اشتريت بيت من ورا الأسواق المركزيه كنت اشتري كلشي ستوك بهاي الأسواق بكل محافظات العراق وأروح أطوارها والحمد لله نجحت وعمري ٢٨ سنه اشتريت بيت وسياره من داتسن ١٩٨٠ الى سوبر ١٩٨٦ وكملت ماجستير ودكتوراه والله ذكرتني لعلمك هاي الأسواق جانت مجيب الا عطور اورجنال وبدلات وأحذية فان هاوزن وبدلات أعراس جيكيه واحسن الجلود العالميه وشكرا للزمن الجميل
ليش هسه كلشي ما تگدرون تشترون بالبصره؟ ما عندكم سيارات و ساكنين بالايجار و ملابسكم صار سنين ما مبدليها و الأطفال ما عندهم تلفونات و ابد ما تسافرون و لا جوازات سفر عندكم، تدري صدام كان يشمر الجوازات على الناس بالگوه و يملي جيوبهم فلوس و يگولهم روحوا سافروا اتونسوا
العرأق. ما بين الامس واليوم ا وما بين الحصرة والانفتأح وما بين الراحة والتعب. ومابين الابيض والاسود وما بين الليل والنهار والرب يعينك لتواصل ماتحن اليه نفوسنا العطشى للامان
كنت بالاوّل المتوسط ١٩٧٠ في متوسطة الامل بالمربعة، رحت للاوروزدي اشتري مسطرة خاصة لرسم دوارق الكيمياء، سجل لي الموظف على الوصل ٢٥ فلس، من رحت ادفع گالولي ابني انت طالب، انطينه ١٠ فلوس كلش كافي، او قيسوا
@@user-uw8pb8cb8z اخويا مجيد دشوفهم صاعد بي ام لو تاهو وينزل بالنعال ابو الاصبع وبحامه سوده وفانيله دويره تخزي ومن يحجي جا كلالي عليك العباس .. خلصنا من عجل جانا جا وكلالي .. شوكت يحكم العراق اهل بغداد الحقيقيين مو الدمج وتحياتي .. علوا لو حلقاتك تكون بيها تصوير فديوات وصور هوايه علمود تحلو اكثر .. اخذت حبايه مهديء من اشوف حلقات الماضي مثل التكسي والاورزدي والاسواق المركزيه .. والله حتى الهوا كان يختلف بس اكو رعب صدامي بالجو
اهلًا اخي مجيد واهلا بالمتابعين الكرام أنا أذكر هذا المحل الكبير الواقع في شارع الرشيد المسمى بالاورزدي كنا شباب ندخل فيه ليس لغرض التسوق وانما في الصيف هربا من حرارة الجو جو بغداد الحار في الصيف
اتذكر في بداية الثمانينات الممثل الان ديلون اصدر عطر رجالي يحمل اسمه، نفس هذا العطر تم بيعه في الأسواق المركزية، من منشأ اصلي و مكتوب صنع في فرنسا. و كلامكم حول لحم الخنزير صحيح ١٠٠٪.
تسلم يا استاذ مجيد أمانة برقبتك لا تقطع علينا هذا البرنامج الجميل تواصل معنا حتى ولو بأبسط الاشياء برنامجك رائع وممتع وله نكهة جميلة والحنين إلى الماضي الجميل والبسيط وكيف كانوا اهلنا وأجدادنا في بغداد والعراق عامة يمارسون حياتهم والعادات والتقاليد الاجتماعية ... مع فائق الاحترام والتقدير .
اوروزدي باك ولاحقا الاسواق المركزية انتهت قبل دخول العراق الى الكويت. واصبحت في فترة الحصار عبارة عن مجرد منافذ لبيع اللحوم المستوردة، وبعض السلع المصنوعة في العراق مثل البدلات، والسلع المعمرة.
بارك الله بك و بجهودك أخي الكريم استاذ مجيد.و رمضان كريم كما تفضلت بعد التأميم اورزذي پاك و بناء عدة بنايات لتسوق في بغداد و بقية المحافظات و كلها كانت تحتوي كل ما تحتاجه العائلة و باسعار مدعومة و من المنشأ و كانت كانت تابعة إلى الشركة العامة للأسواق المركزية و كان مقرها في الطابق الثاني في وزارة التجارة في ساحة الخلاني. و في بداية التسعينات انتقلت إلى بناية اخى في الكرادة قرب ساحة التحريات. الله يرحم ذيج الايام الحلوة آلما ترد
@@user-uw8pb8cb8z والله والنعم منك أبو حميد إنسان وفي وصادق وعند كلامه كان الفيديو ممتع وشيق وفيه معلومات قيمة عن الاورزدي ممنونة جدا وهذا عرفان وجميل قل نظيره وشكرا لك أستاذ مجيد
في الستينات من القرن الماضي و اول السبعينات كنت اشتري علب الوان الباستيل الجاف ماركه _ لافرانس _ و اوراق الباستيل الخاصه بالابعاد القياسيه , و ايضا الكتب الفنيه التشكيليه لسيره الفنانين الرسامين الكبار من اوروزدي باك في شارع الرشيد مقابل سينما الوطني .. حبذا لو تتكلمون عن هذه السينما التاريخيه و ايضا عن سينما الحمراء الشتويه المحترقه في اواخر الخمسينات من القرن الماضي الواقعه بالقرب من البنك المركزي الحالي و كان صاحبها اسماعيل شريف .. تحياتي لكم صباح صدر الزماني الرسام .
