بالنسبة لي مايعرفونيش معاكم أخصائية نفسية ✨ متخصصة في اضطرابات النفسية و العلاقات الاجتماعية ❤ نحاول نوصل الرسالة للنساء و نساعدهم على تغير نظرتهم لأنفسهم ❤
@@nayalifestyle اني رايحة نقلك حاجة بصح ماتفهمينيش بالغالط اذا ممكن ليتخرج في يوتوب تقول راني قارية علم النفس والله غير حرت ممكن ديري فيديو علي هاذا لموضوع كيفاش نعرفو لقارية صح وليتتمسخر بينا باش نديو معلومات صحيحية واكرر اعتذاري
حبيبتي نصائح روعة انا عايشة مع راجلي الحمد الله أما حاجة وحدة مقلقتني في حياتي متعبتلي نفسيتي هيا دراري أمنيتي يرزقني ربي بطفل ولا طفلة تبدلي حياتي ادعولي لبنات
الله يفتح عليك انا 6 بلا دراري كان عندي تكيس مبايض درت صيام متقطع وحجامة وداومت سورة البقرة يومياً وحمدو لله راه عندي بنوتة مشاء الله والعاقبة ليك ياربي وتفرحي
يظهر جليا أن زوجك متفهم وهو الذي يعطيك هذه الطاقة الإيجابية التي تتكلمي بها و الرجل هو من يصنع المرأة .الله خلق حواء من ضلع آدم أي من جناحه و تحت حمايته و الفاهم يفهم...
يعطيك الصحة، هادي باينة راجلها مريحها ومساعدها وعايشة مهنية، ويجي يقولك المرأ هي كلش، المرأ لو كان غ تسمع كلمة تشكر تزيد فيها النص و العكس ادا دارت فوق طاقتها ومالقاتش حتى نتيجة والله غ تكره وتمل تولي عايشة على جال ولادها، المرأة مثل الوردة ادا سقيت بالحب والحنان تفتح وتعطر كل من حولها بصح ادا اهملت تدبال بشوية وتموت
@@Justsilva78 علبالي ميتبدلش كنت نسكتلو بزاف ونخاف ومندافعش على روحي كنت كي لبهلولة ودك بدلت معاه العقلية هو وتخلع فيا ولا يتشوكا من هدرتي واجوبة نتاوعي وراني صابرة على جال ولادي
لا لا حبيبتي انا ما نقولش للمراه تغير من اجل الزوج بالعكس المراه تغير من اجل نفسها ترضي نفسها بدرجه الاولى تسعد روحها تحب روحها قبل كل واحد في هذه الدنيا ارضاء الناس غايه لا تدرك نفس الشيء بالنسبه للزوج ارضاء راح يعييك لهذا كل وحده تسعى لاسعاد نفسها فقط وبعد ما تفرح هي وتكون نفسيتها مرتاحه راح تقدر تمد الكامل العائلة
أن شاء الله أنا وحدة من الناس مرييت بظروف يعلم بيها ربي سبحانو ملي تحرقت داري وأنا المورال زيرو النفسية كلش طلقت روحي خلاص😢بصح قريب نولي لداري وإن شاء الله نولي بقوة ههههه😅
من الاخير المرأة لازم تكمل قرايتها وتخدم على روحها الوقت صعيب صعيب والراجل مايرحمش أبدا أنا حابة نفهم علاش يحبو يتزوجو بنات الناس ويعدبوهم ويتلدد بالتعنيف والخيانة وووووو علاش حتى يبني اسرة ويحب يفركتها لبنات حداري لازم تتكلي على دراهمك جامي تتكلي على الراجل
كلامك جميل وصحيح فقط نزيد نقطة الزواج شراكة لازم كل طرف يقدم لهذي العلاقة الأنثى بشر تحتاج الاحتواء،الكلمة الطيبة ،انو الزوج يمسح على راسها ويبينلها انو معاها فتحس بالامان،غالبا الرجل هو لي يتغير بعد الزواج ،اما المراة بالعكس كلما تلاحظ الحب والاهتمام من طرف الزوج تحب تزيد تقدم تحب ديما تشوف هذيك النظرة في عنيه تاع الاعجاب ،فالمراة تعطيها القليل لتغرقك بالكثيييير
كلامك رائع وميزان صراحة لقيت كل اجوبتي بين سطور حديثك صح كتبت اهم النقاط لي خصني نخدم عليهم شكرا ممتنة ليك 🌹♥️♥️ على هذا العطاء متتبعة وفية ليك واحبك في الله
صراحة العمل هو العائق بين الزوجين مستحيل تتفرغ العاملة لحياتها الزوجية خاصة الاستاذة يعني يعييا النظام مهم ولكن انت غائبة وفي المنزل موظفة تكملين عملك هكذا يقولو
قناة مليئة طاقة ونصائح قيمة أحسنتي من فضلك أنا إنسانة نخاف الريح والرعد ب اف بزاف لدرجة نعس فالسماء كل يوم بش تنصحوني لبنات وانت بالدات ان شاء الله تقراي تعليقي وواصلي برافو ❤
صدقيني اختي كاين رجال مهما تعملي معاهم مكيش مليحة كون توكليلهم لحمك وتشربيلهم دمك مكيش مليحة انا راجلي كل المعاملات اللي نتعامل معاه مليحة بسح هو ميش شايفني طول يحوس غير على السبة باه يطلقني حسبي الله ونعم الوكيل في كل راجل ظالم
كيف كيف انا كنت نلبس و نشبح كلمة حلوة مكاش و خلي التحشام و التجاهل و زيد قالي نحس بالجفاء من جهتك مع أنا شابة و مكملة قرايتي وشغلي و طيابي الله يبارك كي دخلت في اكتئاب قالي تبدلتي دوك مات فيا كلش الواحد صابر غير علجال الدراري الحق دوكا ولا مليح حسيتو ولا حنين عليا و يعذرني بصح حاجة فيا ماتت ما قدرتش نولي كما كنت مهمها حاولت
الى كل رجل يبحث عن السعادة والسكينة والطمأنينة اتبع السنة النبوية واحرص على العبادات ولاتترك المساجد عش مع الله وبروالديك واسعدهما وقف إلى صفهما إن كانا على حق وانصحهما إن كانا في ظلال وهتم بزوجتك فهي طاقتك أن كسرتها فلن يهنىء لك عيشا ولن تبني أسرة متوازنة ويحدث اظراب لدى الأبناء بسبب الإظطراب الدي تعيشه الام لذلك حاول أن توفر البيءة السليمة لتنشءة اسرتك ولو قررت الابتعاد عن الأقارب ولاكن ليس التخلي عنهم ففعل والمهم أن تربح أسرة سعيدة وربي يصلح القلوب😊
انت هي طاقة الإجابية مرة تدابزت مع راجلي وووو و كي طحت مع وحد الفيديو من تاعك تقولي ربي بعثك ليا الحمد لله تبدلت و تبدلت عقليتي والله وليت نحب حياتي كثر من تماك درتلك أبوني و نقارع غير ف الفديواتك حتى لحقت نتيليشارجيهم و نشوفهم و نعاود❤
