يامكثرين الهرج لاسمع ولا اجيب || لو أنها اعوج من رقبة الذلولي || من روائع الشاعر لافي حمود الغيداني
ฝัง
- เผยแพร่เมื่อ 10 ก.ย. 2024
- اتمنى ان ينال على إعجابكم اتشرف بمتابعتكم على حساباتي التاليه:
- سناب⤵︎ ⤵︎
/ sif.hrb
- تليقرام⤵︎ ⤵︎
t.me/sifhrb
- استقرام⤵︎ ⤵︎
...
لطلب التصميم تواصل⤵︎ ⤵︎
0554962720
نتشرف بكم جميعًا ..
.
يامكثرين الهرج لا سمع ولا اجيب
تريحوا من فضلكم واسمحوا لي
تريحوا لا تلحقون المشاهيب
على الردى ما ني شفوقن عجولي
بالعقل والصبر ادب النفس تأديب
ولا لها مدة تصول وتجولي
خلجن ترازم في سياج المحاديب
مافيهن اللي بالعقال معقولي
اشد واطيب زور من شمخ النيب
اليا ضاع مفعول الحيل والحلولي
انا لياما قلت للقول ترتيب
حتي يجي كي (ن) على فك قولي
ليا ارسلت لافكار القريحة مناديب
ترايعن من عقب ماهن جفولي
لكن مالي من وراها مكاسيب
ولو ان عشاق القشر صفقوا لي
ما يستفيد الا العدو الاجانيب
ولاني مطيع مقرقعين الطبولي
خليتها تعطي فجوجن مجاديب
جرباً تجود في رسنها مهبولي
والله لاجبن دام لي درب تجنيب
من شرهة حشام الرفاقة خجولي
لو انها بين النحر والتلابيب
من الحيا وجهي ماهوب مغسولي
طبعن لنا نشب عليه ونشيب
وطبيعتن لعلها ما تزولي
على الجماعة للجماعة مواجيب
الى جهلوا قدر الرفيق الهتولي
ماني على ربعي قريب محاضيب
ادناه ما يخليني اسرج ذلولي
ان جات من طيب شقاها على الطيب
لو انها اعوج من رقبة الذلولي
وان جات من مسكين منطق واساليب
حطيتها بين الثرى والنعولي
لا حركت شعرة ولا طلعت شيب
ولا ضيقت صدري ولا طق جولي
وان كان في صبري على ميلهم عيب
العيب تفتيش الصرر والحثولي
لا قمت تذكر في رفيقك عذاريب
وتبين عيوبه لذولا وذولي
صبرك على ربعك علاج وتطابيب
يقصر حبال السالفة لا تطولي
حتى ما يلقى في طرفها مقاضيب
كراه خير وللمشاكل ميولي
وليا بليت بتايهن شره وصعيب
يقول انا العراف وانت الجهولي
قل الله الله ياحصان الاطاليب
يالفاهم العالم عطيب الفعولي
هذا الكلام اللي ما في صحته ريب
لا نيب لا حولك ولا انته بحولي
حصان وابن حصان طيب مجاذيب
وبالمعرفة رجلن محلي ودولي
خله يروح ويخطي الدرب ويصيب
ويقول ما بالناس عرض وطولي
والفرق ما هو باللحى والاشانيب
الفرق بين الناس فرق الفعولي
كم واحدن تحسن به الظن ويخيب
السن يضحك والفؤاد معلولي
واللي غدت به كلمتن مالهـا غيـب
ماهو من اطيب ربعي اللي غدولي
يالله عساها صيحتن في قفـا ذيـب
وقلع النيـا بينـي وبينـه يحولـي
الرجل مايغصب على الطيب تغصيـب
لاصارماهـو دل ضمـن الدلـولـي
من عادة اللي طيبه يحضـر ويغيـب
لاطالـت الرفقـه زهوقـن ملولـي
وليابلنـك غبـر الايـام بصحـيـب
في مستوى طيبه صعـود النزولـي
فاعرف ترى الدنيادروس وتجاريـب
والكامـل الله والنـقـا للرسـولـي
لاتصير مشـذاب يقـص العراقيـب
خله وراعـي الاولـه وش يقولـي
أخذت حكمه مـن كـلام اللواعيـب
للطيـب نـاس وللعـذارى فحولـي
ً
الله الله
ايه بالله 👌🏻
0:38 😊
@@user-if1rb4pq1b 🔴 طريق الجحيم 🔥👇🏼
قال تعالى ﴿ فَأَمَّا مَن طَغَىٰ وَءَاثَرَ ٱلۡحَيَوٰةَ ٱلدُّنۡيَا فَإِنَّ ٱلۡجَحِيمَ هِيَ ٱلۡمَأۡوَىٰ ﴾
🔵 طريق الجنة 🌴👇🏼