استاذ مجيد حداد سوق الثلاثاء اجمل اسواق بالعراق كان يبيعون اجمل الاشياء من الابرة الحد الثلاجة كان أساسة زين مثل الذهب 🪙🪙🪙🪙🪙🪙🪙بس همة الحكومة اصلهم خيسة
عدنا في كركوك فرع اورزديباك والافريقيه والالات الدقيقه وشركة باتا.كنت بالابتداءيه سنه 62 و63 كان والدي يوديني ويا وكان يشتريلي حذاء من باتا. وباقي الحاجيات من اوروزدي.كان بيتنا في عرفه في كركوك وكان والدي يشتغل في شركة.l.p.c.للنفط.الله الله ذكرتني باحلا ايام العراق يا استاذي المحترم.طبعا تركت العراق سنة 1978 ايام البكر..اليوم انا رجل سبعيني وعايش في ريو دي جانيرو.البرازيل. منذ 45 سه.تحياتي ..
عزيزنا الغالي ...مجيد ..اطال الله بعمره وتقبل صيامه ان سمحت الصحة وكل عام وانت ..زي البومب ..انا ناشدتك بحلقات سابقة ..عن أورزدي...ووعدت و وفيت...وما قصرت...!! عيني جيبوا هذاك الزمن وجببو ا ذيج الايام ..رحمة لل...رجعونا لذيج الفترة و هواؤها... عمي يزي ما نريد سيم كلرت وملعب النخلة ...رجعولنا لذيج الساعة... وللافلام شويكار ماري والمليجي ..ولك بابا رجعوانا الضحكة الي سرقها حضرة ابليس وانطاها للحبربر ...عمي والله راضي بأم ستوري الدلالة بس خلي ترجع...ونشتري من بسطيتها ..مو مشكلة.... وين. صاروا خريجي سانت هيرست وايفادات الغرب بعهد حروب هتلر ..وين البوردات الاكادمية و حتى العسكر دربوا هنود باشراف الانكليز بعدين اجوي الروس ..عمي اصبغوا بعض الجدران بباصات الحمراء ولو بالجذب حتى لا تنقبض نفسيا وعادي خلي حتى يرسمون ال لادا والفولگا والراف ارحم من فوضى التكتك وصفاره الشاحب المدمي للقلب... اخونا بعد تعبت....!! تصبحون على خير
عيني بالستينيات كان مخزن محترم إلى أن سنة الكشرة ١٩٦٨ تحول شركة المخازن العراقية و طاح حظ المحل و البضاعة حشاك زبالة مثل كل شي بتلك الفترة مع الاسف و تحياتي
موضوع التصوف في العراق القيت محاضرة عنه عام ٢٠١٠ في مصر لان التصوف في العراق يختلف باختلاف اطياف شعبه على عكس الشعوب . لكن الان لا اعرف كيف اعمل حلق؟؟؟ اتركها للزمن والله كريم ...
استاذ مجيد بالنسبة للدلالات هاي الظاهره ظهرت في نهاية الثمانينات اما في الخمسينات والستينات فكان الاورزدي محصور بالطبقة الراقية بسبب غلاء الاسعار بالنسبة لمعظم الناس كون البظاعه ذات جودة عاليه وفي عان ١٩٧٠ حينما اصبح يدار من قبل وزارة التجارة اصبحت البظاعه في متناول الجميع بسبب الدعم الحكومي وتعدد منشأ البضائع
موضوع الدلات كان يدار من قبل الموظفات لكن مع بداية السبعينات بدات النساء الباعة يتزاحمون على البضائع . هذه الشهادة من شخص كان مديرا في تلك الفترة رحمه الله . موضوع البضاىع اني لحكت عليها كانت متاحة لكن غالية . تحياتي
ظاهرة الدلالات انتشرت في ظل حكم البعث و سيطرة القطاع العام على السوق، و فوضى تنظيم و توفير البضائع الاستهلاكية و المواد الغذائية، فتعلمنا على السرة و فريزرات البطح. ايام الخمسينات كان التجار يسوون ديليفري للزبائن و دفع آجل.
الاسواق المركزية انتهت بعد غزو الكويت وهي بالاساس كانت ضعيفة قبل ذلك .. النظام البعثي المقبور السابق يتبعه نظام السراق الحالي لم يفلحوا في تحويل العراق نحو الافضل بل نحو السيء
الأسواق المركزية إستوردت مواد و ملابس و لعب أطفال من الصين بمبلغ ما يعادل 6 مليون $ و كانت الدولة تضيف 1% أرباح على ملابس و لعب الأطفال و حجز رصيف في ميناء البصرة لتفريغ هذه الشحنات من المواد الوارة من الصين لمدة ستة أشهر و زادت قليلا و بلشت موانيء البصرة تطلب من وزارة التجارة تسليمها الرصيف و بعد مخاطبات و تمديدات للفترة سلمت وزارة التجارة الرصيف الى سلطة الميناء بعد إستلام أخر باخرة من العقد .
تاريخ دخول النستلة سعر ٩٠ فلس و ١٨٠ فلس عن طريق عائلة ارمنية جيراني في بارك السعدوم عام ١٩٧٠ ولكن انقلبت السيارة بصاحب المعمل مع زوجته وبقى ابنائه في العراق يعملون ولحد اليوم .