الرجل الجزائري تسكتي يقلك سامطة تتمجني يقلك براكي من لياعة راكي كبيرة تضحكي يقلك ماكش سريو اكبري شوي تكبؤي شةي يقلك تقول راني مع عجوز 😂ديري لمبيونس يقلك ولاد نساء و رجالة عيب لي ديريه توالهم تماكي بابا يشوف و يما ماتشتيش ياك تعرفي تاغ بكري تخرجي لرسطورو معاه ولا لبيزيريا يحشرك في الحيط في لطاج دوزيام في القرنية نفس يروحلك كي يجي مخرجك يخرجك على الباب لوراني نعلبوها معيشة مع الجزائري حشا البعض😅
ههههه و الله ضحكتيني 🤣🤣🤣 لهذا حبيبتي كي تحبي تعيشي عيشي لنفسك لا لزوجك حبي روحك و متخليهش هو كل شي في حياتك الدنيا عمرها و لا تحبس على راجل و لكن لحياة تتوقف اذا عيات نفسيتك
اختي حبيبتي ابدي بروحك كي تنوضي توضاي صلي الفجر وقراي قرآن وبعدها مشطي شعرك وماكيي خفيف خفيف ولبسي حاجة مليحة عاد قلعي للشغل وصوالح خرين والله الشغل يا ختي ما يكمل
عندي مرض هوس نتف الشعر جربت كل الطرق نتخلص منو بدون فايدة و شكل شعري لي مكانش قاع يعني فرطاسة اثر على حياتي الزوجية و نفسيتي وشكلي محتاجة مساعدة نشري بيروك طبيعي
الله عليك ❤ كل فديوهاتك نصائح جميلة وطاقة ايجابيه رغم اللغة شوية صعبة بعض الكلمات لكن مفهومة ومفيدة ولاني بحب المطبخ حتى الصور ف الفديو يعطي طاقة إيجابية وبحب نصايحك جدآ جدا شكرآ جزيلا سودانية معجبة ❤️❤️🎉
كلشي عندك ساهل لخاطر أولادك عندك لشدهملك مرة عند أمك مرة عند عجوزك .لخاطر قراب ليك.بصح كون جاو قاع النهار لاصقين فيك وميخلوكش قاع تتنفسي والله قاع متعيشيش هاد الأجواء .بصح أنتم بزاف أمور مسهلتلكم حياتكم وجو على اليوتيوب تنصحونا .أعطونا الأمور لمسهلتلكم حياتكم والله غير نديرو أكثر منكم
مش شرط ولادك ما يكونوش باش تعيشي مع زوجك العكس الجزء الأول تاع العشاء والڨصرة ديريه معاه ومع ولادك بعدها دخلي ولادك يرقدو و ادخلي لشمبرتك وكملي سهرتك ،ربي يهنيك
أولا عجوزتي ميتة ربي يرحمها ثانيا بناتي عندي و الحمد لله انا لي قايمة بيهم و ماما ربي يحفظهالي ان شاء الله و يطول في عمرها منحبش نبروفيتي منها رباتنا و عيات خلاص ثالثا هاذ الفيديو مخصص للبنات لحبو يغيرو من حياتهم اذا راك حابة تبقاي تشوفي و متغيريش اقعدي دايما القاي اعذار لروحك لأن الانسان لي يخاف يغير يلقا 100 سبب للهروب من الواقع و بالنسبة لظروف كل واحد يحاول يغير على حساب ظروفو همسة اليوم لتخفيف عن الضغوطات النفسية و تفريغ الطاقة السلبية و كنت انا أول وحدة لقيتها قدامك باش تفرغي طاقتك و هاد الشي عادي الحمد لله قدرت نخرج منك الضغط النفسي حاولي تركزي على نقاط الضعف و صلحيهم و بالتوفيق
@@saoussan9001 ماشي قاع الأولاد يرقدو وحدهم ولا أصلا يرقدو بلا ماترقدي أنت .أصلا كاين بعض الأطفال ميخلوكش حتى تحكي بهدوء وكلام جميل .بسيف عليك تتعصبي كل وقت
@@nayalifestyle لالا يا أختي .مهما كان ظروف الناس مشي كيف كيف .مثلا أنت كون تمرضي وين تخلي بناتك مثلا.ولا تحتاجي كاش نهار باينة كاين لشدهملك.وانا أصلا مقتلكش أولادك قاع الأيام ماشي معاك .يعني وقت تحتاجي نهار اكيد تفرغي نهار ليك ولزوجك مثلا .ولا وحدك مثلا.بصح كاين حتى ولو تمرض معندهاش لشدلها أولادها .يعني باه تريح شوية مع روحها ومكاش. وزيد خاصة الى كانو الأولاد كثيرو الحركة ضلي تجري موراهم وزيد وزيد.مكان حتى عذر الظروف تلعب دور كبير على حياة الناس شئنا أم أبينا
@@nayalifestyle نقلك حاجة ياأختي راني نرد عليك وأولادي راهم يقفزو من الكرسي وينقلبو على رأسهم.مستحيل نخليهم وحدهم بلا منضل نعس فيهم وهذا أكيد يمنعك من بزاف أمور. .يعني حتى عقلية الأولاد تلعب دور كبير باه تخصي وقت ليك ولزوجك
والله يا ختي تبانلي تبانلي بلي مابقاوش النساء لي يعاملو الرجل كمعاملة الأم تاعو ليه راهم ولاو يعرفو و يتفرجو ويتعاندو المشكل تبانلي فالرجال كثرو عليهم الاغراءات و الاشكال والمواقع يعني ماتقدريش ترضيه ميا يالميا صعيبة ولاكن النساء يحاولو يتعايشو وخلاص ان شاء الله نكون قدرت نلحقلك الفكرة تاعي شكرا على النصاءح وفي ميزان حسناتك حبيبتي ❤🥰
كلام جميل و راءع لكن كلنا نسينا انكل شىء في هده الدنيا ارزاق بما في دلك الحياة الزوجية ادا كتب الله الله الهناء و الحياة السعيدة سوف تعيشينها دون جهد منك و العكس كدلك ادن لابد من ان نرضي خالقنا و نبحث عن سعادة اخرتنا التي هي املنا ارجو ان اكون و اياكم من اهل الجنة خالدينفيها
من فضلك حبيبتي حابة تتبدل شعري كحل بزاف بزاف حابة نسبع في الدار وحدي كاش سبغة المهم تتبدل واش من سبغة ندير واش من رقم باش نسبع اي لون المهم نبدل واش تنصحني انت والمتابعات جزاكم الله خير
كنت صح نحس روحي كلش ف حياتو وهو كلش ف حياتي لدرجة أني نسيت نفسي وتهاونت فما يخصص انوثتي لأنو حسيت راه عارفني بلي هاذي أنا شابة ملا تهليا حتى تصدمت بخيانتو ولامني لأني نسيت نفسي وأنوثتي 😢دخلت ف دوامة مع تحطمت😢 داتني التربية تاع الاولاد وسمحت و تنازلت على حتى الضروريات و الراجل مايحسنش العون و مايعذرش و ما يشدلكش التنازلات ليدرتيهم علاجال ضروف..لكن قد ما تضريت فطنتش و غيرت نفسي جاتني صفعة ضرتني و غيرتني
هذا واش حبيت نوصل فالفيديو و الله ياحبيبتي راجل مايهموهش كامل التضحيات لهذا اكدت انو لي تحب تهني روحها تعيش لنفسها و تغير من حالها و تحب روحها و متتعلقش بزاف و نتي ربي يعوضك و يرزقك على حساب نيتك
