睇曬MM成條片，睇咗阿Ken另一段訪問，再睇曬呢條片下面嘅90段留言，我覺得香港，呢個我由細到大成長嘅地方，真係好可悲。 每當有年輕人分享「悲慘嘅成長經歷」，都會有人講「有嘢你食已經算你好命」「學業壓力姐係咪呀」「試下出嚟社會做嘢」。 後生一代要面對嘅問題已經同上一代唔同。望下學童自殺案，啲人係因為屋企冇嘢食而自殺，定係因為追趕唔到家庭嘅期望，學業嘅壓力？ 「點解咁小事都咁大反應，係咪新世代抗逆力低咗？」未必，只係年代唔同咗姐，你唔係佢，冇辦法知道呢份壓力對佢嚟講有幾難受。 無論你點諗，我哋都會有一個共識，而家係2024年。呢句說話可能好難聽，但起碼我覺得，我狹隘嘅世界觀話我知，制度年年在變，其實00後面對緊嘅學業壓力，絕對不亞於你哋捱餓拼搏嘅痛苦。 不如咁講啦，大家都冇經歷過大家嘅痛苦，就算相同年紀，每一個個體經歷緊嘅人生都唔同，的確唔應該要求你對其他人有同情心，互相體諒。但不如咁，我哋可唔可以唔好喺人哋嘅「傷口」上面灑鹽，喺人哋鼓起勇氣，面對公眾分享嘅時候，講啲刻薄嘅說話？ 大家都成年人，有選擇嘅權利，唔明呢個故仔（又或者呢段留言），覺得「銀」耳嘅話，冇人逼你睇架，撳上一頁啦～ --------------------------------------------------------------------------------------- 難得我鼓起勇氣將自己嘅想法分享出嚟，我都想喺度多謝阿Ken仔XD 如果你有緣睇到呢段留言嘅話，希望你見到香港人唔係淨係識對你嘅人生指指點點，有好多人為你打氣。 同埋都謝謝你鼓起勇氣分享，我相信你嘅故仔可以鼓舞到人（起碼鼓勵咗小弟先），分享出嚟絕對有佢嘅意義。 你我雖然互不相識（but who knows～命運嘅齒輪可能會帶我認識你），但作為陌生人都想同你打氣，希望你可以搵到人生目標，努力加油。 --------------------------------------------------------------------------------------- 喺呢度都想回應下啲有趣嘅留言，想分享下自己嘅諗法： 「出到嚟做嘢，呢啲係小事」：唔同年齡層有各自嘅煩惱，你眼中嘅職場困境，喺一個八旬老翁眼中可能都不外如是。 「隱蔽咗五年好犀利咩」：有人同你鬥犀利咩？佢分享自己嘅故仔咋嘛，又唔係同你賣慘籌款😂你有更加「犀利」嘅故仔，歡迎投稿比MM，期待可以聽到你嘅分享～ 「柒頭皮」：大家咁話😄（吓唔係點？單純嘅人生攻擊，可以點覆） 「隱蔽青年同天生性格嘅關係」：呢個係一個好有趣嘅討論，我自己就命定論，覺得基因主宰咗人好多嘢，包括大腦點理解，詮釋人生入面嘅事。不過去到最後，我都要強調每人嘅人生都好唔同，你眼中嘅小事，喺我嘅世界入面可能係大件事，冇辦法直接比較。 「只係發明一個心理病嚟合理化打機呢件事」：呢個留言其實好值得討論，我諗到幾個向度 －有雞先定有蛋先：究竟係打機所以係病，定係因為病咗先打機 －世界所有嘢都係來自定義：係邊個話體溫37.5攝氏度以上，就叫「發燒」？咪又係人定義出嚟～ 去到最後，你或者抱有打機係衰嘅前設，所以先留言，先至覺得一個人需要justify（to give or to be a good reason for，即係合理化）打機呢件事。但我諗呢啲「心理病」字眼去到最後嘅作用，只係用嚟歸類、總結一個人嘅生心理狀況，方便理解，治療罷了。唔知你點睇。
Ken 好開心聽到你為自己同其他人發聲嘅「冇所謂」，彈琴彈錯之後嘅「幾好」、「順其自然」，同埋你話改變唔到嘅嘢就「慢慢」、「唔急」。亦都好想同你講，可能唔知幾時，又會突然望返個啲無人理解嘅一切，可能你已經將呢一切通通抹咗，自己都不知曉。但輾轉反側，呢啲無人知曉嘅一切，原來都埋下咗種子，帶你去到更遠嘅地方，成為一個更堅強、有愛嘅人了。謝謝你，Ken 。（諗起「㪐㩿 」呢首歌）
阿KEN,謝謝你願意分享你的心路歷程!我本身好內向，也在成長的過程中迷失過(其實現在也不是很適應社會，覺得人心險惡，也不喜歡形形色色的應酬)片段前半所提及的感受，我想講我真的經歷過!尤其係無人企你身邊，連家人都覺得你無病呻吟/嫌棄我。雖然每個人的經歷都不同，同你也不盡然相同，但睇到你的故事， 很替你高興!希望你找尋到自己想要的未來。SO DO I 。另外，我愛我自己，就算人地覺得我好奇怪，就算融入不到群體，我都非常愛自己!因為我覺得自己好特別。 加油啊！
多謝MM會做呢期。睇左真係感同身受，可能我都處於隱蔽邊緣。好記得，當時升學考試之前，覺得壓力好大，然後翻屋企同屋企人講，講到情不自禁流眼淚，屋企人就繼續睇電視，當時我真係好希望佢地可以關左電視，好好地同我傾一下。 Ken 有咁好嘅家姐，同遇到咁好嘅老闆、社工團體，為佢感到慶幸~有人關心你當下嘅感受，真係好重要
我覺得鏡頭面前既ken好可愛，私底下應該好有自己既思想，可能高敏人既特質加上過往經歷，所以有d難用語言就完全表達晒出黎。 其實佢訪問既部分好真實，好有溫度得黎亦都表達得好好，而且公開講自己既經歷好勇敢。ken絕對has a lot to offer，and I’m sure he’s a great person. 聽到佢小學咁細個就咁顧慮身邊既人，去到超級壓抑自己，真係好心痛。拍子機嗰度我覺得好有衝擊，睇到有d眼濕濕。 希望ken可以開開心心。 P.s.Ken 鋼琴彈得超好呀