الله سبحانه و تعالى يزيد الخير و حاليا الناس راكبه سيارات و تشتري اللي يعجبها و السوق كلشي متوفر به و الناس تگدر تشتري اللي تريده و بدون تعب، و العراقي يحن لايام الفگر و ابو الزيتوني من يجي للسوق المركزي و يضرب الصف و ياخذ الحاجه و يطلع. انتو سالفتكم سالفة اليهود، مائدتهم تنزل من السماء بما لذ و طاب و تالي يگولون لموسى نريد خيار و ثوم و بصل.
@@user-uw8pb8cb8z مو بالله يا ابن العم؟ العراقيين لو يفهمون الخير اللي هم به حاليا لزاد خيرهم أكثر. بس سوالفك حلوه، استمر ، و رحم الله والديك و غفر لهما
اكو مثل ينطبق على بعض العراقيين يقول تأبى النذاله ان تفارق اهلها واخر يقول (لا تشتري العبد الا والعصامعه) نشوف اليوم كلشي متوفر وتركب ارقى السيارات وببيوتها ارقى اجهزة التبريد والتدفئه والكهربائيه وتاكد احسن الاغذيه وانواع الفوكه والسفر ومازالت تحن لايام الفگر ويلزم سره على اوتي اولا يت اودشداشه رديئه ويگول زمن الخير من الله لا خيركم
@@user-hu1hk7pj1x مو بالله يا ابن العم. بالثمانيات قنينة الحليب حسرة على العراقي، جبن الكيري نسمع به ما نشوفه، بطل البيبسي عجيب، و ايام الحصار داومت بالجامعه بالجادريه، و الله نطلع من القسم الداخلي نتمشى للكراده داخل نفوت گدام ابو الفلافل نص المجموعه ما يگدرون يشترون لفة فلافل و اشتري يوميه اربع جگاير بس. حتى السنة اللي يبچون على صدام أيامها داگهم الفگر و هسه بيوت و سيارات و سفر و أولادهم بجامعات خاصه و أولادهم راكبين سيارات و آيفون و باقي يحن للفگر، لأن صدام كان موجود مع انه ما محصل شي منه
المولات هي واجهه لغسيل الاموال ولا فائدة منها للطبقة الفقيرة ولا حتى المتوسطه.... ولاتضاهي الاسواق المركزية في فترة الستينيات والسبعينيات من القرن الماضي في جودة المعروض وتنوعه ومن مناشئ عالمية وشركات رصينة اما المولات حاليا فهي للتنزه والتجوال ومضيعة الوقت ليس الا...
استاذ حميد اما تعلم او لا تريد ان تعلم ان الاورزدي باك تاريخه شركات فرنسيه ذات عائلات يهوديه افتتحت فروع في بغداد وهيه خاصه بالطبقه الغنيه بالمجتمع لكون سلعها فاخره ومستورده ناهيك عن الرسوم الكمركيه العاليه مما انحصرت على فئه معينه ولكن بعد قرارت التاميم اممت الشركه وصودرت ليكون اسمها شركة المخازن العراقيه وبالتالي اصبحت بعد ادارة الدوله شركه فاشله وتقلصت سلعا حتى اصبحت بعد الحرب سلع رديئه وشحيحه مما ولد ظاهرة الدلالات التي كان دورها تشتري السلع من المسؤولين بالاسواق سرا وبيعا للناس بسعر مضاعف حتى اغلاقها بالتسعينات لعدم قدرة النظام توفير السلع وقتها
اشتريت بيت من ورا الأسواق المركزيه كنت اشتري كلشي ستوك بهاي الأسواق بكل محافظات العراق وأروح أطوارها والحمد لله نجحت وعمري ٢٨ سنه اشتريت بيت وسياره من داتسن ١٩٨٠ الى سوبر ١٩٨٦ وكملت ماجستير ودكتوراه والله ذكرتني لعلمك هاي الأسواق جانت مجيب الا عطور اورجنال وبدلات وأحذية فان هاوزن وبدلات أعراس جيكيه واحسن الجلود العالميه وشكرا للزمن الجميل
كل الشكر لك استاذ مجيد حداد على هذة الذكريات الجميلة في الزمن الجميل , ما اجمل العراق في تلك الفترة التي عشناها في ايام الشباب .