كلامك صحيح لكن اختي الكلام ساهل بصح الواقع اصعب اصعب اصعب فوق ما تتصوري ربي يباركلك ويدوم عليك النعمة ويحفظك من كل عين حاسدة اختي لعزيزة كل امراة ابتليت في حياتها بزوج نرجسي نقولك عند خيارين اما تطلقي وتشوفي حياتك وطوريهاوووووواما تعيشي معاه مهما حاولتي تغيري من نفسك وتبدليها للاحسن انت تعملي خطوة للامام هو يرجعك عشرة للوراء مستحيل تتبدل حياتك للاحسن وهو يتغذى من تدميرك انت شريكتوا ولعندها وليدات ومعندهاش باه توفرلهم للازم يتوفر محتم تتقبل الواقع المر وتقعد على جالهم لانوا طاح الفاس في الراس وطفرت انا شخصيا كلخت لروحي وقلت ذرك يتسڨم ذرك ذرك حتى لقيت روحي باربع اطفال ذكور نضيعهم راني صابرة ومحتاسبة الله عزوجل يغير حالنا من حال الى احسن حال يارب وكل زوجة متزوجة بهذا النوع تعرف مليح واش راني نحس وربي يفرجها على كل مغبونة ونقول للبنات لمتزوجوش حطي رجلك في الصح حنا تكلحنا بصح انتم كل شيء كاين في هذا الوقت وربي يسعدك كل امرأة طاحت في زوج يعرف قيمتها ويخاف ربي سبحانه فيها قبل كل شيء
😂😂😂😂 نضحك وعلاه او في نفس وقت نبكي 😢😢😢 علاه ما ادراك تكون لكي زوجة خال نرجسية تهدمك بكل طريقة او زيد تكون يتيمة لا ابي و لا امي الله يرحمهم و لا اخ و لا اخت لاني انا اكبر ابي توفى و انا من مواليد 1998 و ابي توفي في عام 1999 فهمتي وعلاه قتلك انا نضحك 😂😂😂 نزيد نضحك 😂😂😂 لانه راجل رغم نرجسي لكن انثى فما هو جواب انثى نرجسية تهدمني بي اي طريقة تتغذى عليا هيا و بناتها بي اي طريقة تكون فما هو جواب اختي لعزيزة انا من هذا منبر نقول الله خسبي الله ونعم وكيل حسبي الله ونعم وكيل حسبي الله ونعم وكيل حسبي الله ونعم وكيل بسببها كرهت نساء مرتبة اولا و زيد رجال مرتبة ثانية كرهت زواج و كرهت ان اكون ام و يكون لي اطفال لما اخاف ان يحدث لهم مثلما حدث لي اخف ان يكون في مشفى جنون يتغدى عليهم كل نرجسية في كون اجل لا اوريد ان اجلب اطفال او ابني حياتي و اتزوج قرقرت بقاء بايرة رغم تلك نرجسية هيا و اطفالها ك ذكور و اناث عليا شمتون بكلمة بايرة لكن عادي تعودت عليهم لذلك عدت اجلب طاقتي من الله و ابتعدت عنهم و عن كل و ان رغم اسارع نفسي و ماضي بل ادع نفسي هيا تقود كم كرهت انثى نرجسية تمثل امام ملاء جيدا و في واقع ابليس متجسد و حشى لله من ابليس الذي خلق من مارج من نار بل هيا ابليس خلقت من سلسال ك فخار و افعالها حسبي الله ونعم وكيل حسبي الله ونعم وكيل حسبي الله ونعم وكيل راجل يبقى راجل اما انثى و تكون نرجسية هنا لا اتقبل ابدا
ههههه هاداك هو الراجل يبغي المتمردة اما الانوتة والله ما تنفع معاهم والدليل اباغلبية لي يخدعو نساءهم القو زوجاتهم شابين ونقيين و خيرمن الف مرة من البنت لي يخدعها معاها ، يعني من لخر الصح ف الراجل
شكرا لك ❤ كثريلنا من هاذ الفيديوهات وديريلنا فيديو على الراجل الي يكون مع دارهم يحب يضحكهم على مرتو ويعلق .... مع انو في دارو مع مرتو يعاملها زيييين بصح قدام دارهم يحب يبين روحوووووو تاع شوفوني ديرولي جااااااام باه تشوف تعليقي😢😢
انا كنت من اول متابعين انا لي كتاشفت قناتك😂 لي نتي منورتها ❤❤موضوع هايل قوليلي عمري سبيغة خرجتلك كولار شابة ني باغيا هاد لون وني خايفة يردني عجوزة 😂😂 نصحيني بهدا لون ههههه❤❤
سلام حبيبتي ربي يقويك وينجحك ويقدرك على وليدتك حبيت نقولك على الرجل لميخليش الزوجة دير حاجة نحبهم هي مثل المكياج اللباس يتدخل في ابصط الاشياء جوبنا من فضلك❤❤❤
بالنسبة لي مايعرفونيش معاكم أخصائية نفسية ✨ متخصصة في اضطرابات النفسية و العلاقات الاجتماعية ❤
نحاول نوصل الرسالة للنساء و نساعدهم على تغير نظرتهم لأنفسهم ❤
❤الله يبارك
بليز ختي كيف اتواصل معاك محتاجتك
@@nayalifestyle اني رايحة نقلك حاجة بصح ماتفهمينيش بالغالط اذا ممكن ليتخرج في يوتوب تقول راني قارية علم النفس والله غير حرت ممكن ديري فيديو علي هاذا لموضوع كيفاش نعرفو لقارية صح وليتتمسخر بينا باش نديو معلومات صحيحية واكرر اعتذاري
عيشكانا مريضة اكتئاب وسواس قهري نسيان قلق تقدري تعاونيني بحصص نفسية الله يرضى عليك
@@نديالريحان-ذ9ه حتى انا لاحظت مأخرا كلهم ولاو اخصائين انا عن نفسي لي حبت تتأكد تجي للأنستغرام و نوريلك الشهادات الحمد لله
حبيبتي نصائح روعة انا عايشة مع راجلي الحمد الله أما حاجة وحدة مقلقتني في حياتي متعبتلي نفسيتي هيا دراري أمنيتي يرزقني ربي بطفل ولا طفلة تبدلي حياتي ادعولي لبنات
ربي يعمر حجرك ان شاء الله
الله يفتح عليك انا 6 بلا دراري كان عندي تكيس مبايض درت صيام متقطع وحجامة وداومت سورة البقرة يومياً وحمدو لله راه عندي بنوتة مشاء الله والعاقبة ليك ياربي وتفرحي
@HamadaNahi-pm4xd الف مبروووك حبيبتي انا تاني تكيس مبايض وزيد راجلي عندو دوالي الخصية هذا لي مقلقني
ربي يرزقكم ان شاء الله ومتنساوش تديرو الخير مثلا وكلو الحيوانات وتبرعو للايتام وان شاء الله يرزقكم❤
ربي يرزقك ويفرحك اختي
تعيشي اختي خوذي تعليقي بجدية
اعطينا افكار وحوايج نخلو الراجل كي يجي العشية من الخدمة يحب يقعد في الدار بلامايمل ويكره هذا م ضوع بزاف مهم
@@cuisinedechefsouad9763 حتى انا معاك
يا حصراه الراجل لفراسه يديره
إذا مل وكره غير ما كالاه تحوسي على الحلول تقبلي وصايي
عندك الحق والله ماعرفت كفاش نعملو حب يهبلني يظل برا
@@cuisinedechefsouad9763 ختي راح نفتح قناة تع لبسة تع لعشية وحوايج ينسوه في برا وكيفاش. حتى تديريلي تطيبيلو واش تلعبي معاه بصح دعموني نقلشكم
يظهر جليا أن زوجك متفهم وهو الذي يعطيك هذه الطاقة الإيجابية التي تتكلمي بها و الرجل هو من يصنع المرأة .الله خلق حواء من ضلع آدم أي من جناحه و تحت حمايته و الفاهم يفهم...
