خالد ال بريك - هبوب الشمال 2023 حصرياً
ฝัง
- เผยแพร่เมื่อ 6 ก.พ. 2025
- هبوب الشمال
هبت اللي كل ماجات صوبي من شمال
قمت انطّح صدري المهتوي لـ اهبوبها
لابديت اجر صوتي ورجعت العقال
جات عصماً تبهر المستمع فـ اسلوبها
من قديمات الليالي لْـ جديدات الليال
مانلبّسها بثوبٍ .. ماهوب ابـ ثوبها
شآعرٍ موهوب وابدع ليا جالي مجال
اخطف عقول الاوادم واخَطف قلوبها
بين بيتٍ قلته البارح وبيت ارتجال
قلتها وانا عجل والعرب غنوا بها
وجد روحي كل مالشمس مالت للزوال
قمت افكر في دهاليزها ودروبها
به دروبٍ للهدايه ودربٍ للضَلال
والله اللي يهدي الناس في ماجوبها
من بغى صافي الاجابه يقدم لي سؤال
ولا يفكر في نجاحاتها .. وارسوبها
اعتزلت الشعر والناس وطال الاعتزال
لين وَصْلت دعوةٍ صاينٍ مكتوبها
محفلٍ عواقبه ضحك سن وشرح بال
من شمال الدآر نآتي له و جنوبها
عند مدهال الطراقي كريمين السبال
ال محيثل والنعم دايمٍ مكسوبها
هم بشر ربي ولكن على هيئه جبال
ذكرهم يذكر مع اهل الوفى ويجوبها
يابو رآشد والحقيقة لزوم انها تقال
شمس فعلك شارقة مانعرف اغروبها
انت من كثر التجمّال في عيون الرجال
ما تغارب يوم اشوفك تجي محسوبها
يارفيقي وانت واقع واقرب للخيال
ثابتٍ يوم الليالي يفر دالوبها
ايْه عبدالله ولد راشد اللي قال وطال
صاحبي يوم ان الاصحاب من مصحوبها
ستر نقاض الجديلة وشوق ام الدلال
مقصد البلشان لا قفّلت بـ اكروبها
محزمه يوم الليالي وديعة للهوال
ذا محمد والمراجل غدا محبوبها
ياعيال الشايب اللي اشهد ان عنده عيال
كل مآشنّت ليال الشقى قالوا بها
راشد اللي لازما الوقت فوق الوقت عال
شآيبٍ يحفظ مقآمه لاحل اوجوبها
الغريري فالحمايا سريع الاشتعال
كم نفسٍ في نهار اللقى ضحوا بها
يوم للغارات سطوة وللجيش اجتوال
ويوم الانفس بين سلّابها ومسلوبها
حولوا لاد الغريري على روس الطوال
في محلٍ والمنايا غدت مشروبها
لارتهب من يرهب الناس من ضرب السلال
ساعةٍ ما للحرايب سوى مندوبهاا
قصر سلمى ي الجميلات هو مضرب مثال
قصركم خلا الخصايم تشق جيوبها
ماحماها كون صفوة مداغيش العيال
سربةٍ فالهوش ماحيّدوا مطلوبها
ياهل القصر المسمّى ، حميدين الخصال
يشهد الهدّار وقع النشامى فـ طوبها
ايه يالاد الغريري يوم ان الحظ مآل
وقفةٍ منكم تعدل البلد واشعوبها
قلتها مبطي وانا صادقٍ وَلاَ أزال
التغالب فاللقى ماتضيع ادروبها
تغلبٍ من نسل وايل عشاشيق المحال
يشهد التآريخ في سلمها واحروبها
من لقى روحه مفادي وعظم جنبه اجلال
لا يحارش من يروس العرب وينوبها
ياسلامي عد ما هل مزنٍ من اخيال
خيّل الابل والدوآسر فنا مغلوبها
لا زعلتوا تزعل الارض وكن فيها اختلال
ولارضيتوا سال مزن و نبت نبنوبها
قالها اللي مايجيب البيوت الا جزال
يبدع بمنكوسها ويبدع امسحوبها
كلمات :
عبدالرحمن بن فهيد
اداء :
خالد ال بريك
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#هبوب
#الشمال
#خالد_ال_بريك