老師只不過係一個普通人做緊一份工，唔好當自己高人一等，學生與老師base on 互相尊重。其實好多都唔專業(包括社工)，case by case係好難處理，但基本做個有愛的人去對待學生。她們年齡需要細但都要別人尊重的。現在不論小學中學大學生都選擇自殺，內心其實有千千結😢😢😢好彩阿Ken仲有親姐姐在意他❤加油慢慢建立自信。
後記：
私心很喜歡Ken。
因為想做一系列關於現代人「寂寞」的專題。
如果「寂寞」是「無人理解」，那「自己都唔理解自己」，真係好似跌咗出太空般寂寞。
年初時看了Ken的訪問，覺得他思考很多，很努力選用適合的詞語表達自己。
首次見面他問：「點解你想聽我嘅故事。我驚答唔倒你想要嘅嘢。」
我想聽嘅就係你嘅故事呢。
Kit問他參加活動最「深刻」的事是甚麼，他問：「『深刻』，是指對自己有影響的事嗎。」
想起自己平時傾偈太求其，腦裡Popup咩就講咩，但他卻認真地，一諗就好深入。
「想有『自己』，但其實你個『自己』，一啲嘢都無係吉嘅，嗰種感覺係，難受過你而家要去改變的動力。」
「隱蔽」好似好極端，但我想大家多少都經歷過這空洞的感覺。
或者，大家心目中，或者經歷過的寂寞，又是怎樣的呢。都可以討論吓。
你好，請問有冇Ken 果個服務既資料可以分享比有需要的人？
家姐會唔會定期幫阿ken釋放D蛋白質
@@ScubaSSSS 香港基督教服務處 「破格」隱蔽青年生涯發展服務
多謝ken同mm channel分享，睇完條片好多得著❤❤提醒我多啲去關心仔仔，另外我自己都係好在意人地反應既人，我自己都會加油搵一個適合自己舒服既方式💪
簡單講 出聲唔會有人聽 人講就一定要跟 永沒自己想法 因為每當有既時候都會有人批評指責你既諗法係歪理 你諗既係錯 有事發生 總之錯既就永遠係自己 所有旁觀者聽完都會叫你可以試吓順佢意去做 做完隔左咁多年都唔記得最真實自己係點樣 迷失左自己
佢係一個心思好細膩感情好豐富既人，對外在世界反應超敏感。
能夠答應出黎接受訪問，承受住成千上萬既網民既反應（可能係惡言！）
真係要好勇敢先得呀
看完影片後感慨良久，因為當中也有部份很像小兒當年小六的遭遇。希望事主不要因著那些失格的大人放棄自己，而是積極追求自己的未來人生。小兒性格活潑，喜愛球類運動，也熱愛音樂像事主，小六已考得七級綱琴。結果卻在小六下學期一位頑劣插班生因放學後與一位同學打架被老師看見，這位插班生卻藉此誣告其他十多位不在場的男同學霸凌他，其中包括小兒。這位搏出位的老師更不問情由發信給家長警誡這些‘bullying ’的學生和約見家長。事後多位家長約見校長為何不在場的學生跟霸凌扯上關係，這是嚴重無理的指責。一位不負責的校長推給班老師處理，老師為了尊嚴不肯認錯推給在校社工，社工又叫家長息事寧人不要再追究。結果本來活潑的小兒痛哭的把自己關在房內不願出來很多天。這件事一直影響到成年後不願再提起小學，雖然他的名字卻刻在禮堂當年的傑出學生名譽板上。難忘那位女社工警告我們家長過份保護子女會令他們以後更變壞，20多年過去，因著家人的支持諒解，小兒沒有因為這些失格的大人放棄自己，已是資深專業人士。希望事主有看留言的話，記住一些失格大人說的話做的事，都是屁，都不值得放在心裏。加油！
❤好鐘意佢嗰嗰句：“而家改變唔到嘅嘢，咪留俾未來嘅自己慢慢改，我又唔急”
佢嘅心，真的豁達了！
係睇化曬喇😂佢真勁
岩，唔後悔就得
@@lpy4653 尼句好正👍👏👏
你冇錯 係果個社工完全唔合格 仲有果個垃圾老師欺善怕惡 啲人格差既人唔止你有遇見過 我都有遇過 不過唔緊要 而家你已成年 保護自己 自己感受最重要
唔好意思，借你呢個較熱門嘅留言去傳達以下呢個訊息，希望大家睇到：
首先，可以肯定嘅係事主係喺小學四年級被社工邀請談話，但係片中只係以順序方式說明其後體育堂發生的不幸事件，冇清楚說明真正發生時間，正常觀眾或會理解作小學發生的事，單毫無疑問有部份觀眾誤解作中學發生的事（上一位留言證明了）；事實上的而且確係小學發生的事。根據影片描述，發生順序係：體育堂不幸事件→直至12歲考上心儀中學→上了幾個月學便退學隱蔽。甚至一位曾經為事主中一級同學嘅觀眾都誤解了整件事，更何況一般觀眾。
第二，不論係報道手法抑或拍攝手法皆放大了上述誤會。講笑咁講，大家睇開東張西望，例如報道緊邊間舖頭做衰嘢就影邊間舖頭，呢個一般普羅大眾都會咁樣認為，若然貴頻道拍攝該中學是想表達是主係曾經該中學中一級生，咁應該先去了解一般觀眾會，吸收到嘅訊息再去剪輯呢條影片。無疑呢條影片絕對係呢方面造成一定誤會。本人唔會作揣測貴頻道嘅拍攝方向但客觀嚟講點解拍攝得中學唔影埋小學？如果貴頻道曾經考慮過拍攝事主小學會構成不必要嘅仇恨吸引的話咁為何拍攝中學就唔會構成誤會？
港大社工以前AL DDEE都入到，宜家教師質素就更加唔駛講，兩樣都係某啲既得利益者加自己人工既得益者，態度差唔專業低水平，但佢哋仲覺得自己well deserved 佢果份人工
@@acewhite1042 奇怪 你講到就係小時候家庭教育冇錯
學校社工同老師不嬲都係呃飯食多，一直係到害香港下一代
@@mktomchan 父母係下一代既教育不可或缺亦係責無旁貸. 比得社工, 老師既呃飯食害左下一代, 父母唔識教係負起全責.