ممنون منك يا الورد
اورزدي البصرة أووف . كانت البصرة جنة لكن لم نكن نشعر انها كانت نعمة وستز ول
ليش هسه كلشي ما تگدرون تشترون بالبصره؟ ما عندكم سيارات و ساكنين بالايجار و ملابسكم صار سنين ما مبدليها و الأطفال ما عندهم تلفونات و ابد ما تسافرون و لا جوازات سفر عندكم، تدري صدام كان يشمر الجوازات على الناس بالگوه و يملي جيوبهم فلوس و يگولهم روحوا سافروا اتونسوا
@@huss1205 الاورزدي كبل صدام انت وبن تحجي صدام اجة وخرب البصرة
بسبب رعونية صدامكم وحروبه الخاسره
@@classic217 شعب سافل مال ضرب بالقنادر على راسه و ابد ما يشفون فلوس. صدام كان يعرف انه اذا العراقي شبع يصير يرافس و لذلك يحبونه و يحنون لايام الغبره و
@@huss1205 مافهمت شتقصد
استاذ مجيد حداد سوق الثلاثاء اجمل اسواق بالعراق كان يبيعون اجمل الاشياء من الابرة الحد الثلاجة كان أساسة زين مثل الذهب 🪙🪙🪙🪙🪙🪙🪙
العرأق. ما بين الامس واليوم ا وما بين الحصرة والانفتأح وما بين الراحة والتعب. ومابين الابيض والاسود وما بين الليل والنهار والرب يعينك لتواصل ماتحن اليه نفوسنا العطشى للامان
كنت بالاوّل المتوسط ١٩٧٠ في متوسطة الامل بالمربعة، رحت للاوروزدي اشتري مسطرة خاصة لرسم دوارق الكيمياء، سجل لي الموظف على الوصل ٢٥ فلس، من رحت ادفع گالولي ابني انت طالب، انطينه ١٠ فلوس كلش كافي، او قيسوا
ههههل . ايام حلوة لا تعود
ربي ينطيك طولت العمر نشالله يعني مواليدك 68
@@user-tc4mn5rp1r مواليد ٦٨ يدخل أول متوسط سنة ٨٠، طيرتو ١٠سنين من طفولة الرجال
منو من مواليدي 68
اورزدي باك روعه ابو حميد
دائما تتحفنا بحكايات بغدادية غاية الروعة تتناول تاريخنا البغدادي الأصيل
والله عمو تقريرك وافي وسمعنه معلومات جديده مو بس بهاي الحلقه موضيعك دئما مميزه الله يحفظك ونتمنلك العمر المديد 🎉🎉🎉🎉🎉
شكرا استاذ مجيد على هذه الحلقة المميزة وعلى هذه المعلومات القيمة لك مني كل الشكر والتقدير والاحترام
ممنون اغاتي الورد
ممبدع انته وتذكرنه ب ايام الخير دئمآ
تحياتنه لجنابك القدير
الف تحيه لك من القلب عمو الطيب ومشكوره جهودك انته مبدع مثل ما عودتنه
لك مديد العمر. انشاءالله
ابن العراق كركوك اوغلو
عاشت الاآیادی آستاذ مجید الغالی العزیز ، موضوع رائع و تآریخ العراق الجمیل ، کنا من الدول المتقدمة فی فترة الخمسینات من کل النواحی .
العراق ايام زمان احلى واجمل وابهى وبعد حكم حزب الطكعه اي الدعوة انتهى كلشي جميل
نفسهم الجماعة ماتغير شي بقينا احنا الفقراء نراوح في اماكنا .
بارك الله فيك نرجو الاكثار من حلقات البرنامج لانه يذكرنا بايامنا الجميلة وذكريتنا التى لاتنسى
الله عليكم مميزه مواضيعك واختيارتك رمضان كريم عليكم صحه وعافيه ان شاء الله
الحياة حلوه لان البشر كان مرتب وعنده اخلاق مو يطلع بالنعال والبجامه واهم شي شروك.ماكو
هههههه هاي قويه
@@user-uw8pb8cb8z اخويا مجيد دشوفهم صاعد بي ام لو تاهو وينزل بالنعال ابو الاصبع وبحامه سوده وفانيله دويره تخزي ومن يحجي جا كلالي عليك العباس .. خلصنا من عجل جانا جا وكلالي .. شوكت يحكم العراق اهل بغداد الحقيقيين مو الدمج وتحياتي .. علوا لو حلقاتك تكون بيها تصوير فديوات وصور هوايه علمود تحلو اكثر .. اخذت حبايه مهديء من اشوف حلقات الماضي مثل التكسي والاورزدي والاسواق المركزيه .. والله حتى الهوا كان يختلف بس اكو رعب صدامي بالجو
@@tahadolaimy1464 امكانياتي قليلة وقبل كنت استطيع المشي الان انا شبه مقعد ولكن اعمل وفق ما اكدر عليه تحياتي
سرد تاريخي ممتع باسلوب ولهجة محببة ، مع صور تاريخية جميلة لبغداد و ما تحتويه من محلات وعمارات واسواق ، شكرا لك استاذ مجيد ولقناتك الرائعة
ممنون اغاتي
احسنت النشر استاذ وكان نفس الحال في البصره ايام الاورز دي باك والاسواق وما شابه
اهلًا اخي مجيد واهلا بالمتابعين الكرام أنا أذكر هذا المحل الكبير الواقع في شارع الرشيد المسمى بالاورزدي كنا شباب ندخل فيه ليس لغرض التسوق وانما في الصيف هربا من حرارة الجو جو بغداد الحار في الصيف
والله سوالفك حلوة كللللللش 🎉
حياك الله استاذ مجيد
تسلم ايدك على المعلومات
حلقة جميلة أعادتنا إلى أيام الصبا .
اتذكر في بداية الثمانينات الممثل الان ديلون اصدر عطر رجالي يحمل اسمه، نفس هذا العطر تم بيعه في الأسواق المركزية، من منشأ اصلي و مكتوب صنع في فرنسا.
و كلامكم حول لحم الخنزير صحيح ١٠٠٪.
صحيح عطر الان ديلون كان مشهور جدا في بداية الثمانينات .
يابة عاشة إيدك على كل فيديوهاتك الجميلة.
يابة ممكن أقل شي نقدمه لمساندة القناة لايك وتعلق ومشاركة
احسنت التوظيح استاذ ربي يحفظك
احسنتم الله يبارك فيك معلومات رائعة ومفيدة
الف خلت بك
الله يوفقك و يحفظك اخ مجيد الانسان الراقي
شكرا جزيلا
الله لايحرمنا منك امين يا استاذ مجيد
الف هلا
تسلم يا استاذ مجيد
أمانة برقبتك
لا تقطع علينا هذا البرنامج الجميل
تواصل معنا حتى ولو بأبسط الاشياء
برنامجك رائع وممتع
وله نكهة جميلة والحنين إلى الماضي الجميل والبسيط
وكيف كانوا اهلنا وأجدادنا في بغداد والعراق عامة يمارسون حياتهم
والعادات والتقاليد الاجتماعية ...
