Шаҳардан ташқарида: Пойтахтдан 75 км узоқда жойлашган Парпи ота зиёратгоҳи | Shahardan tashqarida

"Шаҳардан ташқарида" кўрсатуви
"Тошкент" телеканали
Тошкентдан атиги 50 км узоқликда шаршаралар водийси бор. Товоқсой шаршаралар водийсида қирққа яқин шалола бўлиб, ундан 7-8 таси катта шаршаралар ҳисобланади.
Шаршараларга бориш учун Бўстонлиқ туманидаги Товоқсой қишлоғига бориш керак. У ерга тур орқали гидлар билан, шунингдек, шахсий машинада бориш мумкин. Поезд ёки Ғазалкентга кетадиган маршруткалар билан борса ҳам бўлади. У ҳолда Ғазалкентга етмасдан “Хонбалиқ” мажмуаси олдида тушиб қолиб, шу ердан Товоқсой шаршаралар сўқмоғигача 5 км пиёда юриш ёки такси кира қилишга тўғри келади.
Тошкент марказидаги Салар темир йўл бекатигача пиёда бордим. Ўтган йили карантин бўлиб, бундай яшиллик мавсумида тоққа чиқиш мумкин бўлмаганиданми, кунлар яхши исиганиданми бекатда тумонат одам. 7-8 йилдан бери шу ердан тоққа қатнайман: бунақа тумонатни кўрмагандим. “Ҳа, майли, вагонда жой мўл бўлади, бемалол кетаман”, деган хаёлда вагон эшигидан амаллаб ичкарига кириб олдим. Ичкарида ҳам тумонат одам, аввалги бекатларда ҳам роса одам чиққан шекилли, ўтиришга умуман жой йўқ. Вагон бурчагидан жой топдим, манзилгача туриб кетишга тўғри келди.
Товоқсой шаршараларига бориш учун Аранчидан кейинги Паргос бекатида тушилади. Вагондан тушиб, чап тарафдаги кўчага кирилади. Озгина юрилгандан сўнг ўнглаб кетилса, масжид чиқади. Шу ердан тўғрига, сой бўйлаб автомобил йўли билан юрилади. Товоқсой ГЭСининг 2 та канали устидаги кўприкдан ўтилгандан сўнг яна сой бўйлаб қишлоқ ичидан тўғри кетилади. Қишлоқ охиридаги кичик темир кўприк олдидан шаршараларга олиб борувчи сўқмоқ бошланади.
Паргос бекатидан шу сўқмоққача 5 км ни қийналмай юриб қўйибман. Тоғ бағридаги қишлоқлар маза-да, тоза ҳаво, атроф гўзал - томоша қилиб кетасан.
Шаршаралар ва каньонлар сари олиб борувчи сўқмоқ сой бўйлаб ўтади. Деярли адашиб қолмайсиз. Сойни мўлжал қилиб юрсангиз, адашмайсиз. Шунингдек, MAPS.ME иловасини ҳам юклаб олинг. У ерда трекинглар ва асосий шаршаралар белгиланган.

[@user-pd5cc3vv4u]

Мунча зур жойди топдиларинг укажонлар саломат булинглар мартабаларинг баланд булсин