TALAMBUHAY NI DR. JOSE RIZAL - Kompletong Detalye (Panitikang Filipino)

Ang Talambuhay ni Dr. Jose Rizal
Si Jose P. Rizal na may buong pangalang José Protasio Rizal Mercado y Alonso Realonda at ipinanganak nong Hunyo 19, 1861, ay ang Pambansang Bayani ng Pilipinas na lumaban sa mga kastila sa pamamagitan ng kaniyang mga nobelang Noli Me Tangere at El Filibusterismo noong panahon ng pananakop ng Espanya sa bansa. May angking pambihirang talino, siya ay hindi lamang isang manunulat ngunit isa ring magsasaka, manggagamot, siyentipiko, makata, imbentor, iskultor, inhinyero, kuwentista, lingguwista, at may kaalaman sa arkitektura, kartograpiya, ekonomiya, antropolohiya, iktolohiya, etnolohiya, agrikultura, musika (marunong siyang tumugtog ng plawta), sining sa pakikipaglaban (martial arts), at pag-eeskrima.