Ken唔知你睇唔睇到呢個留言
但係我真係好想講：見到你嘅努力，你好叻呀
無論有幾難，你都盡力去過呢個生活
見到家姐講你有幾貼心，就知道你係一個善良嘅人
知道唔易，唔洗特登去迎合其他人目標
你作為「自己」已經足夠好架啦❤
依家解決唔到，就交俾未來的自己，覺得講呢句說話嘅人好有智慧
成長的自己
尼句野等於，今日做唔完既野交俾明天的我，一樣咁有智慧
@@yybu2 今日做唔完既野交比聽日既我做 然後聽日既我就會想打柒今日既我
等於，今日返工做唔曬嘅，就留聽日，死都唔OT，呢啲直情係大智慧啦👍
呢句野只啱用於依家真係有解決緊但真係處理唔到，同埋解決唔到仲有聽日既事情。😢😢😢
家姐好有愛，呀Ken好有實力好叻仔！想呵返細個個陣既你😢
其實我跟佢差唔多，做過幾年隱青，最重要的係當時唔知自己想點，搵過工但做唔長，再加上自己會考成績超差。基本上無咩好工可以做，果時每份工做唔超過1個月，老實講，果時真係人生黑暗期。
情緒有問題，老豆唔理解，最慘係自己細佬有出黎做野，自己無，好彩係媽媽既扶持下，最後都走番出黎。好感恩，所以好欣賞呢條片既主角，加油
多謝Ken願意係鏡頭前，分享最自然最真實嘅自己，無論係說話、笑容、眼淚、腼腆⋯都係值得被珍惜嘅自己💕
為你嘅經歷感到好痛心，但好感恩你靠自己嘅努力，啊Kit嘅關懷，Billy嘅機會，啊沈（同其他朋友）嘅陪伴，家姐同家人嘅支持，能慢慢地重建自己，為你感到好proud!!!✨
@@tammy.0522 十分認同👍🏼👍🏼
睇曬MM成條片，睇咗阿Ken另一段訪問，再睇曬呢條片下面嘅90段留言，我覺得香港，呢個我由細到大成長嘅地方，真係好可悲。
每當有年輕人分享「悲慘嘅成長經歷」，都會有人講「有嘢你食已經算你好命」「學業壓力姐係咪呀」「試下出嚟社會做嘢」。
後生一代要面對嘅問題已經同上一代唔同。望下學童自殺案，啲人係因為屋企冇嘢食而自殺，定係因為追趕唔到家庭嘅期望，學業嘅壓力？
「點解咁小事都咁大反應，係咪新世代抗逆力低咗？」未必，只係年代唔同咗姐，你唔係佢，冇辦法知道呢份壓力對佢嚟講有幾難受。
無論你點諗，我哋都會有一個共識，而家係2024年。呢句說話可能好難聽，但起碼我覺得，我狹隘嘅世界觀話我知，制度年年在變，其實00後面對緊嘅學業壓力，絕對不亞於你哋捱餓拼搏嘅痛苦。
不如咁講啦，大家都冇經歷過大家嘅痛苦，就算相同年紀，每一個個體經歷緊嘅人生都唔同，的確唔應該要求你對其他人有同情心，互相體諒。但不如咁，我哋可唔可以唔好喺人哋嘅「傷口」上面灑鹽，喺人哋鼓起勇氣，面對公眾分享嘅時候，講啲刻薄嘅說話？
大家都成年人，有選擇嘅權利，唔明呢個故仔（又或者呢段留言），覺得「銀」耳嘅話，冇人逼你睇架，撳上一頁啦～
---------------------------------------------------------------------------------------
難得我鼓起勇氣將自己嘅想法分享出嚟，我都想喺度多謝阿Ken仔XD
如果你有緣睇到呢段留言嘅話，希望你見到香港人唔係淨係識對你嘅人生指指點點，有好多人為你打氣。
同埋都謝謝你鼓起勇氣分享，我相信你嘅故仔可以鼓舞到人（起碼鼓勵咗小弟先），分享出嚟絕對有佢嘅意義。
你我雖然互不相識（but who knows～命運嘅齒輪可能會帶我認識你），但作為陌生人都想同你打氣，希望你可以搵到人生目標，努力加油。
---------------------------------------------------------------------------------------
喺呢度都想回應下啲有趣嘅留言，想分享下自己嘅諗法：
「出到嚟做嘢，呢啲係小事」：唔同年齡層有各自嘅煩惱，你眼中嘅職場困境，喺一個八旬老翁眼中可能都不外如是。
「隱蔽咗五年好犀利咩」：有人同你鬥犀利咩？佢分享自己嘅故仔咋嘛，又唔係同你賣慘籌款😂你有更加「犀利」嘅故仔，歡迎投稿比MM，期待可以聽到你嘅分享～
「柒頭皮」：大家咁話😄（吓唔係點？單純嘅人生攻擊，可以點覆）
「隱蔽青年同天生性格嘅關係」：呢個係一個好有趣嘅討論，我自己就命定論，覺得基因主宰咗人好多嘢，包括大腦點理解，詮釋人生入面嘅事。不過去到最後，我都要強調每人嘅人生都好唔同，你眼中嘅小事，喺我嘅世界入面可能係大件事，冇辦法直接比較。
「只係發明一個心理病嚟合理化打機呢件事」：呢個留言其實好值得討論，我諗到幾個向度
－有雞先定有蛋先：究竟係打機所以係病，定係因為病咗先打機
－世界所有嘢都係來自定義：係邊個話體溫37.5攝氏度以上，就叫「發燒」？咪又係人定義出嚟～
去到最後，你或者抱有打機係衰嘅前設，所以先留言，先至覺得一個人需要justify（to give or to be a good reason for，即係合理化）打機呢件事。但我諗呢啲「心理病」字眼去到最後嘅作用，只係用嚟歸類、總結一個人嘅生心理狀況，方便理解，治療罷了。唔知你點睇。
TLDR，大概意思係 未知他人苦 莫勸他人善