مع فائق الاحترام والتقدير .
تدلل . اني هوايتي اصبحت هذا البرنامج رغم التعب والجهد .تحياتي
رحم الله والديك استاذ مجيد
شكرا جزيلا اخوي 👏فيديوهاتك راءعةومشوقه بلدنا جميل ❤
للعلم كان هناك فرع بالموصل وفي منطقة الدواسه
اوروزدي باك ولاحقا الاسواق المركزية انتهت قبل دخول العراق الى الكويت. واصبحت في فترة الحصار عبارة عن مجرد منافذ لبيع اللحوم المستوردة، وبعض السلع المصنوعة في العراق مثل البدلات، والسلع المعمرة.
ياخي والله ذهب معلوماتك ربي يحفظك
ممنون اغاتي
سرد تاريخي ممتع لفترات ماضية جميلة .وبلهجة واضحة ومفهومة.. تحياتي لك واتمنى لك الموفقية
اني جدا ممنون منك وكان التوقيت مظبوط السبت نزلت الحلقه وتحياتنه الجنابك الطيب اسمتر خلينه نسمع سوالفك الحلوه صحه وعافيه ان شاء الله
بارك الله بك و بجهودك أخي الكريم استاذ مجيد.و رمضان كريم
كما تفضلت بعد التأميم اورزذي پاك و بناء عدة بنايات لتسوق في بغداد و بقية المحافظات و كلها كانت تحتوي كل ما تحتاجه العائلة و باسعار مدعومة و من المنشأ و كانت كانت تابعة إلى الشركة العامة للأسواق المركزية و كان مقرها في الطابق الثاني في وزارة التجارة في ساحة الخلاني. و في بداية التسعينات انتقلت إلى بناية اخى في الكرادة قرب ساحة التحريات.
الله يرحم ذيج الايام الحلوة آلما ترد
عاشت ايدك
من مواليدي 68
اجمل برنامج عاشت ايدك
تسلم استاذ مجيد حلقة جميلة جدا
شكرا لك أستاذ مجيد لتلبية طلبي في الحديث عن تأريخ أسواق اورزدي باك مع كامل الاحترام والتقدير لحضرتك استاذي الكريم
شوف اني ما اعرف حتى اسمك لكن والله البارحة ساعة ١ ليلا صورناه وكملنا المومتاج ساعة ٦ العصر
لان اهم شي عندي الكلمة . شلونها الحلفة . وتدلل .
@@user-uw8pb8cb8z والله والنعم منك أبو حميد إنسان وفي وصادق وعند كلامه كان الفيديو ممتع وشيق وفيه معلومات قيمة عن الاورزدي ممنونة جدا وهذا عرفان وجميل قل نظيره وشكرا لك أستاذ مجيد
صيام مقبول ان شاء الله
آني بعد عندي فرچة حلاقة سويسرية مشتريها من اوروزدي باگ البصرة.
ههههههخ وين لما قرات كلمة فرجة وايضا كنا نسميها قديما برجة . تحياتي
Beautiful🌷
في الستينات من القرن الماضي و اول السبعينات كنت اشتري علب الوان الباستيل الجاف ماركه _ لافرانس _ و اوراق الباستيل الخاصه بالابعاد القياسيه , و ايضا الكتب الفنيه التشكيليه لسيره الفنانين الرسامين الكبار من اوروزدي باك في شارع الرشيد مقابل سينما الوطني .. حبذا لو تتكلمون عن هذه السينما التاريخيه و ايضا عن سينما الحمراء الشتويه المحترقه في اواخر الخمسينات من القرن الماضي الواقعه بالقرب من البنك المركزي الحالي و كان صاحبها اسماعيل شريف .. تحياتي لكم صباح صدر الزماني الرسام .
اتشرف بك اغاتي الورد . ان شاء الله
@@user-uw8pb8cb8z تسلم يا استاذ مجيد , شكرا لك و لقناتك الرائعه , تحياتي
بسنة ١٩٧٩م والثمانينات كانت تباع اجهزة موسيقيهواسطوانات بالطابق الثاني كنا نشتريها وهي ماركات عالمية
نعم اكو صورة موجودة بالحلقة . الف هلا
كنت اشتري من الأجهزة الدقيقة أقلام حبر نوع شيفر
وحتى المولات حاليا مو مثل اول افتتاحيتها هسه مجرد محلات تكرم مال أحذية وعطور وملابس رديئة
اورزدي باك الرشيد يمتلكه خيرالله طلفاح في بداية الثمانينات
لا خطاء . طلفاح اخذ اسواق في بداية شارع الرشيد ركن كانت جمعية قريبة على حسو اخوان . ولم يصل ال الاورزدي باك .
