【直播節目－2023年7月6日】講下寫南音：即興與撰曲［講下嘢，唱下歌：南音有聲書｜特備節目Ep1］

[@余是我]

其實基本上南音格式同詩律可以話係同出一徹，最主要脫離不開兩款：正格仄仄平平平仄仄、平平仄仄仄平平；但係亦可以出現變格，並非墨守成規：即係平平仄仄平平仄、仄仄平平仄仄平。行腔字音、結束音配合即可，無妨大雅。
以王心帆嘅文人曲計，尤其佢寫長曲為主，變格用得偏多亦不足奇，只要行腔食返啱字音影響不大，當然結束音絕對需要恪守。整支南音音韻上自然加以豐富，唱情得以推進。
而女伶腔唱法，不論小明星、徐柳仙等有時都會將正線喺士字一頓唱上工字，然後順接後句，其實甚為撩耳。地水印象中似乎較少咁樣唱法，班腔更甚。月兒則頗鍾古老南音七叮一板嘅唱法，又係別有風韻，引出古樸味。