@@ahsumxdd 如果呢個世界多d你呢種思維嘅人就好了
多謝你分享你嘅想法，呢段留言真係好有深度，令我反思咗好多。每個人都有自己嘅經歷同挑戰，唔應該互相批評，而係要多啲包容同理解。阿Ken仔嘅分享真係好有勇氣，佢嘅故事一定可以鼓舞到其他人。希望大家都可以多啲支持同鼓勵身邊嘅人，畢竟每個人都喺努力面對自己嘅人生。加油！
🥲
😢悲哀
很真摯和美麗的靈魂⋯
多謝MM和各位受訪者，特別是阿Ken！
同家姐傾偈嗰part令我重新反思同家人嘅相處，多謝你嘅勇敢，呢條片會影響同埋幫助好多人，謝謝！
二家姐好有耐性，細心感受他人需要，未來好女友😂 Ken 有位無條件愛佢既家姐，親情無價，好幸福。
一個好乖嘅小朋友，一直學習緊成為一個有聲嘅拍子機，好想同佢講聲加油
好高興佢有位好好嘅家姐同埋咖啡店老闆Billy一齊帶住佢，又有好朋友一齊陪住自己成長，慢慢長大後你會成為獨當一面嘅自己🔥
@@Piske0706 佢真係好幸運㗎點呀你家姐同咖啡店老闆帶領住佢,除咗沖咖啡仲要同客人social network,講笑話一定要望住對方雙眼~但其實可能望住對方眼眉額頭或者係耳仔對方都會感覺到你雙眼望住佢,講說話嘅禮貌係基本不過唔好長期啤死~同伴侶先會真係啤到實😆
所以做老師，社工，醫生，護士等這類工作，真係要有「心」，唔好只因人工高去做，真係會害人-生。
@vivifong100. 大多數人心目中覺得做醫生, 律師, 教師及護士等職業是專業人士兼是高尚職業, 佢哋個心只會向錢看。只有10之一個%的人用個心來做這份工。
你講既職業都高人工, 幾矛盾
@@vivifong100 醫士 護士起碼專業 又高風險行業 值得高人工 老師社工呢d咁垃圾又唔專業點解值咁高人工 比高d人工佢地又唔會幫d學生多d 人地歐美d老師人工低但都會care學生
@@christye9875 仲要好多老師好自大，一輩子係學校，除左校長，主任 無咩見識過中途輟學的創業家嘅勁人，20幾歲KOL,Trader,用佢哋咁守舊想法教要令社會破立創新的未來動棟 先係最諷刺。
個-生真係好短
好勇敢，要行出第一步好唔容易。
希望你會有更多嘗試，更多突破。
多謝你為自己發聲，要學識欣賞自己啊，加油
❤❤❤
Ken, 你肯踏出第一步已經好好，能夠對住鏡頭前講真實自己已經好難得。
我仔仔都試過隱蔽一年，因為讀傳統學校好多規範上堂好唔開心唔想番學。難得社工同佢傾到之後再讀Teen才再現program, 而家讀緊專上學院連病都堅持番學。加油，Ken. 你會搵到自己想走既路！
高敏人, 內心有好多感受, 如果有合適嘅傾訴對象, 會講出自己感受, 如果感覺對方唔係真正想關心自己嘅人, 就唔想講任何野。
心思細膩, 會好在意人地講嘢用嘅字眼同語氣, 但其實好多人講嘢都唔會諗太多, 傷害到人都唔知。
社工同老師嘅言行帶黎好大影響, 在此之後, 屋企人做唔做到避風港 & 自己心態好關鍵。
從來都願意講, 只係等待緊真心嘅聆聽者, 慶幸ken有位天使家姐❤
多謝你企左出嚟，要係鏡頭面前展現自己嘅弱點一啲都唔容易。
見到你今日肯踏出呢一步，so proud of you。
好心痛你有呢個成長經歷
但都好多謝你願意企出嚟分享，我哋做媽媽嘅，真係要多啲參考你哋嘅心聲😢
agree
我自小都好沉默，內向人最大問題是別人話自己的時候，唔識得回應，然後就不停被誤會。去到職業也會很吃虧。但是我會寫日記，自己和自己說話，找有愛心的人傾訴，這也是情緒出口。Ken都是因為有一班善良和愛心的同伴支持，才能走出困局。非常正向。
我也是，小學班主任叫我家人帶我去睇醫生。我只是太內向 不敢出聲 怕比人笑 ，之後中四完 就冇上學了。現在都37 歲。好彩自己創業 都成功左 但朋友不多
睇到喊，小朋友真係唔容易！
教育制度係一個問題
教師社工本就係不定數
家長怎可以仲可以完全無視小朋友真實感受
加油，所有小朋友、年輕人🎈🎈❤
⋯
以一個陌生人眼光看你，你係一個好有吸引力嘅男仔，人品好好，有才華。我諗我明白你感受，加油！請你做最好嘅自己，做最開心最有意義嘅自己。
可否找那位老師出來交代一下? 他的行為足以影響小朋友的一生!
香港大把呢D 仆街老師，好既老師已經離開左香港或者轉左行。
@@briankeung5541 個先生應該花幾多時間喺佢身上？ 其他學生呢？老師主要任務喺教書。 個細路其他事係咪應該家長負責？
@@rage8kage 老師連學生嘅精神狀態心理壓力都處理唔到，咁仲點叫做老師？老師嘅責任係教導學生，而唔係單純將課本嘅知識填鴨式教育啲學生
而且學生嘅問題係應該老師同家長一齊面對，而唔係一味將問題塞比其中一方
@@vincentwood4724 老師要負責你哋嘅精神狀態壓力etc？ 你講下好啦傻叉。 你有無俾個老師適當嘅訓練嚟處理呢啲情況呀？要攞個心理學學位又要用幾多年呀？ 得把口講就處理到架啦？
@@rage8kage 講緊佢推跌學生的行為 呢件事已經唔合理, 但你都仲可以Blame the victims