@@user-uw8pb8cb8z هو اللي اقصده
استاذ مجيد احجيلك قصة صارت كدام عيني علی قصة مساومة الاسعار بكمب الكيلاني بايع تفاح ديصيح باربع دراہ م اجت مراة اثورية وكالت لابو التفاح عمو ميصير بربع دينار وابو التفاح كلہا يمة اخذي شكيت ما تردين۔القصة صارت كدام عيني ۔ايام حلوة ناس احلی۔مع تحياتي لك اخ مجيد۔
خههههههه زوجت خالي الله يرحمه زكفت تكسي تعاملت وياه كلها اخذ منك ٤٠٠ فلس كالت اشدعوة اخذ نص دينار جانت بهلة الله يرحم الاموات ويرحم الدراهم اللي خسرناها . كانت عيدتي ربع دينار ويوميتي ٢٥ فلس هاي ب ١٩٧٥ . تحياتي
استاذ مجيد حداد سوق الثلاثاء اجمل اسواق بالعراق كان يبيعون اجمل الاشياء من الابرة الحد الثلاجة كان أساسة زين مثل الذهب 🪙🪙🪙🪙🪙🪙🪙بس همة الحكومة اصلهم خيسة
خيرالله طلفاح فتح جمعيه واحتكر بيهه المواد ..والجمعيه بشارع رشيد قرب سينما روكسي .
صحيح كانت تابعة للزراعة
كان فيها ايضا قسم للكتب العلميه والجامعيه وباللغه الانكليزبه..اشتريت منها عام 1968
نعم مكتبة
اكو شخص اسمة ابو طلال هم برنامج اسمة سوالف طريق هم حلوة وبيهة قصة حقيقية 🌳
بمناسبة الاورزدي باك ممكن تعمل حلقة خاصة عن منتوجات شركة باتا للجلود.
البارحة كان النقاش عنها . ان شاء الله قريبا .
ساعة لونجين سير جلد سعرها 31 دينار عراقي في اسواق الأجهزة الدقيقة .
هو لحد الان اكو اشياء قديمة تنباع مثل العدد اليدوية يكلك يابه هاي مال مؤسسة لحد الان من تريد تضرب مثل تكول هذا مال مؤسسة
عدنا في كركوك فرع اورزديباك والافريقيه والالات الدقيقه وشركة باتا.كنت بالابتداءيه سنه 62 و63 كان والدي يوديني ويا وكان يشتريلي حذاء من باتا. وباقي الحاجيات من اوروزدي.كان بيتنا في عرفه في كركوك وكان والدي يشتغل في شركة.l.p.c.للنفط.الله الله ذكرتني باحلا ايام العراق يا استاذي المحترم.طبعا تركت العراق سنة 1978 ايام البكر..اليوم انا رجل سبعيني وعايش في ريو دي جانيرو.البرازيل. منذ 45 سه.تحياتي ..
كانت امنية اخي الكبير رحمه الله ان يشاهد ريو جانيرو وكان يحب ان يسمع اغنية جوانترمينا . بالعافية عليك اخي . وحياة سعيدة لك .
عاشت ايدك استاذ... وصيتك حلقة على ملعب الشعب!!! ذكريات عن حسين سعيد و احمد راضي وعمو بابا ومجبل فرطوس وبطولة الخليج والأندية الاوربية
ان شاء الله .
عزيزنا الغالي ...مجيد ..اطال الله بعمره وتقبل صيامه ان سمحت الصحة وكل عام وانت ..زي البومب ..انا ناشدتك بحلقات سابقة ..عن أورزدي...ووعدت و وفيت...وما قصرت...!!
عيني جيبوا هذاك الزمن وجببو ا ذيج الايام ..رحمة لل...رجعونا لذيج الفترة و هواؤها...
عمي يزي ما نريد سيم كلرت وملعب النخلة ...رجعولنا لذيج
الساعة... وللافلام شويكار ماري والمليجي ..ولك بابا رجعوانا الضحكة الي سرقها حضرة ابليس
وانطاها للحبربر ...عمي والله راضي بأم ستوري الدلالة بس خلي
ترجع...ونشتري من بسطيتها ..مو مشكلة.... وين. صاروا خريجي سانت هيرست وايفادات الغرب بعهد حروب هتلر ..وين البوردات الاكادمية و حتى العسكر دربوا هنود باشراف الانكليز بعدين اجوي الروس ..عمي اصبغوا بعض الجدران بباصات الحمراء ولو بالجذب حتى لا تنقبض نفسيا وعادي خلي حتى يرسمون
ال لادا والفولگا والراف ارحم من
فوضى التكتك وصفاره الشاحب المدمي للقلب... اخونا بعد تعبت....!! تصبحون على خير
الف هلا بك ... تحياتي ...
عيني بالستينيات كان مخزن محترم إلى أن سنة الكشرة ١٩٦٨ تحول شركة المخازن العراقية و طاح حظ المحل و البضاعة حشاك زبالة مثل كل شي بتلك الفترة مع الاسف و تحياتي
سبب تهديم سوق الثلاثاء ان مساحته كبيره والبناء عليها قليل وموقع الارض متميز واكيد اصبحت من حصه حوت متنفذ بعد هذا الكلاو مال الاساسات ضعيفه عوفوا
منو اتكلم عن اساسات اخي بلعوه مثل باقي المشاريع والف عافية .
وذالك بسبب ادعاء الجهه المعنيه ان سبب التهديم ان اساسات البناء ضعيفه
اوروزدي باك لم يؤمم في ١٩٧١ وانما تم تاميمه سنة١٩٦٤ عندما أصدر طاهر يحيى رئيس الوزراء انذاك قرار تاميم الشركات الذي هو نسخه من قرار التاميم المصري
للعلم ٣ مرات تم تاميمه .تحياتي
اتمنى تخصص حلقه عن تاريخ الصوفيه في بغداد بالخصوص والعراق عموما
موضوع التصوف في العراق القيت محاضرة عنه عام ٢٠١٠ في مصر لان التصوف في العراق يختلف باختلاف اطياف شعبه على عكس الشعوب . لكن الان لا اعرف كيف اعمل حلق؟؟؟
اتركها للزمن والله كريم ...
