Ijtimoiy himoyaga muhtoj aholi doimo e’tibor markazida

So‘nggi yillarda barcha sohalarda bo‘lgani kabi aholining ijtimoiy himoyaga muhtoj qatlamlarini davlat tomonidan qo‘llab-quvvatlashning samarali tizimini shakllantirish borasida ham keng ko‘lamli ishlar amalga oshirilmoqda.
O‘zbekiston Respublikasi Prezidentining "Nogironligi bo‘lgan shaxslarga ko‘rsatilayotgan tibbiy-ijtimoiy xizmatlar sifatini yanada yaxshilash chora-tadbirlari to‘g‘risida" 2021-yil 9-avgustdagi PQ-5217-son Qarori asosida Buxoro tumanida qator chora-tadbirlar amalga oshirilib kelinmoqda.
Jumladan kuni kecha Janubiy-g‘arbiy maxsus harbiy okrug qo‘shinlari qo‘mondonining o‘rinbosari polkovnik Iskandar Mallayev Buxoro tuman hokimi Xayrillo Jo‘rayev, hamda tuman Tibbiy ijtimoiy xizmatlarni rivojlantirish bo‘limi xodimlari tumandagi imkoniyati cheklangan, o‘zgalar yordamiga muhtoj “Qavola Maxmud” mahallasida yashovchi Ochilova Ferangizga Bahrayn davlatidan kelgan nogironlar aravachasi va “Rabotak” mahallasida yashovchi oilasida 5 nafar nogironi bo‘lgan S.Hamidovga tuman hokimi tomonidan televizor, 10 dona tovuq, 10 dona quyon va oziq-ovqat mahsulotlari berildi.
Buxoro tumani hokimligi axborot xizmati