其實以前的細路識表達情緒，反而無現在咁困局，現在的細路收係心裏，連佢哋自己都唔識講出嚟，或根本現在的教師社工根本無攞個心出嚟聽學生的心聲，父母的角色對小朋友講出心底話係有啲尷尬
我估依家個社會咩都太快, 無論做決定或者個人接收資訊, 好多時無得選擇, 或者唔適選擇, 又或者想選擇時, 身邊人/社會已經幫你簡左。而近代細路身邊鮮少有懂得分析既人出現係佢地附近, 令情況每況愈下。
我認為依家華人社會呢個情況只會更加差落去, 因為都市人只看成功, 咩係眾人眼中所謂既 "成功" 我估唔洗解釋太多, 相信社會一定有有心既人去留意呢d情況, 但一定係小眾, 例如今日睇完有幾個個小朋友又跳樓, 第一時有反應, 到第二日又係返工返學。
點樣解決, 可能一生都解決唔到, 盡力做啦, 大家互相加油下
Ken 好開心聽到你為自己同其他人發聲嘅「冇所謂」，彈琴彈錯之後嘅「幾好」、「順其自然」，同埋你話改變唔到嘅嘢就「慢慢」、「唔急」。亦都好想同你講，可能唔知幾時，又會突然望返個啲無人理解嘅一切，可能你已經將呢一切通通抹咗，自己都不知曉。但輾轉反側，呢啲無人知曉嘅一切，原來都埋下咗種子，帶你去到更遠嘅地方，成為一個更堅強、有愛嘅人了。謝謝你，Ken 。（諗起「㪐㩿 」呢首歌）
其實Ken唔好介意自己有無自閉症，因為好多自閉症人都好talented的.見到Ken彈琴技巧超級好，好好聽，我更加相信Ken其實有好多潛能，或者呢刻未發現，但相信認真發掘一定可以既💪！另外，呢個世界真無話一定要點點點先叫正常，隱蔽生活其實都無咩問題呀。生活到，活得自在又開心就夠啦！
亞Ken你好勇敢。啲社工同你嘅老師係完全唔稱職。你一路嘗試新嘅挑戰，認識新嘅朋友，覺得你好犀利！你嘅無聲拍子機亦都好大聲咁話都俾呢個世界上嘅人聽，處於你嘅情況嘅時候，感覺係點樣。
其實大人都有唔同嘅方法去逃避，只係睇落有一啲方法大家比較接受。
希望你以自己嘅步伐去尋找自己喜歡嘅生活。你好inspiring
感謝你讓我們聽到隱蔽青年的心聲！欣賞你！
我好似見番小時候既我。一樣有被老師欺負過，不過我最後熬過左。加油，長大就會知呢個世界有好多大人係壞人，但都會有好人存在，一齊走出呢個陰影。
細個老師叫成班同學唔准同我玩，邊個同我玩就罰邊個 原因係我成績差
我記憶起在以前小學都比校長一把掌拍洛我塊面，我仲流緊眼淚，之後仲有氹我問我大不大力😂😲
我覺得，人，真係好需要 存在感。而喱位年輕人，未secure到自己嘅 存在感 前，就被太多內在、外在因素打擊，繼而 收埋自己。。。
佢有天賦，有care佢嘅屋企人（可能care嘅方法唔適合佢），希望佢順利重回正軌後，將來都會幫下其他有相同問題嘅人。
其實，我留言係想話，佢家姐，真係好正，好有愛
追咗MM嘅片好耐，成日都想留吓言，但今次真係第一次。
好有感動想鼓勵下Ken，覺得要有勇氣岀黎發聲，真係好唔容易，但你就係走咗岀黎。我好喜歡你講果句：「而家嘅我改變唔到，咪留俾之後嘅自己改，我又唔急。」令到一直想push自己嘅我，有啲感觸。知道過去有好多人傷害咗你，但希望都可以學識愛自己、表達自己，世界好大，好多好嘅人同精彩嘅事等緊你去發掘，加油！最後想講，你彈琴好好聽🥹
Ken 表達能力好好，而且了解自己，將抽象複雜的情緒結合遇到人生的困難，可以有條理地闡述情況。不如考慮寫書，幫助更多隱蔽人士。
Ken好勇敢！❤ 大人忽略咗小朋友情感需要，響佢脆弱自我懷疑嘅時候一而再受到傷害，睇到好心痛。
希望香港正視心理輔導重要性，唔好再一味乜都俾晒社工做。
社工 根本 缺乏同理心
Ken真的非常勇敢，一起為自己努力～
我自己不舒服的時候，也是一樣會把自己關起來
常常直到去理髮店剪髮的時候，才發現自己坐不住、全身不自覺顫抖
因為不喜歡鏡中的自己，還有太少和外界他人接觸...
所以每當理髮師碰到我一次，就會驚嚇到一次，短短半小時理髮時間卻覺得時間已經過半天那樣漫長了😢
我可能有啲明呢個感受，好似永遠都做唔到人地要既要求，自己永遠未夠好。雖然吾可以話一定同你經歷過既一樣，但係自己有類似經歷，然後而家都係走唔出自己的框架，即使個框架係自己比壓力自己
Ken，你為自己展現了勇氣，真的做得很好。希望你一步一步來，在希望被了解前，首先了解自己的情緒和感受，先愛自己，這很重要。我不會隨便向你說：加油，因為你走的每一步，證明你已默默的為自己努力。
KEN似有社交焦慮症同抑鬱多啲
自閉症唔係話啲人摺啲、唔同人social就係
(KEN會諗人哋點睇佢呢點 就已經可以證明佢嘅社交認知係正常 冇自閉症)
個社工亂咁講 搞到人唔開心仲要受到打擊...
社交焦慮症，抑鬱要家人同佢一齊去克服啲
Ken, 我覺得你好勇敢。不論係接受訪問定你最後講到「彈錯就彈錯」，我諗對你黎講都係好大好嘅進步。特別見到你接受訪問時好多時都有提起你會在意其他人對你嘅睇法。
希望你可以慢慢治療童年嘅傷口，慢慢行屬於自己嘅路 同埋 學識點樣舒發自己情緒，唔再壓抑自己情緒。
所有good boy同nice girl都會將自己感受放係其他人後面
但我想同你地(包括我自己)講 你嘅感受先係最重要‼
