CCIX ΣMER : Tagezzumt (Iγrem n Ssat, Tinejdad, yulyuz 1977)

Tagezzumt nna iger Ccix Ɛmer g tmeɣra ikkan ɣur Ayt Butḍarin, g iɣrem n Ssat g Tinejdad, g wayyur n yulyuz n useggas n 1977.
A’ ki-zzureɣ nḍaɛ-k, a Luḥid Lɛalim,
A wadda ur iccarr ka d bnadem wala
Inna at-ten-icawer Ugellid Lɛaḍim !
Keyyin abda as da njjijiy ar ak-
Sniliɣ lemsayel i-imyagarr. Unna
Iggunnan lferja-nnek ad ixub ur inni.
A Bab l-lferḥ-a, rjiɣ Ssadat, ar a-
Sen-d-qqareɣ a’ k-ig Mulana d lmital
N yan uɣbalu, ixeyyer tigemmiwin !
Unna d-iḥri fad, yaf-d dig-un aman !
Wa, ur ak-isxassa Ljid aḍu g ɛlaxir !
Wallah ar da gganeɣ, agin ad aɣ-ikkat
S tinna jranin ɣif-neɣ ! Idd is ittu
Unnami tḥerramt a leɣlubit awal ?
Reɛb i luqt nnag ɛekkezn igellin a-
Ḥemmam, ar ti-ggaren iṣeyyaden s akal !
Ar ak-seɛnaten, a berraj, amalu !
Reɛb i ssaɛt nnag ɛekkezn idellall i-
Sedlan n lmelf, iɛziz jjabun ar i-
Ttuṣum ! Idd leḥrir, tuf-t taḍuṭṭ ass-a !
Cigan as tebḍa lḥasni d lkiḍ i-
S ila ṭṭibeɛ, issitem ugaluz lḥaṣul !
Maka kull matta lḥact mi d-ika Mu-
Lana at-tɣella ssaɛt, ḥudern-as i-
Merruya, lferja-nnek, a Rebbi, da ttili !
Alḥurr ig ti-tumeẓ, iṣebr ! Idd is inna
Unkas at-ten-issufeɣ i leḥdid amassas ?
Ibbey-as Ccix iɣef i tgezzumt-a, inna-as :
D usaddi, a tallest, a ta, ffɣemt-i ger-i !
(A tallest, a ta, ffɣemt-i ger-i d usaddi !)

[@ahmedoumoha]

❤❤❤❤

[@amhalhamid9530]

Tanemmirt, iman nnes g tmella d imeglel.❤

[@INNAASCCIXAMER]

Tanemmirt-nnek, a Mass Ḥamid.

[@youssefdaoudi797]

Azul , Mayd igan : i-Sedlan ,jjabun ,ugaluz .Tanemmirt Chigan.

[@INNAASCCIXAMER]

ASDEL, ISEDLAN : ayenna s ddalen, amm liẓar.
JJABUN : yan lkettan, ikka ar d-itteddu g tmazirt n JJABUN (le Japon).
AGALUZ : ayenna d-iqqiman g ka (les restes).

[@youssefdaoudi797]

@@INNAASCCIXAMER Tanemmirt Chigan,

[@Tatfi-n-usara]

Tawuri iẓiln aya

[@INNAASCCIXAMER]

Tanemmirt

[@Oubrahime.hassan]

Ayyuz dda Ali. Iman n ccix g ufra

[@aliharcherras4482]

Tanemmirt a Mass Hassan.

[@chouchfroukh]

Ayyuz.
iqqen-n a nuru tagezzumt-a.
Mayd d-iggaren afus?

[@INNAASCCIXAMER]

Han tagezzumt serseɣ-tt-nn dɣi s tirra.

[@chouchfroukh]

1. A k-i-zzuregh nd'aäe-k a luh'id n läalim
2. A wa dda ur ichar ka d bnadem wala
3. Inna ad tn-ichawer ugellid läalam
4. Keyyin a...
5. Slil agh lemsayel...
6. iggulla lber'j .............i khub Ur illi
.....
7. A bab n lber'j ... ikhessa...
8. ... qqar'egh ak..mulana
9. ....Yan ughbalu...
10. Unna d ih'rey fad, yaf-d ...dig-un aman
11. Ur ak iskhessa ljid....älakhir
....
12. Wllah ar da gganegh....
13. S tinna jr'anin ghif-negh iwa id is ittu
14. Unna mi t-h'err'amt a leghlubiyt...
15. R'eäb i luqt nna...
16.

[@aliharcherras4482]

A wadda ur iccarr ka d bnadem wala
Inna at-ten-icawer Ugellid Lɛaḍim !

[@INNAASCCIXAMER]

Han tagezzumt serseɣ-tt-nn dɣi s tirra.

[@chouchfroukh]

​@@INNAASCCIXAMER mani-tt? Ur tt-annayegh.

[@INNAASCCIXAMER]

@@chouchfroukh Tella ddaw lvidyu.

[@chouchfroukh]

​@@INNAASCCIXAMERwllah ar ak tt-iffegh. Tanemmirt.