والله عندك الحق خيتي انا عايشا مع انسان لا علاقة بالحياة اقسم بالله صابرا على جال ولادي ربي افرج عليا ادعولي
ليطاحت في راجل متفهم تقلك يحب لانثى
راكي غالطة ياعمري طاقة الإجابية تصنعيها أنتي
راكي غالطة ياعمري طاقة الإجابية تصنعيها أنتي
يعطيك الصحة، هادي باينة راجلها مريحها ومساعدها وعايشة مهنية، ويجي يقولك المرأ هي كلش، المرأ لو كان غ تسمع كلمة تشكر تزيد فيها النص و العكس ادا دارت فوق طاقتها ومالقاتش حتى نتيجة والله غ تكره وتمل تولي عايشة على جال ولادها، المرأة مثل الوردة ادا سقيت بالحب والحنان تفتح وتعطر كل من حولها بصح ادا اهملت تدبال بشوية وتموت
ادعولي اخواتي انا مطلقة من اربع سنوات ومعنديش اولاد وامي وابي متوفين تعبت ربع سنوات وانا وحدي ادعولي ربي يرزقني زوج صالح 😢😢
كثري من الاستغفار والصلاة على النبي عن تجربة
سلام،اخت
غيري صورة لحاطا اختي هي من تمائم وهي من الشرك (العين الزرقاء ) هاذا شرك فلا يجوز تعليقها انتبهي
@@fadilamimi2329
ما هي الصيغة ..هل الصلاة الابراهمية ؟
@غُر_باءے شكرا جزيلا ربي يحفظك
يعطيك الصحة نصائح رووووووووووعة كملي حتان للخر رانا معاك راكي فالقمة ٠ حبيتك تهدريلنا على الراجل لي حساس غير ترفدي صوتك شوية يتقلق وميهدرش معاك لوكان متروحيش ليه ميجيش ليك
الهدرة ساهل ولكن الواقع مغاير تماما عن تجربة أتحدث
بلاك الشخص اللي راكي معاه لغة الحب ديالو مختلفة
يعجبوني مواضيعك تعيشي ديرينا موضوع على الزوج لي يسمع لمواليه يماه وخياتو وليد ماما بصفة عامة وزوجة مهمشها لي توافقني الراي تقول
رانا كامل نعانيو
@KhadijaSedrati-es5ze ربي يقدرنا وربي معانا
مهتمة نفس المشكل يا خياتي
مش حابة نجرحك ختي مي هذا ميتبدلش والف يكون وليد الماما
@@Justsilva78 علبالي ميتبدلش كنت نسكتلو بزاف ونخاف ومندافعش على روحي كنت كي لبهلولة ودك بدلت معاه العقلية هو وتخلع فيا ولا يتشوكا من هدرتي واجوبة نتاوعي وراني صابرة على جال ولادي
القرب من الله والصبر والدعاء
❤لكل من يقرأ تعليقي يدعيلي بالشفاء العاجل يارب العالمين يا الله لا تحرمني من نعمة الصحة
ربي يشفيك ويعافيك اختي طهور إن شاءلله
ربي يشفيك ويعافيك ويطول عمرك
ربي يشافيك حببتي ويشافيني 🤲🤲🤲🤲🤲🤲
نصايح املاح بالنسبة اصابلي ملاحظة اختي سيي ترفدي الحبات بالموس وحطي فالسني مشي بيديك
علاش غير المرأة لي لازم تسايس و تساعف و تغير من روحها من اجل الرجل لماذا لا نرى الزوج يتفنن في ارضاء زوجته
لا لا حبيبتي انا ما نقولش للمراه تغير من اجل الزوج بالعكس المراه تغير من اجل نفسها ترضي نفسها بدرجه الاولى تسعد روحها تحب روحها قبل كل واحد في هذه الدنيا ارضاء الناس غايه لا تدرك نفس الشيء بالنسبه للزوج ارضاء راح يعييك لهذا كل وحده تسعى لاسعاد نفسها فقط وبعد ما تفرح هي وتكون نفسيتها مرتاحه راح تقدر تمد الكامل العائلة
يارب يفرج همي ويفرج كل مسلم
ديريلنا فيديو واش نلبسو فالدار أنا نحير واش نلبس نحس روحي قديمة 😅
أن شاء الله أنا وحدة من الناس مرييت بظروف يعلم بيها ربي سبحانو ملي تحرقت داري وأنا المورال زيرو النفسية كلش طلقت روحي خلاص😢بصح قريب نولي لداري وإن شاء الله نولي بقوة ههههه😅
من الاخير المرأة لازم تكمل قرايتها وتخدم على روحها الوقت صعيب صعيب والراجل مايرحمش أبدا أنا حابة نفهم علاش يحبو يتزوجو بنات الناس ويعدبوهم ويتلدد بالتعنيف والخيانة وووووو علاش حتى يبني اسرة ويحب يفركتها لبنات حداري لازم تتكلي على دراهمك جامي تتكلي على الراجل
كلامك جميل وصحيح فقط نزيد نقطة الزواج شراكة لازم كل طرف يقدم لهذي العلاقة الأنثى بشر تحتاج الاحتواء،الكلمة الطيبة ،انو الزوج يمسح على راسها ويبينلها انو معاها فتحس بالامان،غالبا الرجل هو لي يتغير بعد الزواج ،اما المراة بالعكس كلما تلاحظ الحب والاهتمام من طرف الزوج تحب تزيد تقدم تحب ديما تشوف هذيك النظرة في عنيه تاع الاعجاب ،فالمراة تعطيها القليل لتغرقك بالكثيييير
@@nahla94 مشكورة حبيبتي بارك الله فيك ❤️
كلامك رائع وميزان صراحة لقيت كل اجوبتي بين سطور حديثك صح كتبت اهم النقاط لي خصني نخدم عليهم شكرا ممتنة ليك 🌹♥️♥️ على هذا العطاء متتبعة وفية ليك واحبك في الله
صراحة العمل هو العائق بين الزوجين مستحيل تتفرغ العاملة لحياتها الزوجية خاصة الاستاذة يعني يعييا النظام مهم ولكن انت غائبة وفي المنزل موظفة تكملين عملك هكذا يقولو
الله ربي. يكون. معايا والله. 😢😢😢 نبكي. بدمعة والله ربي 😢😢😢 يااالله كن معي ياالله
ربي يفرج عليك اختي استعيني بالصبر والصلاة كل النساء راهي تعاني
احكيلنا كيفاش نكتاشفو الزوجة النرجسية بلييييز خذي طلبي بعين الاعتبار