呢個係成長其中一樣要學習
我係大人 都仲練習緊
當你有好多情緒好多toxic嘅人同環境
請你地試下以下呢個方法幫助自己let it go
將所有注意力集中係自己個呼吸
可以係鼻毛 可以係唇毛
注意力唔好離開自己條毛 開始可以5分鐘
第二日10分鐘 第三日20分鐘
呢個方法係好有用
我從來唔會留言，今次睇到Ken嘅故事，好被觸動！只想同 Ken講，你好叻仔，有很多未被發現嘅潛力。雖然曾經被傷害，但你慢慢走出傷痛，重新起步。好唔容易，好勇敢！祝福你往後可以搵返自我，喜樂過生活！
潛力我估今日他28個英文字母他是否能夠串都成問題😂😂😂26😂😂😂
加油 Ken! 雖然我冇隱蔽起嚟，我覺得自己同你有啲似。我好細個大概4歲就已經覺得求人好難，好多嘢唔敢開口同父母講就喊定先，父母當然唔理解，覺得我係大喊包，一喊就打（呢啲陰影跟一世）。依家諗返起，我覺得當時係因為自己好內向、唔識表達自己、好在意人哋嘅諗法（怕父母覺得我麻煩？）。如用近年常用嘅講法，我應該係一個高敏小朋友（大人） ：考慮人哋點諗點睇先於自己心裡嘅想法、我可以睇得到人哋眉頭眼額、感受人哋內心嘅漣漪。
希望你可以一步一步走出來，大膽表達自己嘅想法，每個人只係活一次，為自己發聲唔係錯嚟❤
阿KEN,謝謝你願意分享你的心路歷程!我本身好內向，也在成長的過程中迷失過(其實現在也不是很適應社會，覺得人心險惡，也不喜歡形形色色的應酬)片段前半所提及的感受，我想講我真的經歷過!尤其係無人企你身邊，連家人都覺得你無病呻吟/嫌棄我。雖然每個人的經歷都不同，同你也不盡然相同，但睇到你的故事， 很替你高興!希望你找尋到自己想要的未來。SO DO I 。另外，我愛我自己，就算人地覺得我好奇怪，就算融入不到群體，我都非常愛自己!因為我覺得自己好特別。
加油啊！
Ken❤ wanna give u a big hug
唔洗擔心 你一定會愈來愈好
你已經好叻踏出第一步架啦
同埋唔洗咁在意人地睇法
別人睇法好多時都係一下 最緊要係你自己點睇自己🫶🏻你咩心情
多謝Ken勇敢分享自己的成長經歷，很有啟發性o
Ken好叻
壓抑住心情真係唔好受
希望你越嚟越好❤
想同你講！你好犀利，多謝你願意行出呢一步去嘗試唔同的事、接觸唔同人，多謝你的真誠同勇氣🤍💛🫂
你很勇敢說出內心的不安和恐懼的經歷，祝福您漸漸更茁壯成長和有美好的人生❤
勇敢地重新出發, 多謝家人的理解和支持, 感謝你的分享
Ken,多謝你咁勇敢分享自己嘅經歷同感受！喺訪問中感受到你嘅善良、細膩同才華，你嘅存在（仲有你二家姐）令世界多一份美好（希望你唔好覺得我誇張，真心覺得）。
我係一個內向而且唔識講嘢嘅人，但唔代表我無想法同感受，好多謝你代我表達出嚟🥲
你好叻；有勇氣去表達自己的難處，真正面對自己過去，是真正醫治和釋放，我都冇你咁叻，我選擇忘記過去,努力將來的！
謝謝Ken,能真心講出很多內心感受🙏🏻
之前係另一段片有睇過佢訪問
呢度更加睇到由細到大 身邊人都鍾意貼上不同標籤
生性=聽話+順從=符合正常期望
你唔符合期望 去搵社工輔導 輔導應該係引導佢去探索自己 認識自己 最後打開自己
但就輕易被貼上自閉嘅標籤 可能佢沈默多一陣就願意講少少
到上堂時老師唔尊重 只搵好蝦嘅對象去發泄情緒 結果成為陰影 亦貼上問題學生嘅標籤
更加睇到學校係社會嘅縮影 同學嘅目光就代表你當下嘅哭係不應該有 亦不可以有
被接納就好似食野咁 身邊人冇話你知 你點樣都係會被接納嘅 又何來信心去面對困難 就如冇食物進入身體 提供營養 身體又何來能量去運作?
Ken只係其中一個例子 要走出來去感受被接納同接納別人 只能靠自己！👍👍
多謝Ken的真誠坦白分享，好感動！
提醒我這些隨口噏我嘅人，小心說話，免得傷了人而不知；同埋多些關心朋友❤
加油啊。很感動你跨出的這艱難的一步。
其實，因為你是善良的人才會有這些負擔。
未來的你，相信會比現在更好。祝福你❤
好多人都唔應該做老師/社工
當年小學比人偷野 班主任發現後鬧我做乜帶玩具返學(我全級考最尾 偷野果個全級頭30,鬧左2個星期最尾屋企人忍唔住幫我搞退學 個班主任仲打黎話我自己衰就算 仲影響埋D好既學生真係多得我唔小
學習認識自己係一個好開始，慢慢黎，你一定會搵到目標，搵到快樂👍👍
作爲老師，的確會對學生造成好大影響。
我好記得中學時候我好中意彈結他，成績好差。上堂老師閙人時候對我人身攻擊，問我有乜用？以後出黎社會揾到食咩？
當時我冇回應佢，我身邊同學聽到都覺得好過分然後為我發聲。我就一笑置之，但其實我深深記住左哩件事。
對於我黎講，爲人師表。一時意氣咁樣批死學生，真係會有機會造成好大影響。好彩既係當時被攻擊對象係我。
我一直都唔太介意別人睇法，我尊重生物多樣性。 但如果對象係其他比較自卑或悲觀學生。
公開課堂時間詆毀學生，輕則令學生自信心瓦解。需要心理輔導，或長時間重建信心。
重則輟學，輕生。
我以前中學嘅基督徒，老師都當眾講過呢番說話話我，我長大後一直用自己嘅能力幫助弱勢社群。
請問Ken是否在九龍讀書😂?
