البقلاوة الليبية (البكلاوة الطرابلسية)🇱🇾🇱🇾 بالتفصيل 👌👌Libyan baklava ❤❤

البكلاوة الليبية 🇱🇾🇱🇾 تعتبر من ألذ انواع البكلاوة حول العالم وأفخرها 👌👌
How to make baklava
البكلاوة الليبية
البكلاوة الطرابلسية
البقلاوة الليبية
مقادير العجينة:
كيلو دقيق للحلويات
ملعقة كبيرة ملح
ملعقة زيت
ملعقتين سمن
بياض بيضة
تعجنيها ب600 مل ماء علي شرط تخدمي بها طول وبعدها نبدا بهذه الخطوات :
1_ نقرصها وتقريصة تكون على حسب حجم طاجينك .
2- كل قرصة تفتحيها يكون سمكها زي في الصورة وتحطي كل عشرة حلات علي بعض وبينهم نشا .
3- اهم شئ انك تلفيهم كويس بكيسة وماتخليهمش ياخذوا هواء.
3- عدد الطبقات زي ماتحبي انا نحط 20 من تحت ومن 25 الى 30 من فوق .
4- بعد مانكمل حلان نبدا باول مجموعة ونبدا نجبد في الورقة علي طاجينك طول بعد ماتدهنيه بالسمن.
5- ونبدا نجبد ونجفف بالاستشوار بالبارد وبعدها ندهن بالسمن لين نكمل كل 20 ورقة والطبقة 20 و 19 ماتدهنش بالسمن وبعدها نحط خليط اللوز ونضغط كويس.
وبعدها نبدا في الطبقات الي فوق وبنفس الطريقة نجبد ونجفف وندهن .
6- وبعدها نقص البكلاوة ورشق اللوز ونطيبها على درجة حرارة من 150 الى 170 درجة مانزيدش عليها ونفتح من فوق وتحت .
7 - لما طيب تلقيها تحمرت من الجناب وتنقام معاك البكلاوة من الطاجين ويكون عسلك الحقاني دافئ وتصبيه على البكلاوة وهي سخونة .
8 - ونجو لاصعب نقطة الصبر لين تبرد 💔 باش تقصيها وتبدا ريحة العسل والسمن فايحة في الحوش ربي يصبركم ساعات لين تبرد البكلاوة وبعدها تقصيها .

[@emypollock5936]

لاتعليق غير تبارك الرحمن ويسلمو ايدياتك وبدون تحيز لبلدي ليبيا فهي افضل من يصنع البكلاوة وخصوصا الطرابلسية لانها فريدة من نوعها👌❤

[@alijaer7697]

الله يبارك

[@aishaguwea7188]

ماشاء الله يعطيك الصحة حتي اني اندير فيها نفس طريقتك غير اني نغطي فيها في الكوشه

[@NagahMustafa]

تبارك الرحمن عليك تسلم الايادي وياريت رد ضروري كيلو دقيق كم ياخذ الوز والسمن وعسل كيلو كم يطلع قطعة بقلاوة ارجو رد 🌸🌸

[@mariamshnak1760]

شكرا علي اهتمامك وردك علي هذا من ذوقك ربي ايوفقك

[@fatimarashed9162]

يسلمو الايادي ماشاءالله عليك....اول مره انشوف فيديوهاتك...مشكورة على الترتيب .

[@ZhraRamadan]

تبارك الرحمن

[@aishatar7525]

تسلم ايدياتك
ماشاءالله عليك

[@emhemedklach0967]

ياريت تكتبي مقاديرفي صندوق وصف

[@كرتون-ج2ث]

❤

[@user-jm1jd5wy1n]

ماشاء الله

[@امهمامعجائباحمد]

ماشاءالله يسلموا ايديك

[@shah076]

واحلي من يدير بكلاوة في ليبيا 🤤🤤🤍🤍🔥

[@7480]

يسلموا شهودة

[@anas-sn8rp]

تسلموا الأيادي 😋😍🤍

[@mariamshnak1760]

ما شاء الله تسلم ايديك

[@fouziasheg6766]

يسلموا ايدياتك مبدعه

[@shah076]

يعطيك الصحه و يسلمو يديك ما شاء الله 🤍🤍

[@lolomostafa9223]

بارك الله فيك

[@sujoudsujoud760]

نستني فيها بالدقيقه

[@monirash6534]

نوعية الطاجين هذا انا نعرفه يشد وينحرق...سبحان الله انت طلع معاك كويس....الحرارة وقت التطيب فوق وتحت في نفس الوقت

[@7480]

ايه نفس الوقت

[@moneellafi4381]

. يسلمو الايادي شكلها حلو بس ياريت لو في صوت توضحي اكتر

[@memedow8791]

اولا يسلمو الاياااادي...نبي نسألك وقت القص هل السكين يقعد على الاطراف او انزله الى اخر البكلاوة

[@7480]

لا نزلي الى اخر البكلاوة

[@mariamshnak1760]

درتها امس وطلعت حلوه بس حاجه واحده ما عجبتنيش ما جيتش امورقه زيك مع اني جففت الورقه واستخدمت نفس كميه السمن ونفس حجم الطاجين ممكن نوعيه السمن يختلف علي سمن باريس

[@amalar7347]