انا نفسيتي مدمرة حبا نعيش في داري وحدي ما ولا عندي لا انوثة لا طاقة ايجابية لا رغبة في الحياة ساعدوني😢
نفس حالتي لكن مضطرة للإستمرار والمقاومة عندي أطفال😢
ربي يفرج عليكم
نفس حالتي لأن الأسرة الي رانا عايشين معاهم هما السبب في الاكتئاب لرانا فيه
حبيبتي ديرلنا فيظيو نعتيلنا وش نلبسو فالدار outffits نتمنى تلبي طلبي
انا تاني حابة نعرف واش نلبس فدار
انت امراة في القمة كنت متابعاتك هذا شحال و مبعد راحتلي قناتك حتى عاود لقيتك
قناة مليئة طاقة ونصائح قيمة أحسنتي من فضلك أنا إنسانة نخاف الريح والرعد ب اف بزاف لدرجة نعس فالسماء كل يوم بش تنصحوني لبنات وانت بالدات ان شاء الله تقراي تعليقي وواصلي برافو ❤
صدقيني اختي كاين رجال مهما تعملي معاهم مكيش مليحة كون توكليلهم لحمك وتشربيلهم دمك مكيش مليحة انا راجلي كل المعاملات اللي نتعامل معاه مليحة بسح هو ميش شايفني طول يحوس غير على السبة باه يطلقني حسبي الله ونعم الوكيل في كل راجل ظالم
خليه يطلقك ولوكان يدور دنيا ڨع ميلقاش وحدة كيفك ثما رح يفيدو الندم .... عاودي حياتك لاعدتي مزالك صغيرة
أنا كان يقولي نطلقك على جال خوه كي ما حضرتش لعرسو قتلو إذا راك راجل طبقها ماحبش يطلق راه في 3 سنين أنا راني في دارنا وهو ما حبش يطلق
@@pasdechanse429يا حوجي ثلاث سنوات بزاااف
لازم الرجالة تقراي عليهم قراية تبعي سيكولوجية الرجل اختي.انت ديريلو الاساسيات تاعو واحتسبي الاجر وماتدلليهش. باه هو يحوس يفرحك
زوجي جيت ليه مفعمة بالانوثة دمرني والله يا لبنات غير يغير مني الضحكة يحسدني عليها كنت عروسة نحاولو باش نخرجو نحوسو يقلي انا مانيش تاع زنق ويلا خرجني لازم نروح نبكي حتى كرهت النرجسي لحياة معاه جحيم
عندي 11سنة زواج معنديش الحق حتى نقولو واش راك وعندي 3ولاد نشوفوه 15دقيقة فاليوم و الحمد لله
كيف كيف انا كنت نلبس و نشبح كلمة حلوة مكاش و خلي التحشام و التجاهل و زيد قالي نحس بالجفاء من جهتك مع أنا شابة و مكملة قرايتي وشغلي و طيابي الله يبارك كي دخلت في اكتئاب قالي تبدلتي دوك مات فيا كلش الواحد صابر غير علجال الدراري الحق دوكا ولا مليح حسيتو ولا حنين عليا و يعذرني بصح حاجة فيا ماتت ما قدرتش نولي كما كنت مهمها حاولت
والله الا رانا كيف كيف 😢😢@@HayatGhemdane
وصل للمبتغى ضمرك قلو دري حنانتك و طير@@HayatGhemdane
التجاهل يا ساده
الى كل رجل يبحث عن السعادة والسكينة والطمأنينة اتبع السنة النبوية واحرص على العبادات ولاتترك المساجد عش مع الله وبروالديك واسعدهما وقف إلى صفهما إن كانا على حق وانصحهما إن كانا في ظلال وهتم بزوجتك فهي طاقتك أن كسرتها فلن يهنىء لك عيشا ولن تبني أسرة متوازنة ويحدث اظراب لدى الأبناء بسبب الإظطراب الدي تعيشه الام لذلك حاول أن توفر البيءة السليمة لتنشءة اسرتك ولو قررت الابتعاد عن الأقارب ولاكن ليس التخلي عنهم ففعل
والمهم أن تربح أسرة سعيدة وربي يصلح القلوب😊
درنا كلش الشريكة. الحبيبة العشيقة البنوتة المقلشة روحها العصامية القيادية الطموحة الشغوفة المسؤولة الكفيلة وعلاه مين يكون الشريك بعقلية خلاف فاشل يفشلك وتطلبي تهجري ولا تموتي وتخليه يتبربس مع الدراري
❤ ربي يرزقك بطفل نشاله ❤ معليش طلب منك نحتاج وصفة طول شعر تعيشي ❤
كاينة وصفة فالقناة و الله تهبل و مجربة
مشتركة جدييييددة ❤عجبتيني بزااف فيديوهاتك قممة ثاني فيديو نشوفو ومستمرة❤
انت هي طاقة الإجابية مرة تدابزت مع راجلي وووو و كي طحت مع وحد الفيديو من تاعك تقولي ربي بعثك ليا الحمد لله تبدلت و تبدلت عقليتي والله وليت نحب حياتي كثر من تماك درتلك أبوني و نقارع غير ف الفديواتك حتى لحقت نتيليشارجيهم و نشوفهم و نعاود❤
يا عمري ربي يهنيك و يرزقك راحة البال و يدوم لمحبة بيناتكم يارب 🤲😘
تستاهلي توصلي للمليون فيديوهاتك ادمان❤❤❤
الرجل الجزائري تسكتي يقلك سامطة تتمجني يقلك براكي من لياعة راكي كبيرة تضحكي يقلك ماكش سريو اكبري شوي تكبؤي شةي يقلك تقول راني مع عجوز 😂ديري لمبيونس يقلك ولاد نساء و رجالة عيب لي ديريه توالهم تماكي بابا يشوف و يما ماتشتيش ياك تعرفي تاغ بكري تخرجي لرسطورو معاه ولا لبيزيريا يحشرك في الحيط في لطاج دوزيام في القرنية نفس يروحلك كي يجي مخرجك يخرجك على الباب لوراني نعلبوها معيشة مع الجزائري حشا البعض😅
ههههه و الله ضحكتيني 🤣🤣🤣
لهذا حبيبتي كي تحبي تعيشي عيشي لنفسك لا لزوجك حبي روحك و متخليهش هو كل شي في حياتك الدنيا عمرها و لا تحبس على راجل و لكن لحياة تتوقف اذا عيات نفسيتك
هههههههههخ😂والله غندك صح
انا امرأة عندي 40سنة عندي 4دراري وليت نتقلق بزاف وليت ما نلحقش نتهلا في روحي واش تنصحيني