讀得成書唔一定識教人，小學讀書差比垃圾教畜逼做班長，一開始就講過唔想做，叫我試住先，結果成日比佢罵點解班長成績咁差。做一個學期就炒左。垃圾教畜玩學生無人性。多得佢令我提早知道人心險惡。
睇完呢段片，好心痛。我係80後
我都有90後的家人有同樣問題，未解決。
根據我既觀察，發現90中後尾，至00後的兒童，有以下情況
如果覺得我講錯，可指正
讀書風氣，競爭大，造成壓力大
以前我地壓力都大，但現今父母自以為是，覺得自己以前達唔到的成就，想施加落班小朋友身上，用自己小朋友去同其他小朋友比較，目的係炫耀自己有幾叻，‘製造’好叻的小朋友，但無想到令小朋友的身心發展受影響，呢個問題愈來愈廣。
父母強行施加過多小朋友無興趣做的興趣班，根本都唔開心。壓大更大
壓力大左，令佢地細細個開始已感受到對社會的不安感，容易胡思亂想。 一部分開始選擇自己一個人唔社交，有喘息空間。 另一部分想不開的就結束生命。
另外係社交媒體上的比較。 例如會用自己在某平台上的followers人數去比較自己的成功與否。 每日有好多時數完全在手機上，又進一步缺少了真正面對面的社交技巧。
容易overthink. 明白好多人會有話中話。但其實對方可能普通講一句，點知自己胡思亂想鑽牛角尖。太多先入為主。
唔知係唔係世代風氣問題，造就佢地出來工作，自私左，工作方面的責任感會低左。 以前我地，唔敢講全部人，但好多都會無私分享自己經驗，互相交流及學習。 但接觸好多新一代在社會工作，都有一種自大感，當然，都係成長經歷一部分，但點知做錯野比人話2句，都唔會覺得自己錯。 當然有啲就真係自己無錯。 不過都要睇運氣，遇到好上司好同事就話姐
於是好多新一代受到坐敗感，所以選擇唔工作，變成隱蔽青年，有啲好少少例子會選擇唔返全職工作，每星期返2、3日兼職就算。
疫情出現，更加打開左珍惜獨自生活的時間的重要性，有啲會選擇簡簡單單過到活就算，橫掂都買唔到樓
其實我地而家既社會環境真係同父母甚至祖輩環境完全唔同。試諗下50-80年代，無智能電話無電腦，所有娛樂要靠一大班人一齊先玩到，加上當年佢地既父母親個個都出去搵食留低曬d細既自己係屋企自己搞掂，仲要鬼咁多兄弟姐妹，責任感同溝通能力人際關係自然係同而家無得比。
新一代少子化，每個家庭一個起2個止，而父母關注全部集中曬係小朋友身上，屋企入面應該要比小朋友嘗試擔起責任既部分都唔比做，簡單到洗個碗煮飯鋪枱，一係就話驚小朋友整親受傷，一係又話驚佢地燒左間屋，一係就話做家務曬佢學習時間🤷🏻♀️家庭入面都無需要小朋友負責既地方，根本無地方可以體驗何謂責任心，自己係屋企既定位同應該要負責什麼都唔知道，出黎社會就更加唔會有。
再加上社會地位追求，大人都將自己細個未被滿足既夢想全部投射到小朋友身上，將自己同小朋友既time schedule有幾滿填幾滿，一點metime都唔留，就好似吊蘿蔔既兔仔要係咁跑不特止，後面仲要加個hunter追殺，逼住小朋友跑。本來小朋友既年紀就係應該好似50-80年代咁出去玩去社交去落手落腳做野體驗，而家就變左將大人生活個堆虛無壓力壓曬落個小朋友到，唔好忘記18歲前既整個階段都係小朋友體驗同建立自我既階段，而唔係為父母夢想工作既工具人🤷🏻♀️根本係而家社會變質，家長要追求名望同社會地位；學校要成績去升grade當公司咁經營，成個所謂教育行業都變成商業核心，有咩可能唔抑鬱🤷🏻♀️😑
@@MultiMusicfans所以我覺得去到一個階段，要著重青少年的身心發展，包括解難能力，獨立處事能力，社交技巧以至抗壓技巧，呢類教科書唔會教的事。
有學校有做，不過可能係一個學生整個讀書時期先參與過一次咁大把。
@ 如果真係要講身心發展，我認為人生唔同階段都需要，特別是0-18歲，幼稚園有幼稚園要做既身心發展；小學有小學既，到中學都有，因應唔同成長階段有唔同程度既安排是必須的，我認為唔應該只著重係中學/青少年階段，因為我地所見既好似片中個位朋友，只係一個結果，係由佢細個經歷所顯化既結果。既然發現社會需要注重身心健康，特別是家庭健康（我認為會形成呢種結果既除左社會壓力，作為人生帶領者既父母都好需要認知何謂教育，或者如何成為陪伴者角色）及教育者既身心健康，而唔能夠只focus係眼前問題（果）
其實講得再多，造成社會現狀既成因錯綜複雜，要改變都無可能一次過，所以都好欣賞MM一直係社會上搵唔同既生活題材，比機會更多既人正視社會現況，從而進一步去探討問題成因同解決方法，希望久而久之會有在位人士睇到，有心有力去行動。
@ 太多人將不正常歸納為社會常態，而唔去反思成因同作出改變🤷🏼♀️
十幾年前做過隱青，對於你屋企嗰位，
可以試下帶佢出門運動/行山/睇戲之類唔洗點講嘢嘅活動， 交流盡量只講同當日活動有關嘅話題
例如行山同佢講風景，睇戲問佢覺得套戲點，但唔好覺得佢一定要應你好多，唔好怕沈默，等佢自己想出聲
只要有出門活動，外界就會畀到佢剌激，自然會思考，會思考就有機會會想改變現狀(但記得唔好硬拉佢出門)
當年我屋企人做晒D反效果嘅嘢，結果直到佢地咩都唔做之後我先慢慢開始想改變
唔好表達感情係上上一代長輩對上一輩的方法，而呢一代父母有些知識都應該會開放多少少肯比自己下一代表達自己感受……係咪又係果啲要搵錢邊得閒理咁多果啲父母？（純講出自己感受，唔好認為比左飽飯自己細路食，自然佢地就會健康成長果啲父母）
努力過了，能走出來非常不容易。希望未來的你都能一一克服困難。真的，不用急。
非常欣賞和感謝Ken分享的故事，讓我們作為父母的能多一點了解兒女在成長中的掙扎、恐懼、不被接納和尊重的寂寞！今日的Ken已經長大了！不再懼怕，勇於面對自己的過去，有能力盼望「將來的自己」！Ken 謝謝你啊！💝
睇完，其實Ken好叻仔，勁過大部分人。真係要知道自己其實好好又好叻，又有同理心❤
好開心聽到您嘅故事
加油Ken，你好勇敢，希望你慢慢建立自信，相信自己💪🏻💪🏻💪🏻
Ken,你好叻！你改變咗好多，呢兩年試咗好多唔同嘅嘢，恭喜你！要好好愛錫自己啊！你係獨一無二，好有價值嘅。
Ken，其實你好有自己嘅特質，心思細膩，祝福你能好好玩尼場人生遊戲。
你令我諗起以前睇過一本書叫”The highly sensitive child”。
多謝MM會做呢期。睇左真係感同身受，可能我都處於隱蔽邊緣。好記得，當時升學考試之前，覺得壓力好大，然後翻屋企同屋企人講，講到情不自禁流眼淚，屋企人就繼續睇電視，當時我真係好希望佢地可以關左電視，好好地同我傾一下。
Ken 有咁好嘅家姐，同遇到咁好嘅老闆、社工團體，為佢感到慶幸~有人關心你當下嘅感受，真係好重要
家姐真係好sweet好有愛☀️
祝年青人有勇氣，力量和感恩的心向前進發，創出美好人生！
我覺得鏡頭面前既ken好可愛，私底下應該好有自己既思想，可能高敏人既特質加上過往經歷，所以有d難用語言就完全表達晒出黎。
其實佢訪問既部分好真實，好有溫度得黎亦都表達得好好，而且公開講自己既經歷好勇敢。ken絕對has a lot to offer，and I’m sure he’s a great person. 聽到佢小學咁細個就咁顧慮身邊既人，去到超級壓抑自己，真係好心痛。拍子機嗰度我覺得好有衝擊，睇到有d眼濕濕。
希望ken可以開開心心。
P.s.Ken 鋼琴彈得超好呀
好羨慕你有愛你鼓勵你嘅家人
你好勇敢，你好好珍惜
一路睇呢段片，我一路流眼淚。
因為我好似ken，雖然我無隱蔽，我年紀比ken大一倍，我已有自己家庭小朋友。小時候一路長大，我都覺得自己同人好唔同，我很內向，不善交際，不善辭令，不懂回應別人，由小學到大學，也會收埋自己，難以得到關注或關心。呢一種連自己都解釋唔到既問題，我困了40年。當我對工作，面對社會，工作很困難，當人地開開笑，我只會縮埋一邊
Kent,好欣慰，你終於找到做回自己的路❤
Ken 加油啊！您有音樂才華，好叻仔呀
勇敢踏出的一步，對社會提醒是很大的進步🙏🏼🙏🏼🙏🏼
Ken加油啊！勇敢做自己喜歡的事！❤
Ken, 你好勇敢.......你重新走出的第一步就是你說出你自己的感受開始。支持你勇於表達自己感受!