استاذ عادي تحجيلنه عن تتطور العملة العراقيه والفلس لان مجنت موجود هذاك الزمان وعندي فضول اعرف شون جنتوا اصرفوهن
تدلل اغاتي
اكو شخص اسمة ابو طلال هم برنامج اسمة سوالف طريق هم حلوة وبيهة قصة حقيقية
استاذ مجيد بالنسبة للدلالات هاي الظاهره ظهرت في نهاية الثمانينات اما في الخمسينات والستينات فكان الاورزدي محصور بالطبقة الراقية بسبب غلاء الاسعار بالنسبة لمعظم الناس كون البظاعه ذات جودة عاليه وفي عان ١٩٧٠ حينما اصبح يدار من قبل وزارة التجارة اصبحت البظاعه في متناول الجميع بسبب الدعم الحكومي وتعدد منشأ البضائع
موضوع الدلات كان يدار من قبل الموظفات لكن مع بداية السبعينات بدات النساء الباعة يتزاحمون على البضائع . هذه الشهادة من شخص كان مديرا في تلك الفترة رحمه الله . موضوع البضاىع اني لحكت عليها كانت متاحة لكن غالية . تحياتي
ظاهرة الدلالات انتشرت في ظل حكم البعث و سيطرة القطاع العام على السوق، و فوضى تنظيم و توفير البضائع الاستهلاكية و المواد الغذائية، فتعلمنا على السرة و فريزرات البطح. ايام الخمسينات كان التجار يسوون ديليفري للزبائن و دفع آجل.
لا عيني كانت بيبيت عاليه نصيف اول دلاله الله يرحمها بس عدها ضمير ابذاك الوقت😂
@@fgjgtfj6749 هههه. هية ويا البعث.
آني چنت اشتري من الاجهزة الدقيقة في البصرة في شارع الوطني معدات هندسية وبعدها عندي وابني دخل معماري ويرويهة للمدرسين ماله.
ظاهرة الدلالات ظهرت في الثمانينيات
و لم تكن موجودة في السبعينيات
انا واثق من كلامي
استاذ مجيد وعدتني تسوي حلقه خاصه عن شقاوات الكرخ وصار سنه انتظرك والله تعبت
تدلل اغاتي بس والله اني شوية مريض والحركة صعبة عندي ممكن اتذكؤني الاسبوع القادم لان الموضوع شيق . وتدلل
شكرا
@@user-uw8pb8cb8z استاذ عندي استعداد نروح اني وياك لمناطق الكرخ القديمه واني اعينك من بعد الله بس سوي الحلقه
@@user-lj2ui9gi6n اوكي . لكن لازم تعرف ناس قدماء حتى نسولف وياهم . انت عندك معرفه بالمنطقة . حتى اتواصل معاك . واني حاضر .
@@user-uw8pb8cb8z اني اعرف ابن اخو الشقاوه خالد دونكي اسئله واشوف اخلي يودينه للكرخ
استاذ رءيسه الدلالات كانت بيبيت النائبه عاليه نصيف الله يرحمها والحمد لله نسلها مانسوا هل الشغله 😂 وابدعوا بيها وباعوا العراق تفصيغ
عالية كانت مؤظفة بطابو البياع . امراءة شجاعة مو مثلي اني افكر بالوطن وبالعراقيين . تحياتي
عاليه انصيف فاقت بيبيته المشعلوة الصفحة
الاسواق المركزية انتهت بعد غزو الكويت وهي بالاساس كانت ضعيفة قبل ذلك .. النظام البعثي المقبور السابق يتبعه نظام السراق الحالي لم يفلحوا في تحويل العراق نحو الافضل بل نحو السيء
لا بالعكس كانت غزيرة بالمواد خصوصا سوف الحرة لكن احداث الكويت دمرت العراق .
البرنامج حلو وعاشت ايدك استاذ مجيد
بس الاخ الي علق يريد يحولها الى مناكفات سياسية بطلوا هاي السوالف مو كافي
@@hussainalbayyati4806 اخي اي جدل سياسي مجرد واقع حال وذكريات وبارك الله ب الاستاذ مجيد وبعد احتلال الكويت تحطمت الحياة بالعراق وين السياسة بالموضوع؟!
الأسواق المركزية إستوردت مواد و ملابس و لعب أطفال من الصين بمبلغ ما يعادل 6 مليون $ و كانت الدولة تضيف 1% أرباح على ملابس و لعب الأطفال و حجز رصيف في ميناء البصرة لتفريغ هذه الشحنات من المواد الوارة من الصين لمدة ستة أشهر و زادت قليلا و بلشت موانيء البصرة تطلب من وزارة التجارة تسليمها الرصيف و بعد مخاطبات و تمديدات للفترة سلمت وزارة التجارة الرصيف الى سلطة الميناء بعد إستلام أخر باخرة من العقد .
