Discletg cun ils egls | Pech mit den Augen | Clic | RTR

In egl saun dumogna dad elavurar dapli che diesch milliuns infurmaziuns la secunda! E quai senza che nus dain bada a quai en il mintgadi. Ma tge è, sche noss egls na dumognan betg da dar a nus tut quellas infurmaziuns. RTR Clic ha accumpogna duas persunas, che han egls, che mussan il mund auter sco usità.
Retinis pigmentosa - sche tut e be anc turbel
Riccardo Hendry ha 35 onns ed è da Mustér. Dapi sia naschientscha ha el la malsogna d'egls «Retinis pigmentosa». Quella fa, che ils egls vesan cul temp adina pli mal, che ins survegn ina vista da tunnel (ins vesa adina pli pauc da las varts e sutvart) e che ils egls han problems da vesair rauba che èn el stgir. Quai va uschè lunsch, che la persuna vesa la fin be anc in pitschen punct u schizunt nagut pli. Tenor las prognosas da Riccardo duai quai esser il cas tar el cun enturn 60 onns.
Pel mument lavura el anc 100% tar ina firma da fabricaziun a Mustér. La ha el era gia fatg ses emprendissadi sco logisticher. Heinrich Berther, da quella giada patrun da la firma, sia stà il sulet che haja da ad el la schanza dad insumma survegnir ina plazza d'emprendissadi. Uschia haja era el recumonda da far sco emprim far in onn a la scola da tschorvs a Basilea e lura cumenzar l'emprendissadi tar el. Uschia haja el in per chaussas da la scolaziun gia pudì far a Basilea ed uschia gì in zic pli simpel durant l'emprendissadi. Che Riccardo po insumma lavurar cun in pensum da 100% è cun sia malsogna ina gronda excepziun. Ad el as haja adina detg, che quai na sia betg pussibel. Entant èn las consequenzas da la malsogna dentant uschia fermas, che el na sa anc betg, quant ditg che el sa anc lavurar enavant. «Forsa anc tschintg onns, forsa anc diesch» manegia Riccardo Hendry.
Per el saja difficil da declerar, sco che el vesia il mund, cun quai che el na sa betg sco che in uman saun vesa. Ma el sia fitg da curta vista. Tut quai che è in zic pli dalunsch davent vesa el era cun l'agid dad egliers be pli turbel. Pel mument vegn lavurà vi dad ina terapia da gens che pudess franar la malsogna u schizunt puspè megliurar la vesida da Riccardo. Sche questa terapia vegn a funcziunar e sche ella vegn lura era sin il martga, stat dentant anc en las nivels.
Tschorv da colurs e tuttina tecnicist da glisch
Dario Neuhäusler vala sco tschorv da colurs. Quai na vul en ses cas dentant betg dir, che el vesa be anc alv e nair. El vesa schon colurs, ma simplamain betg uschia cler sco in uman senza quest impediment. Vul dir cunzunt colurs maschadadas fan difficultads ad el. Colurs intensivas èn dentant era per el nagin problem. Tar persunas che èn tschorvs da colurs u han ina deblezza da colurs mancan u funcziunan betg pli tscherts recepturs da colurs en lur egls. Quai vul dir, il egl na dumogna era betg da dar enavant l'infurmaziun da la colur al tscharvè. Quest defect è ertaivel. Cunzunt umens èn pertutgads da quai. Uschia ha bunamain mintga dieschavel um difficultads cun colurs. Ils ins pli ferm, ils auters pli pauc.
Dario Neuhäusler lavura sco manader da project d'events tar Arosa Turissem. Spera tirs fa el per numerusas band la glisch durant ils concerts. Uschia per exempel era per Breitbild al Open Air Lumnezia. El saja engraziaivel, che el survegnia malgrà sia difficultà cun colurs la fiduzia dals artists da pudair far la glisch.
Era sche el na vesa betg adina tut las colurs cler, ha Dario chattà vias da pudair identifitgar las colurs. «Tut quai che vesa ora sco il tschiel, e blau. Ed autras colurs hai jau simplamain emprais, ch’ins numna quels uschia.»
Per Dario è sia deblezza da colurs normalmain betg in problem en il mintgadi. Cler, tscherta rauba sia pli difficila da far. E jobs sco pilot u chauffeur da bus na possia el halt betg far. Ma uschiglio sia bler sco tar tut ils auters era.
------------------------------------------------------------------------------------
RTR Films sin TH-cam
🔔www.youtube.co....
RTR sin Instagram
❤ www.instagram....
RTR sin Facebook
👥 / rtr.ch
rtr.ch
👉 www.rtr.ch
----------------------------------------------------------------------------------------
Charta da commentaris:
Questa pagina stat a Vossa disposiziun per publitgar commentaris e per prender part a debattas. Nus ans legrain da Voss commentari en connex cun ils temas ubain era da Voss agid per enritgir las discussiuns. Tut las opiniuns èn cordial bainvegnidas. RTR Radiotelevisiun Svizra Rumantscha resalva dentant il dretg - senza infurmar l'autur - d'allontanar attatgas persunalas, commentaris da caracter illegal, delicts cunter la moralitad ubain reclamas. In cordial engraziament a tut quellas e quels che sa participeschan ad in discurs amiaivel.
Netichetta ed User Generated Content (UGC) RTR: www.rtr.ch/gen...