多謝milk milk用心做每個專訪，令大眾更加識得多啲關心身邊弱勢社群❤
Ken 你做得好好 好叻啊 可以喺鏡頭面前講自己嘅過去經歷同感受🫂🫂🫂
多謝你願意分享咁真實嘅你，係你嘅分享入面我睇到好多我自己🥹，好多細個喺學校嘅難過經歷，直到而家就算同朋友講咗，都唔會覺得舒服咗，原來身體一直都記著個難過同陰影🥲，希望大家都有一日可以走得出呢個陰影🥹
阿Ken, 係你自己踏出舒適圈，面對自己，不断改善和進步，係你努力的成果.😊
Ken 多謝分享, 我們做父母學了一課, 我們講的說話是必須正面, 不在意也有殺傷力. 您有無限量潛力. 多與關心您的朋友共處， 多一些啟發。
真係覺得好感動，尤其慢慢一步一步接受自己。同時好佩服二姐家，願意陪伴自己細樓一起成長。🥹❤
Ken都觸角敏銳，感情細膩的年青人！加油啊！你一定會活得更好！
老師只不過係一個普通人做緊一份工，唔好當自己高人一等，學生與老師base on 互相尊重。其實好多都唔專業(包括社工)，case by case係好難處理，但基本做個有愛的人去對待學生。她們年齡需要細但都要別人尊重的。現在不論小學中學大學生都選擇自殺，內心其實有千千結😢😢😢好彩阿Ken仲有親姐姐在意他❤加油慢慢建立自信。
Ken 很勇敢 ， 樣子也很平和近人。 應很多人會喜歡和他做朋友
好勇敢，好叻
要走到呢步好唔容易
加油
相信每個人綻放既速度、方式都唔一樣，慢慢認識自己🫂
很勇敢！相信你的信息幫到唔少人😊
加油，Ken你好努力，好好行下去～很多人都支持你！❤️
睇完阿Ken的訪問，覺得停學未必是壞事，反而給予空間抖氣，家人明白和支持真的很重要，雖然有人覺得中學未畢業，好似沒有了前途，但從阿Ken身上，知道他的未來很多選擇和目標，加油！
拍子聲有聲啦
Ken你做得好好
慢慢黎
跟返自己步伐
唔使太在意人地
你拍呢段片分享得好好
你有好好嘅家姐，比啲驚喜佢地，加油ken仔
見到佢個樣好精神，其實佢係最了解自己既人（anyway，佢彈琴個樣好有型）
希望大家睇到：
首先，可以肯定嘅係事主係喺小學四年級被社工邀請談話，但係片中只係以順序方式說明其後體育堂發生的不幸事件，冇清楚說明真正發生時間，正常觀眾或會理解作小學發生的事，但毫無疑問有部份觀眾誤解作中學發生的事；事實上的而且確係小學發生的事。根據影片描述，發生順序係：體育堂不幸事件→直至12歲考上心儀中學→上了幾個月學便退學隱蔽。甚至一位曾經為事主中一級同學嘅觀眾都誤解了整件事，更何況一般觀眾。
第二，不論係報道手法抑或拍攝手法皆放大了上述誤會。講笑咁講，大家睇開東張西望，例如報道緊邊間舖頭做衰嘢就影邊間舖頭，呢個一般普羅大眾都會咁樣認為，若然貴頻道拍攝該中學是想表達是主係曾經該中學中一級生，咁應該先去了解一般觀眾會，吸收到嘅訊息再去剪輯呢條影片。無疑呢條影片絕對係呢方面造成一定誤會。本人唔會作揣測貴頻道嘅拍攝方向但客觀嚟講點解拍攝得中學唔影埋小學？如果貴頻道曾經考慮過拍攝事主小學會構成不必要嘅仇恨吸引的話咁為何拍攝中學就唔會構成誤會？
係噃，一路講佢小學嘅經歷，但一路剪間中學既外觀落去，我冇留心睇都以為係間中學嘅社工同老師咁樣對佢！
我無誤會到係中學發生
我無誤會到係中學發生X2
感謝你嘅勇氣！呢個世界需要你❤請好好擁抱自己
Ken你做得好好，學習唔好自責，你好優秀，加油💐
好欣賞你開始成為有聲的拍子機，謝謝你的勇氣❤
Ken ，多謝你願意接受訪問，讓我哋去分享你嘅故事！你好勇敢，你好叻！其實你表達自己嘅能力很高，你能夠覺察到自己嘅感受同需要！希望呢幾年嘅經歷，令你更加清楚自己嘅需要！記得多擁抱自己！祝福你未來嘅生活！
其實Ken最後選擇左係大家面前分享真係好勇敢
你既家人朋友都好愛你 你最後都走到出黎 真係好叻❤
你既未來一定會好幸福 加油啊！
呢個囝本性好乖。祝福佢❤
高敏是種天賦，你可以走出來真係好叻！生命在你手你還年輕有無限可能！要多d愛自己，每一小步的都得來不易💪🏻你一定可以找到自己的閃亮點，家姐實在太可愛❤