ممنون منك على تلك الاضافة الرائعة . شكرا لكم
لو ممكن حلقة عن النساتل وبداية دخول شركة نستله السويسرية للعراق
تاريخ دخول النستلة سعر ٩٠ فلس و ١٨٠ فلس عن طريق عائلة ارمنية جيراني في بارك السعدوم عام ١٩٧٠ ولكن انقلبت السيارة بصاحب المعمل مع زوجته وبقى ابنائه في العراق يعملون ولحد اليوم .
اثقافه مرت من هنا أيام زمان الان شبه تخلف
الله سبحانه و تعالى يزيد الخير و حاليا الناس راكبه سيارات و تشتري اللي يعجبها و السوق كلشي متوفر به و الناس تگدر تشتري اللي تريده و بدون تعب، و العراقي يحن لايام الفگر و ابو الزيتوني من يجي للسوق المركزي و يضرب الصف و ياخذ الحاجه و يطلع. انتو سالفتكم سالفة اليهود، مائدتهم تنزل من السماء بما لذ و طاب و تالي يگولون لموسى نريد خيار و ثوم و بصل.
سالفتك سالفة .
@@user-uw8pb8cb8z مو بالله يا ابن العم؟ العراقيين لو يفهمون الخير اللي هم به حاليا لزاد خيرهم أكثر. بس سوالفك حلوه، استمر ، و رحم الله والديك و غفر لهما
اكو مثل ينطبق على بعض العراقيين يقول تأبى النذاله ان تفارق اهلها واخر يقول (لا تشتري العبد الا والعصامعه) نشوف اليوم كلشي متوفر وتركب ارقى السيارات وببيوتها ارقى اجهزة التبريد والتدفئه والكهربائيه وتاكد احسن الاغذيه وانواع الفوكه والسفر ومازالت تحن لايام الفگر ويلزم سره على اوتي اولا يت اودشداشه رديئه ويگول زمن الخير من الله لا خيركم
@@user-hu1hk7pj1x مو بالله يا ابن العم. بالثمانيات قنينة الحليب حسرة على العراقي، جبن الكيري نسمع به ما نشوفه، بطل البيبسي عجيب، و ايام الحصار داومت بالجامعه بالجادريه، و الله نطلع من القسم الداخلي نتمشى للكراده داخل نفوت گدام ابو الفلافل نص المجموعه ما يگدرون يشترون لفة فلافل و اشتري يوميه اربع جگاير بس. حتى السنة اللي يبچون على صدام أيامها داگهم الفگر و هسه بيوت و سيارات و سفر و أولادهم بجامعات خاصه و أولادهم راكبين سيارات و آيفون و باقي يحن للفگر، لأن صدام كان موجود مع انه ما محصل شي منه
المولات هي واجهه لغسيل الاموال ولا فائدة منها للطبقة الفقيرة ولا حتى المتوسطه....
ولاتضاهي الاسواق المركزية في فترة الستينيات والسبعينيات من القرن الماضي في جودة المعروض وتنوعه ومن مناشئ عالمية وشركات رصينة
اما المولات حاليا فهي للتنزه والتجوال
ومضيعة الوقت ليس الا...
اوروزدي باك حسب اعتقادي معناتها ours day bag معناتها حقيبة يومينا
والله معقوله اذا حجيك صحيح.
لا هذه الكلمات عبارة عن اسم محل اجنبي فكان التصور عند العراقيين هذه التسمية . لكن التسمية الحقيقية هي اورزدي وباخ
شكرا للتوضيح استاذ مجيد.
🫵🏾🌹🇮🇶🌹🇮🇶🌹👏
كثرنا من ثقافة وتاريخ عراقنا وبغدادنا الجميلة.
وهل مطبعة العبايجي قرب مطعم ابو يونان القديم خلف شارع المشجر بلسعدون بعدها لا
ما اعرف لان الفرع صار اعلانات ضوئية فقط
استاذي ممكن تتحدث جنابكم متفضلين عن سيد سلطان علي
ان شاء الله
@@user-uw8pb8cb8z كل الشكر والتقدير والاحترام استاذي
الله برنامج حلو خصوصا ايام زمان احلى أيام@@user-uw8pb8cb8z
الله برنامج حلو خصوصا ايام زمان احلى أيام@@user-uw8pb8cb8z
الله برنامج حلو خصوصا ايام زمان احلى أيام@@user-uw8pb8cb8z
استاذ حميد اما تعلم او لا تريد ان تعلم ان الاورزدي باك تاريخه شركات فرنسيه ذات عائلات يهوديه افتتحت فروع في بغداد وهيه خاصه بالطبقه الغنيه بالمجتمع لكون سلعها فاخره ومستورده ناهيك عن الرسوم الكمركيه العاليه مما انحصرت على فئه معينه ولكن بعد قرارت التاميم اممت الشركه وصودرت ليكون اسمها شركة المخازن العراقيه وبالتالي اصبحت بعد ادارة الدوله شركه فاشله وتقلصت سلعا حتى اصبحت بعد الحرب سلع رديئه وشحيحه مما ولد ظاهرة الدلالات التي كان دورها تشتري السلع من المسؤولين بالاسواق سرا وبيعا للناس بسعر مضاعف حتى اغلاقها بالتسعينات لعدم قدرة النظام توفير السلع وقتها
نعم صحيح .
اكو شخص اسمة ابو طلال هم برنامج اسمة سوالف طريق هم حلوة وبيهة قصة حقيقية 🌳
الله يوفق الجميع
@@user-uw8pb8cb8z الله يحفظك برنامج هادف بيهة احلى ذكريات الماضي الجميل