اختي حبيبتي ابدي بروحك كي تنوضي توضاي صلي الفجر وقراي قرآن وبعدها مشطي شعرك وماكيي خفيف خفيف ولبسي حاجة مليحة عاد قلعي للشغل وصوالح خرين والله الشغل يا ختي ما يكمل
الحل هو كي تنومي بكري والله عن تجربة ختي انا اليوم قبل الفجر رجت طيبت القهوة ومبعد صليت صلاتي ودرت الميناج وتهليت في روحي ولقيت مازال الوقت الحمد للله
انا وصلت لوحد الدرجة مايهمنيش اذا زوجي يشوفني شابة ولا ماشي شابة
نوعدك رايحة نبدى نتبدل مع زوجي انشاء الله شكرا لك
هذا وين شفت قناتك وعجبتني. راكي بتكملي هنا ولا قناة وحدوخرا
عندي مرض هوس نتف الشعر جربت كل الطرق نتخلص منو بدون فايدة و شكل شعري لي مكانش قاع يعني فرطاسة اثر على حياتي الزوجية و نفسيتي وشكلي محتاجة مساعدة نشري بيروك طبيعي
ارقي الأخت
باينة راكي عروسة جديدة
هههه لالا عمري عروسة قديمة و أم لبنتين ❤️
نعم للتغييير شكراً ❤❤❤
ربي يرزقنا الزوج الصالح ياربي 😢
امين،اخت،
لوكان تحبسي البدايات المقتبسة لي راكي تبداي بيها فيديوهاتك . تعيشي.
بالعكس مليحه
@ataralgana1235 نحب نسمعها هي برك والله ههه
كلامك جميل يبعث الامل ❤❤❤
كي نسمع صوتك يطلعلي الموغال بزاف نحبك ونموت عليك😗😗😗😗
موضوع في القمة ربي يقدرنا هذا مكان ❤❤❤❤❤
اول مرة نكمل فيديو و متملش منو يعطيك الصحة ❤
😘😘😘😘
نحبك حبيبتي تعيشي ديريلي موضوع علا الراجل المشحاح أنا راجلي مشحاح ملي تزوجت الف فرنك ميحبش يمدهالي وصعيب في عقليتو كيفاش يعود يصرف عليا ويحبني ويهتم بيا 😢😢😢 ونحبك ❤❤❤❤❤
يا ختي الراجل البخيل معندوش حل الصبر وسلام
الله عليك ❤ كل فديوهاتك نصائح جميلة وطاقة ايجابيه رغم اللغة شوية صعبة بعض الكلمات لكن مفهومة ومفيدة ولاني بحب المطبخ حتى الصور ف الفديو يعطي طاقة إيجابية وبحب نصايحك جدآ جدا شكرآ جزيلا سودانية معجبة ❤️❤️🎉
كلشي عندك ساهل لخاطر أولادك عندك لشدهملك مرة عند أمك مرة عند عجوزك .لخاطر قراب ليك.بصح كون جاو قاع النهار لاصقين فيك وميخلوكش قاع تتنفسي والله قاع متعيشيش هاد الأجواء .بصح أنتم بزاف أمور مسهلتلكم حياتكم وجو على اليوتيوب تنصحونا .أعطونا الأمور لمسهلتلكم حياتكم والله غير نديرو أكثر منكم
مش شرط ولادك ما يكونوش باش تعيشي مع زوجك العكس الجزء الأول تاع العشاء والڨصرة ديريه معاه ومع ولادك بعدها دخلي ولادك يرقدو و ادخلي لشمبرتك وكملي سهرتك ،ربي يهنيك
أولا عجوزتي ميتة ربي يرحمها ثانيا بناتي عندي و الحمد لله انا لي قايمة بيهم و ماما ربي يحفظهالي ان شاء الله و يطول في عمرها منحبش نبروفيتي منها رباتنا و عيات خلاص
ثالثا هاذ الفيديو مخصص للبنات لحبو يغيرو من حياتهم اذا راك حابة تبقاي تشوفي و متغيريش اقعدي دايما القاي اعذار لروحك لأن الانسان لي يخاف يغير يلقا 100 سبب للهروب من الواقع و بالنسبة لظروف كل واحد يحاول يغير على حساب ظروفو همسة اليوم لتخفيف عن الضغوطات النفسية و تفريغ الطاقة السلبية و كنت انا أول وحدة لقيتها قدامك باش تفرغي طاقتك و هاد الشي عادي الحمد لله قدرت نخرج منك الضغط النفسي حاولي تركزي على نقاط الضعف و صلحيهم و بالتوفيق
@@saoussan9001 ماشي قاع الأولاد يرقدو وحدهم ولا أصلا يرقدو بلا ماترقدي أنت .أصلا كاين بعض الأطفال ميخلوكش حتى تحكي بهدوء وكلام جميل .بسيف عليك تتعصبي كل وقت
@@nayalifestyle لالا يا أختي .مهما كان ظروف الناس مشي كيف كيف .مثلا أنت كون تمرضي وين تخلي بناتك مثلا.ولا تحتاجي كاش نهار باينة كاين لشدهملك.وانا أصلا مقتلكش أولادك قاع الأيام ماشي معاك .يعني وقت تحتاجي نهار اكيد تفرغي نهار ليك ولزوجك مثلا .ولا وحدك مثلا.بصح كاين حتى ولو تمرض معندهاش لشدلها أولادها .يعني باه تريح شوية مع روحها ومكاش. وزيد خاصة الى كانو الأولاد كثيرو الحركة ضلي تجري موراهم وزيد وزيد.مكان حتى عذر الظروف تلعب دور كبير على حياة الناس شئنا أم أبينا
@@nayalifestyle نقلك حاجة ياأختي راني نرد عليك وأولادي راهم يقفزو من الكرسي وينقلبو على رأسهم.مستحيل نخليهم وحدهم بلا منضل نعس فيهم وهذا أكيد يمنعك من بزاف أمور. .يعني حتى عقلية الأولاد تلعب دور كبير باه تخصي وقت ليك ولزوجك
والله يا ختي تبانلي تبانلي بلي مابقاوش النساء لي يعاملو الرجل كمعاملة الأم تاعو ليه راهم ولاو يعرفو و يتفرجو ويتعاندو المشكل تبانلي فالرجال كثرو عليهم الاغراءات و الاشكال والمواقع يعني ماتقدريش ترضيه ميا يالميا صعيبة ولاكن النساء يحاولو يتعايشو وخلاص ان شاء الله نكون قدرت نلحقلك الفكرة تاعي شكرا على النصاءح وفي ميزان حسناتك حبيبتي ❤🥰
نروح نماكيي ونجي نكمل الفيديو
😂😂😂😂
🤦🏻🤦🏻🤦🏻🤦🏻
هههههههه
اللهم ارزقني المال والبنون والزوج صالح