ممكن غكيتيها طول هي بعد.ماتطيب لازم تقعد ساعات بدون غطاء

[@NoormemoAA]

بكلاوتنا مافيش زيها على ماضقنا حتى طريقه تحضير تختلف فيها تفاصيل وتعب سادك غير العسل الحقاني وسمن ❤

[@rajiasifaou1426]

كم كيلو عسل صبيتيه للمقدار هذا

[@لميس-ح9خ]

❤❤

[@reemsuliman2044]

❤❤❤🇱🇾🇱🇾🇱🇾

[@كرتون-ج2ث]

تصوير ليش صورتين اللي مصغرة اوضح

[@ahlamhaloma9060]

😋

[@mariamshnak1760]

درتها وجتني كويسه لكن التوريق أقل من بكلاوتك مع اني جففت ودهنت السمن بس مش سمن باريس

[@7480]

باذن الله المرة تانية راح تكون احسن

[@sehzijasinanovic9709]

Eselamualejkum MasAllah komplimenti Pogledajte kako pravimo u Bosni baklavu i Turskoj jako slicne❤❤❤ eselamualejkum 🇧🇦🇧🇦🇧🇦🇧🇦

[@mariamshnak1760]

تغطيها بالفويل والا لا وقداش الوقت تاخد في الفرن

[@7480]

مش ضروري تغطيها على درجة حرارة 160تقريبا ساعة

[@amalar7347]

السلام عليكم يسلموا الايادي سؤال نسال فيه مالقيت له جواب نبي البكلاوةفي كوشةالشارع يعني عندالفران قداش تقعد وقدا ش درجةالحرارة الكوشةاللي حدانا قال مانعرف نطيبها بندير سفرة ةكبيرةمن يعرف يجاوبني

[@7480]

ننصحك تمشي لبعض الكوش المختصة بالبكلاوة

[@doudadouda5045]

لو اجرب نص كيلو كيف اقسم على اتنين يعني

[@7480]

نصف كيلو شوية ....لكن راح تقسمي المقادير كلها مش مشكلة

[@benikhlefbenikhlef5488]

البقلاوة الليبية تشبه البقلاوة الجزائرية مع بعض الإختلافات البسيطة

[@NoormemoAA]

مافيش شبه بطلوا هالمقارانات ولا حد جبدكم بس لانها توب تبو تركبوا الموجه تختلف وضايقينها متاع الجزائر متاعنا بالعسل الحر الحوقاني والسمن الوطني بعيد عن متاعكم وفرق

[@benikhlefbenikhlef5488]

@@NoormemoAA ومن قال أن البقلاوة الجزائرية لا تصنع بالعسل الحر والسمن الحيواني الحر وأنا قلت تشبه فقط لكن طريقة صنع البقلاوة الجزائرية أرقى بكثيييير

[@doudadouda5045]

كيلو كامل فيه إلا 3 ملاعق دهن كيف تجي ؟

[@7480]

معاه 600 مل ماء

[@doudadouda5045]

@@7480 ربي يعطيكي ليرضيكي

[@kherabisenia2630]

جاوبيني تعيشي اختك من الجزائر . لازم سيشوار؟ 🥺🥺

[@7480]

المهم تجف الورقة شوية قبل ماتحطي عليها ورقة تانية

[@NoormemoAA]

سبحانه مش على اساس تتهموا فينا زي متاعكم تفضلوا اهي اختكم من جزائر تسأل على تفاصيل هىء

[@SarraBouzid-nq1bg]

البقلاوة الجزائرية التقليدية

[@wafaa7789]

شكلك مريضه امشي تعالجي احسن

[@NoormemoAA]

البكلاوة الطرابلسية الليبية يامرضى يامحور الكون

[@toufiksaad3131]

البقلاوه لازم الدهن وليس ماء وطحين ماء ودقيق والله فطير ليس الا

[@شرقليبيااحفادأسدالصحراء]

بكلاوة الليبية ✔️
بقلاوة طرابلسية ❌

[@NoormemoAA]

طرابلس جزء من ليبيا وبتعليقك هذا انت او انتي اطلع فيها من ليبيا يعني بلا هويه قبل ماتعلقوا فكروا قبل وفكوكم من الجهل تخلوا في عالم يل برا يضحك علينا

[@NoormemoAA]

مش ليبي تلاقيه ماهو عالم كيف يبي يعرفها عليك جهل

[@NoormemoAA]

فتان ونذل طرابلس وين في كوالالمبور يعني تافه

[@SarraBouzid-nq1bg]

# لا لسرقة الحلويات الجزائرية

[@lagazelle1052]

هادي بقلاوة تاعهم 😂😂😂😂 نحي الكومونتار بهدلتي بينا

[@NoormemoAA]

حسبي الله ونعم الوكيل فيكم واحد واحد تعليقات جاهله من عالم جاهل البكلاوة الطرابلسية الليبية من قبل ماتجي على دنيا منضركم بايخ في كل صفحه وقروب تخص ليبيا زاقبين

[@مامازهرة-ث8ر]

اهم حاجة نوع الدقيق ونوع السمن وانتي ما مركزتيش اعليه بكل

[@7480]

كاتبة في البداية دقيق خاص بالحلويات

[@مامازهرة-ث8ر]

الخاص بالخبزة يمشي حاله