܝ܀
11 ܙܶܠ ܠܳܟ ܥܺܝܪܳܐ ܘܺܝܠܰܦ ܚܙܺܝ܇ ܕܦܺܐܪܳܐ ܕܚܰܝ̈ܶܐ ܕܰܒܓܰܢܬܳܟ܇ ܗܳܐ ܒܓܳܓܽܘܠܬܳܐ ܫܒܰܩܬܶܗ ܬܠܶܐ܇ ܕܢܶܥܽܘܠ ܓܶܢܣܰܢ ܘܠܐ ܢܶܬܟܠܶܐ܀
12 ܚܰܘܒܬܐ ܦܪܺܝܥܐ ܟܪܽܘܒܐ ܫܡܰܥ܇ ܘܗܳܐ ܒܰܙܩܺܝܦܳܐ ܐ̱ܫܛܳܪܳܐ ܩܒܺܝܥ܇ ܘܒܰܕܡܳܐ ܘܡܰܝ̈ܳܐ ܡܳܪܳܟ ܠܚܳܝܗ̱ܝ. ܒܨܶܨ̈ܶܐ ܬܰܠܚܶܗ ܘܠܐ ܡܶܬܬܒܰܥ܀
13 ܛܪܺܝܕܳܐ ܦܢܳܐ ܠܶܗ ܠܘܳܬ ܐܰܒܽܘܗ̱ܝ܇ ܕܪܳܥܝܐ ܛܳܒܳܐ ܢܦܰܩ ܐܶܫܟܚܶܗ܇ ܠܥܶܪܒܳܐ ܕܰܛܥܳܐ ܡܶܢ ܓܰܢܬܳܐ܆ ܥܰܠ ܟܰܬܦ̈ܳܬܶܗ ܛܥܶܢ ܙܰܝܚܶܗ܀
14 ܟܢܳܬܳܟ ܐܶܢܐ ܘܚܰܕ ܐܺܝܬ ܠܰܢ܇ ܡܳܪܐ ܕܓܰܘܳܐ ܐܳܦ ܠܺܝ ܘܠܳܟ܇ ܘܪܳܡ ܫܽܘܠܛܳܢܶܗ ܡܶܢܳܟ ܘܡܶܢܝ܇ ܘܠܳܐ ܕܳܚܶܠ ܐ̱ܢܳܐ ܕܗܽܘ ܫܰܕܪܰܢܝ܀
15 ܪܰܒ ܗ̱ܽܘ ܘܰܫܒܺܝܚ ܚܢܳܢܶܗ ܕܡܳܪܝ̱ ܘܪ̈ܰܚܡܰܘܗܝ ܣܰܥܪܽܘܢ ܕܚܽܘܒܶܗ ܥܨܳܝܗ̱ܝ܇ ܐܳܘ ܪ̈ܽܘܚܳܢܶܐ ܥܰܡܰܢ ܚܕܰܘ܇ ܕܶܐܬܚܰܠܰܛܢܰܢ ܥܰܡ ܓܶܢܣܟܽܘܢ܀
16 ܬܰܘܕܺܝܬܳܐ ܠܳܟ ܕܰܒܡܶܠܬܳܟ܇ ܥܰܠ ܓܰܝܳܣܳܐ ܠܓܰܢܰܬ ܥܕܶܝܢ܇ ܘܣܰܒܪܳܐ ܛܳܒܳܐ ܠܳܐܕܳܡ ܗܘܳܐ܇ ܘܰܦܢܳܐ ܠܰܐܬܪܳܐ ܕܡܶܢܶܗ ܢܦܰܩ܀