أي حاجة سبقتيها وحبتيها من غير الله راهي مدومش هذه حكمة الحياة ألبسي وطوري في زينك
قتلتني بالضحك 😂😂😂😂😂😂😂😂صح فيا هاذ الطبيعة تعوعندها الحق يماك واش قالت فيك .... . عندهم الخق اخواتاتك واش قالولي عليك 😂😂😂😂😂😂😂😂😂😂😂😂😂😂😂😂
كلامك فيه راحة وطمانينة لنفس
كل فديو أخطر من الثاني كتري لينا من النصائح والعناية الزاتيه فديوهاتك متنوعة وجميلة يجزيك خير
حبيبتي هذاك العطر الاسود لي مكتوب فيه اسد منين شريتيه وشحال يدير عجبني بزاف تعيشي ردي عليا وقوليلي البارفان لي تديريها وسمها وشحال
ربي يحفظك جديدة معك من صحراء الجزائر
الله بارك عندك طاقة ايجابية ربي باركلك في حياتك
حبيبتي الرجل كل واحد وعقليتو كاين راجل يتبدل وكاين والله واش ديري يبقى لا علاقة
ديريلنا جزء الثاني من فضلك
كلام جميل و راءع لكن كلنا نسينا انكل شىء في هده الدنيا ارزاق بما في دلك الحياة الزوجية ادا كتب الله الله الهناء و الحياة السعيدة سوف تعيشينها دون جهد منك و العكس كدلك ادن لابد من ان نرضي خالقنا و نبحث عن سعادة اخرتنا التي هي املنا ارجو ان اكون و اياكم من اهل الجنة خالدينفيها
يعطيك الصحة حبيبتي كلامك صواب ربي يحفظك ويسعدك ويوفقك بحياتك يارب 😍
فيديو توب وجاني في وقته،من فضلك راني محتاجة تقسيم ميزانية 4ملايين ل4أشخاص وفيا دين نتاع سكنة 15مليون وراهم مزيريني
ڨلعي مليون كل شهر لدين و3ملاين مصروف
شفت القناة تاعك صدفة مشاااااااء الله عليك ❤❤ طاقة ايجابية 😊
من فضلك حبيبتي حابة تتبدل شعري كحل بزاف بزاف حابة نسبع في الدار وحدي كاش سبغة المهم تتبدل واش من سبغة ندير واش من رقم باش نسبع اي لون المهم نبدل واش تنصحني انت والمتابعات جزاكم الله خير
ختي اصبغي شعرك على حساب البشرة تاعك اذا كنت بيضاء اصبغي أشقر،احمر،نحاسي واذا سمراء في العسلي،شاتان كلار
انا راجلي يكدب بزاف مهمل ونا ضل مغ وبادي كرها شعري شاب ونا في اعز شبابي وجهي صفر، مشاكل تع مو ختو هو منين يدخل يلقاني مريضة كرها انا سبيغة ولا حلاقى جامي نديرها حبيت نغير من نفسي 😔😔❤❤💔
انا كنت من اول متابعين انا لي كتاشفت قناتك😂 لي نتي منورتها ❤❤❤❤
اختي انا شخصيا شاطرة في كلش مي مشكلتي ميزانيتي ضعيفة مانقدرش ندير لا سهرات لا حطات لا حفافات قليل من لي ندير حاجة عطوني افكار نديرهم وحدي بلا مايكلفو
ايه صح الاهتمام وحب الذات اهم حاجه
امنيتي نصبغ شعري جيت عروسة بشعري اسود وممبعد مخلانيش نصبغ زوجي 😢😢
كنت صح نحس روحي كلش ف حياتو وهو كلش ف حياتي لدرجة أني نسيت نفسي وتهاونت فما يخصص انوثتي لأنو حسيت راه عارفني بلي هاذي أنا شابة ملا تهليا حتى تصدمت بخيانتو ولامني لأني نسيت نفسي وأنوثتي 😢دخلت ف دوامة مع تحطمت😢 داتني التربية تاع الاولاد وسمحت و تنازلت على حتى الضروريات و الراجل مايحسنش العون و مايعذرش و ما يشدلكش التنازلات ليدرتيهم علاجال ضروف..لكن قد ما تضريت فطنتش و غيرت نفسي جاتني صفعة ضرتني و غيرتني
هذا واش حبيت نوصل فالفيديو و الله ياحبيبتي راجل مايهموهش كامل التضحيات لهذا اكدت انو لي تحب تهني روحها تعيش لنفسها و تغير من حالها و تحب روحها و متتعلقش بزاف و نتي ربي يعوضك و يرزقك على حساب نيتك
ياسعد زوجك بيك حبيبتي موضوع اليوم رائع فلقمة 😘😘😘😘
كلامك صحيح لكن اختي الكلام ساهل بصح الواقع اصعب اصعب اصعب فوق ما تتصوري ربي يباركلك ويدوم عليك النعمة ويحفظك من كل عين حاسدة اختي لعزيزة كل امراة ابتليت في حياتها بزوج نرجسي نقولك عند خيارين اما تطلقي وتشوفي حياتك وطوريهاوووووواما تعيشي معاه مهما حاولتي تغيري من نفسك وتبدليها للاحسن انت تعملي خطوة للامام هو يرجعك عشرة للوراء مستحيل تتبدل حياتك للاحسن وهو يتغذى من تدميرك انت شريكتوا ولعندها وليدات ومعندهاش باه توفرلهم للازم يتوفر محتم تتقبل الواقع المر وتقعد على جالهم لانوا طاح الفاس في الراس وطفرت انا شخصيا كلخت لروحي وقلت ذرك يتسڨم ذرك ذرك حتى لقيت روحي باربع اطفال ذكور نضيعهم راني صابرة ومحتاسبة الله عزوجل يغير حالنا من حال الى احسن حال يارب وكل زوجة متزوجة بهذا النوع تعرف مليح واش راني نحس وربي يفرجها على كل مغبونة ونقول للبنات لمتزوجوش حطي رجلك في الصح حنا تكلحنا بصح انتم كل شيء كاين في هذا الوقت وربي يسعدك كل امرأة طاحت في زوج يعرف قيمتها ويخاف ربي سبحانه فيها قبل كل شيء
رانا كيف كيف
😂😂😂😂 نضحك وعلاه او في نفس وقت نبكي 😢😢😢
علاه ما ادراك تكون لكي زوجة خال نرجسية تهدمك بكل طريقة
او زيد تكون يتيمة لا ابي و لا امي الله يرحمهم و لا اخ و لا اخت لاني انا اكبر ابي توفى و انا من مواليد 1998
و ابي توفي في عام 1999
فهمتي وعلاه قتلك انا نضحك 😂😂😂 نزيد نضحك 😂😂😂 لانه راجل رغم نرجسي
