🔴 Live ಶ್ರೀ ಬಸವ ಮಹಾಪುರಾಣ ಪ್ರವಚನ ತೇರದಾಳ| ಸಂಚಿಕೆ 16

#Basavapuranapravachanatetdal
#Shree Mahant Prabhu Mahaswamigalhu
#Sachinterdal
#
ಶರಣ ಬಂಧುಗಳೇ,
ವಿಶ್ವಗುರು ಬಸವಣ್ಣನವರು ನಿರ್ಮಿಸಿದ ಅನುಭವ ಮಂಟಪವು ವಿಶ್ವದ ಪ್ರಥಮ ಧಾರ್ಮಿಕ ಸಂಸತ್ತು. ಘನತೆವೆತ್ತ ಈ ಅನುಭದ ಮಂಟಪದ ಪ್ರಥಮ ಅಧ್ಯಕ್ಷರಾದ ಶ್ರೀ ಅಲ್ಲಮ ಪ್ರಭುದೇವರು ಮಹಾನುಭಾವಿಗಳು, 12ನೇ ಶತಮಾನದ ಬಸವಾದಿ ಶಿವಶರಣರಿಗೆ ಸೂಕ್ತ ಮಾರ್ಗದರ್ಶನ ಮತ್ತು ಪ್ರೇರಣೆ ನೀಡಿದವರು ಬಯಲನ್ನೇ ಯೋಗವಾಗಿಸಿಕೊಂಡು ಬಯಲಯೋಗಿಗಳಾದ ಶ್ರೀ ಅಲ್ಲಮಪ್ರಭುದೇವರು ಒಲಿದು ಪಾದವನಿಟ್ಟ ನೆಲವು ಕ್ಷೇತ್ರವಾಯಿತು. ಜಲವು ಪಾವನತೀರ್ಥವಾಯಿತು. ದಿಟ್ಟಿಸಿದ ದಿಕ್ಕು ಮಹೋನ್ನತ ಮಾರ್ಗವಾಯಿತು.
ಲೋಕಸಂಚಾರಿಗಳಾದ ಅನಾದಿ ನಿರಂಜನ ಜಗದ್ಗುರು ಶ್ರೀ ಅಲ್ಲಮಪ್ರಭುದೇವರು ತಪಗೈದ ತೇರದಾಳ ಪಟ್ಟಣದಲ್ಲಿರುವ ದೇವಸ್ಥಾನವು ಶಿಥಿಲಗೊಂಡಿತ್ತು. ಪಟ್ಟಣದ ಗುರುಹಿರಿಯರು ದೇವಸ್ಥಾನವನ್ನು ಜೀರ್ಣೋದ್ಧಾರಗೊಳಿಸಬೇಕೆಂದು ನಿಶ್ಚಯಿಸಿ ಕಾರ್ಯಪ್ರವೃತ್ತರಾದರು. ದೇವಸ್ಥಾನ ನಿರ್ಮಾಣಕ್ಕಾಗಿ ಸರ್ವಸಮಾಜದವರು ಹಗಲಿರುಳು ಶ್ರಮಿಸಿದರು. ತೇರದಾಳ ಹಾಗೂ ಸುತ್ತಮುತ್ತಲಿನ ಗ್ರಾಮದವರು ಸಹಕಾರ ನೀಡಿದರು. ದಾಸೋಹಿಗಳಾದ ಸನ್ಮಾನ್ಯಶ್ರೀ ಜಗದೀಶ ಗುಡಗುಂಟಿಮಠರವರು ಈ ಕಾರ್ಯಕ್ಕಾಗಿ ಬಹುದೊಡ್ಡ ಯೋಗದಾನವನ್ನು ಕಲ್ಪಿಸಿದರು. ಎಲ್ಲರ ಪ್ರಯತ್ನದ ಫಲವಾಗಿ ಇದೀಗ ಸುಭದ್ರ ಸುಂದರ ಮಂದಿರವು ತಲೆಯೆತ್ತಿ ನಿಂತಿದೆ. ತೇರದಾಳ ಪಟ್ಟಣದ ಕಳಸಪ್ರಾಯವಾಗಿ ಕಣ್ಮನ ಸೆಳೆಯುತ್ತಿದೆ. ಭಕ್ತಕುಲಕೋಟಿಯ ಶ್ರದ್ಧಾಕೇಂದ್ರವಾಗಿ ಕಂಗೊಳಿಸುತ್ತಿದೆ.
ಶ್ರೀ ಅಲ್ಲಮಪ್ರಭು ದೇವಸ್ಥಾನದ ಲೋಕಾರ್ಪಣೆ ಸಮಾರಂಭವನ್ನು ಹಲವು ಹತ್ತು ವಿಶೇಷವಾದ, ವಿನೂತನವಾದ, ವಿಧಾಯಕವಾದ ಕಾರ್ಯಕ್ರಮಗಳನ್ನು ಅತ್ಯಂತ ಯಶಸ್ವಿಯಾಗಿ ಜರುಗಿಸುವುದು ನಮ್ಮೆಲ್ಲರ ಪರಮ ಕರ್ತವ್ಯವಾಗಿದೆ. ನಾಡಿನ ಜಗದ್ಗುರುಗಳು, ಹರಗುರು ಚರಮೂರ್ತಿಗಳು, ಸಮಾಜ ಸೇವಕರು, ರಾಜಕೀಯ ಧುರೀಣರು, ಸೃಜನಶೀಲ ಸಾಹಿತಿಗಳು, ಕವಿಕಲಾವಿದರು ಭಾಗವಹಿಸಿ ಸಮಾರಂಭದ ಗೌರವವನ್ನು ಹೆಚ್ಚಿಸಲಿದ್ದಾರೆ. ಪೂರ್ವಭಾವಿಯಾಗಿ ಶ್ರೀ ಬಸವ ಮಹಾಪುರಾಣವು ಪೂಜ್ಯಶ್ರೀ ಡಾ. ಮಹಾಂತಪ್ರಭು ಮಹಾಸ್ವಾಮಿಗಳು ಶ್ರೀ ವಿರಕ್ತಮಠ ಶೇಗುಣಸಿ ಇವರಿಂದ ನೆರವೇರುತ್ತಿರುವುದು ಪುಣ್ಯವಿಶೇಷವಾಗಿದೆ. 14 ಅಕ್ಟೋಬರ್ 2024 ರಿಂದ 11 ನವೆಂಬರ್ 2024 ರವರೆಗೆ ಈ ಐತಿಹಾಸಿಕ ಸಮಾರಂಭವು ಜರುಗಲಿದ್ದು ಪ್ರಜ್ಞಾವಂತ ಸದ್ಭಕ್ತರಾದ ತಾವು ತನುಮನಧನಗಳೊಂದಿಗೆ ಕಾರ್ಯಕ್ರಮದ ಯಶಸ್ಸಿಗಾಗಿ ಸೇವೆ ಸಲ್ಲಿಸಬೇಕು.

[@uk377]

Om Shivay Namaha

[@shrikantgadagi7271]

🙏🙏🙏🙏

[@pushpavati.ainapur.255]

🎉🙏

[@rajunaik1111]

ಓಂ ನಮಃ ಶಿವಾಯ ರಿ ಅಪ್ಪಾಜಿ