قال تعالى ﴿ وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ فَإِنَّ ٱلۡجَنَّةَ هِيَ ٱلۡمَأۡوَىٰ ﴾
⚠️ ما الدنيا الا ساعة فجعلها طاعة 👇🏼
قال تعالى ﴿ كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا ﴾
شعراء قبيلة حرب دائماً كذا فوق الجزالة يغردون خارج السرب
تسلم ما عليك زود يابن وايل كل القبايل فيها الخير والبركه
حكمه من فم شاعر فحل 👍🏻
اشهد بالله انها قصيده من المعلقات
الله اكبر يا لافي
من احسن ماسمعت مبدعين قبيله حرب بالحكمه كنت بحطه ستوري واتس بس مايستاهلون
لو تنجب النساء مع اذانيهن ماجابن مثلك
ونعم فيه شاعر لكن لا النساء منجبين من اذانيهن ولا جبت علم يافلان … شكلك تحت تأثير القصيده لامست لك شي موفق خير
قصيده جزله
صح الله لسانك ومنطوقك
اخوك المالكي الطايف
بحر يتلاطم
ما أدري كيف حاطين عدم إعجاب
بعض الناس لاتقدر الدرر الثمينة
ماكل احد يعرف النادره والثمينه
هم اللي يقصدهم لافي .
ما فيه شيء غلط الا المشاهدات قليله هذي حقها ملايين
اللهم صل وسلم على نبينا محمد وعلى اله وصحبه أجمعين
صح الله لسانك يالافي شاعر صطيمة ومحبوك ..تحياتي
العتيبي من الطايف
ما قصرت رحم الله والديك صح لسانك النصيحه تنشره
صح السانك كلام يعالج علل كثيرة
شاعر فحل ونعم ف ابن عمي
أخذت حكمه من كلام اللواعيب
للطيب ناس و للعذارى فحولي .
الشطر الثاني ماله سنع هههههههه
@@user-td4ti9jt7vالا له محل وتشبيه بليغ من انواع التوريه صح لسان الشاعر
الطيب يعيد ويزيد ويصير مهبولي حطه من اوله بين الثرى والنعولي..
الله اكبر ابدعت ابدعت صح الله لسانك
صح بدنك يالغالي وشاكر مرورك💐.
@@user-gr9ht4bu1j تسلم تسلم💙
لافي الغيداني .. صح لسانك واعتلا شانك
الاسم يكفي عن كل قول ، درر 🌹
ولاننسى صاحب القناه شكراً لك ياسيف حرب
كفويابوحمود قول وفعل بعقل صح لسانك
صح لسانك
ماشاء الله عليه شاعر وحكيم يذكرني في ابن جدلان الله يرحمه
ابدعت 👏🏻
الله الله شاعر كبير 🤙🏼
الرجل مايغصب على الطيب تغصيب
- اتشرف بكم على حسابي في سناب شات:
www.snapchat.com/add/sif.hrb
- قناة المصمم زياد المزيني:
th-cam.com/channels/15vSMKqqsj0ILOX98rEAYA.html
الله الله جميله
اي والله اي ابله اشهد
ونعم والله
الله
انا رجال حرب ي ابو حسين وعطي المصري لا الي باعني وكل مين يدور الي ناقصو
ونعم
كفو يابن عمي
وعليكم السلام ورحمة الله وبركاته
إلى التواصل فالمساء
عبر التواصل الاجتماعي
لافي غني التعريف
يعني الأقربون أولى بالمعروف
فابدا بمن تعول
التحليل
وعليكم السلام ورحمة الله وبركاته
معروف الاخلاءاعداء
يوم القيامه الا المتقين
الفرق ماهو باللحئ والاشانيب
انا جيت من مقطع المحشش
اي محشش؟
@@user-gr9ht4bu1j
ما بعرف اسمه
كتب قصيده عن المخدرات ورد عليها
@@people0n والله اليوم متابعها هههههههههههههههههههههههههههههههههههههههههههههههههههههههہٓ هُ😹📿،،!
ابي المقطع
وانا هجوالت ومقطع مقطع لكن اسمحولي واتس ومنهو دونه هم لي يالالي
امانة علمني سطرنج
مالها داعي المؤثرات المزعجه
القصيده مايحتاج لها
ودي عيالي وما ودي مصاري ودي أدوم ما ودي المصري لا الي يبيع اختو اعطيهن
صح لسانك