لكن انثى فما هو جواب انثى نرجسية تهدمني بي اي طريقة تتغذى عليا هيا و بناتها بي اي طريقة تكون
فما هو جواب اختي لعزيزة انا من هذا منبر نقول الله خسبي الله ونعم وكيل حسبي الله ونعم وكيل حسبي الله ونعم وكيل حسبي الله ونعم وكيل
بسببها كرهت نساء مرتبة اولا و زيد رجال مرتبة ثانية
كرهت زواج و كرهت ان اكون ام و يكون لي اطفال
لما اخاف ان يحدث لهم مثلما حدث لي
اخف ان يكون في مشفى جنون يتغدى عليهم كل نرجسية في كون
اجل لا اوريد ان اجلب اطفال او ابني حياتي و اتزوج قرقرت بقاء بايرة
رغم تلك نرجسية هيا و اطفالها ك ذكور و اناث عليا شمتون بكلمة بايرة
لكن عادي تعودت عليهم
لذلك عدت اجلب طاقتي من الله و ابتعدت عنهم و عن كل
و ان رغم اسارع نفسي و ماضي
بل ادع نفسي هيا تقود كم كرهت انثى نرجسية
تمثل امام ملاء جيدا و في واقع ابليس متجسد
و حشى لله من ابليس الذي خلق من مارج من نار
بل هيا ابليس خلقت من سلسال ك فخار و افعالها حسبي الله ونعم وكيل حسبي الله ونعم وكيل حسبي الله ونعم وكيل
راجل يبقى راجل
اما انثى و تكون نرجسية هنا لا اتقبل ابدا
الزوج النرجسي تكلمت عليه في فيديو السابق ❤
والله عندك الحق راني حاسا بيك راكي تهدري عليا ربي افرج علينا
وأخيرا لقيت وحدة كيفي وضع كاريثة
الله يبارك هدرتك عسل يا لعسل 🍯😘❤❤❤
أنا راجلي اول لقاء كي كنا غرباء منعرفوا ميعرفني دار خطأ وبهدلتو قدام الناس حطيتلو سعدوا فيدو يعني فالحقيقة صفة ماشي كامل انثوية 😅
هههههه
ههههه هاداك هو الراجل يبغي المتمردة اما الانوتة والله ما تنفع معاهم والدليل اباغلبية لي يخدعو نساءهم القو زوجاتهم شابين ونقيين و خيرمن الف مرة من البنت لي يخدعها معاها ، يعني من لخر الصح ف الراجل
متتبعة جديدة حبيبتي ❤😘😘
شكرا لك ❤ كثريلنا من هاذ الفيديوهات
وديريلنا فيديو على الراجل الي يكون مع دارهم يحب يضحكهم على مرتو ويعلق .... مع انو في دارو مع مرتو يعاملها زيييين بصح قدام دارهم يحب يبين روحوووووو تاع شوفوني
ديرولي جااااااام باه تشوف تعليقي😢😢
عادي اضحكي معاهم واضحكي عليه ثاني
كي يبدأ يضحك عليك قوليلو مالفة نعمل هك ف الدار وتعجبك تقولي ابقاي هك واضربيها بضحكة
انا زوجي مشحاح .. وكان حبيبي من قبل. كليوم يعايرني وش درتي ودرتي .. معايا ومع رجال.. قالي. راني معاك.على جال وليدي.. جامي خرجني ولا عطالي مصروفي.. وش هوا الحل معه حصلة معه
علاقتك معاه اصلا كانت محرمة ❌❌ كل بداية حرام نهايتها باينة ،ربي يجيب خير ختي
@kheyerachacha5420 ايه والله عندك حق ربي يستر
سلام ختي موضوع رائع بصح كي تكون المعاملة بلمثل ماشي نتي فيك ڨاع هاد صفات و هو يطبعك و لا ميحيسبكش ڨاع وإلى حبيتي ختي اني حابة نتواصل معاك 😊
نفتح الشعر ب BN من بعد اندير صبغة مولفوز رقم8.34 نتحصلو لون برتقالي جميل جظا
Kifach ndirohom au meme temps ???
وشنو هو BN
نوعدك بلي نتغير❤
ياودي كتري ومطوليش علينا😢😢😢😢
انا كنت من اول متابعين انا لي كتاشفت قناتك😂 لي نتي منورتها ❤❤موضوع هايل قوليلي عمري سبيغة خرجتلك كولار شابة ني باغيا هاد لون وني خايفة يردني عجوزة 😂😂 نصحيني بهدا لون ههههه❤❤
خرجت تهبل ❤️❤️
تخرج على وحدة خمرية مشي بييييضا مي صافيا مشي سمرة😅😅 فهمتني راني هابلة عليها @@nayalifestyle
نصايح في القمة ومحفزة متتبعة جديدة ام سراج ❤😊
عندما يكون الزوج نرجسي وزيد قاهرك وعايشة معاه ف الميزية ما عندك ما ديري
يعطيك الصحة موضوع في القمة
لبنات لي راهي مخطوبة وحصلت واش تشري تقلش روحها وتقلش معلم معاها تحب نفتحلكم قناة تخص مخطوبات
حبيبتي تعيشي اكتبيلنا المقادير نتاع القاطو نفس الكمية موضوع رائع
الوصفة في صندوق الوصف ❤
روتين عسول كيما لعادة 🥺❤️
سلام حبيبتي ربي يقويك وينجحك ويقدرك على وليدتك حبيت نقولك على الرجل لميخليش الزوجة دير حاجة نحبهم هي مثل المكياج اللباس يتدخل في ابصط الاشياء جوبنا من فضلك❤❤❤
انا،مازلني،بلا،زواج،نحوس،نصايح،كيفاش،يجي،يخطب،بلا،مانقولهالو
تعيشي ختي قوليلي كيفاش درتي الرغوة فلابينوار
سلام اختي.انا متتبعة جديدة ولاه الله يبارك انت روعة حبيبتي كي سمعت فديوهاتك وارتحت بزاف كي سمعتهم ربي يبارك ويزيد
متتبعة جديدة ❤عجبني الفيديو تيعك و النصائح في القمة وانشاء الله نلتزمو بيهم يعطيك الصحة كثريلنا من هادم لي فيديو
ما الحل مع الزوج لي يكون صادق لمدة أعوام اومباعد يكونو مشاكل بينكم و فراق و يولي كذاب كذاب في كلش
ابحثي على السبب لي خلاه من الصادق يولي كذاب لما تلقاي السبب الحل يجيك ساهل
ان شاء الله يارب 💔
واش راكي تقولي مايمشيش مع كامل الرجال لانهم مختلفين كل واحد و عقليتو و تربيتو و نيتو من الزواج
اسكوا خرج الكولار نفس الصورة اعطينا الميلونج والوقت